旮旯 (已結業)

😋😋位於元朗既美食我2次都接近4點去買3:30開賣甜品第1次去已經賣晒我想食既味第2次淨番番薯味所以只係買到蕃薯味好想食抹茶味阿可惜店主移民去咗英國不過見佢哋有做網上生意未食過既你仍然可以試#番薯味卷蛋食完吾會好濟吾會覺得太甜不過番薯味吾重反而有d似好立克個蛋卷吾會乾身食完吾會覺得好口乾真係好想試下抹茶味😍😍 #皇天不負有心人 非常開心第三次終於食到第一次想食嘅嘢可想而知一個抹茶卷蛋幾多人排隊# 抹茶卷蛋甜品仍然係手工製作 新鮮製造都係食完吾會好濟 吾會覺得太甜個蛋卷吾會乾身 食完吾會覺得好口乾抹茶味好濃烈😋同平時出面好甜既抹茶甜品吾同我吾係抹茶控食得出分別強烈建議抹茶控一定要去試下😍😍 # 星期一會休息我第2次想去買摸門釘真係喊出黎聽聞排隊排到去橋口🙀*

趕得切搭上旮旯嘅尾班車！雖然要排差唔多個幾兩個鐘但真係值得一試最深刻係個麥提莎糯米糍，外面沾左抹茶粉或黑芝麻味嘅皮，咬落軟軟淋淋又煙韌，食到最入面包咗粒脆脆嘅麥提莎😋另外有個off menu蕨餅四味二人餐，蕨餅原本無味用冰水浸泡著，可依喜好沾上黃豆、抹茶、芝麻和紫薯四種粉末，還有煉奶和黑糖沾醬，個人認為沾綠茶粉最為香濃，其他則不算太入味正餐都十分有水準！叫咗兩碟意粉夠晒味道又足料，好抵食聽講以家重新係屯門捲土重來，真係好想去多次試一試佢地個招牌卷蛋呀😻

【二訪| 元朗抹茶甜品店】//來不及post 小店已經結業了😢//..好耐之前介紹過嘅元朗甜品店 👧🏻為咗佢嘅卷蛋而去 可惜當日可能太早 尚未準備好 冇得食好失望😭😭於是叫咗都幾出名嘅葛餅 🍡巴斯克蛋糕🍰同抹茶牛奶🍵🥛🔸葛餅<雙拼>($28)有黃豆粉(原味)同抹茶兩種口味 沾上煉奶及黑糖 質感QQ 甜甜的🔸巴斯克芝士蛋糕($45)中間流心 芝士味好香🤤食晒成件都唔會好滯 邊位較實 有啲似New York cheesecake🧀🔸日本茶道·抹茶鮮奶🍵🥛($68)可以玩嘅抹茶牛奶🤪打發好嘅牛奶 有綿密幼滑嘅奶泡😍抹茶味好香！嫌佢不夠甜的話仲可以加煉奶 自行調校 唯一挑剔係份量太少 感覺不值🥺－－－－－－－－－🍴食物：3.5/5🏝環境：3.5/5🛋服務：3/5💲價錢：3/5💥翻兜指數：3.5/5✨CP值：3/5

呢度嘅抹茶卷蛋係我食過最好食嘅一間！由我知道佢地就快結業開始就想去食多幾次卷蛋！所以係8月入面都去左幾次，不過佢地既甜品係數量有限，唔一定每次都食到🙈呢日係一心去食午餐嘅！鰻魚日式炒意大利麵$78又估唔到除左甜品正，連炒意粉都咁好味！意粉軟硬度適中，鰻魚足料而且炒過好香！玉子燒$40很住家feel的玉子燒！好味道，口感軟綿！葛餅雙拼(抹茶+黄豆粉)$28食到飽一飽，但黎到點可以唔食個甜品？！同之前食一樣，配上黑糖同煉奶～我依舊先食一次唔點醬的，抹茶味真係好濃！黄豆的都好味😋配埋醬食更正～堂食完差不多3點，出去排隊買埋外賣！由於想係佢地結業前試晒佢地嘅甜品，所以今次買左3款！抹茶麥糍$30一盒九粒，糯米糍外面沾左抹茶粉，而裡面就包左麥提莎！外面軟軟既糯米糍，入面脆脆既麥提莎😋加埋濃濃的抹茶粉！超好吃的！夜晚同一班朋友分享，大家都讚好😋抹茶皮紅豆茶餅$32一樣係沾上好多既抹茶粉，糯米糍入面包住既係紅豆～同麥糍既口感唔同，整個軟軟的、夾雜住抹茶同紅豆既味道！好食！黑芝麻皮茶餅$32第一口食到幾香既黑芝麻味道，鍾意黑芝麻既朋友會好鍾意！後記：係九月頭小店已經結業左，想食可能要等下佢地捲土重來先

