明星皇宮

營業中

休息中

今日晨早去飲早茶，去左上次食晚飯個間，聽朋友講都唔錯。環境真係唔錯，枱與枱之間唔會好逼，樓底高唔會好嘈，光猛舒服。今次叫左壽眉，茶色幾清，茶味甘，算幾好另叫D京色点心试下蒸饅頭，冇乜味係正常，但起碼鬆軟煎鍋貼，都多肉汁幾好味，但D皮厚左少少高力豆沙，份量超級大，豆沙唔太甜，不過油膩左D咁不如慢慢坐飲下茶嘆下，冇時限。

週末多與家人去歎一盅兩件，今早便來到元朗阜財街的明星皇宮飯杯茶食個包。傳統酒樓格局，面積很大，客人亦多，環境、裝修、服務如常，不用多介紹。薑蔥牛柏葉，夠入味，不錯。鹹魚肉餅飯，味道唔道。鳳爪排骨飯，正常貨色。皮蛋瘦肉粥，份量相當足，大大碗抵食，不過唔記得影相。潮州粉果，外皮煙煙韌韌，內裡配料足，沾點辣椒油吃，風味更佳。藥膳鳳爪一上枱，即聞到川芎的藥材香味，滋味不俗。安蝦鹹水角，一碟四件，外脆內軟，完全是兒時的味道。

今晚同家人一齊食飯，再次嚟呢間食，因為實在太多款色選擇。燉湯都有4款，我地叫左節瓜鰂魚煲唐排$98超級大煲，D湯好清甜，唔覺有味精，湯渣都超級多，足料，每人可飲3至4碗，我覺得好實惠，買料自己煲都差不多超值孖寶套餐都有好多選擇，食足一個禮拜，日日唔同款都得，價錢由$118起我地叫左海鲜孖寶$268，包括清蒸老虎斑仔同芝士焗海蝦伊麵條魚嘅size比想像中細左D，但都好滑，食落冇渣，個伊麵D芝士汁濃左D同偏咸，但係共有13隻海蝦，超級多，蝦嘅size仲唔細添，抵讚。因為有太多款式選擇，所以都會再嚟試其他菜色。

今晚嚟到呢度同屋企提早慶祝母親節，六點半左右嚟到，已經爆晒棚，坐無虛席。好彩訂咗位咋，唔係都唔知要等幾耐啦！本身諗住呢啲大日子啲前夕，應該都係要叫套餐咋啦，點知又唔係喎，除咗套餐，竟然仲有單點餐牌，無迫人食套餐喎。餓餓哋又未齊人，就叫咗個脆皮燒腩仔食住先。個皮好脆，肉質好淋，係咸咗少少。第二道菜就係片皮鴨兩食，隻鴨燒得好香脆！整多隻炸蠔一人一件，自己就覺得隻蠔老咗少少。薑蔥蟹，大大隻好入味。豬肋骨，酸酸甜甜好開胃。荷葉飯係全晚最正，一嚟到荷葉味好香啦已經！足料之餘，食落啲飯粒粒分明，荷葉味係滲透晒落個飯到，堅正！

每逢週末，一有時間都同媽媽飲茶，媽媽中意飲茶款式夠多，又可以坐得耐一耐，水任添，談談天說說地，坐坐下就半天！不過飲茶要早起身攞位。。。三個人叫左8個點心，飽飽！叉燒包、鹹水角同沙律蝦角都係一定會叫，每次食都覺得好好食，keep到原有水準！不過今次煎嘅系列就有啲失準，蘿蔔糕同煎餃煎得唔夠香口！而紅燒乳鴿就咸左少少！不過整體都ok！蠔皇叉燒包安蝦鹹水角沙律鮮蝦角芋絲蝦春卷香煎鍋貼香茜牛肉腸粉香煎蘿蔔糕紅燒BB乳鴿

好多時飮茶都揀明星皇宮，呢到有兩層，地方大，等位好快就有位。呢到點心的款式都幾多，仲有早或午市優惠點心，好抵食。最中意食呢到的百花釀魚肚。紅油抄手！煲仔飯都唔錯！

同媽咪兩人一早五點幾就前來拿飛食晚飯，嘩原來都會有好多二人撐枱腳，好彩有位。叫了兩個小菜，上湯龍蝦伊麵底，好大碟，好多伊麵，伊麵唔會太長，長度適中，容易夾起上碗。唔使另外叫飯，自己加少些辣椒醬撈在伊麵一齊食仲好好味呢！龍蝦一隻，好多肉，好爽甜彈牙，好新鮮。有半隻手掌咁大的龍蝦蚶，好正嘅呢！另外，叫了罕有的油浸荀殼魚，是用油泡的，唔多骨，就算有都可以食，因為好脆口，淋上甜甜哋的醬油，少少葱花，非常香味撲鼻，連左鄰右里的食客都被它吸引到，他們也一樣跟我們吃這個小菜。雖然油泡但一點不油膩，老少皆宜呀！衹是有些部位肉質鞋咗些少。

員工服務態非常差!根本就冇服務可言! 職員個樣黑面神咁，上黎啲點心仲要唔熱嘅。 衛生環境差， 見到最少四隻烏蠅不停飛嚟飛去， 而且嘢食又唔係好食。 元朗有咁多其他嘅茶樓可以選擇， 真心建議各位如果要幫襯都唔好揀呢間!

