日溢中西美食 (已搬遷) 新店位置

尋日一條冷出左去搵野食, 喺冇頭緖又冇咩胃口嘅情況底下, 就四圍行下, 咁啱行到黎呢度, 師傅見到呢間食店, 加上從來都未黎過, 就決定一試!入到去環境幾逼, 但勝在一個人容易搵位, 求其坐底就叫野食, 師傅見到佢個午餐都有幾多選擇, 最後就柯打左E餐, 而E餐係咖哩牛扒飯, 餐飲就要左凍咖啡!等左一陣就有得食, 咖哩牛扒飯都幾大碟, 賣相唔差, 先試下個咖哩汁, 咖哩幾香加上都幾辣幾好味, 而牛扒就切開一件件上, 肉質鬆身, 不過就有幾重鬆肉粉嘅味道, 而薯仔就幾腍幾入味, 可以啦; 至於杯咖啡就一般啦, 皆因始終都飲到有d酸酸地嘅味道!總括黎講食物質素可以, 而服務同環境都係一般, 不過價錢相宜, 三十蚊一個餐包埋凍飲, 都算抵食, 如果外賣就廿七添, 加多個餐湯都係加兩雞, 抵食啦! 師傅覺得呢間食店都可以, 所以寧願行多幾步黎呢間都唔會去嗰間味皇, 至少呢間感覺老實d, 雖然唔知其他質素如何, 但相信大有機會再黎, 而個店名亦甚攪笑, "日溢"? 係咪即係日日? 日日都有中西美食? 笑臉就比唔到住, 可以接受啦!

昨晚看完 <wall‧e>，見金鐘附近不少食肆都接近打烊狀態，於是便行落灣仔。看到這間正播著車仔對馬來西亞，便與男友入內。見了兩個精選晚餐，一個是特級肉眼扒扒薯菜、一個是自選雙拼的司華力腸和豬扒薯菜。先來羅宋湯，色擇不錯，可惜好鹹同偏辣，兩個餐份量都幾大，尤其是肉眼扒，做係足 8 安士。我要的司華力腸和豬扒跟洋蔥汁，又係好鹹，豬扒是薄身那種，煎得不錯，但口感欠奉；這兒勝在價錢便宜，扒餐 $36-40 不等，雖然只包餐湯，不過要加凍飲都係多付 $5，算抵吃。

有同事攞咗呢間既外賣餐單返公司，一睇之下，發覺d午餐都幾抵食咁，每款都係二十五蚊仲送埋餐飲，凍飲仲唔使加錢添。午餐有焗飯及炒粉麵飯供應，款式多達數十款，令人眼花撩亂。尋日點咗焗肉醬雞尾腸飯，今日叫咗滷蛋油雞脾飯，雖然係heavy咗d，不過味道尚算唔錯，絕對可以一試既。同事們都覺得這間的食物水準唔差，又算抵食。

本人在灣仔上班,得知有間新開的茶餐廳,所以去試下,好欣賞佢地o既早餐,叫鹵蛋豬仔骨一丁麵同埋佢地o既焗飯,焗得好正.仲有而家佢地六點鐘已經有特價炒粉麵飯,都係28蚊,好大碟,好過周圍D茶餐廳.前幾日去左睇波tim,佢地有NOW直播,不過勁多人,爭D冇位.大家值得一試