旺囍 (已結業)

買了一隻藥膳雞，$138，回家發現沒有了兩隻上脾！有兩隻完整沒有斬開的下脾，但搵晒全部骨，就是不見上脾的骨，反而有大量頸 。味道是可以的，但被扣起兩隻上脾，不老實，食到一肚氣！

旺囍午餐同晚餐團購都叫過好多次因為真心好食抵食滋補藥材三黃雞配菜底 $52今次係叫團購外賣，我公司雖然係尾站但係送到嚟仍然好暖，係啱入口嘅溫度菜無話焗到黃哂，仍然翠綠，處理得好好👍👍👍三黃雞藥材味好出，雞夠滑，個底都見到有堆藥材，同埋睇相都應該睇得出份量好多個人最欣賞仍菜底份量好夠平時我一個燒味飯都食得哂，但食完呢度都好飽每個餐仲有送無糖紙包飲品👍P.S. 連男同事叫頭抽雞淮山麵話大份到食完飯到上心口

睇圖以為好好食所以去試下 係屋企附近點知 大伏第一次食餐 菜底 頭抽雞 個雞得雞背肉味道還好 偏鹹 但有得選擇菜底 覺得既健康今次打算比多次機會 要求雞胸 睇下會唔會好d但最後竟然更加不能接受50蚊 例牌 清遠雞 咩都無加 點知拎個陣 輕到 完全唔知自己係叫左雞肉 d 骨多過d 肉 仲要搵薑蓉sip 位 雞肉得手掌咁多 講緊係連骨…… 啲雞肉又un 又dry我係女仔 隻手好細隻 拍埋對比 個雞肉仲細隻真係得5舊係有肉 唔唔敢想像我唔要求雞胸 佢會比咩位置比我真係食空氣 以後唔幫襯🥹

旺囍地址 土瓜灣北帝街12-14號地下6B號舖Lunch 又多一個選擇地方😏水晶藥材滋補三黃雞🐔$52三黃雞份量好足，三黃雞外皮金黃。金黃色雞皮下只有薄薄脂肪，啖啖肉質感，雞肉好滑身嫩白，而且雞味濃郁😚，就連雞胸位置都唔會鞋口，再配上濃郁水晶藥材汁一齊咁食，真係好足料🤩，正。川菜麻辣手撕雞飯🐔$52川菜麻辣手撕雞飯非常惹味，而且份量都非常之多🤩，真係CP值幾高😎。#nicefoodie土瓜灣----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef  #hk  #香港 #香港美食 #美食 #西環美食 #打卡  #西環 #香港口味  #隱世美食 #隱世小店 #半價優惠 #人氣餐廳 #人氣美食  #香港好去處

每次去土瓜灣嗰邊，心中都糾結究竟幫襯竹地館好，定係1986地道越南餐廳，今日決定去旺囍。上次試左頭抽豉油雞+藥材滋補三黃雞，三黃雞一試難忘。今日撞岩有特價餐，南乳豬手雞翼飯 $32，柱候牛腩飯$35，一於買賣聽日做午餐。三黃雞好香藥材味，個汁入面除左有杞子紅棗，仲有其他藥材（好似係川芎白芷），雞唔會太肥，肉質嫩滑，大贊💛雞翼豬手飯兩隻雞翼兩件豬手。豬手好入味，如果再淋d就perfect!撞岩29/4 - 5/7 有優惠，買滿$100-$10，4個飯跟埋4罐汽水先$141蚊，抵食！

《不負責任食評 — 旺囍雞》評分：🌕🌕🌕🌕總評：佢不時都會去唔同區做團購今次就訂咗佢比較出名嘅芫荽雞、古法豉油雞 另加左個醉雞佢哋嘅雞都幾嫩滑就算係雞胸位 食落都唔會鞋🐓古法豉油雞係偏甜嘅豉油味本身個汁就會有少少鹹但因為啲雞本身唔算好濃味所以食落啱啱好 好香口😋芫荽雞好似喺製作過程已經會有啲芫荽一齊煮所以本身雞肉有少少芫荽味🌿配埋佢另上嘅芫荽醬 嗰陣味真係勁到我本身鍾意食芫荽都覺得草青味都幾重🤣🤣醉雞就冇乜特別所以都費事講咁多整體來講我覺得佢啲雞都有心製作而且佢仲有好多唔同雞款可以揀食完覺得廣東人做雞真係好多方法👨🏻‍🍳之後都會再買 但係就要夾返團購時間同埋地點係呢樣嘢比較麻煩所以扣少少分（其實都可以去門市買嘅不過就唔係好近我屋企咁就唔考慮啦）

最近好興團購，我都join左將軍澳團購團，食雞！我嗌咗半隻古法頭抽雞(限量) $96佢係先先煎香皮,再放落頭抽汁度。帶有油香與豉油結合。另外啲汁，佢用咗一個紙杯載住，咁返到屋企嘅叮翻熱佢嘅時候可以加多啲豉油，好鬼正！然後我試咗佢嘅招牌爆茜雞（半隻） $98芫茜同茜汁擺雞肚蒸，真係好特別，另外配有茜醬點雞食，好香！而且我仲嗌咗麻辣豬耳 $38，真係有啲辣但係都好香口！辣菜脯 【腦細親手炒】 $35，以後炒飯都可以落，一流呀！