日本黒毛和牛焼肉 牛太 (沙田中心)

營業中

休息中

最近呢間燒肉餐廳有埋蟹食，鐘意食蟹嘅我，特登趁day off 去食下🤔松葉蟹腳幾鮮甜，係燒得有d耐🦀炸蟹鉗一d都唔粉，啖啖肉!和牛不嬲都係呢間餐廳嘅主打，肉質入口即化，肉款多花款🥩仲有其他燒肉餐廳唔多見有嘅-燒鰻魚切得好靚，仲要冇乜細刺，值得推介！

同朋友慶生揀左間就近嘅燒肉，上網見到依家期間限定有個燒蟹套餐，價錢比一般就咁燒肉貴少少，但隨左Regular嘅燒肉Items，可以食松葉蟹腳🦀🦀🦀，所以就揀左呢個餐晚市放題餐可以食120分鐘，坐低之後先用QR落單，等緊上肉嘅同時爭取時間，去自助區拎野食先🤣🤣👍比起D開係工廈鬧區嘅放題黎講，呢間嘅自助吧唔算超級大，但同其他開係市中心嘅舖比較，呢間小食都算幾多選擇。有沙律＋小食＋野菜＋咖喱飯＋甜品＋水果🍉🥗🍟🍗上菜上好快，叫左嘅野食唔小心多到成張枱滿左😂😂😂主角嘅蟹腳，本身以為都係少少地逐條腳咁出，點知上枱成抽咁上，壽星表示食得幾開心，有得揀配芝士或者點蟹醋，朋友係芝士控所以叫左盒芝士醬，個人鍾意蟹醋，食返蟹原有嘅鮮味。另一個蟹餐特別食品係炸蟹鉗，鮮味有咬口，唔洗等到去飲先食到。😂😂😂個人大推蟹味噌飯，每次去壽X郎都會叫返兩舊蟹味噌壽司，今次叫個飯大大Pat新鮮蟹味噌係頂，撈返埋蛋黃，係香港食得返日本食飯嘅感覺，大推！😍雖然同蟹相關嘅Items唔算好多，但比起出一堆平價野塞飽個肚，剩係個主角蟹腳都好夠食，仲未食到D和牛和牛肉質比想像中好食！超符預期！油花好靚，牛舌好好好食，仲有D燒海鮮可以

嚟牛太食燒肉多數係食和牛餐呢度啲和牛真係好過好多其他燒肉店 起碼上枱肉係粉嫩有油花💓唔會雪到冰哂硬哂 唔會未溶雪就上枱🤨早兩日食新出咗個松葉蟹餐 比平時個和牛餐加多$60蚊就食得 $529就食到蟹同和牛 算係幾抵🙂‍↕️仲有好多唔同海鮮選擇 都係好食的！蟹腳一啲都唔削 大隻又多汁🦀唯獨係不足於唔可以就咁凍食 要燒熱 咁樣嘅話 食120分鐘要燒埋蟹就有啲趕🤨 其次套餐仲有炸蟹鉗 彈牙嘅！🌟驚喜位：新出🍦開心果雪糕每隔段時間就會轉味 今期有開心果 但奶味略重 如果開心果味濃啲仲好

$299 一個人任燒野食但唔係好多野食，到比錢時諗住用屋企人個app儲分，一過QR code時個女侍應好似審犯咁問我，邊個架邊個架，我答屋企人嘅code，佢即刻大大聲話唔得一定要你自己，咁你黑晒面又咁講咁咪照比錢囉，其實用屋企人個app儲分真係好似殺父仇人咁要黑面？咁如果我成家人黎食，洗唔洗每人開一個app拆單儲分？以後一定唔會再幫襯呢間野。

一個人，做完嘢經過，突然之間好想食燒肉，諗住求其搵間，門面唔差，就求其揀個299嘅餐，是但食吓，點知坐低開始食，諗住第一款牛肋肉韌到死唔好食唔緊要，再試吓其他款，估唔到每個款都係肉質衰過我自己去市場買嘅凍肉，雞肉又係冇味嘅冰鮮雞味，，諗住唔好蝕，點都要食返多啲，，但係食到個人心情好差，，最尾食咗總共加埋10幾塊肉，忍唔住埋單走人，，最好食應該係西瓜同埋青瓜，還有雪糕糯米糍

