明星海鮮燒鵝專門店

營業中

休息中

星期日3點鐘突然間想飲茶、明星唔使等位即刻開位。九秒九落晒啲單轉個頭已經收起晒啲點心紙，佢哋應該四點幾就落場！⬇️叫咗兩款下午茶特價點心，$15.8非常抵食！蟲草花鮮竹卷個湯好清好好味、好味過平時蠔油汁㖭。山竹牛肉最遲上但熱辣辣、四大粒裏面好多馬蹄好爽。⬇️海皇春卷就凍冰冰幾油、裏面應該係沙律醬撈咗少少蝦肉雜果，個味道都幾好！⬇️白灼牛柏葉魷魚唔使$30，大大碗仲有菜底、可惜佢哋冇蠔油剩係得豉油！⬇️鮑汁鳳爪$43份量一時多一時少、今日算多但係鳳爪好細隻，個汁其實好好味。⬇️叉燒酥仲係暖暖地但係裏面啲餡太少！⬇️最後福建炒飯抗疫價$51大大碟、有蝦有雞肉配炒飯底幾唔錯。⬇️⬇️配埋龍井茶每位茶錢$10唔搭枱價、埋單連加一都唔使$250又坐得舒服，不過都幾多人九成爆！如果早少少食 Lunch 就應該要等位啦。

今日想飲茶，就去左呢間酒樓食嘢，不過其實聽佢個名就唔多似酒樓😂兩個人食左大概八樣嘢到，承惠$160。我地係食下午茶，孖寶大概$25.8。環境正常，唔會好嘈。上嘢食嘅速度就正常，前面嚟嘢食嘅速度慢啲，後面就一下嚟左幾樣嘢。講下我有食到嘅嘢啦京式小籠包：皮厚左啲，入面啲湯汁就同其他酒樓一樣，所以麻麻地養顏紅棗糕：味道淡淡，感覺係食緊少糖嘅年糕咁，我個人就覺得冇咩味，麻麻地蓮子紅豆沙：唔沙，似水，而且超級甜。連我呢啲不嬲鍾意食甜嘅人都覺得好甜，甜得滯蟲草花腐皮卷：正常，好過玉桃軒，味道冇佢咁淡得過份雪山叉燒焗餐包（3個包）：原本最期待呢樣，未食過又見到佢個樣不錯，就叫左。但上到嚟嘅時候發現佢細細個，同埋唔係想像中咁熱氣騰騰（諗住有個「焗」字緊係熱辣辣），只係偏暖。味道亦冇咩特别，就同普通叉燒包一樣。低於我期望值好多，傷心😢

今日去新蒲崗d工業大廈影全家福 影完都8點幾 大家都餓啦 老人家都係中意食茶樓多 所以開車去左附近明星酒樓由於我地一行二十幾人要等位好彩最後坐到前後隔離枱 豬肉粉絲煲 味道夠 粉絲都多 撈飯食炸蠔就相當誇張 超級大隻😂😂炸得都幾金黃通菜唔會話好淋滋滋 小小辣 幾爽口豬手 本身冇乜興趣同埋個賣相唔係咁吸引 我就冇試到啦咕嚕肉好味呀酸酸甜甜 雖然賣相唔討好 但係幾好食 連配菜波蘿都幾甜燒鵝依個最好味 唔會話好油膩 皮脆肉軟依碟就好快比人清哂

侍應服務不錯。但門口的知客服務態度有待改善。 到明星門口，知客位置一個人都沒有，便跟侍應和部長說人數。雖然食客不多，但每一枱都有人坐著。部長都好似有嘗試找位置，但找不到。侍應叫我們自己找座位，我們走了一兩圈都找不到。知客終於出現，我們便跟她說人數，之後再有兩位阿嬸走來。應當先給我們排隊號碼，但知客先給另一位企得較近的大嬸。知客還說，她先來，在裏面走了一圈。但我們何嘗不是呢。知客不在自己的位置，又怎樣知道誰先來？知客的責任就是幫忙安排座位，如果要離開自己的崗位，不是應該先找其他人幫忙？本身對這些酒樓都沒有太大期望，但都希望他們的服務態度可以改善。

我係比對面Port 33帝豪既服務態度激走後而轉到明星飲早茶，本身因為覺得新蒲崗明星啲野食麻麻唔多想食，但因為好肚餓，就去間近近地既酒樓。講返正題，講價錢，明星當然經濟啲，但環境的確差啲，不過對比我早幾前黎食，啲食物質素好似好返啲。我叫咗6樣野：叉燒腸粉：皮薄，而且夠熱，我好記得上次係呢間明星食叉燒腸時係一團粉甘，今次有進步。雞包仔(孖寶)：屋企人話食到有蝦，但我唔覺。夠熱，正正常常甘牛肉球(孖寶)：估唔到有四粒喎，呢個係$26係孖寶喎，我以為得3粒，雖然比一般細粒啲。4蝦餃：$13兩粒，OK啦，都幾大粒菜苗餃：特價既，但入面唔止菜，仲有粟米，未試過菜苗餃入面有粟米，但令成粒餃甜咗，都幾好既。鳳爪排骨飯：$13.X一碗，不過不失啦，我嗰人覺得啲飯爛咗啲姐埋單兩個人$126，都OK啦，好飽。另外值得一贊係冷氣充足。

今個母親節，由媽咪揀佢最鍾意食嘅嘢，其中一樣就係燒鵝。所以一早就book咗明星海鮮燒鵝酒樓。當晚幾乎全場都係慶祝母親節，所以都有幾個四人份量嘅母親節套餐俾我哋揀。我哋揀咗個$888嘅母親節套餐。當然套餐有燒鵝，多肉肥瘦適中，冇令我哋失望。令我驚喜嘅係安格斯牛柳粒，野菌加牛柳粒兩樣味道香濃嘅嘢，係一個完美嘅配搭。海皇羹就有一點平平無奇，有湯飲下都幾好啦。酒樓用板隔開一台台嚟食飯嘅人，每台客人都有自己嘅空間，我哋甚至有自己嘅電視，係好開心滿足嘅一晚。