日の苑西日式外賣專門店

營業中

休息中

平時lunch都諗唔到有咩食，所以今次就求其搵咗一間嘢食啦。突然又想食日本嘢和所以又有呢間叫做日之苑嘅日式外賣店買咗個日式丼飯咁呢間嘢呢就可以先用WhatsApp落單，跟住然後等一陣就過去拎就可以買完即刻拎走食，唔使喺嗰度買完門口等勁耐先有得拎最後呢個三文魚飯係$55嘅份量，我覺得比較少而質素亦都係好一般囉三文魚感覺一般般會有厚度唔使滑太厚算適中啦唔知因為買外賣店關係，啲飯真係好麻麻，亦都唔算話太熱剩低感覺我覺得一般般性價比亦都係低嘅

今次叫咗個汁燒牛舌飯覺得每次都有蛋食好感動，每個餐一定會配一隻蛋👍🏻配飯嘅汁都幾好食，有少少香草味，少少豉油同埋喼汁味😽 覺得佢嘅牛舌都幾厚身，而且有六塊可以食，份量都唔少，啱晒我呢啲大食人士🫡

平時已經有喺呢間外賣店買外賣每次食都覺得好幸福因為外賣都可以做到咁出色👍🏻今次叫咗燒豚肉便當，隨餐有加州卷同埋芝士年糕全部都好好食燒豚肉嘅醬汁好惹味，有洋蔥夾埋豚肉，又有菜感覺上好有營養😽芝士年糕有鹹鹹地嘅芝士味，芝士愛好者必食🙌🏻

我用「爭鮮」的三倍價錢在「日之苑」買了六件蟹籽壽司，可惜「日之苑」質素差過「爭鮮」好多，失望之餘，亦都好唔開心，落到咁大雨，專登去買外賣，結果……。 我勸告各位街坊唔好以為價錢貴，質素就會好。有時啲嘢唔係成正比。後來我又去咗爭鮮買咗六件蟹籽壽司作比較，至少爭鮮鋪得d蟹籽平，賣相正常、味道亦唔錯。

星期六經過呢間舖，從來未試過，就想試一下，買左份牛油果天婦羅蝦壽司，結果等左好耐，後面遲過我落單既人都已經羅到便當，我壽司仲未見到蹤影，問店員就話等等，態度好差，之後我話如果仲未整，我不如取消啦⋯⋯店員好似聽唔到咁，一句回覆都沒有，跟住我就見到廚房先開始整我份壽司⋯⋯賣相有幾差，你地自己睇，老實講係平既，但平就應該咁樣賣相？ 味道係不難食，但以後都唔會想再幫襯，又慢又態度差，希望你地生意越來越好啦！

每次路過「日之苑」，一定感受到這間餐廳的熱鬧氛圍。平日經過總是看到長長的人龍，今天終於有幸避開人潮，立即把握機會品嚐這家日本小店。我選擇了午餐和風牛肉便當。這份便當不僅包含了美味的牛肉，還附送兩款小食和麵豉湯，真是物超所值！我選擇了南瓜薯餅和小丸子作為小食，這兩款小吃都令我驚艷。南瓜薯餅外脆內軟，口感十分出色。而小丸子則有著鮮嫩的質感，每一口都帶來了滿滿的滿足感。而且佢份量都唔講得笑，一個大男人都食唔晒😂我覺得自己已忍唔住下次都會再去！！

好味又抵食可惜食完先記得影相！叫咗海膽壽司同三文魚腩刺身頹牛油果炸蝦卷！個海膽壽司好新鮮廿幾蚊一嚿唔貴！三文魚腩刺身有兩cm咁厚 雖然佢60蚊得六片牛油果炸蝦卷雖然牛油果未係好熟但係個炸蝦依然keep到係脆嘅！仲叫咗鯛魚，吞拿魚，油甘魚同花之戀，都ok 唔錯！花之戀上面啲飛魚子都好多咁多嘢加埋206蚊自己就覺得幾抵啦！仲要佢可以whatsapp叫定就唔使企喺門口度等！但係要講一講個壽司豉油有啲咸不過都真係好好食。重點係隔離有爭鮮我都會唔揀！爭鮮係抵嘅但係啲質素同埋啲壽司真係爭啲囉！仲要佢可以whatsapp訂定就唔使等

日の苑上環店小小的舖位只做外賣，價廉物美向來深受上班族歡迎，每逢午飯時段門外總是圍著一堆人等外賣～這天等外賣也是等了一段時間，不過店員顧著聊天，要問才發現原來我的飯已經一早做好和包好。日の苑所供應的餐點種類多得讓人有選擇困難症，有定食、刺身飯、咖喱飯、壽司、手卷等，真的沒想到小小的一個店面能做到這麼多款式，最後點了角切魚生飯，還附送了味噌湯ʕ •ᴥ•ʔ角切魚生飯 HK$65角切魚生飯的賣相好吸引，魚生種類都算多，有三文魚、吞拿魚、甜蝦、白身魚和蟹籽，底下還有很多壽司飯，整體就是很大量很足的一碗。魚生都很新鮮，可惜吞拿魚有筋令口感不太好，玉子倒是有驚喜，口感不硬而且甜甜的超好吃！

我再重申一次 日之苑真係窮人恩物🥹三十幾至四十幾蚊嘅飯都有❤️有埋牛油炒雜菜配烚雞蛋🥚同味噌湯🥣夫復何求🥲———————————————————-汁燒雞扒野菜飯 $39🍱配牛油炒雜菜、雞蛋和味噌湯🍵平民指數：🌟🌟🌟🌟🌟好食指數：🌟🌟🌟———————————————————-日の苑日式外賣專門店🍛港島多區都有分店㗎！營業時間：星期一至日 11:00am-9:30pm

