日記屋 (已結業)

深水埗新開cafe，環境裝修都好文青feel，同朋友傾計都好舒服～有outdoor 座位選擇 推介ice drip coffee☕️，飲落去無long black 咁苦澀容易入口，重點係ice drip 唔係好多地方都有得飲，香港又濕又熱天氣飲返杯係清涼降溫的好選擇店員都好傾得，佢地都會介紹佢地當日推介既咖啡，除左咖啡都仲有唔少特飲同茶～ 仲有定期有唔同甜品同埋兩個拳頭咁大既牛角包🥐牛角包好重牛油味～可以試下不過牛角包建議堂食或者拎走之後短時間內要食如果唔係會咁脆 👉🏻cafe 門口有個大郵筒，可以搵店員拎一張信紙寫低比自己既信/ 舒發/ 記底你想記底既野，寫埋幾耐之後過來睇返同埋contact，店員會係果個日子提返你過來睇，類似時間囊咁，幾得意。

今日行開去有文青街的深水埗基隆街。走進一間貌似台式咖啡廳。從店外至內同九把刀名著<等一個人咖啡>小說中的等一個人咖啡廳很相似。走進去被一件芒果蛋糕吸引，馬上點下這塊精緻的蛋糕。入口清新香濃帶有好重巴西芒果口味的焦糖蛋糕。好美味。熱情巴士芒果肉加入醉人情迷的焦糖，有芒果味又有布丁焦糖味。值得一試。之後同店長閒聊兩句。因是新開張，他推介鎮店之寶冰釀咖啡 Cold Brew Coffee，又稱冷萃咖啡。我坐上吧台，看到一整排的專業咖啡機，真有點像視帝陳豪個套咖啡機一樣。一小杯Cold Brew Coffee，苦澀帶有濃烈的咖啡因。當中帶點微酸。有點像喝Dry Martini一樣。喝後令人頭腦清醒。