旺記冰室 (建利大廈)

營業中

休息中

經過灣仔海傍的旺記，滿心歡喜的希望能品嚐馳名叉燒。竟然不到三時已經賣光了，令人十分失望，最後點了鹹牛肉雞蛋三文治。雖然吃不到馳面的叉燒，但是其三文治卻令我驚喜不已。三文治用料充足，一口咬下去，雞蛋和鹹牛肉混在一起，出現特別的化學作用 ，所以說其實其他食物也值得一試！美中不足， 當日正值中午但是店內冷氣卻像壞了一樣 ，希望店舖可以作出改善！

我從來都唔寫食評，因為我覺得食野係好主觀性，每個人既感覺出黎都唔同，但至少食物質素要有，堂食職員既服務要到位，其實做到已經好好。但今次呢件事真係嬲左，灣仔區我都住左30年有多，大大小小既餐廳我都去過哂，唯獨今次呢個體驗令到我唔會再光顧。事緣呢間餐廳我都食過數十次，食物質素係有，但今次我去到呢間餐廳，已經告知職員2位食客，職員叫我們在門外等候，然後約10分鐘後，有另一對食客入內，竟然被安排座位，此刻我們尋求職員協助，職員竟然同我講，我無派飛比你叫你等，仲同我講疫情人手不足，人手不足我尚且明白，但何謂叫無派飛叫你等，呢種高傲嘅態度係咪等同可以接受打尖同埋無視外面在輪侯既顧客，呢個完全唔知係咩解釋，無辦法接受。就算你間餐廳有十粒星都好，都唔應該係咁既態度，無系統無態度，今次呢個體驗絕對令到我唔會再光顧。

黎到灣仔工作想快食lunch 好想食港式茶餐廳朋友就推介我黎試一試旺記既滑蛋叉燒飯上網見到好多人都不約以同推介佢既滑蛋旺記選用日本雞蛋加上日本4.3 牛乳炒至約七成熟的滑蛋以聞名幸好下午茶時段唔洗等位但係旺記都係主打個幾樣 所以唔洗點樣有選擇困難症。自家制叉燒日本滑蛋飯 (HK$54)叉燒不過不失 半肥瘦 但唔係厚切叉燒 所以唔係好有肉味日本蛋同叉燒既份量多到舖滿成碟見唔到飯唔油膩 滑蛋超級香嫩 還有少少奶香 蛋汁豐富搭配自家祕製醬油 醬油鹹甜剛好 加上蔥花好好送飯奶茶正常餐廳水準中規中矩 總結覺得如果要排隊黎朝聖就不了但係對灣仔打工仔要食快既港式茶餐佢既滑蛋係值得一讚如果有機會去開又唔洗點排都有機會再試。食物:7.5/10價錢:6/10環境:6.5/10。旺記冰室

午餐時間，旺記冰室通常都大排長龍，外賣嘅人都幾多，我覺得係因為佢哋嘅價錢唔算貴，而且食物簡單穩陣，都可以好快揀到食乜😁😁堂食嘅話，要係門口向員工拎飛，一定要人齊先可以入。如果有人排隊，用餐時間係30分鐘，依樣要留意😎😎因為早一兩日先食咗叉燒，所以就冇叫叉燒滑蛋飯😝😝叫咗午餐肉粒蕃茄通粉，配多士炒蛋。通心粉係有坑紋，食落冇咁滑，但係都有好處，就係無咁易太林爛晒。午餐肉算多，不過粒粒都係非常大，鍾意食午餐肉嘅話，都幾開心㗎😊😊今次杯熱咖啡淡咗啲，好水，不太香濃，有少少失望。至於個蛋就非常滑，正👍🏼

