星巴克咖啡

營業中

休息中

巴士迷朋友第一次黎葵芳，葵廣太多人，佢地唔慣，太多人太焗，好彩附近就有星巴克，又咁好彩即刻搵到四人位～我地一共叫了三杯飲品，識飲一定要堂飲杯，賣相都靚仔好多！柚子冷萃咖啡 $47第一次飲，有驚喜！本身以為只係柚子蜜之類加冷萃咖啡 ，殊不知係柚子沙冰，仲有柚子皮，非常消暑同清新！凍latte(Venti) $44巴士迷朋友話：顏色好靚，重奶味，雖然今次今次唔係vanilla，但個味就都好飲，或者可以再大杯啲都得。第時揸巴士都要飲大杯，要relax。熱latte $40朋友堅持飲熱，佢話凍飲對個胃唔好。呢個服務都幾好，店員醒目加有禮～

我喜歡飲Starbuck綠茶鮮奶，口感濃郁的茶香，加上幼滑的鮮奶，而飲品的綠茶沖泡後散發出自然的香氣，與鮮奶的絲滑口感相互融合，形成了一種獨特的風味，甜甜的奶同綠茶味道。使整體口感更加圓潤。此外，這款飲品還可以根據個人口味調整糖度，讓每位顧客都能找到最適合自己的風味。總結，Starbuck的綠茶鮮奶是一款值得一試的飲品。交通亦都非常方便，附近就已經有地鐵站同巴士站，仲有的士站等等嘅交通工具。。環境嘅裝修都簡潔衛生，而且仲有電掣位，方便充電用真係細心呀

我最鍾意飲呢度的綠茶鮮奶，我就要脫脂奶同小糖，感覺滿滿係嘅綠茶味道，再加上鮮奶，感覺又滑又甜美，大滿足，仲有咖啡都非常受歡迎，而且味道濃郁，有一定嘅水準，，而且仲有麵包同西餅選擇，食物再配上飲品，簡直係一個最佳嘅配合，我亦都好鍾意呢度嘅果汁，同埋佢嘅乳酪，休閒嘅時間，嚟呢度休閒一下，實在係唔錯嘅選擇。交通非常之方便，對面就係地鐵站啦，附近都有巴士站，同埋小巴站，的士站等等服務方面，非常之有禮貌，而且仲細心體貼。我非常之滿意，推薦給大家

上個月先幫襯完一次，賣咖啡嘅coffee shop竟然漏左落咖啡。今次落單姐姐又左亂落單同收錢。要外賣又變左堂食。想完coupon又無端會員已經收埋錢。可唔可以專業少少，唔會再錯！真係一肚氣

葵芳starbucks見男朋友2024叫左新嘢Mocha Kiss，有加chocolate cream同朱古力碎。。終於有次試新品不伏了真係幾好飲！朱古力味濃。之後再來是肉桂酥，香甜香甜的。不錯。

✨ice cappuccino (venti size)本身諗住過黎大溫書，溫全日先叫Venti😂☕️不過唔太建議黎呢間分店溫書…全場好多商家，非常多人，而且檯好細張🥲🥲咖啡方面，少少苦 不過咖啡香仍然喺度

今日落咗葵芳去睇戲，睇戲之前去飲返杯咖啡先我都好耐無落過葵芳，所以都好耐無唻過呢間Starbucks 。以前落親唻幾乎都會去。因為呢間Starbucks 有outside 坐，我個人係比較鍾意坐outside 嘅呢間分店，換過幾次職員，幾次都係一樣好有禮貌。服務態度係我去過咁多間最好，所以係其中一個我比較喜歡唻嘅原因講返食物先今日點咗杯新飲品，烤杏仁鮮奶咖啡星冰樂，然後再叫咗個藍莓士干餅佢哋嘅藍莓士干餅比起其他公司好抵食，好大件而且價錢唔貴大件夾抵食係其中一款我鍾意叫嘅食物味道ok至於烤杏仁鮮奶咖啡星冰樂，好飲呀哎，因為跟住去睇戲，所以只點咗杯大杯裝到喉唔到肺了要特大杯裝先夠滿足甜度剛剛好，帶有淡淡杏仁味，正會再買唻飲

梗係我啦🤣🤣每人一單最多兩杯，每杯送貼紙🤣⚠️建議將杯分開裝，咁樣就可以洗少隻🤣🤣早上都好多人一齊排隊等開門買，哈哈哈哈哈，好耐冇試過咁早起身排哩d咯🤣

My favourite lemon tart 去咗幾次starbucks 係唔同分店都無哂今日終於比我買到佢個lemon tart Starbucks 既lemon tart 可以話係我最鍾意唔算太甜，酸味又唔會話好假佢個tart 皮入面有一層白朱古力，所以令個tart唔會淋哂所以overall ，佢個tart真係做得唔錯起碼我未搵到另一間replace 佢But sadly It’s really hard to get one from any shop 🥲

