日日餸 (非門市)

營業中

休息中

‼️日日餸 daydaydelivery‼️ 「吾想比人呃，買大閘蟹可以搵日日餸😝」 買大閘蟹都系搵返老行家/信譽良好，吾好信社交平台 D廣告😣 今次揀左套餐2️⃣7️⃣😝男女黃金套餐6-6.5兩 公6隻4-4.5兩 乸6隻$1450包送貨😝👍🏻另再包蟹剪套裝、自家製蟹醋、紫蘇葉、黑糖薑茶、食用指南、食用手套 朋友聚會，一人有一公一乸🤤送到黎仲熱辣辣，影相影到凍左小小🤣公有手掌咁大隻😆😆乸都爆多膏😆 中意食大閘蟹😋其實只要無壞吾腥就得，最好多膏🙈🤣吾使好大隻，中間就得，滿足滿足😋🫶🏻 自己買🦀 (排名不分先後) :🫶🏻日日餸🫶🏻永富放題🦀 (排名不分先後，吾計其他食物🤣) :🫶🏻灜豐🫶🏻金兜記大閘蟹🦀Blacklist :😣陶源酒家

家人喺噚日 (22-1-2023 Sun)大年初一返嚟食晚飯,都係唔想煩,決定盆菜,我哋都係搵返呢間訂,今次會送民豐湯圓添,大哥決定要六人份$1,580.00嘅.到呢日,佢哋6點鐘送到樓下,要我哋去攞,攞上手咁重嘅?返到屋企睇,變咗$2,080.00十二人份嘅盆菜,點解呢?大嫂話前一日店方打俾大嫂,話唔夠料做六人份嘅盆菜,我估原先訂山珍海味盆菜啩,咁店方自己做咗呢個十二人份嘅雙龍出海盆菜俾我哋,呢個係我哋喺2020年第一次幫趁時都食過(食評係2020年2月13日刊登嘅呢篇上次食評係2022年1月22日刊登嘅呢篇:https://www.openrice.com/zh/hongkong/review/%E4%BB%8A%E6%AC%A1%E6%9C%89%E5%95%B2%E5%A4%B1%E6%9C%9B-e4309626).送嘅湯圓有兩盒,每盒25粒嘅麻蓉湯圓.我哋同樣地加熱就開餐,材料有:原味上湯龍蝦,富貴鮑魚,秘製大海蝦,發財鯪魚球,養顏花膠,日本帶子,客家鹹雞,酥炸香芋,田園西蘭花,家鄉炆豬肉,炆冬菇,炆蓮藕,鮮制墨魚丸,龍躉魚丸,醬油豬皮,蠔油枝竹同清甜蘿蔔.樣樣嘢都正常冇問

又到食大閘蟹季節，朋友叫左 daydaydelivery 送貨，24小時落單就送到貨，有齊蟹醋、紫蘇葉、薑茶、剪刀食蟹，online order 送到上門真係好方便👍🏻 .🦀蟹仲好爆膏口感滑溜，入口好香好鮮味.☕️最後飲返杯薑茶中和寒氣⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🏠 日日餸☎️ 63774900⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

呢間食肆的海鮮尚算新鮮，送上門之餘保鮮袋入面塞滿晒冰袋。初頭諗住佢哋啲龍蝦係冰鮮原來龍蝦全部都係會郁而且郁得都幾犀利，啲蜆入面冇沙，蟶子好新鮮而且攞走晒啲器官。鮑魚亦都好鮮甜。嗰啲蝦亦都好新鮮可口。佢哋所比嘅火鍋沙律份量認真驚人，全部都可以生食。講到最好食就係肥大膏蟹可以媲美大閘蟹，入面啲膏分量非常多，肉同膏一樣咁好食比較遜色就係嗰啲魚生。食得出有少少雪藏味而且啲肉比較淡，但擺咗咁耐唔係霉都已經算好。而且啲肉油份都多整體講啲食物係好新鮮，但份量少而且價錢偏貴偶然每一個月食下都無妨。最好笑就係嗰啲工作人員會打電話或者WhatsApp問返你啲食物好唔好食，但係唔知會唔會聽意見好似某個機構咁得個聽字

