昇麵館

營業中

休息中

最近無意發現了屋企附近開了間有質素的車仔麵店「昇麵館」。餐廳除了車仔麵，還有飯、炒烏冬和各款小食，都幾多元化。餐廳沒有太多裝潢，設有卡位座，地方尚算舒適，重點在於車仔麵的質素。先講湯底，是蘿蔔清湯，味道非常濃郁，和其他車仔麵檔完全無可比較，再加上自選醬汁，如腩汁、咖哩汁和秘製辣汁，味道絕對是大讚👍🏻車仔麵食材方面，款式應有盡有，價錢由$11-$14 不等，品質有一定質素。點了個大什麵$52，有齊車仔麵必備三寶：豬紅豬皮蘿蔔，還有魚蛋、冬菇和豬大腸，都幾抵食。而且每碗都大大碗，麵底份量都幾多。選擇了油麵，麵身爽口彈牙，有別於一般車仔麵，大讚！配飲品亦非常經濟，熱飲+$3 凍飲+$5，好抵飲😆不可不提的是小食，有多款選擇。點了個鹽酥雞，價錢不貴但質素超高超好食！ 即叫即炸熱辣辣，雞肉嫩滑回味無窮，而且份量還非常多添！總結：是一間有質素的車仔麵小店，湯底出色，食材有質素，更提供各種飯/小食，如果想食車仔麵，「昇麵館」的確是一個不錯的選擇！👍🏻

鄰近土瓜灣地鐵站(馬會斜斜對面)有一間車仔麵，價錢平民，味道都幾值得推薦~~夜晚唔想太夜返屋企，所以選左去食車仔麵，朋友推薦馬會果邊有一間幾好味既車仔麵，跟住我地就過左去食。我地一共叫左2個3餸麵同一個大雜麵。真係要講講，佢既大雜麵份量超十足啊~~~!!豬大腸味道濃郁而且爽口有韌性，越嚼越有味道，蘿白都非常入味，而且真係好多餸啊，湯底既味道鮮甜，連個麵底都幾好食，加埋腩汁味道一流。如果唔鐘意腩汁仲有幾款醬汁可以圈，依照自己的口味選擇黎加~ 而地方黎講算幾簡潔，座位寛敞同幾好坐，整體上食物質素都賣相幾高，價錢亦都算平~ 土瓜灣車仔麵黎講算係幾出色，得閒都會再去食。

好耐無去過土瓜環啦，同以往一樣人頭湧湧，可能因為臨近打風🌪️唔少人都去買定啲餸擺係屋企做準備🌽而我今日我去附近行左圈，去左餅店買左個布甸包就去左呢到食個下午茶車仔麵啦🍜。🐒淨餸五款💰$58👉🏻蘿蔔清湯+秘製辣汁👉🏻爽滑豬潤$14👉🏻菜脯蛋餅$12👉🏻滷水雞中翼$12👉🏻唐生菜$11👉🏻韮菜$11佢係一間新裝修既車仔麵館，所以成間店舖好光猛同新淨🪑而有別於一般車仔麵店，佢地仲有供應唔同飯餐同炒野，好多選擇不過因為今日我係隨便食個下午茶🫖所以我就嗌左淨餸，主要試下佢地個湯底同啲推薦配菜🥘第一次車仔麵有菜脯蛋餅🥞真係好特別，而湯底個辣汁都唔會好辣，令清湯更惹味。🐒秘製豬扒💰$32小食方面因為可以嗌滷水雞中翼做餸，所以我就揀左秘製豬扒🥩一碟有2塊，而且都好入味，即叫即整果然係好味啲😋

平民地道車仔麵港式風味,香港人味道牛腩,蘿蔔,腩汁加辣魷魚無敵好食土瓜灣美食攻略 #昇麵館很久沒到土瓜灣吃飯今天來了順便拍片再食飯昇麵館係呢區幾出名既小店牛腩軟滑入味,蘿蔔清甜,魷魚脆爽彈牙辣汁好食出色濃不油,辣香濃腩肉肥香入味,豬肚辣而爽口,一致好評車仔麵就係睇落平凡但係香港至有既味道昇麵館評分8/10土瓜灣土瓜灣道237號益豐大廈地下B號舖Shop B, G/F, I-Feng Mansions, 237 To Kwa Wan Road, To Kwa Wan#開心香港 #HAPPYHK#HELLOHONGKONG #你好香港#EOSRP #35MM18 #canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食 #香港自由行 #香港旅行 #香港探店