如標題所示！現實與圖片完全唔一樣，服務差到_。幾時執。。，拍烏蠅餐廳比嘅肉同圖片差好_遠，？？？😅😅😅😅😅😅😅😅😅😅😅😅😅😅😅😅😅__#：err，d肉un到xx。。。，乜_嘢和牛係咁樣？200蚊一碟你都好野，除左肉其他都係cheap cheap嘢，雖然個肉都係__cheap嘢🤮🤮🤮一舊都食唔*到呀****_，500蚊咁嘅質素？？？__**再者，服務差到_”，個個waiter都唔show個客，自己圍埋響度傾計，望下d客食野🤮🤮🤮叫佢幫手攞少少嘢攞個碗就黒面咁款，唔_”#係掛，冇收10%服務費嘅服務都好過你，你呢間餐廳嘅服務員一句禮貌嘅說話都唔講，淨係識黒面酉面，由頭酉到落尾，係咪___？？？🙂🙂🙂🙂🙂🙂🙂🙂🙂🙂🙂🙂🙂🙂🙂❗️❗️❗️收10%服務費嘅餐廳嘅服務員黒面。“”#__**全家😆😆😆

可能新開張，所以服務態度非常好嘢食好多款，款款都賣相好靚，味道都好好全部都係日本牛，價錢來講，性價比高食果陣無酒牌，所以自攜酒水老闆推介食冷麵，勁好食，燒完肉食好fresh一定會再幫襯

服務：開頭帶位個職員已經差，同我講話冇得坐卡位，因為已經book晒。我都係一早book咗位，但係人哋walk in兩個人就可以坐卡位。跟住同佢理論咗一輪先至俾我哋坐卡位。食物：第一轉嘅牛係正常。 跟住之後出個啲亂黎， 完全唔係圖入面嘅牛肉。 俾左好多好似打邊爐啲超薄牛肉 而唔係圖中嘅一舊牛肉。都算，之後出個啲夠膽死係深啡色🤢🤢🤢🤮🤮🤮 即刻退返俾佢。 退嘅時候仲同我講話廚房淨低啲牛都係咁樣 🙄🙄🙄 第一次食到啲咁樣嘅燒肉店。 呢間應該係我暫時食過最差一次嘅燒肉店。

預先在OpenRice訂位，預約了5:30的時段，當時餐廳已滿了八成。餐廳環境方面，乾淨衛生，座位闊落。食物方面，今次叫咗冇和牛嘅套餐，不過牛肉都算唔錯，上菜速度好快，個爐好容易大火，所以啲嘢食好快熟。除咗肉類，仲有串燒可以燒。熟食方面都有一啲炸物同串燒，味道正常，可以燒緊嘅時候一邊食。另外，食物仲有啲特別嘅選擇，例如牛腸、燒棉花糖。服務方面，侍應態度良好。價錢三百幾蚊都算抵食。下次會試吓有和牛嘅套餐。

香港而家開咗好多唔同燒肉嘅放題店，但係如果唔係去到好貴嘅價錢，一般來講食物嘅質素都係十分參差，而且環境一般。而呢一間燒肉店價錢亦都唔算係好貴，但係已經改變左我對燒肉放題餐廳嘅印象，因為佢嘅內在環境非常舒適，兩個人都有卡位坐十分鬆動。餐廳提供好多唔同自家製醬料，令你食嘅燒肉唔會淨係食到同一隻味道。食物方面已經選擇唔係最貴嘅一個餐，但肉類嘅選擇依然係非常之多，牛肉包括左唔同嘅部位，配搭唔同嘅醬料，可謂花多眼亂。而最推介嘅係燒鰻魚，鰻魚一碟雖然得兩片，但係可以任叫，而且肉質非常好，好多餐廳其實係冇呢一個鰻魚選擇。飲品方面亦都有唔同嘅選擇，有罐裝同埋自家製嘅飲品。

週末中午想不到吃什麼，與小朋友一起想找一間舒服的餐廳。在沙田中心那邊看到這間餐廳，見到有放題或者定食。原來定食也可以吃吃出邊的食物/飲品/甜品。但限時60分鐘，我們首先叫了兩個兒童餐，兩個定食。兒童餐裏大概60多元，裏面有烏冬，腸仔，牛肉，玉子，包括一包紙包飲品。我們大人就吃牛肉定食和豬肉定食。出邊的自助區有蔬菜和炸物。蔬菜類包括有秋葵，雞髀菇，翠玉瓜。炸物有薯茄，薯條，炸雞，章魚小丸子。也有咖喱牛肉和白飯。甜品區有雪糕糯米糍和軟雪糕。飲品區也應有盡有有汽水啦同埋一啲茶類。所以食午時定食大概$300幾蚊都食到好飽。而且質素好好👍

$4xx 的和牛餐，沙田此間的和牛質素非常差劣！連首次上的肉都是次貨，毫無誠意！肉質非常粗糙同鞋口，希望貴公司改善一下食物質素及檢討。完全拉低其他店舖的分數！我是Mos 牛太的回頭客，第二次食沙田，不會再回頭 ！ ……………

