星林居雲南米線餐廳 (已結業)

尖沙咀，米線加糖水店，台式糖心，棉花榴槤冰好味道，是我最愛，還有紅豆湯，是港式的，有陳皮蓮子一起煮的，紅豆夠淋入味，食豆卜腐竹腩肉米線，選碗棉花榴槤冰，感覺進幸福。

見有人推薦哩間米線 見嚟到尖沙咀 唔知食乜好就試下佢啦我叫左個小鍋米線小中辣 一嚟到個份量都比較少 不過個小中辣就真係好辣 對於一個平時喺譚仔食三小辣嘅我嚟講都覺得好辣🥵食到流哂鼻水😅不過我都食哂成碗嘅 對於一個女仔嚟講就啱啱好 但係我估對於男仔嚟講應該唔夠飽🙈個米線冇乜特別 不過不失 餸就叫左墨魚丸 豬紅同魚腐 都係普通貨色 可能因為抱有太大嘅期望 所以就有少少失望🙈不過喺尖沙咀仲可以食到50蚊左右嘅米線都算抵食嘅🤔

一直都好想黎試，成日見人拍片話大份又好食，點知試完真係超失望😩。🥢豬軟骨小鍋米線$50首先價錢貴，米線份量又少，湯底又吾濃吾香，叫左多蔥多韮菜多芽菜，實物直頭係少蔥少韮菜少芽菜。網上講到幾出色的賣點，話可以多蔥多芽菜多韮菜原來都係冇。+$15得果2舊豬軟骨，仲要好細舊。甘就$50，吾飽又吾好食！食雲貴香、川味果d都飽過佢！🥢另一碗豆卜過橋米線🍜$64（+$7豆卜）用大碗上，以為份量多好多啦，又係極小米線😣！湯底直頭清湯味，叫左小辣完全都冇辣味！堅劣食！另外，由等位到入去，職員都冇理、冇回應我地。到我地企左一陣，佢先安排張搭台比我地！但我明明見到有張不用搭的2人台。問佢可唔可以坐果度，佢又好吾情願甘講：是但你。整體而言：絕對冇出面吹棒的甘好食！食盡多間米線店的我，第一次發現酸辣米線原來可以甘難食！冇下次😠！📍 星林居雲南米線餐廳 (尖沙咀)尖沙咀樂道23號地下A號舖

食咗星林居好多年，最近食返發現大不如前，不論係味道定係餸菜嘅質素。老實講食咗咁多年，見到依加咁係有啲失望嘅，不過無可否認一間舖出名之後，質素好多時都會下降，都明白數量同質量係好難同時並重。.同時另一個好大嘅問題就係重味精，食完之後幾個鐘都仲係好口渴，呢點真係不能接受。佢唔係非一般嘅口乾，係真係飲極水都解決唔到嘅口乾。就憑呢一點，我諗短期內都唔會再食，希望餐廳可以正視呢個問題好好改善，餸菜方面亦都重質不重量。

十年可以改變到好多嘢例如係呢間尖沙咀名物我第一次食嘅時候認真覺得唔差一定好過連鎖雲桂香雲貴軒點知近幾年去一次差過一次首先樂道舖頭愈嚟愈污糟啲梳化爛晒咁濟枱上面痴笠笠啲杯有跡碗米線份量愈嚟愈少味精味多過本身嘅酸辣味金馬倫道嗰間會好少少但碗嘢嘅味道一樣係咁上下比較特別嘅係呢間有乾撈米線餸有火雞腎同大量芫茜炸醬同腩肉味道非常普通雖然係咁我都係覺得唔會再去

