明洞Express (已結業)

紫菜包飯冇乜驚喜, 反而石頭雜錦飯幾好食， 石頭飯最基本嘅餸牛雞豬都有得揀， 雖然主要嘅肉唔多，但係配料仍然好豐富 ， 尤其是好多蔬菜好健康， 辣醬就係必落嘅 成日去韓國旅行嘅朋友，如果掛住韓國， 呢度幫到你，

自從去完韓國一直對韓國菜念念不忘，係尖沙咀上完堂去左呢間位於金巴利道既明洞express食下午茶。一入門就有個講韓文既叔叔招呼我地，令我地對間野好有信心，覺得應該會幾正宗。另外如果有學生證就會免費送罐汽水，但店內餐牌無特別寫明，學生去食就記得點餐個時出聲啦。我同朋友share左個炸醬麵同牛肉飯卷。先黎既係牛肉飯卷，其實有d失望，因為個賣相已經唔太好，飯既分量完全唔足以包住d餸，米粒比較硬，一夾起舊飯卷d餸就跌晒出黎，無韓國飯卷個種軟熟、一放入口d飯、餸、紫菜味融為一體既感覺。最奇怪係有舊港式魚蛋係中間，同其他材料味道唔夾，亦令飯卷口感好奇怪，無啦啦有舊彈牙既野係飯卷度。飯卷性價比真係比較低。緊接而來既係炸醬麵。香港好食既炸醬麵好難揾，好多伏野，所以一開始見要72蚊都諗左陣。估唔到碗炸醬麵一d都唔伏，有韓國食到既個種味，洋蔥好香好甜，煮到lum lum地，洋蔥同豬肉碎既分量都好多，個汁雖然有d油，但好香豆醬味，配埋d軟硬適中既麵，真係好食到停唔到美中不足既係炸醬麵上無可以令口感清新d既青瓜絲，餐廳亦都無比一般韓國餐廳會有既小菜（聽講韓國人食炸醬麵係會配黃色既醃蘿蔔食）跟餐有碗雜菜湯都好清

點左個豬肉味既飯卷有少少失望 的飯好硬同好散不好吃的 成個飯卷無咩味反而送既果個菜湯幾好飲 少少喊喊地另外點左呢個人參雞湯 份量都算大真係有半隻雞 但好奇怪既係 有三隻雞亦尖😅最好食既係湯入邊的飯吸曬成個湯入邊既精華😋但就真係揾唔到人參囉 食曬成個湯 只係揾到一條大約一寸長 疑似人參鬚既野人參雞湯包左一碗白飯 所以食曬真係好飽但餐前既泡菜要加$5 有少少失望所以見在場都無人加錢換購

係尖沙咀做完treatment, 附近就係韓食店臨立既街, 食返個韓國快餐都好喎, 呢間之前都已食過, 隔了一排再食, 發覺叫餐模式改變左, 由原本自己買飛點餐到有侍應落單, 仲有送餐服務, 但水都仍然係自助形式! 連餐牌都轉左, 細心發現加多左d新菜式, 例如芝士xx今晚唔想咁heavy, 只係叫左呢碗鷄肉湯麵 ($46), 份量普通啦, 鷄肉口感較腍帶點甜味, 湯麵軟硬度岩我, 而個湯底似用左胡椒(?)黎煮, 帶點辣味, 我ok喎!附送薯仔片及泡菜伴食, 泡菜都幾好味!食完碗湯麵都幾飽, 有時食韓國麵都唔一定只限於辛辣麵既..........