📍 昇麵館 🌍土瓜灣土瓜灣道237號益豐大廈地下B號舖📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝大件夾抵食！！！淨餸： 豬腸、豬手、腩肉、魚皮蝦餃 ⤫ 秘製麻辣豬潤、菜圃蛋、牛腩、沙嗲牛肉 ⤫ 腩汁 ⤫ 油麵特別推薦：豬潤：厚切且粉嫩，煮到啱啱好，好難得咁有厚道嘅豬潤！菜圃蛋：車仔麵有菜圃蛋好新奇，粒粒菜圃同鮮甜味，浸一浸湯汁食，正！豬腸：勁肥美，而且仲要無豬腸騷味，肥潤油脂感我勁愛。腩肉：一咬落去油香四溢，半肥瘦肉柔軟☺️豬手：滿滿骨膠原，食落唔肥膩，彈牙爽滑！⤫ 必食豬扒 ⤫ 成兩大塊豬扒，隻碟裝唔晒，又厚身又多，煎到皮焦脆香口，肉質爽軟。

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥 📍昇麵館 (土瓜灣)土瓜灣土瓜灣道237號益豐大廈地下B號舖車仔麵最少三餸一麵，醬汁有四款可選擇，分別是腩汁、咖喱汁、秘製辣汁和麻辣汁，呢度仲有自家製辣菜脯🤩 餸方面呢間選擇都幾多，每款低至💰11-14，另外食素者呢間都有素配菜提供！🔹第一碗係腩汁米線，配菜係咖喱魷魚、秘製鳳爪、滷水雞中翼，腩汁嘅濃郁與米線嘅軟綿搭配很美味。咖喱魷魚入味又爽口，秘製鳳爪軟諗又好食正！滷水雞中翼都炆得夠曬入味又夠香🤤🤤🔹第二碗係秘制辣汁幼麵，配菜是菜脯蛋餅、蝦條、豬手，菜脯蛋餅係呢間舖嘅特色配菜之一，蛋餅成個手掌咁大，蛋入面夾雜着菜脯好有咬感～蝦條係炸過但唔油膩，豬手炆得好入味，肉骨分離的！🤤🔹炸香芋丸平時放題先會食到嘅炸物估唔到呢間小食都有🤣炸得夠曬香脆，餡入面香芋好鬆軟🤩呢間小食仲多達10款以上！

土瓜環站D2出口過馬路後就見到昇麵館，門面以竹木作設計主調，我一開始以為是日本餐廳/拉麵店。.店內裝修也很令人舒服，與一般車仔麵不一樣，位與位之間間很好開，座位寛闊燈光柔和。.車仔麵我今次食沙嗲牛肉、蝦條及冬菇。沙嗲牛肉好入味，份量又多（比平時茶餐廳的常餐多），正。油麵在底下一大碗，湯底都ok濃郁又夠辣，整個用餐感覺好似在悠閒地食拉麵。.除了車仔麵還有其他小食、蔬菜，配腩汁會有少量的牛腩肉。.另外加$3有熱飲 - why not?!

土瓜灣有左地鐵站之後真係好方便！！！好方便我繼續周圍搵好野食吖💕🛎 $14 麵底 烏冬🛎 $13 餸 柱侯牛腩🛎 $13 餸 魚皮蝦餃🛎 $12 餸 魚腐叫咗碗三餸車仔麵🍜揀左腩汁，非常惹味牛腩份量超多，有起碼7-8件🐮炆到淋一淋之餘，柱仗醬分入味魚皮蝦餃就好似相中所見咁薄皮🥟薄到晶瑩通透🤩入邊蝦肉真材實料，新鮮彈牙！魚腐爽口嫩滑😚仲會搭條菜！索左啲湯汁～正😚🛎 $32 炸鮮奶平時都係去茶樓先見到，未見過車仔麵店有呢啲小食🥹即刻叫黎試試一上枱熱辣辣就知道係即叫即炸黑芝麻有增加佢嘅香氣外脆內煙靭😍神奇口感！甜度適中～最欣賞嘅係，即使我擺到凍咗都好好食😝😝😝🛎 +$5 跟餐 凍濃滑鴛鴦🌐 環境/服務係坐得舒服既車仔麵店～乾乾淨淨🤩好多卡位，一啲都唔逼落單紙子簡單易明，飲品仲可以做到好個人化👏🏻幾多奶、冰、甜都可以任君選擇上菜好快手～係晚餐快靚正之選🤤

