影片
港鐵銅鑼灣站 E 出口, 步行約4分鐘
繼續閱讀
電話號碼
23822988
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
呢間居酒屋主打純米大吟釀🍶而家只需要每位$468即可無限暢飲純米大吟釀同季節限定酒兩個半鐘，一次過試晒十五款清酒！每款清酒都有獨特嘅風味，我都唔記得咗自己飲咗幾多杯😆食物亦相當有驚喜，食材新鮮且配搭得宜，感受到廚師嘅用心～ 日式溫泉蛋蟹籽薯仔沙律薯仔沙律口感綿滑，搭配蟹籽增添口感，篤穿溫泉蛋後拌勻蛋汁，令口感更加smooth~ 刺身拼盤（大拖羅、海膽、象拔蚌、深海池魚、鯛魚）拖羅油香豐富，象拔蚌鮮甜爽口，海膽甘香味濃，呢三款最為驚喜！蒜片黑椒炒阿波尾雞腎雞腎以鐵版盛載呈上眼前，遠遠已經聞到香氣撲鼻而來～ 雞腎非常爽口彈牙，配上金黃蒜片，令味道進一步昇華串燒試左雞胸軟骨、雞心、雞心喉、牛舌同鰻魚，全部質素都屬水準之上。值得一提係，呢到嘅燒鰻魚係前所未有食到嘅口感！鰻魚外皮燒至焦脆香口，魚肉口感非常嫩滑，配搭鰻魚醬汁，即刻再encore咗兩串✨鐵版阿波尾雞扒雞扒肉質鮮嫩多汁，底下配上大量洋蔥，令整道菜更香天婦羅盛盒天婦羅有海膽、帶子、大蝦、香菇等，炸粉恰到好處，海鮮亦保留原有鮮味，不錯呢🍤 阿波尾雞翼雞翼大大隻，肉質嫩滑多汁，外皮好香脆，好滿足😆
繼續閱讀
經常也會約朋友出去吃日本料理，銅鑼灣百德新街的這一間還有純米大吟釀放題兩個半鐘，由6點半開始，每一樣無論食材都烹調也非常有質素。環境除了有卡位更加添簾子讓食客感受到私隱舒服。個人覺得必點燒鰻魚及花膠沖繩豚軟骨！朋友及我也讚不絕口，而且可以學到有質素的純米大吟釀實在很不錯✨刺身五點盛合這道刺身五點盛合中的每一款魚肉也有一定的厚度，拖羅的口感滑嫩，海味濃郁，還有大大片的海膽😋廚師發辦六貫壽司壽司的米飯經過精心調味，口感Q彈，油脂豐富，每一款看下去也非常精美，恰到好處的調味完美襯托出魚的新鮮。蒜片黑椒炒阿波美雞腎 這道蒜片黑椒炒阿波美雞腎配以鐵板遞出香氣四溢，蒜片煎至金黃，使雞腎的鮮嫩更加突出。既爽口又彈牙，非常香口🫶🏻免治雞棒配日本刺身蛋（2串） 免治雞棒外皮酥脆，裡面則是多汁的雞肉，伴隨著刺身蛋的濃郁滋味。嚴選汁燒鰻魚串這道鰻魚串的味道極其濃郁，沒有想到鰻魚底燒得這麼香脆，而且鰻魚肉質柔軟，配合剛好的醬汁的調味。個人極喜愛這款✨✨✨高知縣產鰹魚芝士（土佐町） 作為前菜小食，實在讓人欲罷不能，高知縣產鰹魚芝士讓人充滿驚喜，鰹魚的鮮香與芝士的濃郁實在是所有芝士粉絲的最愛！富山螢光魷魚汁瀆實在深深感受螢光魷魚的口感，就如在日本一樣品嚐一般美味✨日式溫泉蛋蟹籽薯仔沙律喜歡吃半熟的溫泉蛋配搭薯仔沙律必點的香滑配搭🥰盛合雞四味每一款的雞肉鮮嫩和各種調味部位的結合都讓人欲罷不能。柚子胡椒鐵板阿波美雞扒超級喜歡這道雞扒的口感，真的非常彈牙可口，外皮酥脆，肉質鮮嫩，配合柚子胡椒的清香與微辣，開胃之餘肉質鮮嫩🥰🥰慢煮花膠沖繩豚軟骨（配日本溫泉蛋） 午市也會提供的菜式，老闆極力推介，實在非常軟熟可口，真的如在吃沖繩拉麵上的豬軟骨一樣超級柔軟，配合豬軟骨的感覺帶出層次，整個調味也非常用心❤️阿波美雞翼炸得金黃酥脆，肉質鮮嫩多汁，絕對係香港人最愛！廚師發辦（關東煮）五本喝酒後想飯後暖胃，這道關東煮選用的食材配合湯底清淡中帶鮮美。日本刺身級海鮮天婦羅盛合二百多元可以吃到的海鮮天婦羅，而且還有帆立貝及鮮蝦等等，而且天婦羅的外皮酥脆，海鮮鮮美，實在讓人忍不住一口接一口。唐揚七味雞軟骨原本看顏色以為炸得過咗時，但是卻非常入口外脆內軟，雞軟骨的口感彈牙，絕對是配酒必點。日式燒魚干盛盒吃到三款不同的燒魚薄片，就好像零食一般卻吃出魚的鮮香，亦是配酒必點！
繼續閱讀
