日の苑西日式外賣專門店

營業中

休息中

與朋友打算由中環步行到西港城逛街。恰巧正值下午茶時間，也想吃少少東西。這間外賣專門店正好適合，可以單買一些壽司或卷物，正好止餓。即叫即整，大約等了五分鐘左右，非常快捷。現在又新養成到公園吃東西的習慣。彩蝦卷 - $45日式炸蝦能保持新鮮度，且特別酥脆，又不會有油膩感。夾著一些青瓜絲有點清爽感。卷物頂上梅花間竹放著三文魚及吞拿魚，三文魚魚脂豐富，非常油香；吞拿魚則脂肪較少，但魚味濃。且卷物的份量比起想像中大得多。

好抵食的外賣便當🍱、又平又多款式，又多嘢食，收工夜咗可以買返屋企慢慢嘆🥰🟫鹽燒三文魚頭配紫菜湯：蟹籽反卷、炸餃子🥟燒得夠香又夠脆、大大個魚頭、吃落又香又嫩滑，套餐配白飯，又有小食多款選擇，正😋😋—————————🟧汁煮雞翼飯配紫菜湯：咁多隻雞翼，果然係足料份量的便當🍱配上蔬菜🥬、西蘭花🥦、薯仔🥔、紅蘿蔔🥕，雞蛋🥚⋯⋯套餐配上蟹籽反卷、炸餃子🥟蟹籽反卷咬落卜卜脆的蟹籽口感，實在滋味，仲有三粒餃子🥟⋯⋯肚仔食完真係飽滿又實😂😂😂😂😂😂—————————🟩芝士年糕：再來一個甜品🍮、咬開滿滿的芝士，實在誘人😍————————美食配梅酒.......飯後再加個甜點.。開心🥳⋯⋯簡單又放閃😛😛😍😍😂———————-

每日晚餐一外賣精選心思外賣店日日剩係唸食乜都唸到頭都大埋今日搵日之苑外賣専門店睇睇有乜晚餐先😬😬—————————-🟫燒羊架便當配紫菜湯：大大件的兩塊燒羊架，肉質幾嫩滑，配埋葡汁蔬菜蔬菜🥬、西蘭花🥦、薯仔🥔、紅蘿蔔🥕，仲有隻雞蛋🥚。有肉又有菜....足料夠份量😙—————————🟧日式汁煮牛肋根飯配紫菜湯：無錯，係牛肋根，又幾特別幾得意，炆得夠焾又入味、食落有點像紅酒燴牛尾嗰種感覺，咁你唸吓係整得幾咁好食😋又係配上蔬菜🥬、西蘭花🥦、薯仔🥔、紅蘿蔔🥕，雞蛋🥚、足料份量的便當🍱—————————-無酒不歡的我，食便當🍱都要配美酒梅酒➕便當🍱⋯⋯日日有酒飲🍶人生不枉走😂餐餐有美食😗便當做主席😂—————————人生就係咁開心🥳⋯⋯簡單———————-

‼️抵抵抵‼️而且仲係好香嘅咖哩同日本飯🇯🇵🍚.日之苑只有外賣，好處是食物多款，而且豐儉由人，想平有平，想豪又得。魚生刺身又得，熟食亦有。適合不同需要。.👇還有每日精選👇超抵之選💖.📌咖喱豬扒飯送麵豉湯 $29我本身好 #環保 ♻️，所以特別強調 #走膠袋 和 #走餐具 。希望大家如不必要都盡量減廢源頭，每個人為方便一陣間，就增加了好多膠袋。謝謝大家容許我呼籲一齊環保。.講回正題，我個超抵 $29 咖喱豬扒飯💖💖.👇麵豉湯 - 味道可以，有少少料。.呢個咖喱豬扒飯有乜好？首先係我一打開個盒蓋，嘩，好香的咖哩味香噴噴，豬扒🐷亦大大塊，睇同聞都滿意，味道呢？.咖哩咁香，當然要撈下飯試啖，又再嘩！堅日本米煮嘅日本飯🇯🇵🍚，一食落口嘅口感便知不是普通飯。黏度同彈牙的口感零舍不同，$29我無期望竟然有咁嘅質素。我俾好多個讚👍👍👍👍👍👍.日式咖哩汁好味又夠多，惹味😋 豬扒亦夠大夠厚，吉列層外皮炸得脆口，但有點偏硬，可能炸少的的會更完美💖💖食完好正嘅飯後，再睇返張門面相👇，而家先留意到真正用日本米，怪不得真係食到正正日本飯。👍👍📌總結：✅日本飯好正，真用日本米✅咖哩汁好香、好味、夠多✅豬扒都不錯✅價錢超抵

