星巴克咖啡

營業中

休息中

當日星期六，朝早食左個好大份既早餐。到午晝就想飲杯咖啡輕鬆一下。睇下個menu見到Dark chocolate mocha ($49)，就即刻二話不說馬上點左。咖啡師親自將咖啡送到，心形拉花連同一片黑朱古力同清水。食左片朱古力再飲，味道真系好夾，咖啡味淡淡的，系我飲過最滑既咖啡☕️

環境2分：合和間星巴克咖啡新裝修過冇耐，一邊多左個高級Ｄ嘅吧位區，另外果邊地方好似比以前大，但Ｄ新圓櫈仔好矮好唔舒服，一定要扣分，比盡兩分。衛生3分：乜都係自助，衛生係正常星巴克咖啡店水平，三分貨仔。服務5分：有左電話apps落單，人未到已可買定野比定錢，教啱時間，行到去已可直接拎飲品同食物，不知幾方便，依種電子服務咁有效率，可以畀滿分。味道4分：杯萬聖節物飲科學怪人星冰樂好夠凍，個抹茶溝薄荷味香得好有特色，入面仲有好多粒朱古力餅碎同朱古力醬，甜得嚟好醒神，真係幾好飲，可以畀四分。抵食4分：四十五蚊杯星冰樂係星巴克咖啡正常價位，會員响限定期內買嚟飲呢就有得免費升級，係最抵飲嘅時候，所以加佢一分。

星期四早上，入嚟食個早餐，簡簡單單叫了plain bagel同埋iced cappuccino，今早人不多，等一陣就ready了。Bagel 叮熱咗，食落有Ｄ烟烟un un咁樣，加埋cream cheese都幾好味！反而杯iced cappuccino對我嚟講太多奶，麻麻哋啫！呢度環境其實幾舒服，座位都幾多，早上時段未算“虛陷”。

環境4分：新裝修完之後變得光鮮又靚左，出面個雲石吧廳擺明玩高檔。衛生4分：剛剛裝修完，暫時周圍都好乾淨，可以畀四分。服務5分：負責counter果兩個年輕服務員都好好人事，唔係淨係禮貌咁簡單，佢仲會詳細解釋推介凍飲用乜嘢同點樣溝法，整好左又教埋點樣先最好飲，畀梗五分！味道5分：分店新推杯Nitro凍啡可以响counter飲或者外帶，即叫即响你面前唧，仲加送一杯清水同餅乾。個托盤上面有張咭介紹隻咖啡，連賣相都高級左好多。杯凍啡唔係加冰整凍果隻，唔會溶或者係溝淡Ｄ咖啡，唔洗加糖加奶，杯凍啡經已好滑好醇好香，不過第一啖係最好味，攤得越長時間就會變質。塊餅乾呢都好脆好好食，都係畀五分。抵食5分：杯Nitro凍啡連餅乾係就係比平時Ｄ特飲貴，細杯賣五十，大杯五十六，但係一飲落口就知果隻滑法係高級貨，酒店收你八九十蚊Ｄ咖啡都未必比得上，今次夠分數換左杯免費試就知依五十蚊係好值。

Starbuck出左椰子草莓星冰樂，好重椰奶味，有士多啤梨係底，士多啤梨同椰奶好襯，令杯星冰樂冇咁甜，cream面有椰絲令杯飲品增加左口感，整體感覺吾錯。合和中心呢間starbuck係好好飲

嘩嘩！starbucks岀左呢個全港女至愛至強組合抹茶＋士多啤梨飲品點都要試一試！呢個全新春日飲品叫抹茶草莓花見星冰樂。黎到starbucks大大張poster不得了！飲品同poster其實相差無幾。底部同頂層加入草莓味鮮忌廉，再灑草莓乾及抹茶粉。入星冰樂，但係唔會好似一般沙冰咁稀身，抹茶加牛奶沙冰濃厚，士多啤梨Cream都夠香。飲完真係以為自己去左日本呀抹茶＋士多啤梨，港女最愛教我如何抵抗呢！抹茶草莓花見星冰樂售價：中: 港幣 $42 / 大: 港幣 $46 / 特大: 港幣$50

週五經星巴克程式收到「金星會員優先尊享優惠」情報，知悉11月19日至22日期間，星巴克咖啡金星會員可優先品嚐將於23日全新推出o既「聖誕帽特濃朱古力咖啡」。單睇訊息上o既咖啡硬照，無論係其聖誕色彩濃烈o既紅白綠色紙杯，定係咖啡頂上紅白粉色o既忌廉，都足以令細佬唾涎三尺。嘩，靚靚o既聖誕帽忌廉下原來係特濃朱古力咖啡特飲喎，正合XO仔嗜甜又嗜濃o既口味，結果週六傍晚於飯前終急不及待走咗去飲頭啖靚啡。服務生落單時細心地問道是否要忌廉喺面，小肥即用力點頭，友善風趣o既咖啡師見狀即好奇地問細佬為何如此激動：小肥：「冇咗忌廉咪冇咗聖誕帽囉！」服務生就帶著微笑地答：「咁又係。」聖誕帽特濃朱古力咖啡（$42/中杯）：金星會員除咗可以優先飲聖誕帽特飲之外，同時亦可免費升級。特濃朱古力咖啡甘香醇濃，連同聖誕帽忌廉飲用則倍添甜美柔滑，實在美妙可口，睇黎今個聖誕佳節XO仔將會賺取不少星巴克星星！

