明星海鮮酒家

營業中

休息中

今日去朋友屋企玩，到晚飯時間就去咗樓下嗰間明星酒樓食飯，明星酒樓一向比我嘅感覺都係麻麻哋，不過今次食完之後對佢嘅感覺完全改觀哂。以酒樓嚟講佢嘅價錢非常親民，小菜最平 $58 蚊已經有，而且晚市仲有好多優惠，三個人食叫咗京式片皮鴨、蒜蓉開邊蒸蝦、椒鹽吊桶拼豆腐。京式片皮鴨 ($138) : 賣相非常精神，外皮夠脆肥瘦適中，而且鴨肉味濃郁，呢個價錢有啲咁嘅質素，真係估佢唔到，性價比非常高。蒜蓉開邊蒸蝦 ($78) : 蝦嘅份量幾多而且幾新鮮，粉絲又夠入味，除咗係賣相差啲之外。椒鹽吊桶拼豆腐 ($78) : 吊桶同豆腐炸得夠香脆，吊桶鮮味十足之餘椒鹽味亦非常濃郁，食落相當惹味。