經過見到好多人排呢間店。原來個set meal都幾抵。點了一個燒汁咖哩牛肉飯。$48包一個飯一碗湯and一個小食，小食係南瓜薯餅。不過個餐驟眼睇會以為有有好多咖哩牛肉，但底下其實都係飯。如果真係咁多汁就好了

今日黎到上環既日之宛買外賣，都幾多人排隊，仲要係唔少外國人都幫襯，唔知係因為抵食定係味道吸引🙈呢到有不同刺身丼飯，價錢約$60-$98左右，熟食便當都有唔少，價錢仲比較親民，當中最平只需要$35就有交易鹽燒三文魚頭飯 $40見到係每日精選所以就叫一份試試，真係要等15分鐘左右，但見到魚頭燒得幾靚，同出面日式料理店有得揮👍🏻魚頭相當之大，但一反轉就見到好厚肉，魚皮燒得香脆，而魚肉亦滑嫩且油脂感豐富，配上一碗白飯同麵豉湯

有朋友推介我E間外賣小店，又發現同office距離都唔係好遠，過完happy christmas嘅第一個返工日梗係唔要頹食啦😚😚北海道牛奶忌廉炸蝦飯（$43）送麵豉湯加配雜錦刺身&前菜（+$25）四十幾蚊嘅飯，竟然有4隻炸蝦。。抵到！可能因為係新鮮炸好，我返到公司食嗰時都仲係脆嘅！好正！左邊一開始望就以為好多汁，但其實個底係放左好多菜，即刻覺得自己健康左😛😛另外刺身都好新鮮～排隊嘅時候已經見到好多人叫壽司😚證明品質係唔錯。總括而言，平靚正🤣🤣

買咗一盒壽司，幾個手卷，兩個鰻魚飯團。第一個飯團正常，第二個以為放漏咗鰻魚，食到最尾先有一條仔鰻魚。另外收銀嗰位極冇禮貌，已經唔係第一次。對住個收銀機講價錢，又細聲，又戴住口罩，聽唔清楚，問多一次對眼要啤住我好唔好老脾咁講多次。

🍴《日の苑西日式外賣專門店》I▪️🅘🅝🅣🅡🅞呢間都算係幾多人光顧的外賣店，等取外賣時，已經有4-5位客人購買！係咪好好食呢？今次買左個北海道牛奶忌廉炸蝦飯，有4隻炸蝦&半隻糖心蛋。整體味道還好，只是放涼了，炸蝦不再脆口，反而個汁出乎地好味！$43包一個飯同麵豉湯，喺上環區算是超值了！I▪️🅟🅡🅘🅒🅔🔹北海道牛奶忌廉炸蝦飯🔸HKD 43I▪️🅐🅓🅓🅡🅔🅢🅢📌 上環📍 皇后大道中346-348號金煌行地下C舖

成日經過呢間細細間嘅日式外賣店都見到門口有一堆人排隊或等攞餐見到menu啲價錢都唔貴今晚決定買一個便當來試下揀選咗今日精選優惠“海膽海鮮飯” 送埋一個麵豉湯返到去打開睇下都算多料滿滿的雜錦魚生加上一片海膽和一隻蝦不過蝦頭有點黑食落唔新鮮有腥味海膽亦沒有鮮甜味至於飯更是敗筆門外看到他是用櫻城牌珍珠米我沒有吃過這牌子的珍珠米但吃來口感超唔似壽司米所以吃著完全不搭配而那碗送的麵豉湯更加是欺騙顧客溝水溝到味道淡曬其實如果咁多顧客選擇幫襯你係咪應該更加用心去做好食物呢