家人約噚(21-1-2022  Fri)晚食團年飯,大哥喺喥訂咗盤菜, 係$1,580.00+$500.00嘅山珍海味包羅萬有12人份盤菜,原本係唔送上樓,但店員可能見太重,就送到上嚟,我磅吓,嘩!有22磅重,如果要我一人落樓下攞,真係攞唔到,多謝佢哋咁好人.我打開睇,有兩樽大大樽,結成冰嘅汁,重有4個冰袋,唔怪得咁重.再睇吓,佢哋有張label寫佢哋喺錫紙下面加咗保鮮紙,加返熱時記得拎走佢.人齊喇,我哋都加熱,然後打開食喇,材料有:7. 茄汁大蝦呢個最先熱,係夠味.1. 蠔皇原飯鮑魚我好早食,係未熱,口感正常.5.-6. 掛爐燒鴨同客家鹹雞正常好味.4. 原隻生曬金蠔我都係好早食,個心未熱,,味道一樣係正常.18. 鮑汁鵝掌好夠腍同好入味,好食.10. 家鄉炆五層肉都已經係好早食,但好鹹.2. 日本乾瑤柱好鹹,係正常吧.3. 養顏花膠都唔算太細條,口感正常亦入味.8,13,16.蠔王扣花菇,蠔油炆枝竹,秘製豬皮夠腍同入味.11. 田園西蘭花正常冇問題.17. 鮮製龍躉丸唔知係咪滾得太耐,唔太爽口喇.19. 墨魚丸大粒到好似乒乓波咁大,有墨魚肉嘅.但o衣o家睇返menu,其實冇呢樣嘢喎

好味 #晚餐 分享 Order咗個 #日日餸 @daydaydelivery的外送餐中式盆菜盆菜名叫 #雙龍出海 海鮮盆菜送到屋企樓下取😊又一好方便的選擇我哋三個人叫咗個細盤是6人份量😊這次食到咁高檔又多種材料的中式盆菜真係好開心滿足😊😊因為這個真係超多材料👍👍我哋一餐食唔曬啊🤣🤣盆菜有成17種食物咁多😁😁上湯龍蝦，富貴鮑魚， 大海蝦，鯪魚球，養顏花膠，日本帶子，客家鹹雞，酥炸香芋，西蘭花，炆豬肉，炆冬菇蓮藕，墨魚丸，龍躉丸，豬皮 ，枝竹，蘿蔔龍蝦及鮑魚都非常爽口彈牙😋😋好正😋😋超多花膠😋😋好滿足👏👏好開心

日日餸 @daydaydelivery 團隊經營咗海鮮生意四十幾年🐟，由各類海鮮、長腳蟹、大閘蟹🦀、火鍋🍲、BBQ，以至過時過節嘅節日套餐都有。臨近新年做節，緊係唔執輸嚟返個雙龍出海啦😎...我講緊喺日日餸嘅新春盆菜呀🤣雙龍出海包羅萬有海鮮盆菜 $1380呢個盤菜有17款菜式，可以揀6人或者12人份量，當中有上湯龍蝦🦞、鮑魚、大海蝦🦐、鯪魚球、花膠、帶子、客家鹹雞🐓、酥炸芋頭、西蘭花🥦、炆豬肉🐖、炆冬菇🍄、炆蓮藕、墨魚丸🦑、龍躉魚丸、醬油豬皮、蠔油枝竹同甜蘿蔔，超級豐富。我最鍾意食佢地嘅龍躉魚丸同鯪魚球，彈牙又足料；另外枝竹、豬皮同蘿蔔好入味，索晒啲湯底，夠哂滋味🤤；當然唔少得啖啖肉嘅龍蝦啦，打開龍蝦頭仲有好濃郁嘅龍蝦膏😍依家買盆菜仲送年糕添🥳，食完年糕同盆菜真係可以過返個暖笠笠新年呀🧧喺日日餸網站買嘢仲超簡單方便，揀嘢食、過數、確認收據網上都可以搞掂哂，每日夜晚11點前落單，第二日就可以安排送貨🚚，買滿$600或者特別貨品仲免運費，所有食物仲用冷凍配送方法運送，送埋個靚靚保溫袋同可重用乾冰🧊，咁就可以確保食物以最佳品質送到你屋企👍