今日喺尖沙咀睇完戲已經10點幾 好多舖頭都閂曬 諗起係iSquare附近有星林居收得夜嘅 去到果然有好多夜貓喺度 之前試過食豬潤、牛展同豬腩肉 今次試吓其他餸小鍋米線+豬紅+豬軟骨$35+8+15(小小辣/普通酸/多蔥/多芫荽/多韭菜/爽啲)最鍾意呢度可以自由揀湯底 仲可以嗌多蔥個啲完全唔使加錢 而且真係比勁多勁多你🤩每次嚟到都係叫少少辣普通酸 好好味😋基本上每次都飲晒個湯咁濟 如果你好似我咁鍾意食硬身少少嘅記得落單嘅時候同店員講聲或者寫係張紙度都得👍🏻豬紅有7,8粒 豬軟骨有2舊 呢兩個餸都正正常常小鍋米線+牛展+魚皮餃+豬皮$35+15+8+10(小辣/普通酸/多芫荽/多韭菜/多芽菜/煮耐啲)可樂$7朋友食咗我推薦嘅牛展 佢都話幾好食幾入味 另外魚皮餃同豬皮都係正常水平 我覺得最主要係佢個湯底好飲 又可以揀自己心水嘅味道😌偷偷地講 老闆聽到我哋話真係好多芫荽之後 竟然再問我地覺得夠唔夠唔夠可以再俾我哋 之後佢真係俾咗成碗我哋😍不過估應該係就快收工所以先有得送🙈anyway 多謝老闆😙

星林居宣傳做得好足又香港明火食神爭霸戰全場總冠軍又法國藍帶美食勳章呢D宣傳貼哂係門口,錦就緊係要試試佢一入到去環境坐得好迫,野食就小貴啦服務同招呼一般,叫左個雲南過橋,好似係個格仔入面食錦雲南過橋$65星林居首創酸辣概上湯 配上麻辣米線出面食唔到古法酸辣湯做湯底我就未試過湯同米線係分開上嘅真正做到過橋效果效果睇完食落口名過其實,只能用一般黎型容米線唔夠熱 過左兩次橋都係全部倒落碗湯到跟酸辣湯上概餸就有豬腩肉 豆卜 腐枝幾入味由其係豆卜獨立上概小食有腸仔 紅腸 牛展 雞中翼 蟹柳(每樣1舊)普通小食檔出品放哂係隻碟到 而且份量小左D 全部一舊....當試新概米線食法就OK 番抄就唔會~星林居地址 :尖沙咀樂道23號地下A舖電話號碼:24162424營業時間:星期一至日11:00 - 23:00#濠愛美食 #hkfood #Hkfoodblog #Food #food blog #hkfoodie  #foodie #foodiehk #852foodie #hkkol #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物  #星林居 #古法酸

從十幾年前第一次幫襯到宜家，食物質素與日俱減，惡劣嘅服務態度就與日俱增！每年也就食幾次，唔會係因為厭咗而係越來越唔好食！頭幾年每次去食，米線好味到湯汁都飲晒。宜家去食，次次食咗幾啖就唔想再食，湯汁也日漸稀寡。最難頂嘅係服務，都冇期望有好服務了，但呢排嘅收銀大媽簡直惡到一個點！永不幫襯！

話說都食咗十幾年直到前幾個月都食緊。但今日一食就已唔同咗 我懷疑自己入錯店舖添 !味道淡如清水 已揀咗 大酸中辣 點解會咁 乜你哋教啲新人冇一個份量 去跟住㗎咩？ 點解調味會搞到咁？ 湯底唔同咗, 酸菜又少咗. 真係嬲到叫人問點解,完全唔同味好怪 食咗十幾年都唔係咁嘅! 阿叔答話廚師去咗休息 而家係啲新人做 我話接受唔到喎 跟住佢話換另一男仔幫我整 跟住食落去 只係好咗少少 但都係唔得,已完全不是那回事！ 最終成碗放棄咗,淨食餸. D麵煮到好爛 唔係以前嗰種咁野味嘅湯底 講真一向呢間嘢都唔平 每次食碗七十幾蚊 ,而家咁難食 就算平我都唔會食! 以前腩肉好好食而家亦都唔同咗 好似打邊爐肉片咁, 雞翼尖都冇以前咁好了!