自家製叉燒日本滑蛋粉$55 送一杯絲襪奶茶或忌廉即磨咖啡餐廳內有一塊大大的木板寫着「本店採用日本雞蛋」 ，難怪叉燒滑蛋飯的雞蛋味又香又濃，叉燒切的厚薄大小適中，加上店舖的自家製甜豉油，一碟飯份量好夠好飽好滿足。識飲梗係飲絲襪奶茶「茶走」，茶走即是個茶底加煉奶，聞一下，是港式奶茶的香味。奶油脆豬仔包$32 脆豬仔包外面脆卜卜裏面又軟又熱，每一口都有牛油，食完雖然有罪惡感，明天再減肥吧餐廳上菜的速度好快，店員都很有禮貌。唯一缺點附近好難泊車，下次再食要搭地鐵

是日叫左個早餐外賣，打電話去叫阿姐嘅態度已經唔係好好，跟住問佢我幾多分鐘之後去拎，阿姐就話你覺得整一份三文治要幾耐啊，然後我冇出聲，過左幾秒佢話10零分鐘啦大食妹最唔鍾意就係一啲唔好嘅服務態度，所以幾好食嘅食物都係冇咩用<午餐肉生菜花生醬雞蛋三文治$35>平心而論，呢份三文治嘅性價比係幾高$35真係飽到晏晝都唔使食炒蛋份量都幾多，三文治都幾厚下，所有材料同花生醬都幾夾，係唔錯嘅不過都係果句，服務態度真係唔多掂

係lunch hour 會大排長龍既餐廳今日終於食到我今次就叫左滑蛋叉燒飯勁多蛋汁又勁多叉燒食完個餸已經飽左一半都開心既不過員工態度就普通la可能因為佢地太忙照顧唔到咁多人

奶油豬好食。 粉麵就已經吸晒湯，比較糊。奶茶可以多奶。 咖啡唔錯。早半個鐘落單。 去到已經有得拎。lunch 超方便。但app買， 記得要check單。今次我又中招， 加三蚊轉沙律， 店家沒有轉換， 出了多士。多士是麥包， 熱食好食的，應該。

不嬲旺記都坐得比較逼, 限聚期間都買外賣多,旺記出名嘅都係佢嘅滑蛋, 今日唔食滑蛋叉燒飯, 食佢嘅滑蛋三文治!包裝得好整齊, 剛剛好放得入食物盒外賣烘底三文治, 都預左塊包會焗淋左d, 烘左嘅麥包, 夾住鹹牛肉加滑蛋, 非常惹味, 好鍾意佢嘅麥包真係有粗麥粒可以咬, 感覺好健康, 但犯規邪惡的是每塊麥包都塗了花生醬!! 整個三文治甜甜鹹餡的, 好夾好香, 真係好好味!! 雖然生菜唔多, 但食落去會令三文治感覺清新d...除左夾鹹牛, 仲可以夾滑牛, 午餐肉等等, 唔食花生醬又可以轉咖央醬!

睇餐廳openrice頭三位熱門食物都係叉燒滑蛋飯，咁一定要試下啦😂自家製叉燒日本滑蛋飯｜$55（配旺記秘製甜豉油）（午餐包一杯絲襪奶茶或忌廉即磨咖啡）Woowoo！個秘製甜豉油絕對係精粹！！！！！最正係佢份量落得好好，岩岩好俾我送晒成碟飯同蛋同叉燒。日本滑蛋係一個漩渦，嫩滑感十足，叉燒正正常常啦，再加埋啲蔥花，好食。即磨咖啡，都係唔錯既，呢個價位係灣仔食個lunch，咁既水準同份量，食得飽，絕對係正評。

晨早流流出去灣仔做野，順便去搵靚早餐食！旺記冰室好選擇特濃蕃茄湯餐肉粒通粉特濃湯底真係無誇張到，湯底好濃好夠味，同餐肉粒味道好夾，通粉本身又好掛湯，好好味好開胃。本身以為食唔晒，點知好啱胃口，清碗。炒滑蛋蛋味非常濃郁，同平時茶記食開既好唔同，原來係用日本生產既雞蛋，加上師傅好好手勢，真係做到「滑」蛋。為新一天帶來一個完美嘅開頭。奶油豬烘得啱啱好，外脆內軟。仲要頂同底兩塊都比晒，食得好滿足！涷愛爾蘭咖啡咖啡味非常濃郁，咖啡豆炒得夠燶，一百分提神！仲有好多特色食品，留返下次再幫襯。