⛩日式超人氣小店 🇯🇵💛哩間係元朗嘅名店之一😍哩間餐廳真係好full, 成日都見到排晒隊咁。好彩個日唔洗點等就入得！ 整體來說，超級推薦！十分好的有肉有素(有蛋奶)餐廳😍  餐廳就細細間咁，唔係一間坐到好耐既cafe，食完就要走架啦。但裝修都幾靚, 好日系! 甜點係必食🤤 流心抹茶卷蛋同茶餅抹茶味超足🍵 ！茶餅煙煙韌韌勁好食😍主食方面，我哋叫左個忌廉波菜小米藜麥，走肉版。意想不到咁好食！估唔到仲好大份，兩人一碟就夠！野飲方面，我杯朱古力好濃味，勁好飲！📝整體評價:.😋味道: 9/10🍃環境: 7/10 .(地方較細）💰價錢: 人均 $100-150👍 抵去: 8/10

《抹茶》抹茶對於我黎講，從來都唔係第一選擇，炎炎夏日，一杯冰涼嘅果汁更加引人注目。寒冷冬天，一杯溫熱嘅朱古力足以暖上心頭。抹茶好飲，好食。我唔討厭抹茶，亦都唔抗拒抹茶，只係唔會選擇佢。朋友介紹下，去咗旮旯，一間好出名嘅日式甜品店，我哋叫咗抹茶牛奶抹茶牛奶嘅配搭冇我想像中咁濟，反而有實實在在冰涼感，就好似果汁咁有降溫嘅功效，奶香十足，味道亦都算好飲抹茶葛餅我好鍾意食一啲煙韌、有咬感嘅甜品，所以呢個好啱我口味，粉團比綠茶粉包圍着，Q彈得來又可以帶出抹茶香。芝士蛋糕濃郁嘅芝士味、綿密嘅口感，入口即溶，有意外驚喜。小西點雖然都能夠好似其他抹茶甜品咁，有濃厚嘅抹茶香，加上奶油，但係好可惜呢個蛋糕有啲太硬，大大影響口感。

《製》旮旯《品》【抹茶卷蛋】$35🔹流心抹茶醬味濃，具其苦澀，調得優秀；🔹茶醬份量尚算夠，可拌完海綿蛋糕。🔹糕體鬆軟綿密，乾濕適中，不偏不倚，回彈力不俗。🔹糕體可承之味有限，但此家糕體茶味算明顯！🔹表層亦撒有抹茶粉，增味添香。🔹抹茶控友人認為不俗，水準之上，值得一試——🔹但未值山長水遠入元朗，烈日當空下排隊。—————————————————————————【葛餅】$28🔸軟身，非走煙韌路線，如爽口啫喱、能俐落咬斷；🔸裹上黃豆/抹茶粉，表層有豆/茶香，粉質幼細無結塊；🔸但主要喫口感，味道偏淡。🔸幸配黑糖煉奶醬，香甜不膩，食味頓增。—————————————————————————🔎#老饕鑑鹹_中上品🗂#老饕品_日本菜；#老饕喫_茶📍#老饕赴_元朗🗺️元朗裕榮徑11號好旺洋樓地下16號舖

🅶🅻🅾︎🅲🅺🇯🇵日式甜品🍮良心小店琴日光榮結業🥺但係竟然仲未試過堂食佢嘅抹茶卷蛋🍵經開每次大排長龍🙈咁啱上次無人就即刻衝去買咗外賣🥡希望大家都會記住佢嘅味道啦🤍﹎﹎﹎﹎﹎﹎﹎﹎﹎﹎﹎﹎﹎﹎﹎/麥糍(抹茶🍵黑芝麻) $58/貪心梗係兩隻味都試晒🥰糯米糍包住麥提沙 外皮超煙韌🤤抹茶🍵淡淡茶味清新啲唔算好濃茶味 相比之下黑芝麻嘅味會特別啲 同出啲☺️略嫌皮又少少厚雖然好有咬口🙈/黃豆粉葛餅 $30/性價比超好嘅地道葛餅🤤黃豆粉鋪滿好香濃嘅豆味 donki嘅蕨完全無得揮😍葛餅口感軟綿綿 比拉絲麻糬硬身少少嘅😌點埋煉奶甜度啱啱好 奶味好夾﹎﹎﹎﹎﹎﹎﹎﹎﹎﹎﹎﹎﹎﹎﹎﹎🌟整體評分 (滿分: ♡♡♡♡♡)味道: ♡♡♡♡環境打卡: ♡♡♡♡性價比: ♡♡♡♡♡Encore指數: ♡♡♡♡﹎﹎﹎﹎﹎﹎﹎﹎﹎﹎﹎﹎﹎﹎﹎﹎

