影片
港鐵九龍灣站 B 出口, 步行約9分鐘
繼續閱讀
電話號碼
23590025
營業時間
星期一至四: 12:00-16:00; 17:30-22:00
星期五: 12:00-16:00; 17:30-22:30
星期六: 12:00-16:30; 17:30-22:30
星期日: 12:00-16:30; 17:30-22:00
以上資料只供參考, 請與餐廳確認詳情
相關文章
雖然奧運已經過咗，但係我仲係好熱衷睇運動比賽🤣 知道2024亞洲公開花樣滑冰錦標賽9⽉2⾄5⽇係九龍灣MegaBox舉行，即刻要去睇吓😎 一排冇嚟發現呢度又多咗一啲新餐廳，最特別嘅就係有一間日本涮涮鍋過江龍，旬彩火鍋，環境好大好舒適，睇完比賽入去試吓🫶🏻 🌟 旬彩春夏限定 $398/位 放題晚市火鍋 120分鐘（包括美國精選牛肉、美國牛板腱、美國SRF極黑牛、日本黑毛和牛、西班牙栗豚及多款壽司任食）呢個係最高級嘅😎 性價比都唔錯，120分鐘好足夠🫶🏻 🍲首先要揀咗湯底先，係一人一鍋，我哋揀咗壽喜燒同香港限定湯底，柚子貝柱鍋😎 呢度嘅湯底偏淡，清清地唔會蓋過肉味，唔錯🫶🏻 🥩叫得呢個餐梗係要瘋狂叫佢嘅日本黑毛和牛啦😎 日本黑毛和牛真係好靚，油花靚，淥幾秒已經食得，入口非常軟嫩，但係又唔會好肥，非常推介🫶🏻 叫多幾碟已經回本🤣 🥩另一個推介嘅肉係美國S R F極黑牛，呢一款又係好好食，味道好濃郁，比日本黑毛和牛更有咬口，又係勁encore🤣 🥩另外驚喜位係西班牙栗豚😍 估唔到一啲都唔比牛肉差喎，入口軟嫩，肉質鮮甜，唔食牛嘅朋友呢個勁推介🫶🏻🦐海鮮嘅話，呢度選擇就真係唔算多，除咗蜆之外，其他都要再另加錢😆 不過都OK嘅，佢嘅肉選擇夠晒多😌 🍣另外一樣比較特別嘅就係壽司任點任食，試過幾樣都唔錯🫶🏻 推薦佢嘅三文魚同埋鰻魚壽司🥰 🥬自助區款式選擇多，蔬菜好多款，全部都好新鮮✌️ 丸類豆腐等等都好足夠🫶🏻🍦🧃自助區有多款雪糕飲品，另外都有特別啲嘅日韓甜品可以用QR code落單，我哋叫咗兩款韓式嘅雪糕，都唔錯喎🥰 呢間主打嘅肉類真係唔錯，如果鍾意食牛肉嘅，真係可以試吓最高級呢一個餐，日本黑毛和牛好推薦🫶🏻 環境好舒適，下次再約埋一班朋友嚟🫶🏻🫶🏻
繼續閱讀
位於九龍灣MegaBox嘅🌟旬彩火鍋🌟，係日式火鍋放題店♨️！晚市餐牌有120分鐘嘅全放題🌕，星期一至五仲有60分鐘嘅肉品定量半自助放題🌗！♨️晚市120分鐘火鍋放題 - Set D $398/位最高級別嘅放題，包含日本黑毛和牛任食！一開始會上齊所有級別嘅肉品，每位共六盒！♨️日本名物湯底：旨辛｜壽喜旨辛湯底口味微辣之中帶一點點清爽嘅酸同埋蒜香，真係好惹味！壽喜湯底就係醬香滿滿，口味帶甜！🐂日本黑毛和牛｜美國SRF極黑牛｜美國牛板腱較高級別嘅肉品，油花明顯充足而且均勻好多！切得夠薄，回溫過後，輕輕一焯就食得！🐂美國精選牛肉｜美國肥牛基本嘅肉品，較厚身！可能流轉快，解凍方面比較好！🐖西班牙栗豚火鍋豚肉片嘅質素有驚喜！軟嫩而甘香，值得一再encore！🍣壽司火鍋放題包埋壽司任食，保證飽肚！🍦甜品有部份甜品要經QR Code落單，果然係正過自助區嘅好多！翻啅咗好多轉Seo Ju法式波浪雪糕！🥤自助區包含醬料、飲品、蔬菜丸類同埋部份甜品，有唔少店家自家製嘅飲品，選擇夠晒多！