🌟餐廳：昇麵館📍地址：土瓜灣土瓜灣道237號益豐大廈地下B號舖💰價位：$51-100📱電話：84819840去開土瓜灣做facial，順便約埋住附近既朋友一齊食返個車仔麵下午茶，佢推介屋企附近既昇麵館，下午茶時間都幾多街坊支持～除咗車仔麵外，仲有飯類、日式炒烏冬、湯麵系列、小食，都幾多選擇！———————————————————🔹 沙嗲牛肉、酸齋、牛丸、油麵配秘制辣汁沙嗲牛肉份量足，沙嗲味香濃而不死鹹，牛肉腍滑富牛味，仲好有嚼勁～酸齋味道酸甜適中，口感煙韌～牛丸牛味十分濃郁，彈牙之餘仲有牛肉鮮甜味～油麵掛汁一流，配秘制辣汁，嚐辣人士必試！———————————————————🔹 必食豬手、柱侯牛腩、菜脯蛋餅、菜心、腩汁豬手富含膠原蛋白，外皮爽滑，豬肉香軟～柱侯牛腩燜至軟腍入味，醬香味濃厚！菜脯蛋餅煎得好香口，咬落有粒粒菜脯，好有口感～唔太餓所以無叫粉麵底，揀咗菜心，鮮嫩爽脆～———————————————————🔹 瑞士雞翼瑞士汁味道香甜，雞翼醃得入味，滑溜多汁，真正皮滑肉嫩，好高質！———————————————————🔹 凍檸茶、熱檸茶車仔麵可以加錢配凍/熱飲，檸茶甜中帶點酸味，酸

細個成日都會食車仔麵 🤣一定係腩汁幼面～感覺上市面車仔麵嘅舖頭好似冇以前咁多，咁啱經過就試吓呢間昇麵館。車仔麵正常發揮 可惜豬腸賣晒，秘製辣汁幾好食👍🏻👍🏻👍🏻👍🏻👍🏻另外，滷水豬手飯好有驚喜😚😚，豬手好淋好入味，又唔會太鹹~💸💸🌟必食滷水豬手飯 $46三餸車仔麵 $51腩汁加秘製辣汁 幼麵 辣菜脯咖喱魷魚 魚皮蝦餃 酸齋腐乳通菜 $17 📍昇麵館地址：土瓜灣土瓜灣道237號益豐大廈地下B號舖

朋友係個車仔麵控，知道土瓜灣昇麵館有好食嘅車仔麵，就叫埋我一齊去試吓，麵館地方簡潔，座位寛敞。主打車仔麵，亦有飯餐供應。車仔麵：豬紅、豬皮、豬大腸、墨魚丸，幼麵，咖喱汁。豬紅爽滑，豬皮吸晒汁好惹味，豬腸洗得乾淨，無多餘嘅內臟味， 腍滑軟身，又不失嚼勁，墨魚丸彈牙。幼麵爽口，咖喱汁風味更獨特，香辣惹味。車仔麵：豬手、豬大腸、蘿蔔、煎蛋，河粉，秘製辣汁。豬手件件細滑帶彈性，好入味而且唔肥膩。蘿蔔清甜冇喳，重點當然係個醬汁啦，辣得嚟又好有層次，醬汁濃郁，配滑溜嘅河粉好惹味呀！菜脯蛋餅：菜脯加上鮮美的雞蛋煎製而成，脆脆的口感和甜咸鲜的味道，無論下飯或送酒都一流。瑞士雞翼：瑞士雞翼的精華在於醬汁，味道甜甜的，肉質嫩滑又入味。自家製辣菜脯：餐廳更有招牌自家秘製辣菜脯配搭車仔麵，味道更惹味豐富。

土瓜灣地道車仔麵
店鋪：昇麵館 
地址：土瓜灣土瓜灣道237號益豐大廈地下B號舖

今晚去完土瓜灣搵朋友，晚餐時間行過見到呢間車仔麵店😚
見到啲餸幾特別同多款，就入咗去試，點知幾有驚喜😛友人都大讚高質🤩
我地叫左兩碗車仔麵一個小食，另外仲叫左碟菜心

