新麻蒲 BBQ (形點) (已結業)

去到元朗唔知食咩好2隻食肉獸一致決定食燒肉就黎左呢間 新麻蒲入到去 都好大好多位因為佢有抽油煙機所以都唔會話好多油煙埋位就 窄左少少高或者腳長既朋友要小心撞到腳咁坐低就睇下食咩啦主要都係睇套餐最後我地叫左個期間限定既二人餐同2杯野飲啲配菜都幾令人失望佢有生菜俾你包住啲燒肉食既但係！居然無蒜頭同辣椒！同埋好少辣醬！跟住有啲泡菜 海帶 同芽菜做冷盤海帶好咸好咸食左2啖 不了個爐邊蛋 其實我好鍾意食蛋但佢整得真係太難食啦食剩左好多 好失望2杯野飲就 不過不失啦2個人加埋食左600蚊自己就覺得唔係好值呢個價失望～

啲蛋係可以仼加，一開始佢係會加啲泡菜落啲蛋到，不過之後就冇得再加泡菜落啲蛋到叫左4份，4份嘅分量就係得咁少，4份分量黎講真係好少，而且仲百幾蚊一份，不過就買3送1，每份就有肉同菇，仲有一碗紫菜飯，其實分量都好少，不過叫左餐之後等左好耐先送餐依個沙津係可以仼加，佢上面啲醬係有小小酸味再加啲粟米，同啲菜好襯，味道好唔錯啲生菜、泡菜、芽菜都係可以仼加的

星期六行開元朗天氣太熱唔想行太遠所以係商場揾野食經過見到餐牌價錢合理就入去試下午市有燒肉套餐都幾吸引但天氣咁熱唔太想食就叫左普通set lunch 款式都算多包埋飲品坐得都選舒服同埋抽氣系統唔錯格離枱燒烤都唔太大味叫左芝士炒年糕伴拉麵平時去韓國餐廳一碟好貴難得呢到有得叫就叫黎試下一上碟，份量都幾多比我想像中多好多我以為lunch set 份量會好少點知佢份量咁多🤦🏻‍♀️最後都係食淨味道不過不失唔太特出都係普通辣年糕味辣辣地幾好味芝士有用火槍燒過有少少拉絲效果麵質過硬可以煮奈少少反而亮點係前菜醃得好好食

呢間野大家不必去，員工服務差爆又整瀉水又晤理客人，只會談天，食物又差牛肉無牛味又難咬，牛骨湯是什麼鬼東西，真想問店主，你有去過韓國嗎，點解可以整出啲咁嘅爛質素！大家不用去，我去過很多地方食韓國野，未試過食咁難食既野，不要看他裝修有多美，環境好但一望上面全是塵，食韓牛食到咁，真係第一次。。。。。。。。。。。。。。。。。。。。。。。。。。。。。。

星期六好心情諗住食個好西 諗起yoho下面有間新麻蒲就想去食下肉 多人就預左 等左成個鐘先入得 但起出面睇入面係仲有好多位 擺明係員工做野慢由晚飯時間等到變左happy hour 成9點先入座，仲要安排我地坐廚房洗碗隔離全程就係乒鈴乓啷既洗碗聲 啲洗碗姨姨仲要係咁好大聲嘭啲碗碗碟碟 嘈到全程我同朋友係要勁大聲講野 淨係想快d食完走一坐低就上咗啲小食 雖然都係嗰啲 但係除咗泡菜都係比以前冇咁好食既然等到變咗happy hour 就叫左佢呢一個餐但係其實份量係極細 用個杯仔裝 每款肉得4-5舊 如果淨係叫肉係一定唔會夠飽 雖然無可否認佢嘅肉係的確幾好食 好入味 唔需要點太多醬都好食，但係佢啲員工真係好慢 好幾次不停㩒個鐘都係冇人黎 要我哋自己主動叫佢 仲要西口西面 越食越燥底！於是就追加左個飯 只係加咗$48係幾抵，但係味道的確麻麻最令我失望係呢個泡菜煎餅，因為太想食嘅關係特登正價加咗$75叫和黎食，同埋我記得之前食過係好好食嘅，但係嚟到真係好 失 望 塊煎餅厚到不得了 一食落去成口都係麵粉，海鮮同泡菜都唔係特別多，啲蝦都唔係特別新鮮總之係好耐冇食 特登排左成個鐘結果係咁嘅質素，真係好失望

