日昇車仔麵

營業中

休息中

菜式有點貴，招牌麵，一品麵居然都沒那麼貴，麵底也要加錢，牛腩太小，太少，吃起來沒什麼口感，猪大肠很好吃，猪大肠沾汤真的很好吃，辣醬真的很香很美味，冬菇夠味汤底真的很香好好味，我喜歡這碗麵的湯底，湯底也很好喝，老闆很友好，我說檸檬茶喝完了，叫老闆加一次性茶，結果真的同意了，很多餐廳都不可以一次性加茶，大部分加茶都要錢，順便說一句，檸檬茶很甜很淡很好喝，所以我又多叫了一杯喝，比大部分的餐廳的茶還好喝，沒其他的餐廳過分濃，和無味，茶做的很棒

慕名去吃，但是其實一般。米粉量很少，我吃完居然不夠飽，只好又叫了燒賣。十餸聽上去很多，但是每個只有1~2個，味道十分平庸。個人認為鳳爪最佳，入味，其次是牛腩吧，有3塊。燒賣好吃，少少太咸，但不值得專門來吃。還有店主態度佳，熱情招呼。

米紙車仔麵介紹，去試試日昇， 一品麵，有八種餸，圖片影出有部分餸係兩件，但係你千祈唔好誤會以為一定會有兩件畀你，只是一品麵入面，包含8種餸嘅啫。( 因為，聽到隔離枱有人問，咦，圖片有兩件喎唔係有兩件咩？) 一品麵 揀咗麵底係油麵，油麵正常， 豬皮、牛腩、冬菇，唔係話好似介紹話咁好食， 最好食就真係冇醬魚蛋， 可能真係去貨去得快 魚蛋， 門口見有拮魚蛋車仔放門外畀學生買， 魚蛋可能去貨快比較新鮮， 其他食材都係比較一般。 個湯，味料唔好食完上火熱氣口渴， 個湯最好唔好飲。 燒賣真係好差好實好硬，配佢地辣椒油亦唔好味道， 有陣怪味辣椒油。店舖內清潔污糟唔合格， 清潔劑曱甴屋放喺地下隔離旁邊又放食材。

Intro: 日昇車仔麵主打平民車仔麵，位於太子地舖；聽講佢地嘅車仔麵嘅價錢較平民，雖然餸嘅款式唔多，但魚蛋同燒賣係幾出色；呢一日咁岩就黎到呢到試下佢地車仔麵～（最少三餸起） ___________________🍽 三餸車仔麵 （紅腸+通菜+魚蛋+河粉）💰 34 ⭐️7.5/10🍽 十蚊八粒燒賣💰 10 ⭐️9/10✍🏻 三餸都只係34蚊，真係好平，仲要啲料好多蓋滿左喺車仔麵嘅碗上；✍🏻 通菜又綠又爽口，真係幾新鮮，比坊間車仔麵店更好食；紅腸就正正常常；✍🏻 八粒魚蛋都只係八蚊，真係一蚊一粒，仲好彈牙幾辣，真呢啲辣汁令到湯底都帶有辣味；✍🏻 燒賣好大粒，內心又厚又多肉，最緊要係夾豉油汁同又彈牙；___________________🏠 日昇車仔麵📍 太子荔枝角道82號地下⭐️ 8/10___________________

日昇車仔麵係主打食車仔麵🍜另一樣必食嘅喺燒賣,燒賣皮薄,咬落口煙煙韌韌😍帶有魚味,燒賣落埋辣椒油,味道好惹味🤤#hkig #燒賣 #太子美食 #香港美食 #相機食先

呢間車仔麵認真抵食，$41 有11個餸，係～佢係每樣一件，但咁樣夾法都咪話唔累，佢入面有紅腸、冬菇、魚蛋、生菜、豬皮、豬紅、牛腩、鳳爪、豆卜、蘿蔔、雞翼尖，樣樣都夠晒入味唔難食，唔會係伏，個咖啡汁都幾濃味唔會淡茂茂。

昨晚經過日昇，一心諗住入去食車仔麵，點知坐低之後，睇見隔離枱哥哥碗豬扒飯好似唔錯，好味指數亦得到佢認證，於是就叫咗呢個老母豬扒飯。豬扒飯除咗有一塊碎上嘅豬扒之外，仲有蔬菜同另一款車仔麵自選小食，我就揀咗雞中翼。叫得老母豬扒飯，果然好有媽媽的味道，薄薄一塊豬扒，用最簡單嘅調味同最簡單嘅煎法，配埋甜甜嘅豉油汁，已經好好味。至於兩隻雞中翼就正常水準正常味道。老闆娘仲猛話如果唔飽可以添飯，呢啲人情味只有幫襯街坊小店先感受得到。

呢間其實係主打車仔麵，但另一樣必食就燒賣，啲燒賣放出門口賣，蒸好嘅燒賣非常香，大大粒咬落好煙韌，豉油唔會過鹹，仲可以要求佢放魚蛋什或者加辣椒油，佢嘅辣椒油都好辣，重口味嘅人士必試。

