影片
以上資料只供參考, 請與餐廳確認詳情
招牌菜
近期天氣開始涼爽，好想打邊爐，難得今日準時放工，即刻搵朋友去拾下拾下，大家都鐘意春夏秋冬火鍋酒家既川芎白芷魚頭鍋湯底，好香既藥膳味，令人再三回味。他們的食材感覺都好新鮮，質素不錯，鮮田雞上枱時，還見到在「旭」😅，即叫即斬，真係新鮮到呢😅，廣島生蠔（雖然係急凍，但大隻同有蠔既香味）黑豚肉（肥瘦適中，有肉味），午餐肉（超厚，好有口感)，還有粉絲（滲入香味十足既湯底，令佢味道更加好好食😋）等等...... 另外還叫了個前菜熟食，油鹽水雞腳（不會過咸，味道適中）
繼續閱讀
不要只看它的環境好似很舊但其實他的食物水平很有水準例如佢嘅牛肉唔會太厚切得，而且海鮮好新鮮例如象拔蚌魚生，佢最好嘅地方就係你可以坐好耐同朋友一齊談天說地他也不會講你走
繼續閱讀
一句話點評：湯底多，食物的質素很參差，價錢親民，愈多人食愈好。一入座什麼都未點，因為快夏天了所以有個優惠是送了啤酒和三文魚。20蚊一牒既牛肉，意外地好食而且這個價位還可以，還點了其他亂七八糟的東西例如芋絲﹑魚等等，可以點的東西價格差距很大，反正想吃什麼就吃什麼。我們就是來平食，最後埋單230蚊，其實兩個人的話來吃這種就性價比不太高，但是我想如果人多的話可以一起點一些貴的和各種不同的都可以試下其實是挺開心的。入座還先送了啤酒和三文魚。（真的要提第二次）湯底選了兩款，味道都不錯。惟一要提的是娃娃菜不太新鮮。
繼續閱讀
叫得春夏秋冬，你都明白老闆就係想話你知四季都係火鍋時！太中意打邊爐既我梗係比贊成更贊成春夏秋冬火鍋店不嬲都有質素，今次黎北角店試試，大門唔係對大街，認住個橙色就ok平日晚上唔多人，坐得非常舒服，餐牌淨係湯底都幾十款，有選擇困難症既建議點只冰冰野食超多款但有一個位不得不睇，因為實在扺到痴左線最後叫左番茄薯仔豬骨鍋，一打開個蓋係全滿，啲料多到一個點，就黎落唔到野淥試下佢既豬骨，係仲好有骨膠原，食豬骨都正配以特惠三寶 — 雪花肥牛 x 鯇魚片 x 自選雙拼手打丸，肥牛比想像中好味，都有油脂鯇魚片就普通，無乜魚味，手打雙丸揀左墨魚丸同蝦丸，味道唔錯性價比極高，成碟只係$38一定要食追加炸魚皮、芋絲同埋西洋菜，份量好多，食極食唔完炸魚皮唔會有油益味，口感亦夠脆西洋菜同芋絲就正正常常啦，都好夾個湯底既，愈食愈覺得個湯底正，濃得黎唔咸，又不斷有豬骨食壓軸就係午餐肉，識食既無得唔叫啦，份量多比一上枱忍唔住話佢係咪開左一罐放上碟仲係有火腿係入面個隻，超好味總括黎講餐飯係正既，最讚既點係份量好大好夠而食材質素唔會相應下降價錢亦超抵，最啱係一班人黎暴食真係春夏秋冬都黎得#服務係家庭式友善#通宵睇波熱選#就黎平過劣食既任食
繼續閱讀
約了一個月才能夾到時間一齊食晚飯，同學話想食火鍋便去了春夏秋冬，一年多前到這裏和老朋友吃晚飯，地方不說得什麼好環境，但勝在火鍋材料新鮮，往往有足球球賽時更有電視直播，我們坐下來選了一個鴛鴦鍋湯底，也點了本地及雪花手切肥牛、美國筒蠔、三寶丸給墨魚滑、魚片及皇帝菜等，沙嗲湯底不錯，牛肉及魚片也很新鮮，三寶丸也做得很彈牙，我們由八點吃到12點，啤酒四支汽水四罐埋單每人$300，服務員也算合格，老店來説水準也算是保持。
繼續閱讀