日本料理福田 (已結業)

早一日行新北江,發現這間開張不久的日本餐廳轉做放題,於是就搵日去試試收費: 7PM前, 9PM後入座 - $148        其餘時間 - $ 168另收加一星期二的晚上去,餐廳坐了一半,可能因為侍應不是太忙,上菜都是很快的,落單一陣就上到了刺身頭一轉比較差....暖暖的刺身,,,,,, 睇個樣都知唔新鮮.......赤貝因為唔新鮮,腥到冇朋友 吞拿魚又瘦又多根,唔係好掂......好彩後來我地鼓起勇氣叫多轉刺身,第二轉反而又大件又新鮮,覺得虎蝦,帶子同八爪魚係特別新鮮好食的~下次不妨再試~而天婦羅我們就點了蝦,蟹棒和茄子, 炸粉是厚了點....但內面的主角就好好食,如果少一點炸粉就真係好好味了~燒物.......不推介......每一樣都燒過了頭,都很乾很韌.....完全吃不了......牛舌,牛肉串,羊鞍...都韌到完全咬唔入食唔到....... 反而D麵就幾好,點了一個烏冬,味道幾好,唔會太林,都算彈牙不過凍食的蕎麥麵就麻麻地....太林啦,冇咗蕎麥麵嗰種彈性.....最後,D壽司種類唔多,但都算齊, 但壽司飯比較多,多得嚟亦好鬆,一夾起就會散開....希望下次

新店開張頭幾天已急不及待去光顧，可惜Open Rice末有該店,不能新鮮的寫下來，等到十月尾才找到，詳細日子及食物已不太記得，只記得食品及盛載器俱非常行貨，價錢相對貴，三個人食左四百幾，慢功出貴貨，可能新店營運未暢順，最好的，是日本芥辣，似是磨出黎，與別不同，但搶不回多少分數，總評: 算吧喇!

終於等到福田係Openrice出現！ 佢開張的第二日便幫襯！我們四個人點咗三個午餐，有炸雞，照燒雞，天婦羅餐。還有各午餐加＄10有三件三文魚壽司！送沙拉和麵豉湯錯的份量！每個餐都有一大碗白飯！可惜碟雞的份量就不多！味道方面都係平凡的水準！炸雞和天婦羅比較多油，而照燒雞的汁咸了點！但雞肉有肉汁和滑！三文魚壽司的魚生都幾新鮮，但係切得比較薄，而飯就好大舊！雖然質素平平，但份量撘夠，價錢也可接受，最適合區內的中學生！