尖沙咀太多韓國菜，但因應番經濟狀況，同埋平時比較少食韓國快餐，多數系食燒肉，今次就食下快餐啦。海鮮豆腐湯飯都幾辣🔥入面有豆腐、泡菜、豬肉、半熟蛋，冬天食好暖胃，夏天食都好食，個肚感覺好飽好有滿足感拉麵年糕方面，汁既辣度適中，份量十分充足年糕口感有少少軟，但唔會覺得好漏，食落覺得好有韓國風味。燒牛肉飯，真系超多生菜系健康既，但系啲牛肉就偏向碎碎地，有少少難夾，石鍋飯撈多啲辣醬食就perfect池。

琴日朋友生日所以一行5人就食依間野。叫完野食要即刻比錢係佢既特色，自助攞碗同醬料，唔收加一。全部staff都係韓國人，溝通方面可能會有少少麻煩。食物方面同價錢比較算係咁，唔係特別差/好，算不上好好食，冇滿足感食到咁上下著裇衫個位望落似經理既人走黎同我地講"eat faster"，重做埋個食快啲既手勢，心諗我地比曬錢又未食完就叫我地食快啲？我地坐近門口位睇到出面係冇客等的，唔知係咪恰我地望落比較細個所以要我地盡快交番張檯比佢啦，又或者係韓國文化真係不得而知

又係韓國野lunch la~今次去左學校附近既明洞 間野冇改錯名都係好好食而且全店都係韓國人😂今次第1次試就嗌左好耐冇食過既芝士炒年糕 價錢好似係60幾但唔包野飲（學生好似有送汽水）一眼望落本身都唔覺得個份量有幾多但係食落係起飽😂d芝士中和返辣味所以食落味道好好又唔會太辣而且芝士既份量做到拉絲效果好正✨年糕食耐係煙煙韌韌既好好味同好正宗 佢仲撈左少少魚糕落去食落口感更豐富同埋飽飽😂佢個配菜同一般既差不多都係醃蘿蔔同泡菜啦 湯味道還好但唔似味精水既～朋友就嗌左泡菜魷魚飯 望落好辣食落更辣😂但個魷魚都幾彈牙唔錯唔錯~撈埋白飯食就中和返少少啦 但我覺得年糕好食d 佢白飯份量都幾多架 女仔黎講會有食唔曬既機會

今晚去尖沙咀韓國街食呢間明洞Express，見Openrice評價都唔錯，就打算試下，本身對韓國食物就麻麻地，因為好多油煙同埋好多杯碟，今次呢個炒飯簡簡單單，味道都還可以，但未算係去到超好味，不過價錢就貴左少少，我寧願去三洋食返個揚州炒飯，店內充滿韓國風格，不過環境就迫左少少，好多情侶光顧，門口都有成班女仔等緊，似乎都係一間幾受香港人歡迎的韓國快餐。P.S.我個FD個芝士烤肉(豬)飯就中左伏，佢好似覺得唔係咁好食。

今日放工要去接老婆放工，佢公司附近係韓國街，來到當然要食下韓國嘢啦呢間明洞express係我哋經常幫襯嘅鋪頭雖然佢算係一間韓國快餐店，但係我哋覺得佢同其他韓國餐廳比較，食物質素一啲都唔輸蝕今日又叫咗我最鍾意食嘅純豆腐湯 ，今日個湯好似有少少失手，鹹咗少少，不過就好夠辣啱我口味老婆就叫咗佢最鍾意食嘅辣豬肉飯，個汁甜甜地辣辣地 好惹味另外我哋仲叫咗個芝士蛋捲呢個蛋捲係我哋第一次食，不過就有少少失望之前曾經去第二度食過芝士蛋捲，芝士係夾喺蛋入面流心嘅。。。但係呢度嘅蛋捲芝士只係喺個蛋嘅底同埋唔係流心，好快就乾 同個蛋完全冇溶合有少少失望

