新高麗苑韓國餐廳

營業中

休息中

我地去試個午餐SET，八十幾蚊一個 ，係灣仔黎講算係幾好 ，SET有主菜+茶+甜品+前菜 +湯🍱我叫佐個雜錦飯 😜貪佢咩都有啲，最正係佢D前菜 ，款式多樣化 ， 多款前菜可揀 ，每人可揀2款 ，推介魚餅、魚乾、薯仔、豆卜、醃青瓜等等！💖另外都有湯送 ，今次飲既係胡椒湯 ，感覺唔辣 ，幾暖胃！🥹最後食完仲有甜品 ，今次送既係JELLY！🙃🙃賣相就普普通通 ，勝在感覺似韓國住家飯，飯既份量非常多，LUNCH唔錯之選，我最後都食唔哂喔～

本身約位朋友去食午餐，午餐時段要人齊先可以入座都十分理解但眼見遲過我攞位嘅3位女士都可以入座4人枱，便多口關句：「唔好意思，請問係咪要人齊先可以入座」櫃檯阿姐：「係呀，要人齊」我：「但佢4人枱，得3個人都可以入嘅」（重點係遲過我嚟🙃😅）櫃檯阿姐：「佢哋有9成到咗喎」（心諗：4人枱，3個人到咗都叫9成？）我：「乜咁取巧嘅，又話要人齊，而家又話9成」櫃檯阿姐：「你都話我取巧啦，想俾你入去坐都唔得，咁惡」（之後仲要聽到佢同另一個待應姨姨講我）…………..我咁都叫惡😂，惡在哪👉🏻👈🏻？真係唔怪之得d人成日話香港飲食業死得，係佢哋自己搞彎自己🙃

同朋友仔平日lunch time 去食，到餐廳時都唔算多人。落單時因同行朋友是外國人，不是太明中文。侍應就有點不耐煩，不讓我們選擇小菜，說不能等我們選。未食完，整張枱都是食物就問要唔要收走，根本就在趕客吧。詢問是否有限時還枱，又說沒有限，仲叫我唔好講咁多，我們落單連食完都沒有1小時。真是嚇親 ！ 多人可以等可以同客人講一聲，可能理解的。而不是沒食完就話要收野。食物就正常發揮不過不失，價錢算實惠。不想被趕就真的別在午餐時段去。

話說上星期日中午午飯時段，去到一間灣仔韓國燒烤新高麗苑，上到去大約得3至4枱客。我們共13位成人,見到有空檯咪叫 侍應開一邊畀我哋坐囉，但侍應話要坐埋呢邊， 但我哋反而覺得非常狹窄 要求佢開另一邊但佢話另一邊係唔開 ，要坐到迫迫劫劫，火氣冒升，立即走人

咁因為時間早佢哋想去返上次好多人嗰間韓國餐廳好彩真係無乜人有窗口位坐好開心🔆牛小排骨配白飯 🔆牛肋肉配白飯 加送 牛骨牛肉蘿蔔湯再附送6小碟我至鐘意食牛仔骨，醃得好夠味，燒得好淋牛肋肉都係，醃料配搭得好好，燒得好juicy 唔會鞋颯颯牛骨牛肉湯，胡椒風味，有小小辣，阿仔唔like但我至愛！ 6小碟：大豆芽、煎海鮮餅、炆薯仔、韓式魚仔、粉絲炒雜菜、冷製芝麻波菜海鮮餅：脆卜卜，好似pan cake 好味炆薯仔：好淋好入味🔆海鮮清湯麵都好大份，有蝦、青口、蟹柳、日式魚蛋、白魚丸、魷魚仔，再配蛋花紫菜海鮮湯麵，味道清甜！最後仲附送 青檸啫喱（唔記得影相）😄