旺記我真係去過超過十次以上, 依間野食疫情前其實係非常非常多人排隊。我試過一個人黎等位都要半個鐘以上。餐廳有限用餐時間係半個鐘。今次黎到當然都係嗌番我的最愛啦, 火腿忌廉湯公仔麵, 一定一定要加$5蚊轉個豬仔包, 另外會跟個炒蛋既, 咁我習慣會叫佢轉番炒熟蛋 (個人口味不太鐘意食太生既蛋), 另外都提一提, 旺記講晴係用日本蛋 (佢咁講我咁聽啦) 不過又真係幾香既! 個豬仔包係我的最愛, 好夠練奶, 同埋烘完非常鬆脆 奶茶都好掂, 又香又滑 茶膽一D都唔苦, 真係拍得住傳統茶餐廳沖出黎既味道。

第三波疫情仲未完一於決定嘆個靚早餐轉換下心情呢間餐廳係灣仔，但價錢就相對同區餐廳嚟講唔算太貴，重點是好多特色嘅早餐可以選擇！有追蹤我嘅朋友都一定知道我不愛吃包，但卻中意食脆豬。脆豬嘅精髓就係上面嘅奶油嘞，一咬落去煉奶與牛油嘅香，真係不得了！配合埋剛烘好嘅炸脆包皮，絕配！第二個非常值得推介就係滑蛋嘞，呢款滑蛋真係連蛋汁都流埋出嚟，非常香滑，真係有心去做好一份早餐㗎！湯底係忌廉雞湯，忌廉味唔會好重好膩，反而就好好味嘅雞湯你有多久無飲過樽裝牛奶？這是回憶的味道，是香港人不能忘記嘅味道！

以前午膳時間門口總是好多人排隊，今日比平時遲一個鐘食飯，諗住去食返個叉燒炒蛋飯，點知感覺好差，由於我係一個人，被安排去左一張4人枱，斜對角有個食客，對角咁坐無問題，點知之後來多一個食客，被安排坐我對面，面對面，中間無隔板，感覺有點奇怪，過左一陣，斜對角的食客走左，諗住侍應會安排對面的食客坐過斜對角（我隔離個位有張紙貼住唔俾坐，4個位得1個位貼住唔俾人坐），咁就2個陌生人係張4人枱可以斜角咁坐，感覺好一點，點知侍應再安排多一個新客人坐左斜對角位置，咁就變左一張4人枱坐左3個互不相識的陌生人，毫無隔板，這是什麼安排，明明見到門口有張2人枱都係坐左一個人，點解要將3個陌生人塞係一張無任何隔板的4人枱，縱觀全店，食客人數近乎爆滿，張張枱都幾乎坐晒4個人，說好的不得超過一半入座人數呢？再講，明明張單落左叉燒拼蝦，點知來左個叉燒，但無蝦，提出後話後補俾我，最後係補返3隻蝦，對面都叫左雙拼，佢d蝦起碼有4-5隻，完全感覺唔到食店對於出錯餐後的彌補係幾有誠意，總的而言，是次用膳感覺勁差，唔會再有下次

整體評分: 👍🏼👍🏼👍🏼(5分為滿分)滑蛋叉燒飯⭐️⭐️⭐️⭐️滑蛋炒得十分滑溜 吃得出廚師在雞蛋內加入了高湯和牛乳儘管只是普通的滑蛋叉燒飯 卻烹調得十分滋味 絕不馬虎特濃蕃茄湯午餐肉粒通粉⭐️⭐️⭐️蕃茄湯底味道濃郁 很少見茶餐廳會選用蕃茄湯作為常餐的湯底十分驚喜炒蛋和多士都做得十分好