繼續閱讀
介紹返💁🏻♀️。。🇯🇵 肉肉火鍋 在九龍灣 🇯🇵。旬彩火鍋 COSMO Shabu Shabu。MegaBox 10樓5號舖。晚市 120分鐘 火鍋放題期間限定 - 美國肥牛 。HKD158 + 10%西班牙栗豚。美國精選牛肉。HKD198 + 10%美國牛板腱。美國SRF極黒牛。HKD238 + 10%日本黑毛和牛。HKD398 + 10%🤫 早幾日陪朋友行姨媽傢俬買嘢..最近得嚟大間嘅就係MegaBox嗰間No Doubt🤷🏻♀️行完順便搵個地方開飯..行過Food Court嗰層見到間收得好埋嘅日式邊爐..所以最後決定刷返餐百二分鐘🥘🤫 咁哩間旬彩分咗四個Plans..最平嗰個係期間限定..百六蚊有找..然後就同普遍邊爐放題一樣層層遞進..越貴越多肉揀..所以身為食肉獸嘅本人決定食最貴..Try Try佢😬🤫 揀完Plan就國際慣例..揀湯底～湯底哩度都幾多得揀..夾夾埋埋有成八種選擇..哎～By The Way..唔講你未必知..哩間旬彩其實係日本過江龍嚟㗎..作為過江龍都好貼心咁On Top Of原有嘅壽喜湯旨辛湯昆布湯同飛魚湯四種湯底為香港新增香港限定嘅豚骨..豆乳..番茄同柚子貝柱湯底..我哋就清清哋試吓個壽喜湯同柚子貝柱..而且由一人一鍋加八蚊雞Up成大嘅鴛鴦鍋方便Share食🤫 嗱～老實嘅..火鍋配料嘅Menu List主打真係肉肉..海鮮除咗蜆係任食之外..其餘嘅海蝦呀蠔呀都係要課金加碼嘅..既然係咁嘅情況..我哋就緊係去盡個蜆ss佢啦🤣Encore咗四五次..雖然係細蜆仔但係勝在夠鮮而且無沙..所以哩個係大推～🤫 然後俾我叫得呢度做肉肉火鍋..啲肉就緊係有返啲料到嘅😏我哋食最貴嗰個Plan有齊晒全個場嘅肉肉..湯底一到..侍應姨姨就一鑊過出晒全部種類嘅肉肉每樣兩碟..等我哋可以把握時間試勻晒六款唔同嘅豬同埋牛🤫 咁將貨就價嚟講..都真係黑毛和牛嘅肉質係最靚仔嘅..好欣賞佢哋啲肉全部都係薄薄一片..真係可以做到淥四五吓就食得..黑毛和牛雪花均勻脂肪同肉嘅比例非常之平均🤫 其次個人就覺得最抵食嘅美國肥牛都唔差喎..美國肥牛離遠睇其實有啲似未煮熟嘅煙肉..即係三分之一條係肥肥脂肪..另外嘅三分之二就係肉嚟嘅..成件事都幾Balance..肉味都OK🤫 另外個人覺得比較特別啲嘅就係佢哋呢度嘅SRF極黑牛脂肪非常之少..紋理同其他牛肉片亦都好唔同..相對係實肉啲嘅感覺..咬口亦都強啲..因為脂肪含量比較少個人覺得好似健康啲😬🤫 仲有喎..佢哋嘅唔知乜鬼嘢西班牙栗豚俾到驚喜我..平時打邊爐有靚牛肉食嘅話我都好少揀食豚肉..但係呢度嘅豚肉可能又係切得夠薄..所以非常之快熟..又唔會話好似平時打邊爐嗰啲豬肉咁韌口同嚡口..所以今次豬肉嚟講我都食得多🤫 然後喺外邊自由斟自由拎嘅嘢飲種類都可以話係應有盡有嘅..佢哋有自家製嘅酸梅湯之類嘅飲品..小食方面炸雞都Keep得到香口..仲有香港人都幾鍾意食嘅蒸魚肉燒賣🤫 至於出去夾嘅火鍋配料方面..唔知佢哋啲蔬菜係咪日本嚟㗎呢..我覺得啲白蘿蔔同埋芋頭都好好食喎..白蘿蔔勁甜冇渣..然後丸類都要有嘅都有啦..比較特別啲嘅係雞件同埋三文魚鮫都係出邊自己夾嘅🤫 最後甜品方面..百福豆腐花同埋有啲韓國雪條都有得食..佢哋獨家有嘅刨冰都有好多配料選擇..不過因為我哋兩個都食得太多肉肉..已經冇空間去試吓啲刨冰😂。。翻兜指數：🙆🏻♀️（5個🙆🏻♀️為翻兜爆燈） 。。
