春月堂

營業中

休息中

今天來幫襯有意外驚喜！有不錯的IG Singer 現場獻唱，加上結他伴奏，享受音樂帶來的那份悠閑！加上不錯的食物，酥脆的鹽酥雞、酸菜豬軟骨刈包，自由配搭的台式甜品芋圓愛玉凍，非常好的用餐體驗！

又到中午食乜時間，因為啱啱換工作環境，所以呢幾日都系全靠同事帶我周圍去食，今日我地去食沙茶鍋 沙茶鍋（主食配面）：材料豐富，用心十足（肥牛片、魚皮餃、牛丸、肥腸、香芋條、千葉豆腐、金針菇、青菜等）沙茶鍋底香濃惹味，唔會太咸，味道剛剛好。煮大概10分鐘所有菜種已經入曬，最後落埋跟餐既麵條，飽到要抱住個肚走。 凍香芋奶茶：味道都幾天然，唔似系用香芋粉衝出來既，香濃絲滑。 麻辣鍋主食配面）：辣度可以自由選擇，我揀佐微辣，菜式品種同沙茶鍋一樣多。麻辣味鮮香刺激，醒神開胃，越滾越入味。 凍珍珠奶茶：珍珠彈牙，茶味香醇，有d似平時茶餐廳飲既奶茶味道，口感比香芋奶茶更加絲滑順喉。環境：簡約裝修以白色為主，燈光明亮，餐位寬敞舒適，上菜快服務好

星期五在公司附近想食台灣菜，來到人流比較少新領域廣場。餐廳真的客人不多。裝潢和坐位都舒適漂亮枱上有QR掃描落單水要自己去裝才有。服務員只得1位。我們選了：紅燒牛三寶撈葱油麵酸菜五花腩刈包炸蠔仔球奶蓋珍珠奶茶黑糖薑五寶（熱）服務員通知炸蠔仔球沒貨……先來2杯飲品，的奶蓋珍珠奶茶，沒有奶蓋……於是我們反映了。服務員拿回加奶蓋感覺是同一杯上面加。黑糖薑五寶 即沖感覺，膠杯充滿裂痕……心中一涼。飲品來的時候很淺色，浸了15分鐘後才深紅色。飲品內有紅棗，杞子，龍眼，薑。就是要浸久些才好喝。酸菜五花腩刈包酸菜甜酸幾好味，五花腩口感像炸不是炆出來軟身，肉質比較硬紅燒五寶撈麵真的又出事來了五寶湯麵……我按壓了朋友想反映錯衝動，照食算了。湯的味道很濃郁，牛腩牛肚蘿蔔都不錯。入味軟臥比較驚喜。錯有錯著最好吃竟然是這個湯麵。個人感覺餐廳服務是最大問題。客人已經不多，錯單情況比較嚴重。

第一次幫襯但絕無下次我地兩公婆去食叫左個五彩冷麵叫左滷水四寶肉燥便當便當好快到上左枱！食落正正常常，不過不失！等到老公個個便當麵就食完冷麵先到…食左兩啖！再望一望！得3樣餸既…再拎個餐牌睇睇！明明5樣野！叫個侍應過黎…我：吾系有5彩咩？宜度得3彩咋喎！侍應：哦…我幫你加番啲黑芝麻！我：吾系黑芝麻既問題…系蘿蔔絲同蟹柳絲呢？侍應：兩樣都無丫！我幫你加啲黑芝麻！我：吾洗喇！甘點解你地吾出聲話無既？侍應：我地無蘿蔔絲同蟹柳絲！一系我幫你加番黑芝麻！我：吾洗喇！其實如果佢有同我講…我都會諗下要吾要丫！我都食左喇宜家！一定吾會有第二次！

下午茶算多選擇！平日經過見唔多人，唔想食快餐店，所以入去。麻辣撈面唔太辣，面條都滑。臭豆腐及麻辣鴨血一般，糖心蛋入味。性价比算高。衞生都ok。桂圓紅棗茶都OK 。

難得去開荃灣，見春月堂裝修靚靚仔仔就入去試吓原來中咗伏首先落單沙茶鍋等廿幾分鐘都未有諗住同阿姐講放棄走人阿姐先話整緊跟手拎個雪櫃拎出嚟嘅鍋出嚟撻火我都奇怪拎個生鍋到嚟要將近半個鐘有啲似漏單。。諗住開餐食發現個火架上面仲有上手嘅飯粒同粉絲好噁心想當睇唔到就算不過望住上手廚餘食真係好反胃我唔該阿姐幫我換過個架佢口噏噏咁換，換嗰陣成鍋掉落枱唔該前唔該後都咁已經唔想食。。。拎佢啲碗仔，餐具都係有漬甚至有食物乾我自己去拎熱水洗一次先敢用。。。呢間真係好恐怖後悔冇睇過openrice 評語先入嚟。。

今日兩個人吾系太餓但又想share一個下午茶，又吾想食快餐店，哩間改左無幾耐的台灣餐廳，行過眯試下嘍。去到得兩台客，真系一分錢一分貨，哩個場就系咁差，無人流，對客人喜歡靜傾下都幾好，哈哈。下午茶選擇有五種都OK啦！尤其是每個餐有10種小點裡面選三種。以為小點都系好細，原來每種都有兩件，兩個人share又幾好喔。- 大腸麵線（2分） - 湯底藥味定系菇味比較重 - 大腸有兩大塊，吾算淋但咬得開。 - 麵線就好似幼麵線，好長，小小鞋 - 個人喜歡台灣阿宗麵線的做法，大腸切細，麵線好幼好短，湯底似碗仔翅，用瓷羹”筆”來食會地道D.。- 唐心蛋吾算太唐心，蛋味吾夠.（3分）- 梅子脆薯又幾新鮮，脆脆地，有蕃薯香味，但無任何梅子味喔（2分）- 臭豆腐一D 都吾臭，無意思，反而太辣同太乾，（1分）- 臺灣奶茶一D 都吾香。（2分）

入去之前已經講得好清楚，問呢間春月堂，以「OpenRice 用魚米集團coupon」可以嗎？之後有個人專登打電話去問，然後話可以用得. 重點：已經講話如果真係唔得唔緊要. 但嗰個人都話得.因買咗好多張，魚米集團嘅coupon，所以要求分兩張單，之後阿姐黑口黑面，又擰頭. 感覺好似擺明話我哋好分兩張單.之後其中一張單，自助落單落唔到單，因此要求再給一張新嘅單，之後阿姐擰轉頭掉張單落枱，完全黑口黑面. 到埋單的時候，職員話Openrice嘅魚米集團coupon用唔到，只接受支付寶嘅魚米coupon. 但支付寶已經冇得賣呢隻魚米coupon. 結果好嬲，唔明點解之前問嘅時候，話可以用，走既時候話唔得， 仲要比阿姐黑口黑面，搞到我以後都唔敢再買呢啲coupon, 又唔知幾時用得，幾時唔用得？問咗都可以答唔用得…總括：買嘅時候最好買一張就算，呢啲唔可以買得多，避免俾黑口黑面. 再者都唔知邊間，用得唔用得. 問專人都冇用. 俾錢先知用唔用得. 原本諗住好抵咁食，已經忍耐分單比人黑口黑面. 結果係乜都用唔到，仲要比原價. 加一肚氣.