早稻石磨腸粉

營業中

休息中

昨日早餐特登過黎買腸粉食我揀左三樣嘢，第一個係西班牙黑豚肉腸粉，第二個係生菜雞蛋腸粉，第三個肉片腸粉，我覺得三個腸粉都係偏厚皮，另外個豉油唔係我鍾意個仲甜甜地嘅腸粉豉油，所以我覺得麻麻地，普通。好多人推介西班牙黑豚肉腸粉，而我自己覺得三個最好食嘅係生菜雞蛋腸粉☺️☺️

好好味之前喺香港食嘅石磨腸粉，感覺都有啲厚呢間好薄好滑味道都好好而且價錢都唔貴，加咗叉燒雞蛋生菜叉燒腸都係$28 抵食下次經過會再幫襯而且好似仲有外賣添唔錯，唔錯

食個快飯就上堂🤤生菜雞蛋腸粉我最愛😍大大盒，料又多，又平又好食，食完一盒啱啱好🤣當然係按肥米嘅食量(˶‾᷄ ⁻̫ ‾᷅˵)之後都一直encore ！#早稻石磨腸粉 📍 土瓜灣炮仗街46-48號地下E號舖

土瓜灣舊區尋找美食多籮籮.第二站隱世好腸粉.今次同大家分享一間街坊熟客多得很及熱愛的石磨腸粉外賣長龍小店.這店唔單純有石磨腸粉.還有街坊喜愛包點.這店我已經來過兩次.每次石磨腸粉都未有令我失望.不過有一樣野令我有點失落.每次都買唔到佢哋嘅包點.我每次買石磨腸粉排隊等果陣時.時不時不停有街坊前來問是否有包點賣.店家每次回覆都係果句.遲啲要等到旁晚六點至六點半後才能有時間開賣.因買石磨腸粉啲人太多.兼顧唔到咁多.這段時間實在無能力！呢度啲腸粉是堆疊式.中間包著顧客揀選之食材.再加上唔同嘅配菜.每份腸粉都用咗一個透明膠盒裝載.面頭加送（特製豉油及秘製蒜蓉辣椒醬油各一盒）另外還有一個有趣的卡通公仔圖案及金句名言.金句是這樣寫：（唯愛與美食 / 不可辜負 / 美食是一場永不散場的盛宴）金句使我（銘記於心😍💖）

第一次會想寫下評論，希望介紹一下地道嘅小食俾大家。呢間主打係腸粉新鮮即整，平時我嗌支豆漿，（佢哋請師傅自己磨的豆漿）加一款腸粉，（種類比較多，仲有個撈面都好好食）價錢經濟實惠，（加埋多一個美味嘅睇仔包都係40幾蚊）最緊要辣椒油好正，（絕對要試下呢間的自製辣椒油，好香口）可電話落單，大約15分鐘左右有得拎。呢間係我食過最好食嘅腸粉！試過幾款唔同的腸粉了，均無失望過。如果想試下唔同嘅早餐，可以選擇呢間試下。（要作夠200字先可以評某啲評分？會唔會有啲多呢？）

世一腸粉係我食過最好食既腸粉！即叫即蒸！腸粉好煙韌，好有米香味，仲要非常足料！辣椒都好好食，有蒜蓉，好香好夠辣！生菜豬膶腸 $23豬膶好大塊，岩岩好，唔會太生太老！仲好滑好香，唔食豬潤既朋友都好值得一試！手切牛肉腸 $25手切牛肉都好足料好滑！加左葱更香口！手切牛肉大大塊又滑，唔會咬唔到或者太乾，岩岩好！之前試過葱花蝦米腸，香葱豬肉腸，簡簡單單都好好食！好食到可以狂食！個腸粉皮真係無得輸！係呢度先食到！食一份已經好夠！

疫情下好多時都係外賣解決一日三餐，食外賣食到人都灰，唯獨呢間腸粉食極都唔厭雖然叫app成日都無啦啦被cancel order ，但早稻嘅豬肉腸加蛋真係無得頂，落埋佢個豉油+ XO醬，簡直世一