昨晚去了食晚餐任食、環境衛生、食物都不錯、服務態度良好、並沒有像之前留言的那麼惡劣、而且裝修十分新淨、食物種類都很多,（有韓式前菜有湯有啫喱有糖水有雪條）、有些熱食是即叫即整、侍應更會主提供服務、值得一去再去的餐廳！誠意推介有👍👍👍煎餅！好鬆脆不過頭輪先有冇得再點👍👍👍羊扒！一般任食場唔會有呢啲大大塊連骨厚肉嘅羊扒👍👍👍炸饅頭！都係鬆脆如果要彈嘅就係冇任飲汽水果汁淨係得糖水湯同埋熱茶同埋門口要上樓梯老人家未必去到

想和相識幾十年老友重溫舊時食韓燒味道 但食到一肚氣 不斷來錯食物 只懂叫你加錢叫飲品 要追食物令你唔係好夠時間燒同食 未夠鐘係咁來收走枱上東西 怕左佢地諗住拿雪条一支順路埋單一路吃 費事左佢地執枱 阿姐仲好似當你係賊 態度極差話唔俾拿走的 咁我唯有坐番埋位食 另一個阿姐走過來話佢地服務已經好過牛角 牛角會趕人走 完全無諗過人地落單係用機同埋食品質素分別 都唔會嘗試了解點解人地生意咁好的原因 老店吖老店點解要退步趕客 再見喇黑名單

今日嘗試呢一間餐廳真係好難食，入邊嗰啲豬肉，牛肉，羊架都係醃到爛晒。非常失望趕客。最令人失望嘅就係服務態度超級差。竟然要換塊新的鐵網要加錢。真係不知所謂，勸喻大家千祈唔好嚟呢一間食。先講起羊肉，啲肉又爛又梅又酥，甜品有冇任何選擇，我揀咗一個冰糖雪耳糖水，又甜又凍根本就係劣食。只可以講係環境坐得可以舒服，因為眼見唔係太多人嚟幫顧，可以自由揀卡位坐。如果真係大家想試韓式嘅話，出邊仲有大把選擇。。…。。… 價錢不是太平，一個人都要$288 加1要$320

1. 提供多款前菜必選魚餅、魚乾、薯仔、醃青瓜😋2. 午市套餐多選擇最驚艷嘅係腩肉，係用牛腩燜嘅，唔韌👍🏻Ps. 朋友生日提供好好嘅服務，可以幫手雪蛋糕、又提供餐碟、會幫手點蠟燭👏🏻👍🏻

以前成日都來啲到食的但因為搬左後，地方細左坐位近左，所以成日都好嘈就無再來前兩日好想食就再來試下唔知係咪落雨，今日小人左好多所以終於可安安靜靜食一坐低，職員送上韓式8小碟有泡菜、大豆芽、粉絲、魚餅、豆腐、薯仔、沙律。。。7款熟食加埋一盆菇。。。8樣😂跟住自己order 肉類同埋生菜唔知係咪真係太耐無來過食物質素好左，醃肉既味道都好左生菜包住啲肉，真係好好味食得好開心最後仲有啫喱同雪糕（忘記左影相）

有同事提議食韓國嘢，上網搜尋左呢一間餐廳，而且訂左位。不過嗰個體驗真係唔係太好，所以我就想同大家分享下啦。首先，入座嘅時候佢哋就冇講明有冇限時，不過lunch time有幾多時間食飯，大家知，我哋呢啲社畜，都要趕返番公司繼續下晝要交俾老闆。食到一半嘅時候，大概坐低計35分鐘到，就有唔同職員輪流過嚟叫我哋快啲食完，令到我哋好唔舒服。當時係有人等位，可能佢哋係想快啲轉檯，不過都唔應該咁催促客人。我同三個朋友都只係食到一半，就已經有職員嚷住我哋要收野抹枱啦，真係相當唔客氣。如果我哋係食完晒嘢，坐喺度傾偈，佢哋一直催住我哋走，我哋唔肯埋單走，或者係我哋唔啱，但係我哋真係仲食緊，食到一半甘俾人催住食，真係好唔舒服。大家都係俾錢，我覺得真係唔應該咁樣對待客人。都要講返句公道說話，佢食物質素係OK。雖然唔係平。但係對得住佢係灣仔八十幾蚊個餐。**當我哋出去買單嘅時候，聽職員同等位幾個閑談間知道，原來係熟客仔嚟嘅，咁冇計啦，我哋呢啲久唔久先去食一次。就係俾人咁樣對待。呢間餐廳嘅體驗真係唔太好，職員催得好過分，有個別職員嘅說話都幾難聽，令到我哋幾唔開心，態度就算數咪提。都係嗰句，唔係唔使錢，有冇優惠。點