去左元朗Yoho食韓式燒肉，原本我book左7:30pm，但早左10mins到，侍應叫我照坐住等朋友。望左個menu，好似食set會抵過散叫。平時都成日食豬肉，於是今次我地叫左個牛肉套餐（大） $698。由於唔太鐘意食部隊鍋，我地升級$28叫左個全州拌飯。牛肉套餐第一層係特選什錦拼盤，有大蝦，菇，香腸，年糕。第二，三層分別係霜降牛肉，牛肋排，秘制排骨同埋牛五花腩。d牛望落好新鮮，呢款牛肉套餐可以食到牛嘅唔同質感。之後就係霜降牛肉壽司，本身係生牛肉黎，侍應會問你想要幾多成熟，用火鎗幫我地燒，呢款牛壽司都好味，真係入口即溶。最後就係全州拌飯，其實都係一般韓式餐廳嘅菜式。呢個餐絕對夠2人享受。

對比價錢，食物份量少，僅有的幾片豬肉可以係全肥，仲要冇咩味道…野飲點左酸梅汽水，係藥水加未雪過既啫喱味…可能夜晚或者食燒烤餐會好d 掛，但係午餐時間真心唔建議試。

今日和同事到元朗分店吃午餐，我一向對韓國食物印象麻麻，很多食物也偏辣或味道太濃，好像沒有期望的心情去嘗試，由於午餐買三送一，價錢亦1尚算相宜，店舖位置YOHO MALL地下，很容易找到，點了牛肉牛濃湯附送白飯，先來前菜，有四碟不同款式的錢財，味道也不錯，主食方面牛骨湯味道濃郁，容易入口，湯內還有很多牛肉，起碼有六至八片，還有麵條伴湯，不過略嫌麵條偏軟，除此之外還附送白飯一碗，濃湯可以送飯，午餐來講份量相當足夠，點了特色飲品，味道也不錯

元朗嗰間一向多人，即是攞咗飛，要等佢執枱都要10分鐘，入到去卡位普通舒適，多數是四人坐，嘢食方面，比較推介牛類食品，最好食係佢個牛護心肉，燉牛排骨，辣炒章魚都唔錯，幾有水準，套餐嘅話啲肉嘅質素就比較普通，個人認為唔太好食，當然得午餐比晚市嘅要平得多，做埋會員可以享有九折優惠，比較化算，之後續會，仲可以額外得到大約$200嘅折扣優惠券，依間嘅買單速度慢，由於我做咗會員，一年會去食大約六次左右，每次買單都要15mins左右 ,有心去食嘅提早埋單

訂左位食呢個限定嘅99蚊任食五花腩餐。首先環境非常好，韓燒最緊要唔好周圍都係油，呢度算好乾淨。配菜如相都十分之足夠，唔夠可以再添，但就係冇筆者最想要嘅蒜片。呢個餐得一樣野食，五花腩。就黎燒完就好再order，唔好浪費時間。一碟有3至4片厚片，燒至熟透大約要15-20分鐘。雖然冇咩點調味，但豬肉本身嘅味道再加上唔同嘅配菜，真係冇得輸。如果佢轉做任食，真係除時都可以encore。正！用餐日期:5/3/2019是餐費用:$217.8味道:9/10環境:9/10性價比:9/10

新麻蒲韓燒一向定價都唔太平，難得今日做推廣99蚊任食五花腩加前菜沙律梗系要試下啦。首先排隊唔多人，全部人都2點開始可以分批入座，但本人覺得職員態度散慢及做事沒有條理，因為我明明第一個排隊，但佢無俾飛我，之後又相繼派飛，總之我又變左等佢逐一安排入座用多左15分鐘，但只係入左5枱客。食物方面由於只有五花腩一樣食物，中規中矩啦…以99蚊來說係超值嘅。反而前菜唔錯，尤其沙律有驚，新鮮可口又唔出水，海帶酸味清新可以解解五花腩嘅肥膩口感。

