明德清湯腩

營業中

休息中

放工路過長沙灣諗唔到食咩又口淡淡本身想食d 濃味d 既野食入黎諗住叫d 牛腩粉面既野食做晚餐但見隔離枱叫咖哩好似有唔錯就叫左個巴基斯坦咖哩牛腩隻咖哩係用洋蔥做base食落有甜and 辣牛腩唔錯， 唔會太散太黏牙不過咖哩同牛腩應該係分開煮你落左order 後佢先合返埋兩樣野所以食落兩者既味道唔算好融合不過各自其實都係好食既個人黎講， 自己喜歡食印度咖哩多d 多d 香料味，少d 洋蔥不過各人有各人口味係一間咁中式既餐廳有異國野食都幾特別

關門前20分鐘來首次幫襯，想試崩沙腩，可惜賣晒。最終試咗個清湯坑腩飯，口感不錯，味道還可以，而杯奶茶就非常一般我不會再點，下次試咖啡。我會次光顧，試坑腩及咖喱，我當然會試最辣有幾勁啦。

今天下午 想食牛腩河路經 青山道 明德清湯腩見到舖頭內 都有人食緊即管 入去試吓問問店員 有冇半肥瘦牛腩？答案有 就叫咗 一碗 半肥瘦清湯腩河餐牌標明 清湯腩河$39食完收錢要$52 再問櫃面 半肥瘦牛腩 要加收幾多？佢話要加$12 覺得很奇怪 再問點解係$52 唔係$51？櫃面個女人 就好惡咁話 張紙寫明係$52再望吓佢講 嗰張紙原來係貼喺 佢收銀機旁邊 一張細到 睇唔到 嘅字(寫俾自己睇$52)相當氣憤我再睇吓OpenRice評論原來以前 已經有人中過招 真係唔抵！！

誤打誤撞（本來行去青山道求其搵d野食，食完行番出去搭車走），阿姐見到門口有客，即刻開門話清湯腩同咖喱都好食，竟然搵到好野！！！！好惹味喎D咖喱！本人是咖喱愛好者，覺得呢度既咖喱好岩口味，叫左個咖喱五寶中辣：牛腩，牛筋，牛肚，牛脷，牛尾，五款食材，全部都軟淋入味真係炆得唔錯，五樣野既炆煮時間都唔同，但係拼埋一份咁出，有口感又入味，就算全部都係凍肉，整到咁都水準以上。推介！個份量絕對對得住個價錢！$75＋$10有凍飲。唔夠飯可以叫阿姐加。如果要形容咖喱個質感/口感/味道，似佐敦某老店既咖喱，不過佐敦既份量比較少同價錢貴，味道就好近似。睇到隔離枱既清湯腩及茄湯米線賣相亦不俗，閒日既8點左右唔算多人，入嚟食既似熟客居多（餐牌都唔洗睇），樓面阿姐又大力推介牛面肉（佢話牛面腩），鐘意食牛既可以一試。

今天專程去了明德食咖哩牛腩，剛食完，就看到送貨過來，原來是雪藏牛腩。咖哩味道可以，腩夠淋。這價錢還可以. 不知清湯味如何但是沒有下次了。都是廟街阿龍和鵝頸橋清真惠記好食些。

啱啱去食咗呢間舖頭嘅招牌清湯牛腩河原本覺得幾好食湯又幾好食到半路見未開單，就叫阿姐開返見佢張單無啦啦收多我一蚊問返阿姐，佢就話你嗰個係半肥瘦，所以要收多一蚊我話我冇叫過喎，你哋都冇同我講過跟住佢態度極其惡劣，話我而家好忙，唔得閒同你拗，當我送俾你，當我唔啱啊本身比多一蚊唔係問題，但係呢間嘢咁唔老實，永遠唔會再去論味道真心幾好食，午飯時間見都多人排隊不過態度咁差，仲要亂收錢嘅真係唔會再去幫襯佢囉......

呢間就係公司長沙灣附近，經過了幾次，今日終於和同事試下佢既外賣叫左清湯牛腩同墨魚米都好好味，作為lunch清清地既首選真係幾唔錯推薦的一定是清湯牛腩啦，超正宗，會再去食過呀!

每次lunch 都唔知食咩好。有一次同事帶我黎左哩間餐廳，佢介紹我食「鮮雞米粉」。看似普通既鮮雞米粉令我極有驚喜！😋😋首先，要講下隻雞，真係又滑又多汁，完全冇乾爭爭、鞋拾拾既感覺，佢連雞胸都可以做到咁有水準。👍🏻👍🏻另外就係湯底，好似好清咁，入口就有淡淡既雞湯味。米粉係好味果隻米粉，好滑唔鞋口果隻。用匙羹裝小小湯再加小小米粉一啖送入口，真係享受！最後再加杯好味既凍檸茶作結尾，完美！😋😋😋

今天經過長沙灣，行內街見到有清湯牛腩，便入去試試～睇吓餐牌原來除了招牌清湯牛腩粉麵外，店員介紹咖喱亦都好出名美味，分大中小辣，好多顧客一試後便會再來，看到比較特別外面少見的有牛脷和牛尾🤩其實我都好想試，但第一次當然試吓清湯牛腩，如果招牌菜都唔得🤨其他都真係唔洗諗🥸清湯牛腩河粉：湯頭真的好清鮮偏淡，亦有陣淡淡的藥材味，牛腩新鮮炆得好淋無渣牛味香而不腥，簡單附送的一件蘿蔔清甜好淋，如果只用$38有呢個質素，真心我在香港境內暫時還沒有試過有第二間，下次會再回來試下咖喱牛脷/牛尾！