最近都好忙冇乜時間 手上有好多工作都未完成係咁肚餓嘅時候梗係食快餐啦 公司係尖沙咀後面成條街都係食韓國嘢就去咗明洞express到食快餐快快趣趣食完就做埋手上嘅工作咁就嗌咗個炆牛肋骨飯啦 一向都鍾意食牛嘅我梗係唔放過啦 甜甜地啲蘿蔔同紅蘿蔔都炆得好入味個牛肋骨更加唔洗講另外仲叫咗個芝士泡菜煎餅， 越熱氣嘅嘢我就越鍾意食 泡菜煎餅煎得好香口仲要熱辣辣添 加埋啲芝士有起司的感覺 實在太邪惡啦大家喺好唔得閒嘅時候不妨去明洞express度食吓啦

我最愛食韓國嘢，韓國快餐最好嘅其中一間就係明洞express，簡直快、靚、正！由點餐到食物上台都係等左15mins左右，好啱香港嘅速食文化。去到一定會點我嘅最愛純豆腐湯。熱辣辣嘅石鍋載住豆腐泡菜湯，上到台嘅時候仲滾住…滾住，忍唔住即刻飲啖湯暖暖胃，再配上一碗白飯。邪惡嘅芝士泡菜餅話減肥嘅我……見到之後都係食完再算。煎到卜卜脆嘅泡菜餅，上面再鋪著滿滿嘅芝士，簡直邪惡到不得了，好食到停唔到口，值得一試。

今日想食大醬湯，無奈找了幾間都冇。最後都係來呢度點了一碗509辣牛肉蔬菜湯，上咗之後就得蔬菜，用羹撹了幾轉，只見一片牛肉。唔知講乜好。如圖所見，碗湯汁多料少，稀稀疏疏，在韓式料理的湯裡面第一次見，正常應該是料多湯濃味香。這碗湯就如用調味料kou出來，只得辣味而不香。牛肉只得1塊，作不了評論。蔬菜方面，菜煮得太爛熟，入口即軟化，毫無蔬菜應有的口感。上次食辣豬肉飯亦如此，泡菜佔95%。下次絕不會再光臨。

原本打算平安夜黎食架，但男朋友話唔好，但一直念念不忘牛肋骨飯，所以今日黎左啦!!!首先講下牛肋骨，雖然係成$98一個，但真係啖啖肉，而且炖得好鬆化，同埋佢啲蘿蔔都好入味，好正如果女仔食就可能大份少少另外嗌左個五花腩，對於我黎講，就失色少少，因為佢用左煎，乾左少少，如果有少少汁就juicy好多~不過值得一讚嘅係，啲肥肉整得唔膩，食落口仲甘甘地，男朋友話最鐘意咁多肉，好似食極都食唔完咁最後係紫菜卷，唔夠實呀今次，所以一挾就散，但喜歡佢唔會好重口味不得不提個配菜，超喜歡個醃蘿蔔好入味，岩岩好

同朋友去食生日飯但大頭蝦又唔記得訂位.. 當然係尖沙咀無等返個幾鐘都未必食到好野.. 去得金巴利道就唯有再睇下附近有咩食啦.. 行下行下見到明洞Express 已經較少人等.. 2 位仲即刻有得進入.. 都算唔錯..我地叫左個部隊鍋.. 樣樣都有D.. 食得開心D..  不過食落個感覺同辣豆腐湯個味一樣.. 因為兩樣我地都有叫.. 同埋個湯飲得多都會好口渴.. 太濃味.. 可能本身得地叫得太多類似既湯.. 不過Kimchi 味道都普普通通.. 勝在部隊鍋夠料多同埋午餐肉夠入味..辣豆腐湯都有飯架.. 不過太大碗飯女仔多數都食唔晒多.. 烤牛肉炒得好香.. 用鐵板特別有鑊氣.. 同埋都幾大份適合三五知己去食.. 

見有96個like，e謂好食，我們叫了牛肉粉絲鍋，少少少粉絲，丁丁丁牛肉，大量牙菜，有點兒戲。最普通既紫菜包飯，好粗胡蘿蔔，令到成舊卷好硬，紫菜好似海帶好難咬。雖然店員說韓文，但一奌不像韓國人開店的食物。