方太糕品舖

營業中

休息中

媽子大愛傳統糕點，經過油麻地廟街，醒起方太搬新舖就立即去買幾件孝敬媽媽！所有糕點全部新鮮製作，真材實料🔸黑芝麻糕 & 黑芝麻卷黑芝麻磨得幼滑，有淡淡芝麻香，熱賣之選小店仲有白芝麻卷，坊間少見！🔸馬蹄糖馬蹄清甜又爽口🔸椰汁糕比較普通，不過不失🔸白糖糕唔會太酸，發酵嘅氣泡層次分明🔸砵仔糕大愛推薦！軟硬適中，紅豆大粒👍🏻總括🔹人手製作，性價比高，傳統特色糕點，微甜適合注重健康嘅朋友，價得一試！

個日夜晚去到完全唔使排隊見到仲有一條黑芝麻卷本身好鍾意食芝麻卷又唔使排即刻買黎試食落冇咩黑芝麻味，偏爽口似馬蹄糕落多，黑芝麻反而冇乜好彩唔使排隊但唔會encore

平日lunch time搭一個站去買，要攞飛，等左12張飛，等20分鐘先買到，員工包裝好慢。平日1:30pm去到，最想買既龍眼紅棗糕已經賣曬。個日叫左紅豆椰汁糕 x 3件、綠茶椰汁糕 x 3件、杞子桂花糕 x 3件、芝麻糕 x 3件。$21/3件，總共$84。口感：不似預期，以為係煙靱口感，實質係大菜糕口感。味道：每種口味差唔多味道，味道都唔太出，食唔出每種有咩分別。芝麻糕應該係比較出名，芝麻香味係有小小，但食落都係無咩味道。

有米芝蓮加持嘅人氣糕品舖係佐敦廟街重開，今次專程到訪一嚐多款傳統糕點！大家黎到要先自行攞飛，等嗌no.再買~ 估唔到平日黎都要等半個鐘先買到今次就試左十一款糕，發現方太嘅糕大多都光滑富彈性，甜度低，但味道偏淡最搶手嘅芝麻卷滑嘟嘟，爽口富彈性，中間有白芝麻粒增添香氣同口感，不過芝麻味就淡左啲。反而芝麻糕就濃啲，一樣夠滑但偏硬身。千層系列同紅棗/桂花糕都麻麻。綠豆紅豆馬蹄糕就幾足料，但食材味道都唔算好岀~整體味道一般 少失望，未必會encore，唔洗排隊嘅話都有機會買條懷舊芝麻菲林卷咬下💰糕 $21/三件💰芝麻卷 $35/條

唔……芝麻卷真的好食有香濃既黑芝麻味間中有好少少量既白芝麻既口感➕香口層層既厚度ok令整片好彈牙🤩另外椰汁糕有啖啖既椰香👌🏻其他既就沒有感覺了…#芝麻卷#椰汁糕#方太糕品店

見新假期介紹好似好正咁，所以尋日走咗出去買比媽咪試吓順便大家一齊試吓。出到去3:30pm , 要拎號碼飛，睇一睇張飛幾號先，哇！痴線要等過百張！！買幾件中式糕點都等過百張飛😅但專登出到嚟又諗住買糕點應該唔會好耐嘅，就等吓。好彩有朋友陪我，我哋等咗一陣就提議去行下睇吓有冇咩掃街，點知好多都未開😂兜咗個圈就返去等。最終我哋等咗差唔多2個鐘😅排到我哋已經唔係得返好多種類產品（只有芝麻卷，芝麻糕，紅豆糕，黃糖糕同白糖糕）眼見我好想試嘅千層椰汁糕同椰汁馬豆糕同砵仔糕都無了，問佢仲其他糕會再出，佢就話5:30會有砵仔糕，睇一睇時間仲有15分鐘，更係等啦！等嘅時候就試吓佢好出名嘅芝麻卷先，一咬落去，um…….無乜芝麻香味又無乜甜味係個口感都叫ok有啲啲咬口，以為咬下咬下啲芝麻香會走出嚟，點知食曬一舊都無😭😭心知不妙，最出名嘅芝麻卷都唔得，其他應該都唔使點試，之後等到砵仔糕都有喇，就即刻買埋走人。當去到車站嘅時候拎咗一個試吓，☹️又中伏，啲紅豆硬硬地同埋個糕唔夠煙韌（開頭諗可能太新鮮，要再凍啲可能會煙靭啲，但到晚上再試，都係唔係好煙靭）😢等咗2個鐘，最後係失望，名大過實，太吹噓佢有幾好食仲係米芝連🤦🏻‍