一向好中意食辣,越辣越興奮係荔枝角站附近見到有間清湯腩，間店有提供咖喱系列！印象中食過幾間有清湯腩賣既店既咖喱都又香又辣，見價錢尚算合理，所以試下先！叫左個咖喱牛筋牛肚飯，第一次食所以保守叫左中辣，拎外賣果陣問店員可唔可以俾個椒油我，店員仲笑住答我：你個咖喱好辣嫁啦！唔洗落啦！聽完搞到我好期待咖喱汁唔係茶餐廳食到果種港式咖喱。呢個好重香料味，一打開蓋已經成個範圍都充滿咖喱香味。個汁有大量洋蔥係入面。洋蔥既香味加上甜味，令咖喱唔會只有辣味，所以中辣未至於辣到要飲水。雖然望落好似好油但食起上黎唔膩。整體黎講好好食，值得推介。餸既份量都唔少，大約8舊左右，不過餸冇咩特別，反正淨係個咖喱汁都可以撈哂d飯了美中不足既係薯仔口感偏硬，如果有炸過會更香。BTW係店外個牌揀左一陣，因為又想食牛筋又想食牛脷，但佢冇呢個選項！點知係收銀處俾緊錢果陣發現係有牛筋牛脷呢個組合 下次會食大辣！

這晚點了兩碗麵和一碗菜。蕃茄牛肉米粉：據餐牌的說明，這店的蕃茄濃湯是新鮮蕃茄所製。喝一口湯頭，真的滿滿蕃茄鮮味，正！碗中還有大量蕃茄。至於牛肉，分量很多，味道和質感也算可以，米粉不是常吃的那種，質感比較柔軟。牛三寶湯麵：牛三寶包括牛腩、牛肚和牛脷，分量頗多。牛腩有點柴，牛肚看似煮的時間不夠，但吃的時候質感很柔軟，不錯，牛脷是三者中最好吃的。至於湯頭，就被蕃茄濃湯比下去了。西洋菜：這碗西洋菜只需$12 ，分量很多，頗爽脆，味道也好，超值！

建議：入夜工廠區，未必選擇好多。隨便走入一間醫下肚🍜 晚市時段黎到荔枝角工廠區，隨便入左一間清湯腩麵店搵野食頂下肚🤣 估唔到都唔錯。一向唔係淨打卡既#試伏專員 ，繼續行實際路線😎 始終甘多好野食無人講就比個機會#試伏專員 講❤️ #多多指教今次試左：▫️雲吞河 (HK$31)▪️清湯牛三寶飯 (HK$48) 兩個主食整體份量超足，符合一貫本地舊式餐廳風格，白飯一大碗，最驚就係食客唔飽🤣 雲吞河就中規中矩，味道正正常常。而牛三寶 (牛腩、牛肚 同牛脷) 🐄食落肉質都夠腍，上枱時跟埋清湯同白蘿蔔，甘樣算唔算本地特色「關東煮」🤣牛脷既烹調處理聽講都幾繁複，所以通常都係留番出街先食🐮 最驚就係食到處理得唔好，會有奇怪味，有時仲會見到脷胎😳 牛脷既肉質好食而且好有咬口😋 有時係日式居酒居食到既薄切/厚切/鹽燒…等等，都係另一種風味🍶 試過最正既牛脷焗飯，甜味加上焗飯既茄汁超開胃。不過間餐廳係澳門，所以以後有機會出發再講⛴️🇲🇴

男朋友好鐘意食潮州粉麵，所以成日陪佢周圍覓食，有次機緣巧合之下黎左呢間舖食dinner,從此一食愛上左，久唔久就要返黎一次食佢個清湯牛腩牛肚米粉：好鐘意呢度既牛肚，同出面果啲炆到好啡個啲唔同，口感冇咁淋，而係好爽脆既口感，一開始以為咁白應該冇咩味，點知原來好入味，大愛😍😍招牌牛腩河：湯味有陣陣牛腩既鮮甜，牛腩好軟身同好入味，食落軟淋淋，肥瘦適中，仲有呢度既河粉比較幼身，會掛湯啲，呢個係加分位所以我成日encore呢度既牛腩同牛肚粉架😍😍

清湯牛腩夠霖又入味， 河粉是幼河都OK滑。 湯底正常， 清而不濁。 咖喱魚蛋是敗筆， 魚蛋從雪櫃拿出來加熱， 加熱但不夠透， 中間是硬的， 魚蛋沒有彈性， 身為靈魂的咖喱汁稀稀的沒有香味， 不食浪費棄之可惜。

今天到明德叫了碗魚蛋河，正常2粒魚蛋+3片魚片，味道中規中矩，沒有特別太差太好，售價$29. 付款時看見收銀櫃位貼着支付寶標記， 用支付寶付款時，店員表示要收現金。 我問有支付款標記 (QR code) 不是可以用支付寶支付嗎 ? 好今次勉強肯收款，但她表示以後不喜歡支付現金的話，就不要惠顧了 以前，就一直覺得她們的服務態度有問題，明明空位多的是，強要求不同的客人坐在同一枱。 其他的位置就保留完整吉枱。 現在疫情間，迫不相識的陌生人坐一起的做法，使我們好一段時間不想惠顧了。