影片
電話號碼
26902168
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
今日係10月11日，重陽節和女朋友一齊來元朗明星皇宮飲中午茶，中午餐的內容包括乳鴿，龍躉飯，雞粥，乳鴿都相當不俗，環境都尚算寬敞。服走去務員質素一般般。仲有紅米腸，粉排骨。味道尚算可以接受。在村裏算是比較有選擇的酒家。
繼續閱讀
今日去朋友屋企玩，到晚飯時間就去咗樓下嗰間明星酒樓食飯，明星酒樓一向比我嘅感覺都係麻麻哋，不過今次食完之後對佢嘅感覺完全改觀哂。以酒樓嚟講佢嘅價錢非常親民，小菜最平 $58 蚊已經有，而且晚市仲有好多優惠，三個人食叫咗京式片皮鴨、蒜蓉開邊蒸蝦、椒鹽吊桶拼豆腐。京式片皮鴨 ($138) : 賣相非常精神，外皮夠脆肥瘦適中，而且鴨肉味濃郁，呢個價錢有啲咁嘅質素，真係估佢唔到，性價比非常高。蒜蓉開邊蒸蝦 ($78) : 蝦嘅份量幾多而且幾新鮮，粉絲又夠入味，除咗係賣相差啲之外。椒鹽吊桶拼豆腐 ($78) : 吊桶同豆腐炸得夠香脆，吊桶鮮味十足之餘椒鹽味亦非常濃郁，食落相當惹味。
繼續閱讀
估唔到個盤菜會有驚喜，本來抱住酒樓都是一樣的心態，訂盤一家人做冬返來試試，初頭一打開覺得好普通，應該都不過不失，點知食落去芋頭超入味，雞同鵝都好夠味道，蠔豉生蝦鮑魚瑤柱海蔘花膠都好足料，髮菜豬脷都好入味，其他食材都好好味，仲有估唔到嘅係會有草菇，好特別，是好出色嘅一個盤菜，成個盤菜我們個個都食到津津有味，估唔到會咁有意外，對比起其他，可能佢未必賣相吸引，亦都媲美唔到出面專售買盤菜的地方，但它亦有個人之處，夠入味的材料才是一個盤菜的精髓，值得大家去嘗試，。
繼續閱讀
好簡單，同一碟嘢嗌左3次好可以漏單，等足2個鐘，最後都係無得食，不知所謂管理，垃圾培訓，象拔蚌跟個清湯鍋，個鍋燒到乾水蚌都未嚟，啲伙記望住個吉碟仲要問洗唔洗收，唔收我帶隻碟返屋企？
繼續閱讀
明星酒家嘅火鍋真係好正啊！湯底鮮美、食材新鮮，一碗火鍋就可以滿足你所有口腹之欲。佢哋嘅鮮味鍋底特別好食，湯底濃郁鮮甜，令人回味無窮。而且佢哋嘅食材都非常豐富，除咗基本嘅肉類同海鮮之外，仲有唔同款式嘅豆腐同蔬菜，各種口感都有。如果你鍾意辣啲嘅，可以試下佢哋嘅麻辣湯底，辣味十足，非常刺激味蕾。不過要小心，一旦開始食就停唔到啦！總之，明星酒家嘅火鍋係一個非常值得一試嘅餐廳，每一口都是驚喜！
繼續閱讀