食物質素方面：啲米線淋到傻，個湯底叫左酸辣完全冇味🤢屋企自己煮都好食過佢🤢🤢啲蘿蔔又有浸酸臭味，豬腩肉完全冇味好似冇醃過咁🤮食物質素可以話係超級差評👎🏻👎🏻👎🏻服務態度方面:我哋幾個朋友一齊食，啱啱有個friend經過諗住入嚟坐低吹兩句水，點知個店員阿伯就好串咁話：「你冇叫嘢食唔坐得喺度個喎，每人都要叫一碗！」😮‍💨但嗰時舖頭都冇咩客人，又冇客人要坐我哋個位😡仲要我哋3個人坐埋左一台，只係另外個friend知道坐低同我哋講吓嘢，就俾佢咁串咁話，真係即刻唔想食👎🏻👎🏻最後我個friend唯有無奈咁走咗，好慘…唔知仲以為佢五星級飯店🤮總括而言:無論係食物質素，定係服務態度方面都十分惡劣🤮香港大把米線鋪好食過佢又服務質素好嘅，我先唔會再去😡😡(已blacklist這間米線舖)

自從join左米線關注組，見到個個米線九宮格，我就決定要食晒咁多間，但呢間真係要寫寫佢黎講下感受首先理解唔到佢點解榜上有名，好大個問號。其次，不論湯底定個碗都好油，湯底好油，好似油係好平咁，個碗好似冇洗過咁油，我只係將個碗放好係岩既位都一手油，唔係佢d湯汁既油，係冇洗乾淨既厚油，噁心到冇影相。。。湯底唔得，配菜唔多，冇特別，真心理解唔到佢好食既地方，不過個個人口味都唔同既，尊重

今次去到尖沙嘴，看到星林居好似很有名，衝著他的名頭去嚐鮮一下！結果蠻失望的！第一點就是每個人都要點一碗，不管大人小人還是老人，不太適合小食量、像分享吃的朋友，這點很扣分！第二點就是廁所部分潔淨度不好，而且當下在清洗東西，使得地板超級濕，鞋子都濕了，而且有點噁心的水！第三點就是嚐到香港大拇指的味道，上菜時服務人員的大拇指直接在湯裡⋯以上種種，使得這次嚐鮮體驗沒有到很好，不過味道還是可以，湯頭有酸大於辣，且帶點甜味，算是特別的味道。

今次叫咗碗豬腩肉紅腸米線，我揀咗中辣，非常酸，走芽菜，走韭菜同埋多葱。一向好鍾意佢嘅酸味，基本上每一次啲酸菜我全部都食晒。中辣我就啱啱好，佢會辣過譚仔的中辣的。今次啲豬腩肉偏多肥肉，我就一般，不過個湯底就依然好味。

之前睇「新西遊記」留意到呢件食米線嘅鋪頭，一直都想嚟打卡食下，咁次鍾意銩嚟咗。本身我都係個米線狂熱粉絲，平時都食開hk嗰幾間出名嘅，不過呢間俾我嘅感覺好唔同，個湯底係好重口味，同埋會俾好對芫茜🌿 唔鍾意芫茜嘅一定要留意走芫茜。同埋都多配菜，芽菜一類，個米線都Q彈，係一一間唔錯嘅米線店

大失望，起初同朋友講好耐無食，之後不約而同上咗去，叫咗碗小窩米線少少辣，食果陣係幾滋味嘅，但返到屋企就大檸樂，首先個肚好熱，好似比火燒咁。我朋友肚痾，我又肚痾，我仲要屙到七彩，之後發燒，成晚肚都好痛。有諗過打電話俾食環署，舉報佢唔乾淨，前前後後肚痾咗幾次。。。🤬😡🤬😡🤬依家起身個肚都仲係好辣，明明叫少少辣，但係唔知會搞成咁，真係好失望，以前都唔會再去食，應該係唔乾淨，食錯野，小辣都會變火燒肚👎🏼👎🏼👎🏼👎🏼唔建議你哋去幫襯！！