元朗人氣日式抹茶甜品店☺️這個小店有自家午餐一星期左右會換新嘅餐牌😌有A-F揀❣️下晝3:00開始呢就會有佢最出名嘅抹茶卷蛋每日限量發售🤩抹茶卷蛋$35今日到嘅時候好開心比我食到最後一件蛋捲😋（果時4點半左右）卷蛋好濕潤嘅質地同抹濃濃的抹茶醬配合真係好好味❣️抹茶控寶寶筆記一下了😌抹茶麥提沙糯米糍$38一場嚟到一定要試佢糍麥😋煙煙韌韌好好食❣️我都係鍾意食抹茶味😌黃豆粉+抹茶粉葛餅$28✌🏻一次過可以食晒兩隻味入口煙煙韌韌可以點黑糖同煉奶😌越食越掛住日本呀❣️茶餅$28抹茶控的我再來一個抹茶餅（冇餡）同埋有紅豆餡二款可以點煉奶❣️我揀奶醬😌📍:旮旯 (元朗)元朗裕榮徑11號好旺洋樓地下16號舖

三神成日周圍好食野🍽，po IG story 引到啲朋友流哂口水🤤。佢地都成日叫三神開返個IG Foodie Page📸，但係三神都遲遲都未有時間搞💥💥。今日！三神終於扚起心肝❣️，開返個Foodie Page，同大家分享美食！🤓-第一個po 就緊係要介紹一間特別嘅店鋪啦。是關最近三神見到篇文章講元朗有間好有名氣嘅小店要結束營業😥。而依間就旮旯，佢地好厲害，由一間賣麥糍葛餅嘅網店去到元朗人氣小店。依間三神之前試過。結業真係好可惜😭。佢地會做到9月頭左右✨，大家趁未結業去試下啦！-🍝明太子忌廉意大利麵（$88）三神係好鐘意食啲creamy 嘅意大利麵，而依個意大利麵正正就做到依件事。😋最初碟意大利麵上枱嘅時候三神心諗🤔：明太子點解咁少，得頂果少少。一食落就知明太子係混入咗落啲忌廉到，食得出味道好夾。味道好豐富，好有滿足感！✨8/10-🍵 抺茶麥糍 （$32︱6粒）出面嘅軟熟嘅抺茶麥糍裏面包住香脆可口嘅麥提莎😆，口感好有趣！加上外面嘅抺荼粉味道苦苦，同麥提莎嘅甜中和返，味道唔錯。✨7/10

餐廳9月要結業，想趕尾班車吃個馳名抹茶卷蛋，甜品3點開始供應，見網上說要早點來排隊，我太天真了，2:30來到時人龍已經長到上了天橋，有50人在我前面🙈我的後面都排了5、60人🙈偷聽到排頭位的人應該12點就來了，大熱天時汗流浹背只能寫個服字！店員會派飛仔，某些甜品要有飛仔才買到，後來的人只好望梅輕嘆。抹茶卷蛋的飛大概只有十零廿張，我當然拿不到。堂食叫了一轉約十張枱就cut了，只能買外賣。排個外賣都要3:45才買到：小西點：排前後的人包括我聽到這個名都問女店員即是什麼，然後她不耐煩答🙈（另外兩位男店員是很有禮貌的）如果不耐煩的話不如一開始就說清楚這款甜品是什麼🤔底下有抹茶醬很好吃，但重點是，蛋糕一叉就會散成碎粒，很糟糕！朋友以前吃過堂食，說不會散的，所以質量下降了嗎？？抹茶葛餅：很軟、加了煉乳都好吃，但不值得排一個鐘以上來吃麥滋：這家的糯米糍做得很軟很不錯，不過夾麥提沙其實n年前九龍城的糖水舖都有得吃，不算特別，都是那句，沒有卷蛋就不值得排一個鐘以上🥲因為排了隊，所以有什麼還能選擇的都買來試🙈想吃卷蛋的勇士記得帶齊防中暑的裝備🙈希望總有一天有緣吃到傳聞中勁好吃的抹茶卷蛋🥲