好耐之前已經聽聞過呢間糕品店好出名，尋日見到佢話重開，今日即刻去試吓佢。排咗40分鐘終於買到！買咗芝麻糕、砵仔糕、桂花蓮子杞子糕、椰汁馬豆糕、椰汁千層糕、馬蹄糕、紅棗糕、芝麻卷同埋白糖糕。除咗芝麻卷，砵仔糕同白糖糕係唔同質地，其他糕都係用馬蹄粉做，全部同一質感。椰汁馬豆糕：椰汁味唔重，少甜，馬豆得少少，差啲食唔到個馬豆味。桂花蓮子杞子糕：桂花味上算香，但蓮子得嗰0.1 mm，質地仲要比較硬，完全覺得同成個糕唔夾。椰汁千層糕：好淡味。紅棗糕：味道都OK。馬蹄糕：終於係多料，馬蹄味都香，少甜，無特別。黃糖砵仔糕：砵仔糕偏淋身，紅豆大粒但係有啲硬，黃糖味唔夠香。芝麻卷：芝麻味唔夠香，相比之下銅鑼灣嗰間好食好多🤷🏿‍♀️白糖糕：質地偏淋，仲要有酸味🥲深水埗嘅生隆餅家比佢好食好多，又彈又無酸味。食過一次真係唔使再食，完全俾人吹捧得太勁，浪費時間金錢🤷🏿‍♀️

方太糕點轉了新店舖,特登去支持下,因為整懷舊糕點的店已經不多,可能漸漸不再見到,尤其是好似菲林筒形狀的芝麻卷,出面已經無人會整,真係幾香又滑口的。不過呢,價錢確係變得貴了一點,芝麻卷要$35一條,其他糕點就$21三件,但都係個句,小店是要支持下,經過就買件食下。

上個月某日心思思去方太買糕，點知舖頭無咗，仲以為又多間老店敵不過疫情。心灰灰搜尋到佢新舖今個月開，新址位置比舊址方便。擇日不如撞日晚上急急腳行去都係6點啫，見到無乜人棑以為自己好lucky，點知原來係unlucky，架上1件糕點都無梗係無人棑隊啦！吓～乜唔係營業時間至晚上10點架咩⋯下次要早d去。新舖門面和舊舖無甚麼大分別，價錢預咗搬咗就會貴咗21元3個。

從來都話米芝蓮係死亡之吻, 今次又一例證方太甜品舖以前都有幫襯開, 原本喺油麻地, 除咗街坊生意之外, 好多區外人都慕名而來 佢哋出名甜品糕點; 本人尤其喜歡芝麻卷同椰汁紅豆糕😋細個時去舊式茶樓飲茶，一定會叫菲林食 呢種味道永遠都唔會忘記 而而家嘅酒樓，為咗節省成本同省卻工序, 一般都好少會見到呢啲甜品然後今年初佢哋得到米芝蓮推介之後, 業主大幅加租，令到佢哋要逼遷; 好彩而家都搵到新嘅落腳點, 比較近佐敦, 亦都比較就腳我覺得除咗要支持本地小店之外，亦都應該要保育懷舊美食, 否則將來可能再食唔返🥲