星馬餐廳 (已結業)

看戲後，計劃趕下場，不過地點是天水圍西鐵站，所以草草在市中心食埋個午餐才出發好了我本來想去西貢星食湯粉，不過午餐價錢幾貴(下午茶則好經濟)，想也不想去旁邊間星馬餐廳食是日午餐算鬼數。價錢由33元起，肚餓下點了邪惡的蒜香牛眼扒意粉，配有餐包和西湯，加埋一39元，假期中午市價算經濟了餐包微暖，叮過後乾了點。紅湯中的菜蔬量很足夠，味道亦夠甜酸更帶點辣，不過溫度不夠熱﹗主菜估不到極大碟﹗大半碟裝有用牛油炒過的意粉，意粉質感未至於淋劈劈；而有成半隻碟咁大塊的牛扒，煎得幾香，肉質帶點咬口，我覺得不錯加上誠意搭上一劈瓜菜，份量亦不少。至於蒜汁方面，味道不太濃和油膩，整體上碟意粉偏向清淡。加2元有杯大凍飲，幾乎飲不完。食物份量普遍都好大，偷看到隔離枱個碟時菜排骨飯大到忽得了怪不得這裡的食客以男士居多。雖然衛生麻麻，坐位較迫夾，睇在價錢平上菜快，那些問題也不是問題了吧

5-12-2011話說在星期一放食午餐時間,自己一個人食野,我去了華都商場內一間叫星熙餐廳.之前食過幾次,上幾次係ok,今次先再去,呢間比我平日去開地下個間貴d,我點了一個牛柳絲炒意粉,飲品要了凍奶茶,,我唔記得叫少甜,成個午餐係麵包同餐湯稍為ok,凍奶茶甜到呢,牛柳絲炒意粉又好咸,我認為好難食,價錢要32元,凍飲加2元.呢個不抵食,之前有同事話呱間好難食啦,比起我平日幫親個間,真係好唔悟,以後不會再光顧星熙啦,星馬的水準太唔得,服務都係一般,食完今次,不會再有下次啦食物味道l凍奶茶,超甜,好似糖漿唔駛錢,意粉又好咸,唔好食,唯一麵包同湯係ok環境l尚算唔錯,店舖夠大,唔難搵位服務:sales叫2次先有反應,服務普通啦番食:我不會再光顧

同班art同學一直都推介星馬的肉醬意粉，其中一個瘋狂的程度是把星馬星期一至五的餐牌抄下，哈哈，真是的昨天與另一個同學一起來吃，不知怎的人很多但並無服務員帶位，所以同學就拉着我沖進去了我點了一個2號餐配白飯～逢送餐包，餐湯跟餐飲，我要了熱朱古力，不要湯（雖然還是出了給我）餐包：熱辣辣，軟綿綿！很神奇，我居然聞到剛剛出爐的酵母味，但同學說看到是用microwave叮熱的，難道是變壞了？但吃又不覺味道有變，樣子也看不出來，塗了牛油更是好吃2號餐配白飯：我真的想不到竟然有兩塊豬扒，size一大一中，我的燒汁是另上的，並不是燒汁味，但也還不錯。即使不要汁，豬扒都是醃過的，不會淡而無味，肉也不會韌，頗鬆軟的。熱朱古力：份量是少，但味道算濃，總好過大大杯但淡味～吃完一整個餐，飽到動不了呢！（才$25！）不明白其他食家為甚麼會給如此差的評語，以這個價錢來說，實在不可要求太多。

其實星馬我都已經食過好幾次.但就係次次都係夜晚.所以其他時段我唔知啦.但係以我所知.我食左好幾次.都覺佢既服務態度無問題既..同埋我係未試過要等位. (可能因為我唔係成日食/唔岩時段啦)今日去食. 叫左 個雞扒鐵板 有湯有餐包 涷飲加2蚊 約$47 (因為星期日無鐵板 轉加5蚊)味道..ok架:$ 份量真係食到好飽/_\ 意粉唔係好林.適中!之後再叫左個雜扒鐵板 價錢不詳因為唔係我叫:$有湯有餐包 涷飲加2蚊 ( 都係要加5蚊鐵板)味道如何我就唔知;;;因為唔係本人食..仲有. 個楊洲炒飯!! 但就.因為太咸.之後換左個時菜肉片飯:$唔記得影但係.. 個度d人.都好好肯換! 同埋真係有試過真係都話太咸.. 而時菜肉片飯 d 飯好足份量.但係個人覺得d送反而小左d ..then.. 1個豉椒排骨麵;; 無乜點食..唔清楚:$ 總結;;個人認為間野唔係太差既.算係ok..同埋 又唔係好貴.講真 一分錢一分貨啦!4個人食.4個餐. 叫左4杯野飲. 加左1個餐包既.. 好似有加一:$如果叫鐵板星期一至五去會更平 唔洗加5蚊既.但就無左個餐包(5蚊)就夾埋$201 埋單

唔想喺屋企煮嘢食,於是行落街,心諗星馬ok的(大約3年前同同學食過),又見到有扖供應,於是行入去,但嘢食到咗先知自己選錯了.未食之前,個setting 係ok的(見圖)但係我第一次見識餐包係冇牛油的 (p.s.碗cream soup ok)塊扖到了,但又硬又油,燒汁更倒到一碟都係.杯餐飲都算係咁,不過不失.但細心留意下一張抹咗的枱竟然有上手食剩的飯. 待應同收銀又好晦氣,周末仲要加一(埋單$55).我不如俾多廿蚊到去對面椰林閣食,至少坐得舒服啲,服務好啲同嘢食好啲.總括來說,這間餐廳很差,令我不得不給負評.

