星馬軒餐廳 (已結業)

I can't believe it!I came all the way to try this place, and its under refurbishment!Luckily I have done my research on Openrice, and there is an alternative around Jordan called Buk Keh Teh or something like that!!!

有次經過呢間野就入左去試左個"馬拉棧籮白糕", 好香好好味, 仲有2隻蝦! $30夠抵食! 印度煎餅就貴左少少囉.

於佐敦做完運動,男友來接我,本來想到景霖食麻辣米線,但呢排自己皮膚唔好,所以比男友敕令禁止。於是就入左呢間星馬小店,兩個人叫左以下食物。招牌喇沙：都算好味，不過唔算正宗。湯底不算濃味，配料都係ｄ大路野，豆卜魚片之類，如果諗唔到食咩，選呢個都好。份量對我而言剛好，但對稍為大食的人來說，可能會唔夠飽。海南雞飯：呢個份量都足夠，有雞、有飯、有湯同油菜。油菜無咩特別，個湯男友話好味，不過我覺得係味精野。飯就黃黃地色，就咁食都幾好味。至於個雞都算交足貨，好滑同多肉，雖然肉味欠奉，但而家都無咩邊間做到有雞味。而且附奉的醬油可以彌補呢個不足，所以呢個真係可以一試。燒原隻鮮魷：呢個幾好味，燒得唔太乾同埋食得出好新鮮，而且佢個汁好好味又辣辣地，真係唔錯。不過，份量就比我想像中小，每人只得４－５塊左右。薏米水：飲落口感濃稠，有熟薏米同糖冬瓜，足料好味。

點了:-咖喱海鮮laksa($36):有蝦3只,魚片,青口,青菜數片,豆腐卜連油麵等. 評: 份量較少,男孩子吃絕對不足夠.至於蝦及青口,不算新鮮又細只. 湯底都夠味但不算特出. 油麵不夠"淋".-肉骨茶套餐($40)另加薏米特飲($5): 有豆卜,腐皮,鮮菇,豬腳及排骨兩三件(套餐跟一白飯及蠔油青菜). 評: 肉骨茶份量非常少. 只有一個極細砂煲.但湯底夠味,不會太油,排骨好"淋".白飯欠飯味,油菜無甚特別可言ok.薏米特飲,用盛載一般凍飲的杯,但只給你3/4份量.真攪笑.埋數$81, 免收加一. 食物無味精.比咁既價錢食laksa我會去附近x里印里餐廳, 份量足,仲好食好多.

31/8(五) 8pm是晚被仁愛的老闆呵護至七時多才離開第二個家.原本的計劃全被擱置!唯有,退而求次跟男友結伴到佐敦找點吃的.途經此家庭式小店-星馬軒;晚飯就敲定於此!家庭式作業,不修邊幅的格局,簡單而基本的擺放了數張桌椅.拿起餐牌,發覺價格同樣平易近人.點了印度煎餅$10,肉骨茶$38跟白飯,油菜,及熱飲,招牌喇沙$35,阿參魚頭$35.印度煎餅--附送惹味咖哩汁;煎餅一塊開四;煎得酥香脆軟,蘸上惹味帶椰香的咖哩汁,相當對辦!肉骨茶--藥材味溫和,排骨豬骨入口富彈性!份量慷慨的支竹亦吸收了肉骨茶的精華,跟彈牙的白飯同送進口,感覺良好!灼油麥菜--灼得過為腍身了.招牌喇沙--湯底椰香味輕清,辣度溫文;魚片,鮮蝦,青口,雞絲,豆卜等配料食味及份量皆不俗,唯油麵入口不算煙韌爽口.阿參魚頭--加入豆角,蕃茄,菠蘿,青檸,辣椒等令汁液先酸辣,後帶麻辣感;魚頭先炸後燴入汁液中,入口沒腥味,魚肉仍鮮,口感尚在,$35的超班貨!老闆娘招呼周到是另一加分位,頭頭是道的星馬菜!

叫了兩餸蝦麵, 喇沙湯底, 摻摻(米粉+拉麵), 但正宗應是油麵嘛.湯底幾濃香, 蝦算不錯, 起碼無霉, 兩餸選了魚蛋和鮮魷, 魚蛋是白魚蛋, 淋得來都有魚香, 鮮魷是發水土魷, 膠膠地淡而無味. 米粉索了湯底好味過拉麵.

一向也喜歡吃喇沙和肉骨茶，尤其是前者；見佐敦有家小店有賣，即管一試。在香港，不難找到有喇沙供應的食肆，卻沒幾家做的喇沙對辦，這家也不例外。我不是說它難吃，相反，它的味道其實挺好的－－如果你當它是特色咖哩米粉的話。湯底過厚，卻沒有叻沙葉、蝦醬等等的香味；用上生筋來代替豆腐卜，雖然不得不承認，吸盡咖哩湯汁的生筋非常美味，但這終究並非喇沙的做法啊。配料還有原隻蝦及青口，雖然不正宗，但的確頗為新鮮，青口竟然沒有雪藏味或腥臭味，已算不錯了。賣三十多元一碗，相信就是貴在這些海鮮。另叫了一杯凍薏米水，是預先冷藏的，沒有加冰，質感微微帶稠，薏米份量也多，誠意之作。反正已習慣了Ａ貨喇沙，倒不覺太失望，起碼廚子做出來的食物味道不差，有機會還想試試店內其他菜式呢。

尋日好想食肉骨茶, 香港好難食到!o係中環食晏試過上樓o個D,成$60但係都唔得,淡miao miao!去開佐敦, 見到外面極之普通, 價錢$38肉骨茶餐, 海南雞飯餐, 仲包油菜,湯同o野飲. 心諗,希望卧虎藏龍啦! o華!真係平靚正呀!個肉骨茶足料,仲有豬手tim!下次有多個選擇啦!

見到呢條街又開左間新既越南野，但係發現隔離有間好似平d，少d人都試下。兩人叫左一個串燒拼盤，有雞(雞肉好滑)、牛(少少韌，但係都好味)、豬肉(好滑)，個汁又味道適中，出奇地好食!! 再食多個咖喱魚(配飯)，雖然唔算好飽，但係小舖頭都好食過你大餐廳，價錢又經濟，所以揀野食真係要o徒多d腳骨力喇!不過食肆禁煙後依然有好大陣煙味，要改善下喇。