原味上湯龍蝦、富貴鮑魚、秘製大海蝦、發財鯪魚球、養顏花膠、日本帶子、客家鹹雞、酥炸香芋、田園西蘭花、家鄉炆豬肉、炆冬菇、炆蓮藕、鮮制墨魚丸、龍躉魚丸、醬油豬皮、蠔油枝竹、清甜蘿蔔嘩嘩曄🤩 我從來未食過一個咁足料既盆菜，每樣野都咁好食咁新鮮🤤 特別係海鮮類，有無見過咁大隻龍蝦🦞用黎整盤菜🤩 真心好誇張，🦞啲膏多到爆出黎💥 大海蝦隻隻都又爽口又鮮甜，一摵殼都知新鮮👍 鮑魚都好有咬口，仲我至愛既日本帶子，大大粒之餘仲勁厚身😍 除左海鮮之外，其他食物都真材實料‼️食肉獸特別喜歡客家鹹雞、家鄉炆豬肉，本身都已經整得好入味，加埋附送既秘製南乳汁，烚下烚下真心正🤤 特別一提鮮制墨魚丸好好食，好彈牙仲有粒粒墨魚🦑本身對盤菜無咩好感，食黎食去都係豬皮蘿蔔燒味咁，日日餸的確改變左我對盤菜既觀感😌 見到仲有其他款式既盤菜，黎緊做節唔使頭痕煮咩餸啦🥲

在家未諗到食咩？ 海鮮邊爐啦😆#二次訂購 #品質唔錯 月頭生日訂過一次火鍋套餐唔錯，今晚再訂，見佢品質都keep到！最啱我懶到盡，我喜歡佢好多套餐選擇，有時令長腳蟹海鮮餐、普通少少海鮮餐 或者 普通邊爐餐都有～生蠔🦪都有得訂叫個6人餐，自己加少少丸、烏冬、蔬菜，6大2小都夠食，同埋已經好豐富嘅一餐！必試👍🏻 花甲王、大蜆、桶蠔返食👍🏻 象拔蚌、大頭蝦最有驚喜係花甲，送到來仲好生猛😂 海鮮送來時都洗好和切好，每款海鮮個別包裝，加哂冰袋。送到我家後，我都簡單洗一洗先打邊爐🍲，其實都已經方便了好多去內臟、去污糟野嘅時間😚港九新界 $600 以上免費送貨 （離島區或偏遠地方除外），我哋前一日訂，第二日2-6點送貨

中秋節訂咗日日餸嘅海鮮盆菜，一盤大size 都係1880， 已有兩隻龍蝦，大量鮑魚，鮮蝦，魷魚等等。最估唔到嘅係佢除咗海鮮好食之外，雞肉新鮮嫩滑，豬肉層次分明，連蘿蔔都煮得好入味。一家8個人食足兩個鐘，份量多到食唔晒， 附送咗兩支湯汁用嚟打邊爐，個汁唔係傳統盆菜嘅南乳味反而係有少少沙嗲味，配埋啲海鮮更加惹味，唔會話食幾舊就因太濃味而頂肚，反而愈食愈起勁， 但因為食唔晒， 我留來第二日再食， 加左d 粉絲落去，索曬味仲正。

25-1-2020 (Sat)大年初一,家人喺呢喥用$1,380.00訂咗個迎春海鮮18號盤菜.佢哋4點送到嚟,佢哋用一個保溫袋載住嚟,打開睇,同樣有鍚紙包住個盤菜,同有一大支盤菜汁,重係暖暖地,同嗅到香味.到晚飯時間,打開睇,好靚啊,材料有:1. 原味上湯龍蝦啲肉啱啱好,唔嚡.2. 富貴鮑魚口感啱啱好,又入味.3.– 4.秘製大海蝦, 發財鯪魚球可能我遲食,開始過腍.5. 養顏花膠入味,味道亦正常.6.-7. 日本帶子, 客家鹹雞嫩滑.8.-10.酥炸香芋, 田園西蘭花, 家鄉炆豬肉正常冇問題.11. 炆冬菇大大件, 口感亦正常.12. 炆蓮藕呢個差咗少少,因為未腍.13. 鮮製墨魚丸Ok,冇問題.14. 龍躉魚丸唔大粒,但爽滑彈牙.15.-17. 醬油豬皮,蠔油枝竹,清甜蘿蔔都入味同夠腍, 蘿蔔大舊到近乎一個拳頭.其他:佢哋送嚟時,重有張食用指引,好貼心.