失望透頂18/08/2021好多人都推介甜品，話必試 好好食黎左三次知道多人，每次都無等所以決定今次點都要試到，14:00黎到知道15:00 先開始又曬又熱都唔係問題等到15:15有個高大男仔出黎話仲有啲咩把聲細到我係橋上面一句都聽唔到無事，我親自行過去問我話唔好意思頭先聽唔到 想問仲有咩甜品同埋係咪可以買外賣嫁？佢⋯望住個天答我 （我矮者都唔洗甘既）男仔：話係呀 無卷蛋 其他都有 我話好 唔該你我就返去繼續排隊其實我前面只有10個人，但卷蛋都係會賣曬甘算啦，可能無緣到我地個陣決定叫麥糍$38 /9粒 1味 抹茶同埋葛餅$30 /9粒 抹茶但佢竟然講話裝起左，無曬麥糍9粒裝，只有16粒2味，我地愕然左之後問唔可以分開做9粒嗎？ 你比8粒 再外加1粒芝麻都唔緊要佢就係話裝起左唔得！你連問都無問就話唔得？！甘ok，我地期待左甘耐就簡埋16粒裝總數$88等左大約個半鐘最後決定係街邊企係到食一打開個樣都ok食評：麥糍同葛餅口感相似，麥糍比較煙韌，個皮偏厚，芝麻同抹茶味一啲都唔出，入面係麥提沙，一軟一硬係幾有趣，但真係無好好食而葛餅係偏軟身，配搭一個糖水，如果你鐘意抹茶既苦味，依個係ok，如果你

久聞元朗的旮旯卷蛋十分出名，一直想去試下但又冇時間去...到有時間去已經就快結業><"，請假去了一轉，因為甜品是15:00才供應，於是14:45到去到，已經有人龍，同卷蛋售罄，尚餘少量甜品，雖然好可惜，但一場來到，更係照幫襯，支持下都好，排隊時店員比menu大家揀定及落單，同不停update仲有咩甜品唔洗大家白等，都幾細心，等左大約40分鐘有位。小小的店子，木系為主調，有自助斟水，食甜品呢樣野都幾需要。餐牌都好精美。葛餅，$28，要了雙拼抹茶及黑芝麻，必食甜品之一，好彩仲有，面層是滿滿的抹茶粉及黑芝麻粉，味道濃厚，口感柔軟清爽，配上黑糖蜜及煉奶食更香甜美味。麥提莎糯米糍，$32，本身想要雙拼抹茶及黑芝麻，但只剩下黑芝麻，照試下，黑芝麻濃郁，口感糯軟，不過入面粒麥提莎有少許通風的口感。茶餅，$32，抹茶皮紅豆餡，抹茶皮口感煙韌糯軟，抹茶味濃郁，滿滿的紅豆內餡，味道香甜，不俗呢。餡料十足。大家都要抹茶鮮奶。日本茶道‧抹茶鮮奶，$68。見到茶筅，就知係茶藝的體驗，店員細心講解如何享用(餐牌亦有教學)，都幾有樂趣，倒入牛奶，用茶筅以M字刷茶張其融合至起泡沫，手勢差之下唔多泡沫.

元朗著名打卡名店「旮旯」，出名抺茶系日式甜點。嚟開元朗想試嘅話一要係3點半後先好嚟試，如果唔係未開賣咖。我哋今日早咗15分嚟諗住排定隊食佢著名嘅流心沬茶卷蛋，佢竟然話啲抺茶卷蛋未雪夠時間，未賣得，依家只係得紅豆抺茶卷蛋，唉一聽到好失望，山長水遠嚟到又食唔到，我話可以等嘅，但佢一嚟就話餐廳用餐時間為45分鐘，件蛋榚要等幾耐佢都話唔清楚，咁我哋就唯有order其他野食喇，講真係有啲失望嘅，但見到佢哋對自家出品製作認真，賣得比客人嘅出品一定要過得到自己，淨係依點都抵讚。不過其實我知啲忌廉雪唔夠時間唔夠凍就真係成唔到形嘅。好喇咁我今日就order咗依啲野食。抺茶紅豆卷蛋 ($38) -抺茶澀味濃，甜味主要係由紅豆帶出嚟，紅豆好綿，卷蛋係海綿蛋糕咬口，鬆軟唔死實嘅，中間抺茶cream帶苦澀，整體平衡出色，如此出品，賣35蚊抵食。蕨餅 ($28) - 抺茶味併豆粉咪，蕨餅煙靭Q彈，外層抺茶粉與豆粉味道正常，練奶加紅豆醬伴點食味倍增。另外order 一杯 LATTE，味道正常；同叫咗一杯熱抺茶，就一般般了。但入開元朗嘅朋友想食啲無咁漏嘅甜品，旮旯絶對係一個唔錯嘅選擇。

聽講呢度既甜品好難買到! 要就時間又要運氣😩多得朋友分享我先有得試😚💕但個晚我地食完佢地就宣布9月結業😢🍡麥糍 · 抹茶&芝麻 $58煙韌mochi包住麥提沙🍫抹茶味同芝麻味淡淡的🙈唔會特別驚喜但好食!😋💛葛餅 · 黃豆粉 $30超軟腍腍,滑lutlut🤤食落好清😌配黑糖煉奶會更香甜😙