Intro: 太子街道暗藏左好多唔起眼嘅小店，而有一次發現到有一間小店專賣小食，但其實內裡可以坐底食配車仔麵，雖然餸就普通，但勝在平民，店內都算坐得寬敞，同埋理念都係同路人！ ___________________🍽 3餸車仔麵（咖喱魚蛋+腩肉+通菜+烏冬）+ 八粒燒賣（另叫）💰 8+8+7+9+10= 42 ⭐️7.5/10✍🏻 餸嘅份量都好足，唔會叫多一餸而特別減少份量，烏冬同個腩汁湯底就普普通通✍🏻 咖喱魚蛋好入味同彈牙✍🏻 腩肉肥肉偏多，但好有咬口同夠味✍🏻 通菜好新鮮好爽口，唔會有青味✍🏻 燒賣就係坊間最好食嘅燒賣種類，但豉油比較鹹苦___________________🏠 日昇車仔麵📍 太子荔枝角道82號地下⭐️ 7.5/10___________________

呢間絕對值得推介 絕對稱得上古早味車仔麵(講緊嘅絕對唔係豬腸有屎蘿蔔有渣果啲呀下! 我無食呢兩個餸 所以唔知 講嘅係佢成碗麵嘅味道) 價錢亦絕對係古早價錢💰 材料當然唔可以同收你六七十蚊碗嘅比 但係佢絕對交足功課 收你8蚊俾足8粒魚蛋你 三餸一麵先收你33蚊 仲想點?! 我覺得車仔麵應該係要咁嘅 即係街邊魚蛋你將佢加落酒店menu度咁 就算你用陳年陳皮魚蛋都唔會好味得過喺街邊篤住食咁正咁嘅道理 呢間絕對有懷舊味道！店內個姨姨嘅服務態度仲要超好💁🏻‍♀️ 絕對係街坊人情味小店

午餐冇乜著落 又太耐冇食車仔麵咁女朋友就話帶我去食一間車仔麵最後就決定揀左呢間有小小難搵但又值得搵既日昇車仔麵佢地有兩個麵都真係幾抵食一個係一品麵 裡面都好足料 又一定夠飽一個係招牌麵 呢個要下次試今次我地揀左一個一品麵 而另一個麵就係自己自選配料既佢地既豬腸同埋蘿白都好好味佢地個油麵真係好好食,同埋真係好抵埋單100蚊都唔洗老闆亦都好好人 所以難搵都係值得既總括黎講:呢間小店值得幫襯 好食得黎 價錢都好貼地

今日嚟到太子食飯，經過呢間充滿懷舊風味嘅車仔麵店，一於就試吓佢啦👍🏻👍🏻招牌麵 $32嚟到就梗係叫佢其中一個最抵食嘅招牌麵，配料包括牛腩、豬皮、豬紅、魚蛋、生菜同雞翼尖，足足有六個餸咁多，另外加左腩汁腩汁好香入味，配合落個湯底度，令到鮮味更加出牛腩又林又入味，數量唔少，抵食😋😋豬皮都夠爽口，炆到入曬味，一流👍🏻👍🏻魚蛋又彈牙又有魚味，好食😋整體來講又大碗又多配料，你嘅平靚正之選❗️❗️

太子黎講真係好多平靚正嘢食，就好似今日經過呢一間車仔麵舖咁樣。平時有時都會入去食車仔麵，我今日係想下午茶食少少野，所以就叫咗碗咖喱魚蛋外賣only.$8有七粒，真係勁抵食🙃有時其他舖頭食嘅咖喱魚蛋冇乜辣味，但係呢一間嘅辣油咖喱魚蛋就辣得好過癮！😍😍😍魚蛋本身Texture係白肉彈牙淡味，而咖喱味唔算太濃，但辣油既辣味初頭食落唔會太覺，到後來after taste 就來得好勁！燒賣就係通常黃色個款，2個字「好食」🤣

疫情下都會想支持下小店💛好地道嘅港式車仔麵，基本配料都有，好多選擇，除了自己配搭，有店家配搭好的招牌麵同一品麵。第一次到訪，貪心地點了一品麵，有11個餸，盛惠35元正！☀️小店好有誠意，每樣都頗有水準☺️豬皮爽而入味，蘿蔔又稔又無渣，豬紅無異味，鳳爪同翼尖又稔又入味，豆卜生菜盡吸湯底精華，牛腩有咬口又不韌，冬菇香濃而夠稔，惟獨魚蛋同麵底略為失色，湯底腩汁加小辣，濃郁而不會過鹹。總而言之，好滿足👅.環境方面，呢間車仔麵雖然舖頭細細，裝潢簡單，摺檯圓櫈，但環境都好整潔，冷氣夠凍，而且店員都好友善，值得支持💪🏻💪🏻

其實通常食車仔面, 講求快, 3餸1麵是基本, 也有幾款set好既麵, 隨手選了牛腩, 辣魚蛋同蘿白, 麵選了粗麵. 好多地方既車仔麵個湯都會好重口, 但日昇則用上了幾清既湯底, 因為有叫牛腩, 也有少少腩汁. 而魚蛋唔係就咁加醬係面, 太多醬會整到個湯太漿.魚蛋彈牙, 牛腩入味, 蘿白清爽甜, 不過不失. 當係一個早午餐, 好夠飽!其實上次Yellowland 都有訪問過老闆, 但一時三刻無印象要叫什麼野食, 大熱天時簡單清清地食個麵, 個麵好快就食完老闆同熟客對答成為了車仔麵的伴菜, 老闆好記得熟客每次來都會點什麼飲什麼, 慚愧地今次係第一次去幫親日昇, 平時搵野食都會四圍去, 但地點搭車經過比停留多, 今次真係咁啱停到落來食個麵, 非常回味