影片
港鐵九龍灣站 B 出口, 步行約8分鐘
繼續閱讀
付款方式
其他資料
無障礙設施
詳細介紹
以上資料只供參考, 請與餐廳確認詳情
咁啱啱好食完夜餐就最啱食返個飯後甜品所以就忍唔住買咗一個來食更何況夏天咁熱就梗係要食雪糕啦！原本想食芒果味，但好可惜賣曬，唯有試下蜜瓜味一開始內心都充滿期待，一方面係門口都有唔少人排隊買，另外價錢方面($28)令我覺得可以食到一個質素唔錯嘅雪糕！等咗幾分鐘左右就有職員整咗俾我哋，一見到雪糕嘅顏色就感覺到應該落咗唔少果汁，食落就更加覺得大事不妙！食落去有大大種濃烈嘅人工果汁味道散發落我嘅喉嚨入面，又甜又膩，無我想像中嗰股清香嘅蜜瓜味道。不過值得一讚嘅係個雪糕質地都好幼滑，入口即化既口感
繼續閱讀
每次去九龍灣行街 就會經過呢間零食物語👀 呢間零食物語有日本cremia雪糕賣 間唔中就會做買一送一或者其他優惠✨每次有優惠都會見到一堆人係度食雪糕🫣✨ Cremia 軟雪糕（原味）💲 28（試食價）雪糕奶味超濃 好軟滑 但係同樣地都好快溶❗️個筒有啲似白之戀人但係薄啲 好香脆 所以都好容易碎 唔可以太大力渣住👀 個雪糕偏甜咗啲啲 但係個人覺得都唔會好膩～原味cremia軟雪糕原價好似大概四十幾蚊 雖然係好食 四十幾都值 但係因為成日都有優惠 我係唔會原價買😹😹
繼續閱讀
係香港都食到日本Cremia 雪糕🍦😋德福廣場嘅零食物語入面有間雪糕店，有賣Cremia 雪糕，又有賣啲水果味軟雪糕。雪糕有時會做特價，例如買一送一，或者是試食價等等。經過可以留意吓🤓Cremia 朱古力軟雪糕 試食價 $28朱古力味濃，雪糕筒係朱古力嘅餅乾，類似朱古力味貓舌頭餅乾，感覺雪糕好食過Godiva嘅朱古力雪糕🤔Cremia軟雪糕 試食價 $28奶味好濃😋雪糕好軟滑，雪糕筒係類似白之戀人嘅餅乾。雪糕溶得好快🤓要快手啲食個人喜歡原味多過朱古力味🤓
繼續閱讀
咁啱經過零食物語就俾佢門口嘅雪糕海報吸引咗過去睇，咁啱啱好食完夜餐就最啱食返個飯後甜品所以就忍唔住買咗一個來食🤤更何況夏天咁熱就梗係要食雪糕啦！但去到咁啱想食嘅芒果味同埋個雪糕杯都咁啱冇哂...所以唯有試下蜜瓜味😋一開始內心都充滿期待，一方面係門口都有唔少人排隊買，另外價錢方面($28)令我覺得可以食到一個質素唔錯嘅雪糕！等咗5分鐘左右就有職員整咗俾我哋，一見到雪糕嘅顏色就感覺到應該落咗唔少果汁，食落就更加覺得大事不妙！食落去有大大種濃烈嘅人工果汁味道散發落我嘅喉嚨入面，又甜又膩，無我想像中嗰股清香嘅蜜瓜味道。不過值得一讚嘅係個雪糕質地都好幼滑，入口即化，冇普通雀巢雪糕嘅嗰一種凝固感。個人覺得經過嘅朋友可以試吓佢另外一款5.0牛乳，感覺上會比蜜瓜味出色得多！(利申未食過牛乳味有機會會試吓）。價錢上亦唔算貴， 有興趣嘅朋友都可以試吓！食完返嚟同我哋傾吓你會唔會有同我哋相同嘅感覺😉
繼續閱讀
自從日本牛乳軟雪糕品牌「Cremia」引入「香港」，曾經在坊間兩間甜品餐廳裡面公開發售，可惜兩間有發售「Cremia」牛乳軟雪糕甜品的餐廳裡面，「康怡廣場」的「秋櫻屋」現在已經關門結業。「秋櫻屋」結業之後，「香港」剩餘售賣「Cremia」牛乳軟雪糕甜品店已經所餘無幾，就算仍然營業，但是都已經沒有售賣「Cremia」牛乳軟雪糕很久了。結果現在「Cremia」牛乳軟雪糕變相需要搬家，搬到其他甜品店裡面繼續售賣下去，其中一間有接手推出「Cremia」牛乳軟雪糕的食店，是主打雪糕跟零食的糖果甜品店「日本雪糕物語」。第一間在「香港」坊間裡面開門營業的「日本雪糕物語」分店，是位於「尖沙咀」「金馬倫道」地下舖位裡面，一般遊客都能夠清楚發現到的甜品店。至於其他「日本雪糕物語」的分店，由於沒有其他人負責登記和上載「日本雪糕物語」其他分店資料到「開飯喇」，所以其他分店資料一直處於「零」的狀態，直至「九龍灣」「德福廣場」分店出現為止。「九龍灣」分店「日本雪糕物語」位於「德福廣場」二期三樓樓上，食客從「德福廣場」一期乘搭扶手電梯登上「德福廣場」二期的那一刻，「九龍灣」分店「日本雪糕物語」立刻出現在面前。「九龍灣」「日本雪糕物語」售賣的「Cremia」牛乳軟雪糕價錢，售價跟以前「秋櫻屋」一樣，都需要港幣三十八元。「日本雪糕物語」價目表下方貼着的「半價」只限於其他產品，不適用於「Cremia」軟雪糕。至於「德福廣場」分店「日本雪糕物語」店員為什麼選擇，把「半價」宣傳牌張貼在店舖裡面「軟雪糕」價目表的下方，我自己就不太清楚原因了。「德福廣場」分店「日本雪糕物語」店員即場製作的「Cremia」牛乳軟雪糕實際製成品，雪糕筒仍然使用了來自「日本」，口感極之鬆脆，稍一不慎就可能隨時崩解和散落一地，很重牛油甜味和香味的儂格酥威化筒。至於「日本雪糕物語」「Cremia」牛乳軟雪糕實際製成品，「Cremia」裡面的「牛乳」軟雪糕實際味道，仍然像我在「秋櫻屋」食到的「Cremia」牛乳軟雪糕一樣，很重來自牛奶的甜味。而且「Cremia」牛乳軟雪糕實際製成品裡面一向都沒有加入「防腐劑」，所以「Cremia」牛乳軟雪糕質地仍然一如既往地容易融化，食客需要趁「Cremia」製作完成不久就要儘早享用，否則雪糕融化責任自負。雖然「日本雪糕物語」製作的「Cremia」牛乳軟雪糕實際製成品售價，仍然一如以往昂貴，但是「Cremia」牛乳軟雪糕裡面的牛奶甜味貨真價實，牛乳甜味濃厚之餘，口感也極之細滑，本來有讓人有一試再試的衝動。只可惜「日本雪糕物語」「Cremia」牛乳軟雪糕實際售價始終如一地昂貴，而且看似沒有折扣減價的空間，結果讓不少「德福廣場」途人望而卻步，是唯一有點讓人感到有點可惜的地方。
繼續閱讀
您可能會有興趣的...