明將迴轉壽司餐廳 (已結業)

軟殼蟹手卷…紫菜很脆軟殼蟹又是即炸的~GOOD'叉燒拉麵有很多叉燒而且又大件和入味~海鮮炒烏冬很足料只是太多油了…希靈魚壽司很好吃…飯又凍又多~正~鰻魚壽司的鰻魚有骨，真的不能接受

嘩！看看明將過往的食評，為甚麼全也是劣評冇好評？我就覺得明將不錯，我和家人都吃过很多次了。先說說食物，首推燒三文魚sushi ，三文魚燒香後，配上香葱和醬汁，入口油脂和香氣散在口中，令人一試難忘。带子，赤貝sushi 也不錯。我仲食左個豬軟骨拉麵，豬軟骨很夠味又軟。非常滿意所有食物。服務方面，正常。價格也適中。對我來說明將整體也没不滿的地方……

沙田希爾頓中心3樓的明將迴轉壽司餐廳推出的下午茶的食物質數和味道OK，款式可以多一點選擇！下午茶的來客不多。下午茶的薯仔沙律食落覺得清新份量不多不少，吉烈魚柳我覺得咬落有真正的鱈魚味而且好食過麥當勞的魚柳包，飲品的薄荷綠茶味道不錯。三文魚籽壽司的價錢不貴是$20兩件不過不知係唔係加拿大品種，魚籽油OK夠濃郁好食。吉烈豬排的肉質OK而且沒有食到味精，薯仔沙律同樣味道不錯。總而言之我覺得三文魚籽壽司比較抵食！

聽得太多明將嘅劣評, 要揀入去食真係要有一鼓好大嘅勇氣....但又想過下癮食日本壽司, 於是心口掛左個勇字走左入去~先嚟兩個前菜, 一個係明將獨有嘅三文魚皮, 魚皮嘅醬汁甜甜地, 有d似八爪魚嘅種, 但又有少少辣, 魚皮好爽口彈牙, 份量都算幾多啦, 只可惜食到最後, 居然俾我食到二塊魚鱗....另一個係中華沙律, 冇咩特別, 份量好多, 而且佢D小食 每碟都係$16 , 可以叫抵啦~~~下午茶時間, 叫左兩個TEA SET, 三個人SHARE食, 豬軟骨拉麵夠哂多豬軟骨, 好似唔使錢咁, 放滿半個碗, 相比另一個鮑魚拉麵. 太差勁啦, 只係得5片, 個樣仲要令人好懷疑佢係咪真係鮑魚嚟, 咬落係有D硬, 又無味, 只係可以肯定佢唔係鮑魚菇....再叫多左一個鰻魚箱根壽司, 軟殼蟹手卷、櫻花蝦壽司同三文魚壽司....嚇死人嘅鰻魚箱根, 似有舊變壞左嘅玉子或者係加厚版嘅腐皮, 冇鰻魚味之餘仲要「鞋十十」軟殼蟹手卷嘅料就好足, 塊紫菜食到尾都仲好脆, D飯又包到落底, 夠哂飽肚 櫻花蝦壽司好乾身, 但都算好味嘅最出乎意料嘅係三文魚壽司, 可能因為完全冇期望, 所以一入口, 突然覺得好香三文魚

好耐有黎過黎襯都係失望而回今次同樣都係失望金菇肥牛窩飯一上枱淨睇樣已心知不妙肥牛唔知佢係炸定係煎一層油起所有肥牛面 全冇牛味又油又肥 肉質又變到少少脆咁完全唔係肥牛的煮法飯汁甜得黎冇其他香味得個甜字金菇我完全唔識去評價因為分量之少可以一條條咁數出黎一包街巿賣五蚊的金菇可以分到五十份了飲品出名唔係太甜就太淡所以一係叫汽水一係叫簡單的柚子蜜 今次的柚子蜜 不錯的前菜中華沙律 大下甜品係粟米 我冇食到總括黎講唔介意質先好黎

同FD一起去呢間明將到食下午茶,本身對間野都冇乜期望,但系附近又冇咩野食...入到去,即刻有人黎招呼,覺得都唔錯d態度但系入到去坐低之後,佢寫完單就閃走,跟住我地等勁耐都冇上碟mustard,等到唔耐煩,叫企系隔離個男服務員攞兩碟黎,好聲好氣咁講,應都唔應句,以為佢聽唔到,講多第二次啦,佢又系到扮聾,好唔奮氣咁去攞過黎跟住我開茶包啦,見到有條頭髮系入面囖!!!當場冇曬胃口,跟住叫服務員換包比我,佢一直系到睇住爆茶包,搞到好似我擺條頭髮入去咁...因為我地坐對住水吧出野個位,入面個阿姨一直望住我地食野,望到我地周身唔舒服全程冇曬胃口,服務質素差到爆,坐到好唔舒服碟八爪魚d汁多到喊,唔知食汁多定系八爪魚,鹹到我一直飲水三文魚有陣味,好唔新鮮以上內容完全屬實。並無半句虛言!