平時經過呢間小店都見有吾少客人等緊外賣，今次經過都買左2盒，果然真係好好味😋小店店舖細細間，依家天氣凍左所以吾覺，如果夏天的話係入面蒸住腸粉又無冷氣，都幾辛苦架🔥 呢啲高質既小店要介紹俾更多既人識❤️呢度既腸粉即叫即蒸，所以需時耐小小😇 口感好滑好足料🤤 不得不提小店既辣椒醬好出色，點小小已夠辣了👍🏻 再加埋醬油，真係超好味啊🤤🤤小店老闆話如果吾想等咁耐，可以預先係WhatsApp落單，咁就會慳返好多時間啦❤️

下班路过看到的小店 不大 但是用料真的很实在 我又买过好几次牛肉超大份啦 肠粉也很滑 我特别喜欢这种类型的肠粉！配的辣椒酱炒鸡好吃！！！可以提前电话下单然后自取但是只能能cash 希望之后能电子支付咯

食過好多間出名既即磨腸粉都無喱間禁好食，甚至比大陸出名既都好食。除左足料大份同抵食，腸粉夠薄和滑，鼓油和辣油都好惹味。腸粉最鐘意食雞蛋生菜腸粉，其他都一樣好好味。蒸米粉足料好大份，一樣好食同推介，唔係太多地方有得食蒸米粉，除咗客家人會整無乜其他地方既人會整到。飲品偏向低糖或無糖，比較健康。家族生意，早餐時段經常好多人買所以要等比較久, 最好買之前打電話落單，可以唔使等。同埋老細一家人都比較隨和，所以態度好好。

年初三恰巧是情人節，用外賣速遞平台下單，選擇了姬松茸上素腸粉、健康上素腸粉和韭黃鮮蝦腸粉。素腸材料豐富，有蘿蔔粒、粟米粒和菇粒，但兩種素腸材料分別不大。腸粉口感滑溜，附上的醫油味道甜甜的，頗為美味，而且十分飽肚。我沒有嘗試鮮蝦腸，所以不能給予評價，但看見鮮蝦腸伴隨生菜做餡，同樣用料十足。值得一讚的是，素食人士又多一個好選擇👍🏻看其他食評食店另有包點出售，唯外賣平台沒有包點選擇，下次會親自到食店選購，試試他們的包點。希望食店給予素食人士更多選擇！

有一次買餸無意中經過見到呢間小店，所以買咗啲腸粉，包點，返屋企試吓，結果味道真係好唔錯。原來呢間小店啱啱開咗冇幾耐我主要係買石磨腸粉同埋一啲包點。推介腸粉，包點。原來啲包係師傅親手整唔係攞貨返嚟，每日新鮮製造。佢啲豆漿同埋羅漢果茶都好好味。最鍾意食佢嘅刺蝟包同埋豬仔包，好有創意呀，小朋友食完好開心😃。佢哋嘅羅漢果茶同豆漿都好好味真材實料。每樣食物都係師傅嘅心機之作，睇得出佢係用心去整，值得推介，支持小店

有日突然好想食腸粉，但平時好多時個皮都好厚身，所以一路好想搵間薄身多餡的腸粉店。呢間石磨的位置是在大街轉角位，而且細細間，不算顯眼。但好彩無就咁行過左，因為試左d腸粉，全部皮薄餡靚，超好食！！腸粉價錢大概二十蚊上下。蒸點就$20 三件同店員傾開，佢話佢地開業兩個月左右。講開附近都有腸粉店，佢用手指指店內，話佢地真係用石磨去整腸粉，好正宗。令到我好急不及待想試下！好開心呀！好多食物，有腸粉、蒸點，仲有佢地自家製豆漿，好養生。D蒸包仲熱辣辣！摸上手好熱，好岩食！呢個係香蔥豬肉腸$20好多蔥，隔住個食都聞到香氣。呢個係日式野菌和牛腸$28超好食呀呢個！！強烈推薦！！個皮係薄到精營剔透咁，睇得到入面的餡。仲要好足料，啖啖都係和牛同野菌，個配搭好夾，仲有微微黑椒香！佢有送埋甜豉油同辣醬，另外用醬料盒入住，好整齊衛生。好開心土瓜灣有間咁好食的石磨腸粉！