新香園

營業中

休息中

太耐冇嚟過深水埗，都唔知道原來新香園已經開咗新鋪，仲有新嘅麻辣牛治～ 咁啱今日過嚟呢邊就試下仲記得以前第一站就梗係新香園，食件蛋牛治飲杯熱奶茶， 再過對面食腸粉😂之後再行吓鴨寮街。但係值得一提嘅係新香園除咗蛋牛治之外其實豬手麵都好鬼好食～ 新鋪真係坐得舒服啲嘅，但係其實我真係掛住舊鋪，好掛住以前同艾仔一齊食蛋牛治嘅日子😕👉🏻麻辣牛治烘底純粹都係自己嘅感覺🫠中以前會食到蛋香同牛肉味，呢一份只係食到麻辣，我就覺得一般～ 👉🏻熱奶茶算係香滑嘅～ 但係食完件麻辣牛治之後，我淨係知飲緊一杯熱嘅飲品😂今日係邊食邊寫😂新鮮熱辣～ 舊舖都仲未開返㗎🥺就連合益泰都無堂食😕

嘆個港式早餐，選擇好多，有麵餐、扒餐、更有熱狗、奄列、豬仔包、麥西哥卷……唔係只得火腿通或沙嗲牛肉麵，好有選擇困難症最終揀左芝士牛肉奄列·方包·粗薯條·熱朱古力$32，見好多客都叫奄列，應該ok落單冇耐，奄列已送到，仲快過飲品，勁！奄列大大份，蛋好滑，牛肉份量多，好豐富第一次早餐食薯條，好邪惡，粗薯條真係特別好味😋熱朱古力（走奶）夠濃，啖啖朱古力味，好滿足😍小店裝修有香港街頭特色及招牌，環境乾淨舒服，店員有禮，效率又快👍

下晝三四點同女朋友行行下深水埗，有少少想食嘢但又唔想食太豐富，就睇下附近有咩好嘢小食食下咁岩行過見到呢間新香園，見好似幾出名又多人幫襯，一於就試試佢其實我之前都食過本店（堅記），都幾鐘意食佢個蛋牛治同飲佢杯茶走，所以今次隔左一段時間，希望佢仍然keep到水準！坐低第一件事就係叫左個蛋牛治烘底，而女朋友重口味啲就叫左個麻辣蛋牛治烘底等左五分鐘都唔夠就已經有得食，而質素方面我覺得都唔錯，唔錯在於我欣賞佢嘅蛋牛治做到乾濕分明 - 外面麵包烘得香脆鬆軟，而餡料則是充滿鮮牛肉汁及蛋汁嘅碎牛炒蛋，果然無令人失望而女友叫嘅麻辣蛋牛治同樣唔錯，而且我覺得更為香口，不過就真係幾辣，唔食得辣嘅朋友要諗清楚啦另外我地仲嗌左杯紅豆冰，紅豆煲得都算軟綿，但紅豆冰本身就唔夠奶香，不過不失啦

新香園(堅記)的分店同樣是在深水埗, 但是少了堅記的名字變得有點陌生, 才知道本店是兩間茶餐廳的混合. 比起本店的街坊裝修, 新店除了採光更為明亮外, 牆身也有不少舊時香港的海報及相片, 說穿了就是販賣香港舊時的情懷, 這風格無論在茶餐廳還是麵店以至是粵菜餐廳已變成一種主流風格, 有一點為懷舊而懷舊的感覺. 菜式兩間店沒有太大分別, 主打依然是蛋牛治, 對我來說它的豬手麵也是其名物.由基本的蛋牛治去到麻辣版本, 明顯是為了貼近香港人這陣子愛吃麻辣火鍋的口味. 還是最基本的口味最得我心, 麻辣味固然惹味, 但覆蓋了其肉汁和肉香, 蛋汁滲入鮮牛肉肉粒之中, 除了令口感更滑也提升其鮮香. 麵包兩面烘得金黃而夠香脆, 但內裡不會太乾, 綜合而言算是水準之作.豬手撈麵的豬手南乳味相當入味, 火候夠也令其皮肉質感相當稔, 很容易將其骨肉分離. 只是撈麵的麵身鹼水味依然偏重, 吃得出一點苦澀味, 影響了豬手本身的味道.