一間想試咗好耐嘅餐廳，平日行過以為裡面冇乜人，趁朋友生日即管嚟試下，估唔到一個平日星期四嘅晚上都差不多座無虛席仲可以翻枱🤨餐廳氣氛唔錯，服務好好，枱與枱之間有布簾分隔，增加私隱度感覺亦較為衛生。餐廳最大嘅特色就係$468兩個半鐘放題任飲 ，包括清酒啤酒梅酒燒酎，不過我朋友酒量麻麻，所以我只係叫咗一杯鳳凰美田柚子酒飲就算喇😅餐廳另外仲有啲套餐係包埋清酒任飲嘅，分別係880蚊同埋1080蚊一位，前者主要係熟食，後者有包括刺身盛合同埋壽司，我哋都係選擇散叫可以多啲彈性😅首先第一個刺身五點盛合二人前 $488，侍應上菜時有作講解，分別有馬糞海膽，拖羅，蜜柑鯛，間八魚，響螺又稱粒貝，侍應仲有教要由下而上咁去品嚐。蜜柑鯛同間八本身係餐廳一個特別menu嘅時令推介，所以好開心會出現喺盛合，唔使另外叫😁響螺新鮮青甜脆口；蜜柑鯛聽講飼料加入咗蜜柑皮，所以食果陣會散發出淡淡嘅蜜柑味，好受女士喜愛😍間八魚 係大型鰤魚，肉質緊緻充滿魚油香；拖羅入口即溶滿口魚油；馬糞海膽配青瓜清新鮮甜😋北海道水八爪刺身 $128，好爽彈，吸盤好過癮 ，酸汁已經有少少wasabi調味，如果唔點酸汁就咁食吸盤，我食到有少少炙燒過嘅香味🤩黑毛和牛野菜壽喜燒 $268，因為上菜時所有材料已經係裡面導致牛肉有少少過熟，食唔到牛嘅香味，另外有大量嘅蔬菜包括冬菇 大蔥大白菜等。酒盜芝士 $68，係高知原產鰹魚芝士(土佐町) 配梳打餅一齊食，鹹香幼滑，不愧為酒中嘅強盜😋極辛辣明太子自家製玉子 $88，估唔到係齋玉子去點一個辣嘅明太子醬，呢個有啲失望，一心以為係玉子裡面會包住啲明太子，唔知佢另外兩款鰻魚同芝士玉子會係點呢，應該係包住做餡卦？沖繩海鹽燒牛舌 $68，味道一般，牛舌香唔夠突出🫣希望下次有機會試埋佢嘅鮟鱇魚肝壽司同埋其他串燒😍題外話佢連廁所都有佈置，清新衛生，感受到餐廳一絲不苟嘅精神🫡不過冷氣有啲凍🥶人均消費$650日本清酒藏所銅鑼灣百德新街66-72號地下C & D號舖評分：最高為5分治癒度：👩⚕️👩⚕️👩⚕️👩⚕️抵食度：💉💉💉翻兜指數：🩺🩺🩺🩺
繼續閱讀
位於銅鑼灣的日本清酒藏所推出2.5小時清酒放題，清酒品牌全部經過精挑細選，當中包括淺間山純米大吟釀、大嶺三粒米等高質sake，喝得超快暢快🍶🥳 放題亦包梅酒、燒酎及啤酒，夠膽的絕對可以挑戰試匀所有酒類😏除了酒類，餐廳的食物亦非常有質素👍🏻 小食推介富山白蝦唐揚拼淡路島玉蔥，佐酒一流！刺身方面，北海道水八爪魚刺身新鮮爽口，想吃更矜貴的可選刺身五點，當中象拔蚌、拖羅及北海道海膽真的令人太滿足了🥰想更飽肚的話餐廳亦有多款串燒、燒物、卷卷物及割烹料理🍢 我們四人點了多款食物，全部叫的都沒有伏，感覺大家真的可以隨心點！個人尤其喜歡蒜片黑椒炒阿波尾雞腎，超香口超惹味🔥 串燒必試燒鰻魚，外皮燒得非常香脆！喜歡蟹的可點福井松葉蟹甲羅燒，蟹肉份量真的不是說笑🦀
繼續閱讀
呢間餐廳最吸引我嘅地方絕對係呢一個清酒放題🍶你可以係自助酒機中自由斟酒2.5小時，隨心所欲地選擇你喜愛既純米大吟釀同季節限定酒。建議由淡飲到濃 一定會搵到岩口味 我個人最鍾意三粒米，味道香甜、易入口，搭配各種小食都好Match Match!🤍 下酒菜推薦以下菜式🫶🏻刺身五點包括真鯛、間八、象拔蚌、拖羅和北海道海膽，間八厚切肥美，海膽鮮甜。北海道水八爪魚肉質鮮嫩，口感Q彈，搭配一點海鹽，簡單美味。關東煮暖胃之選，湯底鮮美，秋冬必點！富山白蝦唐樣拼淡路島洋蔥白蝦炸得香脆同香甜洋蔥好夾，停不了口😇高知縣產鰹魚酒盗芝士濃郁的芝士搭配鰹魚，配搭辛口清酒一流！沖繩海鹽燒牛舌芯肉質滑嫩，淡淡鹽香，肉質彈牙。蒜片黑椒炒阿波尾雞腎用鐵板送上，醬汁非常惹味，雞腎爽口。脆辣吞拿魚卷外脆內嫩，吞拿魚搭配特製辣醬汁，味道層次更加豐富。福井松葉蟹甲羅燒配日本蛋跟法式麵包使用大量蟹肉填滿既甲羅燒 啖啖蟹肉搭配日本蛋同法式麵包，大滿足！冬季限定 黑毛和牛壽喜燒牛肉滑嫩，湯底香甜，飲完酒食返個暖胃既壽喜燒，真係好圓滿🤎純米大吟釀及季節限定酒放題2.5小時 $468 （包括啤酒/梅酒/燒酎）食物人均～$600-$800推薦大家約三五知己來挑戰任飲嘅節奏配搭高質居酒屋下酒菜！🫶🏻
繼續閱讀
您可能會有興趣的...