星鍋 火鍋•餐酒館 by VSING (已結業)

整體環境簡潔大方，有房同大廳，中間位有個細細地既舞台幾得意。試左個優惠$1雞煲，都夠4個人當個開胃菜，好惹味，上菜個陣仲有員工淋啲火酒上去，仲提我哋可以影個boomerang。開胃小食仲叫個避風塘粟米，呢個有驚喜，直頭驚豔，最後叫左份外賣走。食完雞煲之後我地揀左一人一鍋加大鍋，諗住試下唔同湯底，我唔食得辣就揀左個下火既芫荽皮蛋，大鍋就胡椒豬肚，朋友就揀左藥膳雞、沙嗲、麻辣鴨血，我個鍋入面啲皮蛋同馬蹄勁多勁正，好足料！試埋朋友個藥膳雞湯，少少似肉骨茶好味，又試埋個胡椒豬肚，飲得出係真材實料，唔係味精野，但試曬都已經飽飽地。不過幾個人都眼闊肚窄，一坐低已經叫左勁多餸，牛、豬、羊、魚咩都叫左啲，雞就唔洗叫，因為一開頭食左雞煲，藥膳雞都跟湯上左個例牌雞。鐘意食牛/肥牛一定要試下個霜降牛，完全對得住個價錢有突，份量足，牛味夠，烚到全熟都係滑，入口即化，不過就等得耐左啲，可能因為手切。仲有個鵝腸，以前係其他餐廳食過鵝腸，又韌咬唔爛，所以打邊爐一直都唔係好食，見個店員勁有信心大推，就叫左個試，真係有啲料到，掉左落鍋唔記得夾返上黎，再食都係爽口喎又。仲有食左好多唔係好記得，因為飲左酒，食到尾聲，店員提

服務態度好好，嘢食好高質素，自己一個人食都可以試好多唔同嘢食！100分！唱歌系統好好玩！同時都好有趣！好適合飲酒前飲酒後晚餐同宵夜！而家做緊優惠更加抵食！搵多啲朋友試多兩次！

見新開無耐就去試下短短一個月已經去過兩次兩次服務都好好D staff好nice 好細心加湯時會用手擋住，唔好彈親客人仲會觀察客人，有咩需要會第一時間幫手食物新鮮，擺盤仲好好睇小食又好味，尤其個炸豆腐真係可以encore再encore環境又好唔會話好迫好迫鍾意大圍一齊打又得一人一鍋又得去兩次，d staff仲有會有介唔好飲既清酒仲會配埋好靚既酒杯見到有個枱，可以唱歌不過我唔夠膽🤣🤣下次一定會再去😎😎😎

香港地租貴、食材貴、要找到不是放題質素而又「抵食的」火鍋店真的很難、想要服務好更難！路過尖沙咀、上OpenRice 搵食、睇到最近尖沙咀開了一間新的火鍋店、經OpenRice 優惠優可享優惠優$548（原價$948）星鍋二人火鍋套餐就立即預訂了。佢地既星鍋二人火鍋套餐、種類多、又有海鮮、仲有牛、但太多食物一張相實在影唔曬。食物：先說他們家自製的竹蔗茅根，夠凍，口感清爽，不會太甜膩、每一瓶仲會見到新鮮足料的食材。火鍋配料：最緊要乾淨、唔使自己離開位、職員會拎俾你藥膳花雕雞鍋：好香花雕和藥材嘅香味即炸手工紫菜響鈴：就算浸咗落湯底幾秒都仍然好脆手切牛肉：份量都幾多，肉味好濃骰盅手打牛丸：除咗賣相打卡一流、牛丸好彈口魚籽蝦滑：必食、好爽口食到粒粒魚籽冰鎮鵝腸：店家好用心、用好多冰冰鎮住、好爽好脆海鮮拼盤： 海鮮種類多、而且都好新鮮、由其蝦鮮甜、都好大隻而且肉質厚實環境：內在環境、坐得都舒服、位同位之間都唔會好迫。如果鍾意熱鬧同唱歌🎤就一定會好鍾意這裡。聽講在場食客可以下載APP送分同表演者互動、而台上表演者儲足夠分仲可以係APP換禮物、所以在場人士包括我都忍唔住即下載個APP唱歌同送分。又識到

