日船章魚小丸子 (已搬遷) 新店位置

朋友fab想試地道香港美食，來到筆者小時最愛的日之船小丸子．自從搬了新店後也未曾光顧．是次可試其水準．價錢又加了一元，一盒六粒現售HK$16．包裝依舊，喜愛那隻紙船．試一口，熱騰騰的小丸子仍然足料，有椰菜粒和章魚粒，加上外層軟棉棉的蛋漿，口感剛剛好，再配上大量獨有的沙律醬，仍然是筆者no. 1 choice! 這絕對是章魚迷必吃小食．

今次我唔係講小丸子，我要講蛋! (章魚小丸子其實我都有買，再加左個珍珠奶茶$22)o係日船見到有個$5蛋，心郁郁左一陣食唔食好...為食o既我，最後都係叫埋...我本身鐘意食流心蛋，通常食拉麵都會嗌，八八八拉麵同隠家拉麵工場個蛋都唔錯。見到呢個蛋冇乜顏色，仲係白雪雪咁，驚會冇咩味，一啖過食左半隻後，比我想像中香酒味，味道都夠，以呢個價錢都算唔錯

日船係我食過既平價小食黎講算係有質素既一間日船未搬之前我都幾常食，但係搬左之後都食少左，一來自己少左去旺角，二來地點無咁就腳今次左一份小丸子，因為唔想食辣關係無落到芥末，今次呢份小丸子同之前比係差左不過都仲係可接受既範圍之前既小丸子係外脆內軟，餡料夠但係宜家食既小丸子外皮仍然係脆，但係偏硬，可能漿落得唔夠多，所以脆之後無左軟既感覺，而餡料亦都比之前少左，之前既小丸子入邊係充滿椰菜所以帶住爽脆既口感，但係宜家椰菜只有少少，所以無左一種充實飽滿感。

章魚小丸子我最鍾意食！過往回家路上總會經過小食店總多的登打士街。多年前嘗試過日船章魚小丸子便欲罷不能。外脆內軟熱騰騰的章魚小丸子，內里有小量爽脆又水份充足的菜絲，彈牙的章魚粒，外面就加上甜甜的旦黃醬和WASABI，帶點像尤魚干味道的木魚，每一顆小丸子都在感動我的味覺，令人很滿足！飲料很便宜，平常的味道。雖然味美，不過事隔一年我才又吃到日船章魚小丸子。原因是我一直找不到搬舖位後的小丸子檔。再嘗，感動依然。而且可能由於新舖人流較小，員工態度比以前好！

終於可以寫日船既食評啦呢間舖開左唔係太耐，而且新鋪應該細過舊鋪，搬左新鋪之後，可能啲舊客無以前咁就腳啦；個日我去就見無咩人，我自己就第一次食買左一客章魚小丸子同一杯茉香綠茶，$21一盒小丸子都要$16，所以杯野飲都幾抵。店員服務幾好，我話三粒要沙律醬，三粒唔要佢都依然有禮貌，大家知啦，有啲店員唔係咁咖，佢地會black面咖。章魚小丸子($16) : 一盒六粒，熱辣辣，淋上醬汁同沙律醬，木魚片好脆口，粒粒都好似乒乓波咁大，超好味！咬落口仲香脆既，而且啲章魚都幾大粒！可以用皮薄餡靚黎形容！雖然比外面貴，但值得！茉香綠茶(買小丸子+$5) : OKAY，不過不失，夠冰凍所以可以消暑，普通綠茶味，淡淡的茉莉香，但+$5就有，所以都算有水準。Overall, 都幾好食！我諗都會再黎！