繼續閱讀
MEGABOX地方大, 平時人流唔多都幾好行, 食野又唔太多人唔洗排隊等位今日食既呢間"旬彩火鍋"環境又係超大, 地方好闊落, 同屋企人一行四人食火鍋一大張枱都覺得坐得特別舒服晚市火鍋放題120分鐘有4個套餐, 價錢$158-$398~我地揀左$398套餐包日本黑毛和牛, 美國SFR極黑牛, 美國牛板腱, 美國精選牛肉, 美國肥牛 & 西班牙栗豚~~自助區有多款火鍋配料提供~包括蔬菜, 丸類, 菇類, 麵食等等.......仲有熟食同甜品區呢....飲品選擇亦好豐富~果汁汽水樣樣有.....不過啤酒就另收費喇~自助醬料區&自己Refill湯底~~每人一個月鍋湯底~一共有8款湯底, 包括壽喜, 旨辛, 昆布, 飛魚湯, 豚骨, 豆乳, 番茄, 柚子貝湯~番茄湯底味道濃郁, 每啖都食到鮮茄既香味豚骨湯底香濃順滑, 感覺滿滿骨膠原第一輪餐廳安排送上套餐既所有肉類~日本黑毛和牛、美國精選牛肉、美國牛板腱、美國SRF極黑牛、西班牙栗豚~~~~日本黑毛和牛薄薄的, 肉質細嫩, 口感輕盈, 多吃都唔會有負擔而我就最鍾意食美國SRF極黑牛喇, 鍾意佢有D口感, 牛味濃郁, 肉質軟腍其他肉類都唔錯, 無限encore正另外仲有海鮮點, 蜆肉新鮮又冇沙~~多款壽司任食~~有玉子, 鰻魚, 鱈場蟹棒, 腐皮, 熟蝦, 北寄貝, 熟帆立貝, 火灸三文魚 & 八爪魚....甜品都好多款~仲有韓國雪條添, 幾特別丫!!!
繼續閱讀
日式火鍋放題 揀咗最高$398 120分鐘好夠我哋食，店員好有禮講解我哋可以揀一個人一鍋或者鴛鴦鍋，揀咗壽喜湯底同豬湯底😍先會放係枱上我揀套餐嘅幾款肉類美國肥牛好多脂肪好多油花唔係點豉油都好食西班牙栗豚豬肉薄片經過壽喜湯煮過好爽口美國精選牛肉牛肉嚟過啲種比較多脂肪，都好有牛香膻氣😋美國牛板腱好有口感牛肉味比較重，用日本芝麻醬點上更加提升香氣😋日本黑毛和牛一定要食啲碟日本黑毛和牛，超香牛肉油脂食一口唔會好油膩，不用點醬料都好豐富口感😆美國SRF極黑牛味道當然不及日本和牛，但美國黑牛特別重味，點上日本豉油都好好味😋放喺出面任食shabu shabu食材有牛丸、魚蛋、日本豆腐，仲有生菜、油麥菜、蕃茄，最特別就係日式蘑菇炊飯，啱晒我呢個飯桶唔夠飽可以食一碗飯🙈仲有好多唔同種類韓式雪條，仲有特別嘅日式蛋糕🍰😍而我一個套餐可以喺QR code數有特別嘅雪條，我就帶咗四款唔同嘅紅色薯條我就最鍾意芒果雪條同埋藍莓乳酸雪條，一條唔係一般嘅甜度係真係用咗嘅香味咬到芒果肉🥭真係好食🤤仲有藍莓乳酸味道好夾，忍唔住再encore多一條😆總結1️⃣覺得依間日式火鍋店時間啱啱好預算兩個鐘可以慢慢食，食到我停晒手都未夠鐘😆，2️⃣就係呢間呢間嘅空間感寬敞，每個座位唔會狹窄，呢度都好適合一家大細你坐低慢慢食，另外呢同所有嘅服務員都好細心同埋好有禮貌😊✨
繼續閱讀