兩碗都叫左腩汁😀其中一碗仲加左秘製辣汁同自家製辣菜脯，超級過癮😋D菜脯令每啖面都多咗口感，食得辣嘅朋友不妨一試▫柱侯牛腩 🌟炆得非常腍同入味
▫必食豬手 
▫蘿蔔 🌟炆得非常腍 無渣
▫沙嗲牛肉
▫靚靚豬腩肉 🌟厚切 啖啖肉
▫冬菇 🌟炆得非常腍同入味
▫蝦條
▫秘製鳳爪煮得非常入味！食得出店家既用心☺️ 
呢間鋪真心推介😝每樣餸都整得好好食 好有心思
希望大家平時經過或者住附近嘅朋友仔到去支持下小店啦！🤓
• 整體•食物: 𝟺/𝟻環境: 𝟺/𝟻

平時都好少食車仔麵，但食過呢間之後真係對車仔麵改觀，事關佢啲餸好好食，整得好有心機，老闆又勁有人情味，用餐嘅時候見到老闆對啲街坊同老人家都超好，係久違嘅香港味道啊！❤️❤️⭐️三餸麵車仔麵首先，佢可以揀嘅餸好多，唔係剩係得丸丸丸😬。推介一定要叫必食豬手！肉質超級彈牙，膠得來又唔會太癡口，個豬手汁超好食，令個蘿蔔清湯更加精彩！麻辣汁係佢舖頭秘制既，不過佢都幾辣，落少少吊味就已經好夠😬。另外叫咗蘿蔔，豬大腸，菜圃蛋餅同魚腐都好好食，蘿蔔好林又入味，豬大腸仲要一啲膻味都冇，勁乾淨！💕菜圃蛋餅好家常，菜圃唔會太咸，都好好送麵❤️。⭐️蟹柳雞扒炒烏冬個炒烏冬鑊氣都幾夠，炒得到算乾身，唔會太油。味道夠，又唔會太咸❤️。不得不提，塊雞扒真係好脆，煎得好香口。👍🏻⭐️炸鮮奶 同 鹽酥雞個炸鮮奶勁好食‼️外脆內軟，入邊嗰炸鮮奶又唔會太甜，我同個friend都話炸鮮奶好值得encore！四條唔夠喉啊‼️😆另外鹽酥雞都好正，佢炸到細細粒咁，唔覺唔覺，食下一粒食下又一粒，話咁快就食晒！佢仲配左個泰式酸甜醬，超級夾！💕⭐️ 荷蘭唂咕最驚喜係竟然會飲得返唂咕，後生仔女應該未必知咩係唂咕😂。其實即係可可粉沖嘅嘢飲😊。佢味道冇朱古力咁甜

家姐搬左去土瓜灣 今日去探佢佢話一定要帶我食呢間街坊小店 仲話係區內水準極高嘅車仔麵😙見到鋪頭叫昇麵館，緊係叫返碗麵試下啦，老闆仲好細心，見到我好苦惱咁揀食咩餸，就推介左我叫一個乜都有嘅大雜麵！🔹大雜麵 $52 / 加菜脯+$2 我就揀咗米粉，秘製辣汁湯配菜脯成碗份量好大，計埋菜總共有七個餸！分別有：豬大腸，豬紅，冬菇，蘿蔔，豬皮，生菜，仲有陳皮魚蛋！湯底好惹味，全部餸都好好食，最令我驚喜係個白蘿蔔，好入味，仲要完全冇渣！七個餸咁大碗，先$52真係好抵食！唔怪得喺區內咁受歡迎！家姐就叫左個飯同小食🔹招牌豬扒蝦條蛋飯 $48豬扒食落唔韌，蝦條餸飯都好好食！🔹鹽酥雞 $32我呢啲相機食先嘅人，影完相食都仲係好脆，咬落去又嫩，加埋七味粉好好食呀🤤 （比我搶哂黎食）由於呢間街坊小店實在太抵食，我地兩個都叫左特飲😂家姐叫左杯凍檸賓我就貪得意叫杯「荷蘭唂咕 」，味道同朱古力差唔多，不過飲真啲佢係比較苦澀濃郁

I would say it’s a must-try for 車仔麵愛好者對我而言，呢間車仔麵店絕對係食過數一數二好食嘅車仔麵，已經無限再訪🙈呢度嘅湯底真係好好味，特別推介佢嘅「秘製辣汁」我試過兩溝「秘製辣汁+麻辣汁」，都好正，講起又掛住佢哋嘅湯底！配料方面，呢間車仔麵店都有好多特色選擇，最少揀三款起特別推介佢地嘅「菜脯蛋餅」、「蝦條」同埋「酸齋」「蝦條」好好味，食得好過好過癮🤭😋😬另外加$3就可以有杯熱飲，都算物超所值！