當日11月中的週末，我為了影商場聖誕裝飾，放工專登走到葵芳新都會廣場，先去商場的 <星巴克咖啡 Starbucks>食 lunch，然後慢慢影相！這間分店設有室內室外用餐區，室內一位難求，戶外露天茶座的缺點，就是有煙民食煙！吸二手煙無可避免！有套餐價 $67為了可以用上次幫襯單據下的 $15 coupon惠顧滿 $65 可使用！所以，不能享有雙重優惠，我選擇用 coupon！火雞雞肉紅莓粟米包三文治 $50翻熱後，包面香脆，包身軟熟！有芝士拉絲效果， 雞肉相對火雞肉嚡口些少， 配紅莓醬提升清新度！牛奶抹茶 Tall size $42不知道幾時又加價？翠綠色的抹茶牛奶缺乏吸引的拉花，卻是入口濃稠，甘中帶甜，質感香滑順喉綿密，喝後回甘，正合我口味！ 可能不同咖啡師手勢不同，有時口味上會有點偏差！

好耐好耐無飲過Starbucks以前經常性會一日一杯好似中左Starbucks 毒癮咁·今日晨早流流同事話萬歲請飲咖啡而時間太早葵芳無咩咖啡店開門最後只好選擇Starbucks 預先用Starbucks 既appMobile order好要飲咩去到唔洗點等·唔洗排隊就有得拎成件事係幾方便而佢地個mobile app係幾方便可以選擇咖啡口味/甜度/奶類/額外配料仲可以叫埋餐點麵包/蛋糕/奶酪都可以選擇而麵包可以選擇加唔加熱·Caramel Latte (Grande Size$41)Served with Oat Milk ($4)With extra one shot expresso (free)朋友係佢地會員關係所以可以免費加1shot咖啡我選左無糖漿但因為會有焦糖漿加係奶泡上面所以杯咖啡都帶少少甜味而且飲落好香oat milk味不過略嫌就算加多左1 shot 咖啡都無咩咖啡味咖啡味好淡最近咖杯仲換左新既packing Christmas is coming 🧑🏻‍🎄

今日做做下野又悶悶地，午餐又食得唔係好多~咁就同啲同事喺starbucks買咗啲西餅食~starbucks嘅西餅都好多種類~，我比較鍾意佢啲鹹食嘅~甜食就反而食得太多喇

佢快閃優惠憑收據可以買一送一，同🤴🏻行街用咗佢先😊😊～～～日式焙茶忌廉～～～呢個好好飲，鍾意佢唔係好甜，焙茶味濃郁，忌廉味好柔滑！飲落俾咗人舒服嘅感覺😘😘～～～碎朱古力🍫忌廉～～～同樣忌廉味都好滑，分別只係多咗碎朱古力🍫，同埋cream上會加多咗朱古力醬，朱古力🍫味OK佢做呢啲快閃優惠都幾好，如果以原價計我一定唔會買黎飲，令到一向唔飲咖啡嘅我都發現Starbucks除咗咖啡之外都有吸引我嘅地方🥰🥰

第一次係呢間Starbucks食野，坐喺出面露天位置，感覺比較污糟，好多嘢都冇收，同埋好多非顧客坐喺度，入面座位亦唔多，要揾位有啲難。食物還好，但係冇平時咁好。

今日係3月30日，Starbucks又有優惠只限一天，三款飲品各賣$20，我就唔飲咖啡嘅，另外兩款分別係‘醇香鮮奶抹茶’同埋‘芒果熱情果星冰樂‘ 心大心細唔知飲邊款好，定係兩杯都飲晒呢？🤪🤪但去到收銀處唔使我揀，個天幫我揀咗，芒果個杯sold out 😝😝，所以我係冇得揀😛😛～～～醇香鮮奶抹茶～～～我就揀咗凍飲，佢鮮奶味好重，重到都蓋過咗抹茶味，就算點攪勻都攪唔到個抹茶味出嚟！但又咁睇相對鮮奶味重令到飲品好滑，好順口😚😚飲得出鮮奶嘅甜香味🥳🥳最後佢有多個優惠就係憑今日嘅發票係5/4之前買大杯裝飲品可以買一送一，咁又唔錯啵🥰🥰，希望記得用啦🤣🤣