有同事之前同我講過，喺上環有一間外賣日本料理，位置就係上環文娛中心對面「日之苑 Ninoen」，啲嘢食又平又好味。今日啱好就出開上環做野，就見到間「日之苑 Ninoen」日本料理，於是就排隊買外賣lunch食。我中意食壽司，所以就叫左六件壽司嚟食。劍魚腩壽司Sword-fish belly sushi×2 $15/位，火炙三文魚壽司Roasted Salmon sushi×2 $10/位，蔥吞拿魚腩軍艦壽司Fatty Tuna sushi w/spring onion×2 $9/位。師傅做得啲壽司大小啱好，壽司飯好夠壽司醋味，味道酸酸甜甜，壽司飯唔會好實又唔會散開，魚生嘅魚肉類新鮮，食得出有魚鮮味；火炙嘅魚片，師傅真係有認真咁去火炙過，而唔係求其燒一燒就去貨。真係好好食，真係冇諗過外賣店嘅出品，竟然係有咁高水準。行過都一定要買嚟食。

話說前排糧尾 唯有係公司附近搵平價外賣既醫肚啦 居然俾我係上環搵到40蚊樓下既外賣 仲要係晚飯時段都係呢個價錢 叫左個「醬燒雞中翼野菜飯」 有菜有飯有蛋有四隻雞翼 仲配埋個miso soup都只係$35 認真抵食！ 重要係好食既 絕對係我呢d窮人既糧尾恩物！ 我決定將來就算脫左貧都會繼續幫襯 至多到時叫個貴少少既set囉 哈哈！見到佢地既刺身飯都幾多人食 等我第日脫左貧之後都想買黎試試P.S. 晚飯時間人比較多 要有心理準備可能要等耐少少

依家好多外賣店都大排長龍，包括上環呢間日之宛店都係，一來店舖空間細，二來買返屋企食比較安全，而等候時候都唔耐，大約10分鐘內就有得攞走，店內除了主打刺身飯之外，仲有便當組合可以揀，首先揀一款主菜，之後可以配兩款小食，包括有南瓜薯餅、芝士年糕、厚燒玉子等，岩哂想試多幾款食物既客人👍🏻－－－－－－1. 北海道牛奶忌廉吉列豬扒飯 $43 6.5/10外型都幾吸引，吉列豬扒睇落幾脆口同炸得唔錯，北海道牛奶忌廉好似平時飲開既罐頭粟米忌廉湯咁，飲唔出係北海道牛奶🙈不過汁幾濃稠，配飯食幾好，可能因為外賣既關係，吉列豬扒焗左一陣，唔太香脆，口感有點硬同少少鞋，但飯份量真係好多，夠我食兩餐

之前試過西環嘅分店，覺得幾好食，咁今日經過上環文娛中心，就順便幫襯佢嘅總店。雖然疫情肆虐，但依然有人排隊買外賣，由於間舖都幾細嘅關係，買完就要企喺條街度等。➡️ 三文魚帆立貝剌身飯 ($70) ⭐️⭐️⭐️💫雖然三文魚同帆立貝唔係話好大片，但呢度嘅剌身飯係標榜即叫即做，所以食得出係幾新鮮嘅，食入口唔會話覺得好大浸雪藏未。咁嘅價錢有8-9片剌身食，仲要有麵豉湯，我覺得係物超所值！➡️ 醬燒三文魚壽司 ($40) + 三文魚五味賞 ($38) ⭐️⭐️⭐️⭐️壽司好大件，魚生就好肥美，真係大件夾抵食！個火炙三文魚入口有少少即溶嘅感覺，正！日の苑西日式外賣專門店地址📍: 上環皇后大道中346-348號金煌行地下C舖.............................. 味道😋: ⭐️⭐️⭐️⭐️抵食💰: ⭐️⭐️⭐️⭐️

朋友介紹呢間小店都有一段時間 今日早左出黎見男朋友仲未到尖沙咀 我就去一去買手卷夜啲食位於上環既壽司外賣店有手卷，卷物同壽司飯，選擇都唔少，而且價錢都幾平。我就係出面睇左一陣見個壽司櫃入面既壽司下午茶時段有8拆都幾平 但最後都揀左2個手卷食分別係軟殼蟹同炸蝦之前朋友就大力推介軟殼蟹買完既時候男朋友突然話就到 咁我就快啲拎完野就走 到左地鐵再check既時候係冇豉油wasabi 我想問下係咪要乾食呢？？本身落單既態度已經冇乜 連基本爭鮮都會比豉油同welcome人客人呢啲都唔識幾好食都冇用 冇下次食壽司郎都冇咁嬲 真係浪費我車錢同時間又一肚氣怪就怪我自己冇check清楚就上左mtr啦～蠢