這家店要走約50級樓梯，一進去就是一個大大的錦鯉魚缸，錦鯉魚非常大條、有活力。午市飯餐 $72, 未包加一 。一套餐包兩道前菜，可以落單時講要什麼前菜，店家如有都會提供，我挺欣賞的。我們點了牛肉和雞肉飯餐。前菜我點了魚仔、薯仔、小白菜和小豆芽（綠豆芽）。留意如前菜不合胃口，可以說不要這款，要轉什麼。新高麗苑的前菜除了前面那四款多，也有 醃青瓜、白蘿蔔、大豆芽（黃豆芽）、菠菜、青菜、泡菜，等等。。。。。。現在提供的湯是胡椒湯，有新鮮翠綠的香蔥作首，濃濃的骨湯和切到小絲的豬肚，非常適合常在強勁冷氣下工作的人，飲完暖笠笠，係辣嘅。飯是大碗的，但配湯、前菜和主菜一齊食，都可以食光整碗飯，非常美味。服務員服務很好，落單準確、前菜要求即時落單，上菜無出錯，快手，還添了茶兩次，勤快

抵食嘅放題韓燒,價錢OK質素好食,店員服務態度都好好,前菜比想像中多選擇,而肉類質素都好入味,款式多選擇,仲有海鮮同埋甜品🤤不過飲品方便，就要另外自己俾錢叫,但係價錢都OK嘅😊

放假就嚟灣仔食個lunch,今次就揀咗呢間新高麗苑食個lunch set首先我哋揀咗一個紅炆腩肉同一個雞肉!侍應服務好好,首先會沖咗杯熱茶俾我哋先,揀完lunch之後就上小菜！咁兩個人食呢就可以有四個小菜嘅,嚟到發現唔啱食仲可以換添個lunch會跟一個白飯同一個牛骨湯,牛骨湯就有啲胡椒味嘅非常之暖胃！今次前菜就有魚仔，薯仔，芽菜同埋青瓜全部都係我最鍾意食嘅前菜！紅炆腩肉超級入味仲配埋蘿蔔同埋冬菇，雞肉都好鮮嫩好好食！食到尾聲仲會有啫喱，真係性價比超高！

新高麗苑🇰🇷小編以前喺灣仔返工，以前放lunch最鍾意食呢一間韓國餐廳💓一個套餐$73，就有齊牛骨湯、兩個配菜、主菜、白飯同埋甜品，幾十蚊就有交易，仲要非常好食😋😋 十個推介👍🏻⭕️牛骨湯🐂除咗有牛肉喺入面，仲有少量昆布，味道都幾濃郁，識開濃味嘢嘅你肯定鍾意🐮配菜 - 每個套餐兩份呢間舖頭所有嘅配菜都勁好食！每一日都有十幾款選擇，如果冇指定嘅話，店員會隨機拎俾你，建議大家如果同我一樣鍾意食配菜嘅話叫多幾個朋友仔同你一齊嚟，咁你就可以食到好多款唔同嘅配菜💓💓例如四個人一齊嚟食，佢就會比八個唔同嘅配菜你🤩我成日都覺得淨係食配菜都抵，真係每一碟都咁好食主菜有豬、牛、雞、墨魚等等嘅選擇，個人比較食得多嘅就係豬同雞，佢個肉類醃得好入味，配白飯啱啱好！甜品我掛住食唔記得咗影相🥹佢就係唔同口味嘅羅拔臣啫喱配花奶，雖然唔係咩貴價嘢，但係好似搵返兒時味道咁，晏晝飯都有個甜品作結，覺得心靈得到滿足了😜