下午茶。到深水埗辦完事，有點餓又不想吃太heavy，路經新香園，潮聖一下。麻辣蛋牛治是招牌，但因為吃不得辣，點了蛋牛治烘底了事。上桌香氣四溢，包不算太厚，餡煎得香脆，一口下去中間還有半熟蛋汁，22蚊一份實在超值。說到下午茶，飲品一定是很重要的。我點了黑白涼粉冰，朋友點了芒果檸檬茶。涼粉冰合格，沒什麼特別，芒果檸檬茶這個奇怪組合居然有幾分“啫喱冰”味道，可口，1+1＝3，推薦。見到鄰桌都在吃咖喱飯，及豬手撈麵，下次要調午餐時間光顧一試。

🍽新香園 (堅記) (深水埗)📍深水埗桂林街38號A地下.🐮馳名蛋牛治（烘底）$22🐮沙嗲牛肉米 $23.北河街體育館出名多拳賽，其實好多運動隊伍都喺度訓練～ 我都係喺度長大㗎～😆附近就有一間老牌茶記，個蛋牛治係一定要試～ 舖頭雖然好細，仲要搭枱添，但係老闆好Nice好有人情味。其實有啲似平時小菜食到嗰隻魚肉蛋餅，煎得好香，仲好大份。推薦～ .

我次次嚟餐深水埗都一定食佢！係其他地方我唔會食蛋牛治，只係係到會叫！如果用咁平嘅食材做到呢嗰效果真係100分，佢有得揀加唔加芝士，同埋烘唔烘底如果我外賣拎走食一定係唔烘走牛油，因為啲牛油吸哂落個包度唔太好食😂 奶茶我都唔太推介，用佢舊式茶餐廳嘅質素去睇，我會形容為差👎🏻

豬手飯就唔多講， 幾淋幾好味， 係個汁就濃左少少。但最大問題係佢杯檸蜜和衛生！ 加12蚊叫左杯熱檸蜜，飲得出係用菜蜜加檸檬........odd左最慘係我一飲而盡、放低杯果下， 精神崩潰。入面有二個紅印既蹟.....一睇就知係豬手汁.....可唔可以衛生少少呀大佬！ 疫情其間可以做好少少基本衛生！ 想嘔都嘔唔切衛生欠佳，負評x 1000000000000000000000000000000

以茶餐廳來說，食物質素算係唔錯！蛋牛治好味，有汁，唔會乾柴柴👍🏼豬潤爽口豬手夠「林」夠入味芙蓉蛋飯就唔係幾得再加一杯滾水蛋懷緬一下過去，值得一試！環境、服務就一般茶記質素啦。

今天去另一家新香園試食，這次我們點了麻辣牛肉蛋治，豬手麵，陳皮魚蛋和紅豆冰。麻辣牛肉蛋治口味獨特，麻辣只是一點兒，提升了牛肉的味道，而且用的是新鮮牛肉，不是罐頭，可以再試。豬手的味道也很好，面也彈牙，但豬手若是再能軟一點就更佳了。陳皮魚蛋有淡淡的陳皮香氣，魚蛋也味道不錯，值得一試。

【瘋癲試食】｜馳名蛋牛治深水埗區有間馳名蛋牛治既老店 宜家仲開左新分店都係係深水埗區但就隔左兩條街 舖面靚左 環境好坐左 食落都開心左😂入到去即刻就叫左份馳名蛋牛治先 記得係一定要烘底先夠正 熱辣辣既蛋牛治 新鮮既牛肉超級多汁 咬落變相就好Juicy 非常之好味 之後就叫埋都好出名既豬手麵 大大隻既豬手 你以為佢會好難咬開 佢係已經炆到超級淋身 超容易就食得到😌😌另一碗就叫埋沙嗲牛肉豬潤通粉 沙嗲牛肉都係用左新鮮牛肉去整 加埋厚身黃沙豬膶 簡直就完美 無諗到尼到既豬潤都咁好味 最後黎多份溶化你心西多士 個心心牛油完全俘虜左林小姐😂😂 都真係呃得到下人既 但尼到既西多士入面竟然係無料嫁🥺🥺 搞到有啲失望😟