當天我同契爺上去飲茶，3:30入去飲茶，係咁話趕時間，點心一到齊，收完錢即刻趕我們走，以後千奇唔好去果間，我契爺係度飲茶幫襯佢10年有多，佢退休後經常約以前舊客上去飲茶，順便寫藥方，收完茶錢，連寫藥方的10分鐘都唔肯俾，一是你就唔好收$380蚊茶錢，收完就趕客點心又差，主管服務更差

今日同伯伯慶祝生日，距離元朗地鐵站有點遠，不過價錢勝在經濟又實惠，食物質素也不錯，芝士龍蝦伊面很大碟也很好食大碟環境不過不失，環境舒適，但裝修有點殘舊了，服務員質素也不錯，上菜速度也快魚沒有魚腥味，怕腥的我也吃了幾口，所以怕魚腥的人可以試試這味餸我吃得最多，芝士很夜味， 而且龍蝦也大隻，分量充足夠，可比四個人食花膠略嫌有些硬，可能浸得不夠時間，煲底的一些花膠會稍微好一些，因為浸的時間比較來另外，冬菇也很大隻，肉質豐厚，啖啖肉，推介大家也可以賞一賞

其實行過好多次，就係好少食呢間，今日一家三口為咗方便，又想食中菜，就選擇左呢間，初初我哋上到去大約七點，冇咩人，心諗會唔會唔好食，不過都上咗嚟啦咁就叫餸啦，叫咗燉湯，蒸魚，龍蝦，雞，菜，其實都唔差，係個菜太硬，食吾到一半，之後七點半左右，開始越來越多人想來，全場都full，原來都幾多人仲會上呢d食中菜，不過我覺得個價錢無富臨咁坁食，同埋富臨多d套餐選擇同味道比較岩我地，買單之後去反又新街買反杯特飲飲下

元朗明星皇宮有兩層，3樓不撘枱的，地方夠大，座位唔迫。葱花卷，好軟身的，有少少葱粒，好香。好味。鳳爪排骨飯，排骨幾多唔係好肥，有兩大條菜心飯也唔會煮到好淋身。煎蝦米腸，腐皮卷，煎得幾香。點心拼盤，五款名一，燒賣，薑汁糕，潮洲粉果，魚翅餃，全部也是正常的味道！魚翅餃好大粒的。鯪魚球四粒的，幾香同埋唔腥燒賣唔肥煎窩貼，夠熱，juicy，有湯汁。這碗綠豆沙份量剛剛好，十分足粉，夠晒沙，好好味，食完好舒服。

同一大班吃貨好友去食farewell飯，又想可以方便傾計，呢個真係一個幾好既選擇，因為真係好抵食！我地一行七人，所以就淨係嗌左半圍鴻運乳豬件配海蜇，乳豬件既皮好脆，另外海蜇既分量都好大，而且好爽口。片皮鴨唔包係套餐入面，係另叫既，個皮都幾脆，略嫌多油。七個人食份量啱啱好。紅燒海皇魚肚翅，我哋七個人飲差唔多，每人可以飲到兩碗，可見份量好多。味道唔會有腥味，加埋少少醋，更加惹味。脆皮雞，皮脆肉嫩。但因為已經去到尾聲，大家都已經食到好飽。

bb百日宴👶🏻一個月前已經訂好圍數，並且已千叮萬囑當日想播放bb成長片段酒樓的大家姐在一星期前通知我地，會安排大房，有播片設備，所以我地比錢影片製作公司製作了成長片段點知。。。一去到，不是大房，都算。仲要話無得播片，即刻火都黎！😡😡😡但由於部分親友比我們先到，已被大家姐安排入座我地即時搵人跟進，個大家姐竟然無視我地，向d長輩落手，同d長輩講話自己無講過應承左我地會比大廳我地又話做唔到播片，但唔知點解交涉左一輪，又有得播片架喎！播到片點知無聲音，個大家姐跟都無跟，就話「哎呀，真係做唔到播聲架！要大房先得」直接無視佢，搵左個男主任跟，即刻又播到聲最嬲係，長輩不知情，已封左接近一千元利是比個「大家姐」一肚火後，臨走時，執枱的姐姐竟然黑口黑臉話「我地3個幫手上菜既都未有利是！」利是我地預左比，但唔係預期你黑口黑臉奉旨比當然我地最後係有比的但整體服務態度真係極差！！

新裝修的明星皇宮，依舊有三層😁沒有改變的就是一樣那麼多人😬一去到我先到2樓取票，由於我不喜歡搭枱，所以我會等3樓的座位😝 2樓要跟別人同台😭我很肚餓，所以要有飯落肚先夠飽，我叫了白汁南瓜海皇焗飯飯，入面有很多配料有蝦，魚，南瓜，雞肉粒，蘑菇， 廚師用蛋做了炒飯底，所以好好味😍最吸引我的是百花樣魚肚，魚肚非常爽口，完全不油膩，上面有一大塊蝦滑，混入了蟹子，味道一流🤙🏻上湯鮮竹卷，有三件，熱辣辣，鮮竹卷入面有紅蘿蔔，菜，蝦，豬肉，雖然有一點鹹，但是餡料非常豐富