明順海鮮菜館

營業中

休息中

早前經朋友介紹, 已經嚟過明順幫襯好多次因為男朋友好鍾意食薯仔, 所以第一次帶佢嚟食💖蜜椒薯仔牛柳粒 $98依碟蜜椒薯仔牛柳粒, 絕對係我食過最好食💯薯仔外脆內軟, 牛柳粒口感一流👍🏻水準比萬發更高 (蜜椒薯仔牛柳粒都係萬發嘅招牌菜式)可惜明順嘅知名度比較低, 多數只有街坊會幫襯八珍豆腐煲 $88依個菜式我上次食完覺得好抵食入面有海鮮 (魷魚同蝦), 菜, 豆腐, 仲有牛雜豬肚等材料好豐富👍🏻👍🏻 $88簡直係物超所值順帶一提明順嘅伙記大部分都係年紀較大嘅叔叔伯伯, 好friendly & helpful係一間既有水準, 又好有人情味嘅屋邨菜館👍🏻👍🏻

由冬菇亭年代開始幫襯「明順」，見證了老闆都由matchy cut後生仔變咗阿叔。😊坐低後先點了鹹水角同山竹牛肉，鹹水角內嘅沙葛同肉粒分別，山竹牛肉實在無需點太多喼汁，因為如果太多喼汁味，牛肉味就冇碇企。另外點了大盅鳳爪排骨飯，蒸餸時流入嘅肉汁，「明順」不太硬亦不太削才是小弟所愛。最後埋尾有棉花雞，魚肚入味，蒸雞、冬菇不愠不火；人到中年，食一餐少一餐，呢餐絕對冇浪費小弟剩餘嘅配額。祝大家身體健康！

第五波之後，就黎附近返工！明順係同事介紹嚟食嘅。雖然唔係話十分高質，但人情味足，好多街幫襯！同事亦不停讚老闆好人，有時搞活動，budget有限，都會因著活動對象是有需要人士，會扺諗啲計便啲。同事都會幫襯佢。食物試過點心，蝦餃好味足料， 燒賣就乾身佐一啲，都係足料，牛肉球一般但都係足料，魚肚個人十分鐘意食，值得推介，仲有鋪錢肚都好大塊！乾炒牛河，有穫氣，不過自己食得重口味，略嫌淡佐小小，要加辣椒油或辣椒醬，會更野味！鳳爪排骨飯，都好好食，啲米飯好煙韌，有少少糯米果種口感！正😄！

今晚食呢間叫明順嘅菜館，睇佢都係食啲大排檔風味嘅野食，都係朋友介紹，原來佢女朋友阿媽住麗閣邨長沙灣站A出口，上到去行兩步就係，六點半左右去到，空位幾多，可能仲早，加上閒日，朋友話星期日呢間野要等位。呢間野坐得幾舒服，冷氣夠。我地兩個人，叫左半隻吊燒雞、芝士汁海蝦伊麵底同炒白菜仔，兩個飯兩罐可樂先黎左白菜仔先，幾重味下，炒得ok嘅份量都幾多之後黎蝦，芝士汁水汪汪，唔係杰身，已fail蝦亦唔太新鮮，，成條蝦腸冇挑燒雞皮脆，肉尚嫩，但髀位有啲唔夠熟埋單$428，係略貴，但呢類菜館係咁上下，味道可以嘅，正常。想提下一開始坐低已經有個阿叔過黎落單，係咁介紹荀殼魚，但我地都聽唔到佢講乜幾搞笑，唔討厭嘅

打算搵間茶樓飲下茶，休下息。住左附近廿年，呢個商場新裝修，一直想試呢間！一試之下，食物水準一般，沒太多意見也，尚可接受。食完東西坐了一會兒，見有個侍應（可能係老闆）竟然大聲喝問鄰座既一位伯伯是否還會叫東西吃？如不再叫請離開，霸左個位太耐！伯伯無奈離開。然後該侍應轉到我地枱，收起我地所有野（包括茶杯同茶壺），我地就話，仲會飲的。侍應才離開。整體感覺是想迫我地離開，然後做下一位生意。最後我地也離開了，因為俾個位侍應搞到無心情飲了。我只可以講，飲茶既人，都係想慢慢坐咁休息，雖然我唔知個位伯伯坐左幾耐，但我地前後只係坐左一個鐘，就已經開始俾侍應迫走。奉勸各位來呢度飲茶，不要想可以坐很久。而我都奉勸餐廳老闆，如果唔想茶客留太耐，索性寫明最多茶客坐幾耐，例如90分鐘。咁樣大家都會跟規矩。茶樓唔俾人坐，所以我都唔再來了。

自小在麗閣邨長大，明順由童年時代冬菇亭，到今日再重開，水準仍維持不變！紅燒乳鴿乳鴿夠肥，肉汁多，炸得夠香，好食到停吾到口椒鹽多春魚未食過咁大條多春魚😍😍一向吾鐘意食多春魚的我都食到停吾到手小炒王