收工約埋港島嘅同事去飲咖啡，因為要儲星星，所以去呢間，地方好坐！地方好靜！燈光較暗！要儲星星嘅同事去落單，然後自助攞食物，飲品多都比埋托盤！伯爵茶雪芳蛋糕（$34）伯爵茶味好香，面頭嘅忌廉好香滑，啖啖都係伯爵茶味！不過啲茶葉乾唔鍾意！蛋糕鬆軟！唔過甜！Iced matcha & espresso($34)賣相無參考相片咁層次分明，抹茶味為主！咖啡味唔強，唔太甜！味道清爽好味！印度奶茶：店員介紹，點知香料太勁！佢飲唔到！最後店員好好咁換比佢！cuppuccino:換咗嘅！同事飲！奶泡好滑！Iced Mocha：同事飲！店員有禮，當同事飲唔到印度奶茶，唸住買過第二款時！店員就做過另一款比佢！態度仲要好nice!加分（因為試新款嘅實有風險）味道唔算驚喜，服務加分！

今次嚟到Starbucks搵食！日日都大晴天～基本上出門一陣已經想飲嘢～Starbucks又出新口味實在太大引誘！芒果啫喱乳酪星冰樂 （$45）飲咗一啖已經後悔冇叫最大size！！勁好飲！！芒果粒數量不少～果味濃郁～而且果肉香甜軟滑！乳酪酸甜適中～質地滑溜～再加上芒果醬同芒果啫喱～四重口感互相輝映～味覺極之豐富！平時飲開嘅產品都係偏甜～但呢杯酸甜適中～又夠透心涼～襯佢消失之前今個夏天一定要飲多幾次！

今日下午做完facial, 晚上去灣仔睇新城25週年演唱會，見個肚有d餓，就行咗去合和中心Starbucks, 見到有新出品ManYoFraoit. 買一杯試吓。再買件臻子合桃酥。坐咗一粒鐘。實在太舒服了。ManYoFraoit, 芒果味好香，新鮮芒果肉。加上乳酪，好味道另外臻子合桃酥，軟綿綿，又唔會太甜

收工已經好夜，加上唔想食咁飽，所以同朋友一起去咖啡店嘆咖啡，呢度地方大，有梳化位同小圓枱，食物主要係三文治一類，之前在openrice中了張儲分卡，所以先加錢入卡，再落單，食物好快出到雞肉凱撒沙律卷（$43）好熱，包皮煙韌，中央雞肉唔嚡，蔬菜類（蕃茄、生菜）出晒水，流出來沾滿手，好論盡！味道偏淡！一般！熱Mocha($37)(tall)好重朱古力味，太甜，咖啡味幾香，不過無甘味，夠熱易入口！煙肉車打芝士蛋酥皮三文治（$35）朋友食Cappacino:朋友本來叫熱，店員落錯凍，朋友照飲店員有禮，不過落錯單就差啲！自助形式，唔需要太多服務！宵夜時間選擇唔多下，都好方便嘅咖啡店！

When my brother and I traveled to the US last year, my brother had the S’Mores Frappuccino, and I took a sip of it and thought it was quite sweet.  Come April this year, Starbucks Hong Kong released the Roasted Marshmallow S’Mores Frappuccino.  Godbro XO tried it and said it was not that sweet, so I decided to give it a shot since one of my fondest memories from the US was having s'mores at the BBQ!I arrived at Hopewell Centre a little early for dinner with grandma at QRE Plaza, so I decided to

公司同事吵架，為怕牽涉其中，小肥午飯時間刻意逃往遠少少o既合和中心，嘆返杯「草莓紅絲絨朱古力咖啡星冰樂」，降一降溫 。雖然正積極減緊肥，但午餐又點可以淨飲咖啡頂肚呢 ？！結果就單憑廚窗內食物o既賣相，揀咗個「芝心腸香草烤卷」黎試。烤卷即場烘熱，要等上八分鐘先有得食。卷物尚算軟身，腸仔又唔乾唔嚡，可惜其香草調味卻帶有一陣羶味 ，個人覺得唔多討好囉。

成為咗星巴克咖啡金星會員後，其中一個優惠就係每飲夠十二杯飲品就會免費有一杯贈飲 。為咗要加多編食評，小肥今次就好應節地叫咗杯聖誕特飲「薑汁鮮奶咖啡」（Gingerbread Latte）。「薑汁鮮奶咖啡」細杯裝單售$42，雖然飲落尚算有少少薑味，不過個人覺得特飲較為稀淡，咖啡味欠奉 ，睇黎XO仔應該都係未夠薑飲「薑汁鮮奶咖啡」，下次都係要轉飲返「聖誕薄荷朱古力咖啡」為妙。

契妹早一晚來電，告知「Starbucks」新推出咗杯朱古力味超濃o既咖啡特飲，好啱小肥契哥口味咁話 。XO仔就襯週日師弟個女百日宴，喺合和買完禮物，順道經過「Starbucks」，買咗杯黎試。雖然今次未有收到電郵通知，幸好有契妹通風報信，新產品推出未夠一個禮拜，仍可享Starbucks金星咭會員首週免費升級優惠 。雙重黑白朱古力咖啡同一般推介特飲一樣，細杯裝單售$40。啜一口有齊黑朱古力o既甘同白朱古力o既甜，加埋面層脆口o既朱古力碎、幼滑o既朱古力味忌廉及朱古力醬，飲品o既朱古力味極為甘香濃厚，唯一小肥略嫌其咖啡味較為薄弱，如果可以加多一至兩個espresso shot效果應更理想。不過一邊飲，腦海卻一邊播放著：「如果太多咖啡味，朱古力味冇定企。。。等到朱古力味返番嚟，咖啡味又唔爭氣。。。」  都有少少矛盾。