當時叫了西多士西多士外表是像臭豆腐吃下時...感覺像一塊乾面包但滿載油 西多士內的花生醬卻失奉用膳後已經全無胃口,,,整晚感覺上很想吐 - -朋友食的鳥冬,,拉麵還可接受還有奶油多都可接受

真係唔試過您都唔會信 一個普通早餐可以難食到咁今日同女朋友去食早餐見到有個廿蚊「扒餐」有野飲 好似幾抵食咁我地叫左一個「肉眼扒」配「炒滑蛋」、一個「雞扒」配「炒滑蛋」餐廳人數唔算多 但上菜唔算快咁等左十幾分鐘終於到...D汁漏成個邊都係 一拎成手都係我見到我個餐 以為咁大塊「肉眼扒」點知... 睇真D心知不妙！！塊「肉眼扒」上面好多泡泡 原來竟然係油炸既最慘成塊野仲乾過台面張紙巾...咦...咪住 我隻「炒滑蛋」呢？原來比個方包壓住左...點形容呢「張」野好？好似茶餐廳的火腿奄列 走火腿+無汁版分量少唔講 「炒滑蛋」唔係炒 亦都一點兒也不滑夾起佢諗住頂硬上 一睇...成個底都係油食完無飽既感覺... 但已經無胃口食其他野呢個係我o係屯門市中心食過最難食既早餐不如比多幾蚊過對面椰林閣

1) 亂派位 今天等下午茶入座時見前面只有1個人及2個人，所以取籌但原來前面兩個都未取號碼，我當然順序等知客比，咁1個人的即入去，無幾耐2個人又入埋去，之後又有人取籌，但我旁邊有位亞叔問有位未，原來佢係52號 而未入去我仲以為佢在等人，我是57號，原來知客是誰有空便出來跟進見有位便叫人入去，並沒有依登記簿叫號碼，因佢再由 52 開始叫我仲話56都入咗去坐啦，仲指那張枱比佢睇，到我時收了我的籌並說執枱中稍後入，點知執好枱時叫了 58 入去我咪即時出聲，你話幾有質素。2) 遲來的餐茶 我叫了兩個下午茶餐都是熱飲，5 mins 來第一柸，再 10 mins 來個炒公仔麵，再 4 mins 來個公司三文治 好唔掂大力水手好食過佢好好好多多，本來我們好興奮講緊旅遊事宜，後來覺得好頭痛兼作嘔，故即時催佢仲有一柸未到，這時才剛到，但三文治只是剩最後一件在手並吃了一口。3) 收銀唔見錢 - 要我再付費 我因怕等便取了兩張紙 $20 + 硬幣 $10 + 2個 $2 合共 HK$54 元正， 想直接到柜枱比收銀，在收銀枱 等了一陣才到我，我講了枱號待對方說 $54- 我便放錢在枱面收銀專用個牌

今日諗唔到去邊度食成班同學話好耐冇去星馬好咁就去1次啦去到拿拿聲叫左個黑椒牛扒紅腸意粉先上紅湯湯仲稀過水咁制人地個ddd係好香而且冇咁稀既而且味道只係一味辣辣辣唔同其他餐廳既味道只覺得有好水好水實溝左好多水整的意粉上到喇意粉既顏色接近白色而且睇落去林bad bad咁見到都唔想食咁食落去啦好易斷唔洗咬都食到咁制林band band咁份量係大係會食唔哂但dddddd意粉真係太林想叫凍菜蜜但佢話要加錢我未去過1間茶餐廳話凍菜蜜除左加凍飲錢外仲要另加錢的所以冇飲到食完野之後我同2位同學不約而同感覺到肚痛搞肚既感覺我地又只係食左星馬的午餐其他野都冇食到我地最後都唔知點解.............................

同3個同事黎左呢度lunch, 有2個同事叫set lunch, 我就叫左xo 醬炒烏冬, 另一個同事就叫左菜遠牛肉炒河2個野食個味真係差天共地呀!我比較好運, 個炒烏冬好有獲氣, 而且都好夠味, 同事個濕炒河就好難食, 又無味, 又成pat 水, d牛肉都太林, 完全無左個肉質-_-所以黎呢度食真係要識選擇先得, 不是應該都係去一次就夠喇

如果你唔介意1)個焗雞扒飯要等30分鐘2)當你想走叫佢cancel既時候佢同你講杯奶茶要收正價3)再當你話要返個飯既時候, 個伙計會發你脾氣鬧你既話咁你可以去試下!連以禮待人都唔識既餐廳, 就算D野食有幾好味, 都不可能留得住客人既心好好反省啦