寿司賣相好恐怖，好似啲嘔吐物咁樣，寿司飯散開，呢方面廚師真係對唔住食客，寿司飯口感似食中國飯完全無寿司飯感覺，之後仲要去第二度食過，服務員態度都幾好，但唔可成為再次食嘅原因！

我同友人12:00去食拉麵,以前食拉麵一定光顧因為價錢稍為便宜,但係我由2006年開始食,個時都係$29一碗麵同埋送一杯野飲,我由係偉華地鋪食到希爾頓有第2間分店,再食到得返希爾頓個間,依家個個餐都要$35!一入到去D人坐曬係旁邊的car位所以迫著坐迴轉,然後我即該order,但係叫極都無人理,當佢行過同我落落下單個時佢去左我後面張桌到落單,佢幫人哋落曬成張單先同我落野飲,當我哋碗拉麵嚟個時,個侍應好細聲同我講,我即時呆左一客應該有3隻佢只係比左2隻我,我食咁耐都味試過無左隻蝦,隻蝦係唔係係海到游緊水,我都唔知好怒定好笑??過左5分鐘,佢攞著個碗比隻蝦我,佢講,咁我係唔係應該講蝦!蝦!蝦!(哈!哈!哈!)??,等左咁耐終於可以食啦!但係我以為佢即炸應該熱騰騰,好好食!但係第一啖咬落去個時係凍的,當我食第二隻蝦個時,隻蝦係熱騰騰的,我想問下點解等左5分鐘先嚟的蝦會比早佢5分鐘還凍的,食完唔飽叫左壽司,都係一般貨式!

星期六放工之後和同學一起到沙田逛，因為預算不多而且到處都人頭湧湧…最後選擇了明將。不用等位就可以進去的餐廳……今次坐迴轉枱～不過看到食物好像放了很久……最後想了很久，點了一道火灸三文魚壽司，值得一讚！燒得不錯！因為是即燒的所以很香！而且蔥的味道加上去變得更好吃了～所以最後一連叫了幾碟…哈哈。可是服務員很少會理會我們，通常要找幾個才有一個回應，可能是因為接近下班時間吧………

沙田其實都冇咩好食,對於我地呢D冇錢既學生仔黎講,呢間明將算係一個唔錯既選擇,起碼食得你飽。炸蝦算唔錯,即使個粉都算厚,但係都有蝦味,而且好脆D UDON都唔會太差 個汁方面就偏淡,如果重口味既網友,我建議你要求轉沙嗲汁,咁樣有味好多!至於呢杯珍珠奶茶,我建議大家唔好試首先,杯奶茶只係得甜味,少少茶味都冇其次,D珍珠完全唔彈牙,我都唔知自己咬緊咩呢個我朋友點既好FILL呀呢個SET首先豬扖炒得算唔錯,好脆而且選用珍珠米,好有口感不過D咖喱汁就多左,搞到好似食濕飯咁= = 但同豬扖都夾個湯就,,, 超咸,

早上UA看完早場,我同囡囡便拍拖搵食,在新城市廣場三期,行了幾間食肆,囡囡都話唔想食的,而且,間間平均都要$58-$70蚊一個人,價錢又唔見得抵食,最後.......我們去了"明將"食早+午餐 同囡囡叫了-->>中華沙律(好難食,好酸)+蟹子沙律(青瓜絲唔夠幼細,好似食緊青瓜條咁,.而且,其它配菜也很少)炸蝦拉麵 --->> 蝦唔夠新鮮,不彈牙,炸漿不像用天婦羅粉開的,反而有點像家用的麵粉+旦開的, 白蘿蔔好貴嗎??為甚麼會蘿蔔茸都冇配給的??拉麵淋pat pa,t唉~ )七碟壽司 -->> 三文魚壽司(以這店的價錢來說,我當然不會奢望有新鮮貨食,但...肉質,厚度OK, 也沒有筋) 蟹子沙律壽司 (味道比單點的蟹子沙律好,起碼入面的青瓜及配菜切得夠幼細,味道唔錯) 玉子壽司 (囡囡吃的,我沒試過)

好耐冇寫評語,因為冇時間,不過今次真係要大家分亨啲壽司嘅造型不知所謂,落枱時Ｄ甜虾壽司已經斜哂,油金鱼係好求其達上去,Ｄ飯又散,嗰杯凍檸茶又淡又冇甜味,換咗兩次都係冇甜味,何解?原來做嗰個人清水當咗係糖水用,好彩唔係漂白水海鮮拉麵個湯淡到庳,落埋食完壽司Ｄ豉油落去先入到口勁差

平時唔覺眼, 行過才發覺這店原來每天都有下午茶餐提供, 有些選擇只需十幾元.選了23元的煙鴨胸拼沙律跟凍意大利泡沫咖啡一杯 煙鴨胸是冷盤, 味道和肉質都很好, 沙律和凍啡是ok的, 沒有特別. 這些下午茶餐, 如果加錢22元, 可以跟多一碗拉麵或烏冬類的. 而豚肉烏冬都不錯, 湯底適中, 不算油, 配有香口的芝麻粒, 紫菜和粟米粒等.下午茶時段在迴轉緊的壽司種類不多, 其餘的壽司款式是可從order紙上選, 落order後, 速度算快.12元有一件的蟹子沙律腐皮壽司船, 美味可口, 不過蟹子就放到出晒界. 12元一碟有兩件三文魚壽司, 很普通, 不夠鮮味.12元一碟有兩件蟹棒壽司, 幼條紫菜捲在中間, 算是幾好味整體來說 : 梳化坐位舒適, 服務都良好, 食品味道都能接受, 有待進步

今日黎明將唔食壽司，食 set lunch，40幾蚊有湯、前菜、飯、甜品和飲品，十分抵。滑蛋牛肉飯：滑蛋加左洋蔥，撈飯好好味，但個汁比較咸。泡菜叉燒飯：泡菜好咸唔好食，叉燒大大塊都幾好味，但個飯乾身。雖然味道一般，但要求唔高既話都食得過。

這間店証實一樣事情, 要平嘛, 就不要要求服務和質素 !本來我們一行5人在新城市廣埸3期等緊另外一間壽司店的(我平時幫襯開的) , 但我們來遲了(6:30pm) , 便要等20張枱, 而我堂姐不想孩子等, 便去了這間店試試, 第一次幫襯 . 壽司 : 不作每樣點評 , 總括就是唔好食 , 除非你是無要求 , 要平就ok , 不然不要去 .