尖沙咀新開嘅火鍋店，因為本身好多嘢唔食，一人一鍋就最啱我，我哋叫咗沙嗲湯底，皮蛋芫荽湯底，同醉雞湯底。有好多配料醬料選擇，場內仲有個台可以俾人唱歌。湯底沙嗲湯底入面有啲芋頭粒，好香，推薦皮蛋芫荽湯底好多芫荽，芫荽控朋友話好正醉雞湯底有好濃嘅藥材味，鍾意當歸味嘅人就啱哂龍蝦刺身上菜賣相好靚，因為本身唔食生嘢，餐廳好細心有個清湯鍋底，可以用過橋食法，灼熟啲龍蝦先食玫瑰黑毛豬上菜係兩朵好靚嘅玫瑰花，以為好少，點知拆開原來都好多塊肉，好味避風塘午餐肉未食過呢個煮法嘅午餐肉，好惹味，值得一試竹笙王唔記得影相，竹笙好巨型，索晒啲湯超好味，推介

我哋4個人去，叫左個雞煲加埋大腸，牛肚嚟炒。入味。跟住每人再叫一人一鍋，唔洗爭。藥膳雞係最正，沙嗲麻辣合格。冰鎮鵝唱，蟹柳(芝心)有驚喜。小食避風塘粟米同午餐肉要試。唱歌音響一流，好過好多大型Karaoke. 有時仲會噴煙有舞台效果。開頭叫左一round嘢食，發現每一份都好細份，開頭睇menu都覺得點會咁平。問完之後佢地話係特登細份啲，鍾意既可以叫兩份，或者1試多啲唔同野食。 平時2個人去打邊爐叫響鈴6舊永遠食唔晒。呢度冇呢個問題，貼心。最後就係開頭搵極都見唔到一人一鍋個爐，原來係磡咗係枱入面，非常之好，唔會阻住。

本身同啲friend去開樓上樓下玩VSING唱歌，前幾日啲staff話5樓開咗間打邊爐都有得唱歌，心諗「親佢新場可能唔洗排隊唱，仲可以試下佢打邊爐得唔得都好㗻～」嘅心態就嚟咗。 Turned out overall都幾好 👍🏻 個台都有3樓嗰個咁大，都有噴煙同放煙花 🎆 以為會好嘈打唔到邊爐，點知我坐正喺台前都傾都計，有認真tune過，氣氛仲好好添。結果我玩到唔記得影相😂 唯有特別highlight影得好啲呢2張（其他應該醉醉地影到好蒙 😂😂😂）【 牛魔王拼盤 】我打邊爐最驚揀咩牛，而且好唔鍾意俾人sell我邊碟（i嘅朋友呢度），所以我見到呢個拼盤乜都有實在太好啦 😂 ♎️ 天秤座表示：🫰🏻「唔洗我揀」之選【 骰盅手打牛丸 】唔知嗌咩好，就叫staff推薦幾個，其中一個就係呢個骰盅手打牛丸。本身我都係抱住費事煩嘅心態「好囉就呢個囉」，點知佢真係一個骰盅咁攞上嚟 🎲 忍唔住拍Story嗰陣個Staff仲有問我地估裡面有幾多粒，然後「開！😂」 P.S. 如果上面有刻埋number就正，不過應該好麻煩 😂總括：環境 - to be fair新店實乾淨嘅，有落地玻璃望到外面，氣氛都好好，遲下再翻

諾士佛台1號5/f新火鍋酒館，有VSING系統可以唱歌，食物質素好，牛肉好正👍🏻沙嗲湯底good👍🏻👍🏻👍🏻一班朋友，一路打邊爐、一路飲吓嘢，仲可以上台過吓唱歌癮，好開心咁玩一晚🎉🎉現場氣氛好正，其他枱嘅客人聽你唱歌又會用VSING個App送禮物俾你，好有成就感👏🏻👏🏻