星巴克咖啡

營業中

休息中

放工約左朋友傾計，一去到佢已經買左Frappuccino同菠菜芝士批食緊；朋友o既Frappuccino係綠色o既(佢話係green tea，但味道一d都唔似)，俾我試：好清甜，勁好飲~ 可惜我仲病緊，受唔到凍飲... > < 　我就叫左Hot Chocolate同Raisin & Apple Muffin俾自己~ 好鍾意Starbucks o既Chocolate，一來因為自己係朱古力迷，二來因為Starbucks o既Cream Foam好靚~ Muffin係第一次試：有叮過o既Muffin熱辣辣，外層脆裡面軟；雖然冇Mrs Fields o既超強牛油味Muffin咁令人回味，不過都係水準之上，good~

天氣悶熱, 想食得清淡d, 但又想食甜野, 行勻成個場都係得Delifrance, Pacific Coffee同呢間岩食, 最後揀左呢度.Iced Latte一如所料係無咩味的, 焗青瓜蛋批比預期好喎, 店員叮熱番之後, 都算鬆軟可口, 呢味好似同Delifrance差唔多價, 但一定好食過佢. 焦糖芝士蛋糕賣相精緻, 睇落細細件, 但原來非常有質感, 結實得黎好滑, 但芝士味略嫌唔算濃, 可能比好甜既焦糖蓋過左掛. 味道唔錯但好漏下, 一個人係食唔晒的.天氣開始熱, 坐室外座位唔係好得喇......

因為係IT VISA 客戶, 有COUPON , $23 有2杯, CreAM brulee COFFEE 布蕾鮮奶咖啡........早知叫另一個薑汁COFFEE 啦, 呢個咩味都冇, 凡COFFEE 溝MILK 就好飽肚........呢度人手多, 但SERVICE　麻麻．．．．

平時好少幫趁Starbucks, 咁岩有coupon, 新出口味買一送一, 於是睇戲前同朋友黎呢度坐下.Creme brulee latte 同想像中差唔多, 有焦糖味但無咖啡味, 一貫Starbucks口味, 今次呢杯仲要係唔熱既. 另外要左個豆腐薑末芝士餅, 都ok架, 不過食唔到薑末或者薑味.座位響室外, 得五、六張細檯, 唔係咁易搵位架.

同朋友黎朗豪坊行街街, 行到攰坐低抖抖食下tea. 本身想食warm chocolate cake不果, 就黎左starbucks食蛋糕. 呢間starbucks得好少位, 好多人又飲完野唔走, 我地等左15分鐘先有位. 呢件白朱古力紅莓蛋糕外型好靚, 中間係白裡透紅o既mousse, 就係咁吸引左我地兩個買. 好可惜, 佢係金玉其外, mousse一d白朱古力味都無, 又唔夠滑, 似落左好多gelatin. 而且由於成件蛋糕只係mousse加薄薄o既海綿蛋糕底, 口感好單調. 食唔過!

行過見到starbucks又再推出薑汁咖啡，一直都好想試，咁0岩citibank寄來宣傳單張，可以買一送一，於是就去試，除左點了薑汁咖啡外，還試了另外一款布甸鮮奶咖啡。當試了第一啖薑汁咖啡後，非常失望，我一直以為會好好飲，但飲落完全只有好淡的薑味，而且杯咖啡好稀，唔好飲。反而另外個杯布甸鮮奶就有0的驚喜，甜甜地，有點似焦糖咖啡的味道，因本身鍾意飲焦糖咖啡，所以覺得幾好飲。大家不妨試下呀，但薑汁咖啡我就試完一次不會再試了，因為真係覺得好難飲。