明明車仔麵專門店 (英皇道) (已結業)

因為有某平台優惠,四餸一麵套餐。所以特登去試吓。之前未食過呢間車仔麵。可以揀嘅餸款式其實都好多,而且每一款送嘅價錢都係一樣.咁我自己就揀咗雞翼、牛腩、豬軟骨同豬皮。其實佢個份量係超級足夠，亦好大份。有兩大舊牛腩，三舊豬軟骨，兩隻雞翼，四塊豬皮。而且麵嘅份量係好足夠。套餐總包一餐飲。可以揀樽裝維他奶，麥維他，cream soda, coke整體而言，份量好足夠，好快就有得食。會再去！

車仔麵係香港人嘅懷舊美食，而家都好少呢種鋪頭啦， 經過見到呢間我就不由自主咁入去想試吓，裝修都幾有趣，特別嘅是入到去呢間餐廳裏面嘅工作人員都係好後生嘅，感覺上成個feel好休閒好舒服所有裝修都簡單大方我覺得唔錯我特別鍾意嘅一點係佢其實唔係話好四正，但係好有香港味菜單呢就係有好多款料可以揀，我今次就試咗呢幾樣以下就係我對呢碗麵嘅客觀點評。個酸齋個味道唔係好襯個面，因為個湯底都幾好味，所以就顯得嗰個酸味好奇怪，呢點我唔係好鍾意。但係其他了就真心唔錯，個湯係幾好味嘅，其他材料都感覺到係用咗心思去準備，果肉都幾林有肉味個蛋更加係正到我要特別影相去點名稱讚四五十蚊可以揀到自己想揀嘅嘢，質素又唔差我都冇乜嘢好批評㗎啦，總之就特別係加油啦年輕人

其實呢兩個女仔都係養唔熟㗎啦上次已經提過佢哋不停喺度玩電話有嘢又唔做明明已經見到人入嚟仲要互相幫對方紮辮我諗咩嘢食都諗咗一陣佢哋亦都冇停落嚟嘅意思我見佢哋兩個喺度玩諗住叫佢哋兩個停一停幫我落單個男仔好似見怪不怪咁樣聽完電話即刻衝過嚟幫我落單即係一個人做三個人嘅嘢啦就算呢兩個女仔有親戚關係亦都冇幫老細諗過咁樣做對舖頭唔好講番啲嘢食啦個辣真係夠辣嘅不過加得唔夠食完唔口渴同埋佢個 酸菜 係幾好味嘅又有咬口冇渣魚皮餃就煮得唔夠熟個皮咬唔爛咁樣烏冬夠曬彈牙豬皮都幾好咬口嘅唔會散曬咁樣希望下次試會有驚喜

近近地，發現新開明明車仔麵就在附近，一於就今天天氣好，出去試吓...結果皇天不負，好味道！相比起書局街的兩檔車仔麵，更好味，更正宗。大什麵$45（包括豬皮丶豬紅丶蘿蔔丶咖喱魚蛋丶花菇及豬腸）；另外又叫了招牌麵＄55（包括魚皮餃丶魷魚丶牛腩丶糖芯蛋丶甜酸齋及瑞士雞翼）藉得一讚，甜酸齋及咖喱魚蛋好鬼正。加麻沙爹汁，兩碗正宗的車仔麵，正正正！單點的炸魚皮$15薄身鬆脆，唯一缺點是魚皮餃太鹹，有原始的質感，交貨有侍改善。

見過呢間係灣仔嘅分店竟然係北角開咗間，估計食物質素都唔差，就即管來試吓🤔柱侯牛腩 芝士腸 牛丸 肥牛 腩汁烏冬（$40）牛腩唔錯，好腍，肥牛又唔韌👍🏻份量都唔少。兩份溏心滷蛋 蘿蔔 生菜 滷水汁米線（$40）呢度嘅溏心滷蛋好靚😍，蘿蔔都有好多舊好腍，生菜都係青綠色嘅👍🏻滷水汁都好味。米線唔會煮得太腍同埋唔會太粗👍🏻柱侯牛腩 溏心滷蛋 蠔皇花菇 魚腐 腩汁粗麵 （$40）魚腐同埋花菇都有兩舊，好味😋要讚下呢度嘅麵😮係同傳統嘅粗麵一樣淺色啲，唔係好似而家車仔麵嘅咁深色，同埋呢個冇乜鹼味👍🏻兩份柱侯牛腩 溏心滷蛋 肥牛 腩汁幼麵 （$40）幼面都係同呢度嘅粗麵一樣，唔係好深色同埋冇鹼味👍🏻兩份牛腩都幾多。紅腸 牛根 溏心滷蛋 韭菜餃 滷水汁粗麵 （$40）紅腸係酸嘅，可能壞咗😰。好彩佢都俾我地揀返一樣餸，我地要多一份韭菜餃😆除左紅腸之外，其他都好食😋，牛根好腍。腩汁通菜（$15）抵食好味😋，份量都多。除咗紅腸壞咗之外，整體嚟講都好味😋服務唔差，呢度都可以坐幾耐。價錢又合理，一定會再嚟幫襯😍

其實喺我屋企樓下開咗咁耐一直都想試食有個姐姐見到我好curious即刻同我講喺入面重口味嘅朋友梗係唔可以錯過佢有幾款辣汁今日冇呢個褔氣雖然我已經同佢講咗我要辣汁明顯唔係老細嘅 樓面亦都冇畀到我要嘅辣汁都係鍾意玩電話唔可以試清楚佢嘅嘢食佢嘅豬大腸係腍嘅可以翻食 但係韭菜係老嘅豬紅係幾好食幾入味不過唔係一夾就散都係夾完都散老細係咁講多謝但係啲員工都係搞唔掂老細收完碗碟冇人諗住抹枱都係喺度玩電話會試多一次但係如果失望嘅唔會再返去

價格相對同區便宜 食物質素有保證尤其係溏心蛋 每次黎都要必食果次叫左辣魷魚 牛腩 雞翼 溏心蛋每一樣都好食到冇得挑剔中意食辣既都可以試下佢地既辣汁湯底但係留意番佢既辣都唔小野 所以唔係咁食得辣既都係叫番小小小小辣我敢肯定大家食過一次一定會番轉頭

新開鋪所以去試下，一定唔會失望的車仔麵。店主好有心做好，食材一d 都唔係一般嘅行貨。牛腩，豬軟骨，韭菜餃等都好有水準，難得係湯底唔會太咸太重味精。仲有係樓面態度都好有禮貌，絕對值得推介同可以返食的車仔麵店