網見到介紹呢個午市超市燒肉定食包括任飲任食自助吧1小時，平均得一個鐘好似幾趕，但又真係幾抵一於試下，book定位最穩陣。餐廳面積頗大，和風設計，有單人位及卡位，兩者座位都十分闊落，我地3人坐卡位，坐得舒適。餐牌，午市套餐格價約$99-$169不等。落單之後去自助吧拎野食，炸物有4款及咖哩牛肉。醬汁及沙律。甜品，主力係雪糕。熱茶。飲品都多款。要了3個Set。上級封門柳御膳(鹽燒)，$119。上級封門柳御膳(汁燒)，$119。上級板腱肉御膳(鹽燒)，$119。上級封門柳御膳(鹽燒)，$119，配泡菜、味噌湯及白飯。封門柳份量適中，尚算厚身，肉質變軟嫩，牛味濃，好味。上級封門柳御膳(汁燒)，大家都要封門柳，見有兩款口味，就一個汁燒一個鹽Share，汁燒味道更香口。一粒鐘不停燒。上級板腱肉御膳，比較薄身，味道不俗。要了果味燒汁、旨鹽燒及胡麻醬，個人覺得果味燒汁甜甜地幾好味。有肉有菜均衡下，最正有秋葵。咖哩牛肉，拎來撈飯幾正，個咖哩有好多牛肉及薯仔等好足料，甜甜唔太辣味道香濃，幾好味呢。沙律菜清新，落左芝士粉更正。薯條、章魚燒及炸雞粒，正常水準。玫瑰茉莉花茶，支裝好方便，玫瑰茉莉花味比較淡。比利

最近經常係youtube 睇KOL 食評影片介紹，知道喱間無論中午/夜晚都排大隊, 所以我地決定過左2點先食，真係人唔多能即時入座，玩法是半自助形式限時60 min，叫一份肉類(唔夠可另加)配麵豉湯、泡菜，白飯(如果想添白飯，可在咖哩牛肉汁旁取)，自助區有沙津菜、蔬菜、炸物小食、雪糕、生果、咖哩牛肉及飲品。經Apps下單以下食物：1. 黑毛和牛牛肋肉 (鹽) 套餐：肉質新鮮，顏色鮮豔，有一層醬燒係面，口感有點厚，幾好食。2. 澳洲上級封門柳 (鹽) 套餐：油脂分明，肉質新鮮，燒起上黎好香，更入口即融，好好食。自助區取了以下食物：1. 炸物：薯條、魚肉豆腐、雞肉粒、蔬菜丸，旁有蛋黃醬、甜酸醬可配，而且夠熱夠脆，refill了2轉。2. 新鮮沙津菜：雖有沙津汁點配，還跟了KOL 介紹用咖哩牛肉淋上沙津菜還加牛蒡絲點綴，好食!3. 生果：西瓜、哈密瓜、蘆薈粒。4. 甜品：3.5牛乳/巨峰提子味雪糕、英式窩夫 、比利時班戟，3.5牛乳味重，甜度唔高，巨峰提子咪會偏酸甜，混合就剛剛好。5. 飲品：汽水、冷泡菜、OOHA梳打水、有汽檸檬茶等。套餐價格經濟，一小時用餐係足夠，店員親切有禮，得悉我地未

Open rice book 位同朋友食Lunch.朋友先到，被告知只得60分鐘用餐時間，朋友打俾我冇聽就入座了。我到場後，朋友話食快啲啦！好，全程都冇乜傾計，不停燒、不停食。普通餐廳唔使自己燒都有90分鐘，呢間要自己燒完食得60分鐘。最後如我所料，係唔夠時間食，我哋三個小朋友食兒童餐，已經冇乜機會自己，都唔夠時間食完個餐。兒童餐本身好吸引，但由入座計60分鐘，佢上菜要時間、燒肉要時間，趕住食，已經留意唔到好唔好味！呢個餐一半都食唔晒。服務又差，枱上唔夠位放，我收起一個盤，Waiter 剛來到，放低一個餐，我一邊遞俾佢一邊講：「唔該，可以收起….」佢扮聽唔到，即刻轉身走。然後我朋友自己放個盤岀去。結果食剩咁多，又趕又唔飽，又浪費食物。服務態度又差，食呢餐完全係「買難受」。不推薦、不會再去！下面係唔夠時間食嘅食物👇🏼兒童餐份量充足，味道ok.另點的牛小排價錢高，但份量比兒童餐還少，有牛味肉質韌，燒七成熟，小朋友都咬唔開。