💕今日去開深水埗行街，同朋友揾個地方飲個下午茶，就選了附近的新香園😍平時經過都要排隊，但今日好好彩，又唔使等喎😜黎到依度，當然要試吓馳名蛋牛治，我哋仲叫左西多士同兩杯凍野🙆🏻‍♀️🍳蛋牛治-多士烘得夠脆，d牛肉係用新鮮牛肉整，唔係平時罐頭碎牛d味，一咬落去，熱辣辣，d肉汁喼出嚟，好正😋同朋友share，食完覺得唔夠😂🥪西多士-點解會用鬆弛熊造型牛油，實在太可愛了😍令我少女心爆發😜味道正常，但略嫌邊位燶左少少✍🏻飲品正常，沒有太大驚喜😝全部散叫，唔算抵食😂

大部份人黎新香園都食麻辣蛋牛治，但我反而鍾情佢碗炸醬麵，次次黎都必食。平時食撈麵要加錢，但呢度碗炸醬撈粗只係廿零蚊咋。睇落碗麵唔係好大碗，但當肉絲，麵同醬一齊撈起時，感覺上大碗左，當宵夜食份量啱啱好。佢嘅炸醬好惹味，但又唔會太咸，食完唔會感覺口渴，應該冇乜味精。佢仲有碗細細碗嘅胡椒湯，辣辣地，好想添多碗呀。加埋杯濃滑奶茶，圓滿的一餐。如果下次再黎，等我都試下佢個蛋牛治，睇下有幾吸引先得。當然我會繼續encore 炸醬麵啦。

深水埗汝州街其實都有好幾間食店，唯獨呢間我比較鍾意食，由於係現在疫情關係，入面嘅坐位有啲改動，除了卡位，入門左手邊一排改成多張細摺枱兩人一枱，圍上高高嘅格離板，個人感覺做得幾安全，呢度好多人都話要食豬手，我個人都好認同，但係食得豬手多，都要轉下口味嘅，今晚就叫咗牛筋腩撈粗麵加凍檸茶，首先我身為一個大男人，一個餐嘅份量夠唔夠食係好重要，每次食呢間一定唔驚食唔飽，其次就當然要好味先得啦，如果比你大大份但好難食都幾難頂。牛筋夠入味又夠煙韌，炆得剛剛好，牛腩當然都係好入味好鬼正啦，重有就係佢哋撈麵跟嗰碗湯都好好味，我個人每次如果要去深水埗行街買嘢，呢間係我首選餐廳之一🥰

|深水埗傳統茶記 馳名蛋牛治豬手麵🥪🍜 深水埗出名多老字號，其中有茶記新香園，而新香園最賣得嘅就梗係蛋牛治同豬手麵🥪蛋牛治 (烘底) $20+(1)係沙嗲牛肉同蛋炒埋一齊再夾落搽咗牛油嘅方包牛肉足料，比例多過蛋，肉汁豐富，香鹹味偏重，啱重口味嘅朋友仔，個人頭幾啖覺得滋味，食到一半就嫌膩包身因為外賣吸咗水氣，冇咁乾脆😋味道:6.5/10 🍜豬手麵 $27 食落比望落更加好食豬手南乳味出，夠冧，一咬就皮骨肉分離，膠原滿滿鹼水麵爽口，份量正常湯汁偏鹹，鹼水味重，個人唔會飲😂😋味道:7/10 整體而言食物有餐廳風格，唔係度度食到，不過略嫌重口味 (可能小JunJun胃口偏淡😝) 豬手真係可以一試，聽講餐廳牛筋都出名，試咗可以話我聽好冇味😌建議疾情隱定後堂食，一嚟可以食到真正質素，二嚟可以感受傳統港式茶記嘅環境🥢