今日行開上環，餓餓地見到間壽司外賣店，就試試佢，點知一試就充滿驚喜🤤🤤🍤火龍細卷 $38 超好食嘅炸蝦卷，餡料同加州卷差唔多，但就有炸蝦，$38有六件，大大件超抵食🦀軟殼蟹手卷 $22 大大件嘅軟殼蟹，份量一啲都唔少，手卷紫菜係另外上，食嘅時候先包上去，脆卜卜嘅紫菜包住壽司飯，好食🐚北寄貝沙律壽司 $10 佢嘅味道同平時食開嘅蛇寄貝沙律分別不大，都係好好食，但呢間嘅特別之處，同埋佢會比好多好多你，食到好滿足😆😆🐙芥辣八爪魚壽司 $10 有時喺街都唔敢食芥辣八爪魚壽司，因為有啲唔知係咪因為個雪櫃唔夠凍，會好唔新鮮，食落會有浸臭味，但呢一間我好放心，因為佢嘅八爪魚好新鮮，而且凍凍地，證明佢嘅雪櫃喺Work嘅，八爪魚口感一流🍣腐皮壽司 $6 想食啲甜甜地嘅野，別無他選就一定係腐皮壽司，腐皮好香好淋，亦都唔太甜，好適合好似我呢啲唔食得太甜嘅人🥗蟹籽沙律 $35 以為呢個價錢會好細兜，點知一打開個袋就發覺好大兜，打開個盒，睇見份量好多，好多嘅蟹柳絲、蟹子同埋青瓜絲，青瓜好精新好fresh好爽口，唔會似出面有啲舖頭擺得太耐搞到淋哂

今日經過日之苑，以前喺呢度附近返工，經常買午飯。咁耐冇黎，想睇下有乜嘢好食。喺門口就已經見到大大張紙貼住新春大優惠，$29就可以食到日式咖哩豬扒飯，咁平梗係要試吓。日式咖哩豬扒飯日式咖哩味道不太辣，加上脆卜卜吉列豬扒，絕對不能抗拒。⁣

🍪【#糧尾精選】【#上環】日の苑西日式外賣專門店💥1.5倍大壽司外賣專門店💥.🍪 日の苑專做外賣生意，有🍚刺身飯、🍣壽司、🐡刺身、手卷同飯類等等，💰價錢經濟實惠！例如野菜燒雞扒飯$42😋。去到門口已經有大約5、6人排隊！睇嚟幾受歡迎。~~~~~~~~~~~~~🍽 壽司組合B Sushi Set B (8件裝pcs) $72 (3/5)當中三文魚腩壽司唔錯，油香味重☺️。蟹籽壽司特別新鮮，份量一啲都唔姑寒👍🏻。帶子都好大隻，不過唔係太鮮甜🫣。三文魚就普通👌🏻。壽司好巨型，飯量大約係一般壽司1.5倍‼️食5件已經夠飽，下次有經驗會散叫😆~~~~~~~~~~~~~~味道 Taste：🍪🍪🍪/5💸消費 Spending：$68 /人 Person🔥推介度 Recommendation：3/5.📍 日の苑西日式外賣專門店.

日の苑西日式外賣專門店 NINOEN Japanese Take-Away Shop📍上環皇后大道中346-348號金煌行地下C舖呢日同朋友去上環行下，行到攰但又無咩餐廳啱食，所以就上網有無咩好介紹。我哋喺OpenRice見到呢間專做日本嘢外賣嘅舖頭款式多、價錢又親民，所以就買咗唔同嘅嘢食當晚餐！因為始終係外賣，我哋唔敢叫魚生或刺身之類嚟食，所以今次叫嘅大部分都係熟食同炸物！ 💰$22軟殻蟹手卷 🦀平時嘅外賣手卷份量都偏細，但見到呢一個手卷就知佢好足料，軟殼蟹都俾得唔少，不過始終係外賣，放得耐咗都係會影響個蟹嘅口感，變得淋咗少少，但味道係好OK嘅！ 💰$35蟹籽沙律 🥗咁大兜蟹籽沙律都係$35 ，平到你唔信！除咗有蟹籽同埋青瓜絲，佢仲有一堆生菜墊底，另外仲有一堆蟹柳絲添，撈埋蛋黃沙律醬一齊食，清新得嚟又飽肚，性價比極高！ 💰$38火龍細卷 🍤🍣雖然個名叫細卷，但分量一啲都唔細！其實佢就好似卷咗炸蝦嘅加州卷，上面唧嘅鹹味蛋黃沙律醬真係畫龍點睛！一客火龍細卷足足有八嚿咁多，無論係當正餐食，定係一大班人share嚟食都好啱！ 💰$43滑蛋豬扒飯 🍱用得外賣盒裝，本身都對佢無咩期望，雖然佢外貌

今日介紹嘅呢一間日式外賣小店 喺港島區都有幾間分店 之前都食過一次 食物質素唔錯嘅 -照烤雞扒便當 $68今次買咗呢一個雞扒便當 另外仲加咗$12食餃子雞翼同埋同埋$6食佢哋嘅玉子燒 便當整體來講都算係正常水準 雞翼就相對淋身 玉子燒就幾滑-加州卷$30加州卷一共有四舊 未去到話超級平 但係質素都OK 入面除咗有蟹柳青瓜之外都有牛油果 不過就比較細舊📍日の苑西日式外賣專門店 (上環)上環皇后大道中346-348號金煌行地下C舖

今日去開上環果頭，夜晚唔太肚餓，就去咗日之苑買幾件壽司做晚餐，三文魚同帶子都新鮮，加州卷大大件，唔太餓咁樣食已經夠做晚餐呢間價錢唔貴，質素唔差，抵食！食平價壽司又多一個選擇