日船章魚小丸子 (已結業)

小丸子6粒15元，比幾年前是貴了點。最近喜歡了加芥末醬，這是他們包起食物前你可以request加的。小丸子外皮熱辣辣，turnover高啊所以新鮮，入面章魚彈牙的，沙拉醬燒汁夠很肥膩，但很好味道！如果掃街，都係有食伴好d，試多幾款。

日船開業多年，可以說是登打士街其中一位老臣子。隨著不停有新力軍在附近開業，它的吸引力減退了不少。已經一年沒有吃過它的章魚小丸子，今日不再受其他美食引誘，目標很明確，非要小丸子不可。人氣不再，但價格持續上升，不知何時加到十五大元一客，與人氣不成正比。因為沒有人龍，點後不用一分鐘就可拿到手。六粒一盒，不加不太勁的wasabi，依舊要求加大量沙津醬。沙津醬不是用卡夫，它的味道甜一點，偏黃色而且是膏狀。小丸子熱得燙口，一口咬下，照燒醬與沙津醬配合，但好像沒以前來得實在和豐富，可能是蛋加麵粉槳薄了。章魚是點晴之用，有了它令口感實在些。到今天，對手確實是做得好，日船風光時期過了，但當我想吃小丸子，我還是會想起它。

推介:　章魚小丸子(淨沙拉味) 　d汁好好味，小丸子唔會太多粉，正! 食過咁多間，都係依間最好，雖然加左價，但係都可接受，惟一冇咁好就係d汁比以前少左同環境麻麻　

小丸子黎啦~大大粒~暖暖的啦~味道還可以的但不多料呀~而外表也很黑一口一粒啦，哈哈哈。

好甜呀...ohhhhhhhhhhhhhh...叫左份章魚燒落埋wasabisabi唔知點解個味道好甜不過每粒都係得一粒仔章魚

在等其他餐廳時吃的，所以要快食。章魚小丸子連飲料才二十三元，便宜過筑地不少。章魚小丸子配木魚、沙律醬和芥辣醬，味道不會和其他地方有什麼大分別，不過丸子甚巨，兩人吃也飽了一半；更重要的是醬汁，這裡的令人開胃，不錯。 飲料選了珍珠奶茶，單看顏色已知茶味不行，還好就是不算太甜。食完，飽了一半，餐廳剛好輪到我們，立即又要再戰下一場。

我同朋友叫左章魚小丸子(芥末沙拉味) $15~嘩...唔好講咁多，短時間就食哂，個汁真係好正，我如果揀章魚小丸子，只係會諗起佢~我同朋友企o係個巷位度食，店員冇話我地，所以我地都好快食哂，唔想佢難做~呢間店其實真係比以前少左好多人買，但我真係希望每次想食都可以食度，我會繼續支持佢~

小丸子（只限尼間）能在旺角企硬咁多年，味道一定好，好過旺角同名字的鋪，我個心突然想吃，好耐無吃，好似加了價，都唔理，吃完先算，味道依舊，帶些芥辣，吃到口都震埋，正…

第2到d小丸子好小有日本介辣..加埋d介辣真係一流 好難搵到好食過佢次次去親都係排晒隊 由其係夜晚真係排晒長龍 佢d珍珠奶茶都吾錯如果2個人飲一杯 可以加多$3 轉大杯 可能2個都飲吾晒$15 1合小丸子 的確好正 又熱又鮮=]

其實之前已經想食,不過果時又唔太肚餓,所以就冇食到今日又再行經呢度,就的起心肝試下喇= ="見佢賣緊$15,6粒, 之前係$13,6粒所以就快快手買左佢黎試下,費事佢第時加價, 我又未試,想食個肥哥哥都幾好人, 問佢野都笑笑口咁笞服務態度的確唔錯而d小丸子味道就普通wasabi冇wasabi味不過d醬就幾好味~

一心黎旺角想食小丸子...去左築地竟然話:章魚賣晒喎!搞錯!!!一間專賣小丸子既舖頭竟然冇章魚=.=之後醒起呢度附近有間日船....就走左個黎食$15 有6粒....算幾平....拎起手仲有微熱呢度D木魚唔知點解好腥 D沙律醬又好甜...搞到D味好怪咬開入面有D菜.....唔係幾食到粒章魚如果想平平地食小丸子都算係唔錯既選擇

15蚊有6粒.幾平=]平時食開既要28蚊得6粒初初諗住咁幾價錢唔會話太好食左...比我想像中好食xDDwasabi唔係太辣幾好.唔錯

$15。6粒章魚小丸子：小丸子好好味..有芥末醬同沙律..即整又夠熱..章魚粒又夠大粒..整體感覺良好..價錢合理....比同類的章魚小丸子為佳....係不錯之選

$15。6粒章魚小丸子：小丸子上面芥末醬同沙律醬，可能本人唔多鐘意芥末醬配小丸子，總覺唔多夾啦，正宗都唔係咁架啦，不過都可試試既，愛芥末既人或會喜愛。另外，章魚粒都唔少，但想講講d粒粒章魚唔多夠淋，有d硬囉！

好耐都食過啦 .. 今次食係6粒小丸子+珍珠奶茶 $24 第一次+左芥末醬個感覺係會好似食sushi咁"工"鼻 ..不過原來唔會嫁 ,, 同埋d salad醬夾埋好好味呀 ..好快就ko晒了 ...