爐邊蛋其實好多年前已經有，但好多韓式bbq 已倒閉or 已經無左爐邊蛋，今日心血來潮，想食返，見到新麻蒲竟然仲有，所以就衝左入去食。因為呢期有豬流感，都唔敢叫豬肉食，所以我地就叫左個牛肉set 套餐，價錢我依稀記得貴了少許。未上肉之前，枱面已上滿曬了前菜，而我都好鍾意食韓式前菜🤤牛肉套餐另外仲有少少蔬菜同蝦爐邊蛋部隊鍋以前記得好似無呢個鍋，可能因為咁個套餐價又貴左。不過有都唔錯，可以食多樣野！燒到咁上下，職員仲會主動換爐同埋問你仲需要需要refill 蛋醬！！！好正。

佢3月4至3月6有個99蚊任食五花腩，就同朋友仔食。撳個鐘仔叫啲妹妹仔添返啲水，五花腩，前菜，一直都好有禮貌，但係啲嘢就一直好耐都唔嚟。叫多幾次都無反應。啲嘢嚟到就少到喊，得一碟，一碟得三條五花腩，六個人食三條？！乞衣？！臨走前朋友仔講返，啲侍應自己圍裏話：唔該前唔該後，有禮貌就攞俾你呀？我就係唔攞呀！

情人節當然要同男朋友一齊食好嘢啦🤗,早一日打電話去book咗八點半食dinner去到仲安排咗一張靠窗嘅卡位畀我哋😊揀咗好耐,都係決定叫佢哋嘅雜錦套餐.貪佢乜都包曬有得食.🤤不過可能節日嘅關係,都等咗比較耐先有得食,而且店家講過限時90分鐘,呢方面希望下次可以做得更好啦.😲但係就食物嘅質素嚟講,真係冇得輸💃大部分肉類嘅調味都做得好好,食得出唔係用一啲好cheap嘅食材.另外發現咗一個大驚喜,就係原來鐵板燒杏鮑菇，吸曬燒肉嘅油份，同醬汁，真係超正呀😍而家諗返起，都好想過去食佢哋個燒杏鮑菇同燒五花肉😋

喺韓國食燒肉，所有前菜都可以免費refill，喺香港韓燒餐廳就好少有，但新麻蒲就做到，而且啲前菜仲好豐富添！一坐底即刻倒上芝士泡菜爐邊蛋，同擺上5碟前菜（2款沙律、泡菜、海帶、酸蘿蔔）全部都酸酸地，好開胃。未叫野食已經擺滿成張枱咁濟！午市套餐買3送一，如果4個人黎食真係好抵！我地兩個人黎食，叫左特級午市套餐同牛肉牛骨濃湯。牛肉牛骨濃湯會配一個飯，入面仲有麵，驚死你唔夠飽咁！🤣🤣我覺得個湯偏咸，而且啲麵都6得太淋！入面都有好多塊牛𦟌午市特級套餐有牛霜降肉、牛肋排、護心肉、五花肉同菇菇。再加呢個海鮮大醬汁，呢個本來應該好好味既，辣麵鼓湯底，都幾多海鮮喺入面，有蝦、魷魚、青口，個湯汁又係好好送飯。不過店員無提我地要睇火，我地掛住食其他野無理佢，攪到有啲燶味😢係我地既錯火力十足，燒五花肉，正呀！最鍾意包菜食，加小小泡菜、麵豉醬，再點小小麻油（佢個麻油好香)，好味😋護心肉同牛肋排係腌左既，佢個腌料甜甜地，唔使點醬，就咁食都好夠味！我覺得牛肋排最好味！個爐邊蛋最好熟左就盡快食哂，咁先夠滑，仲食到芝士味。一燒耐左就會變乾變硬，無咁好食㗎啦！Overall 我覺得都唔錯，前菜好加分！肉既質素就ok啦！