春水堂 (希慎廣場) (已結業)

春水堂嘢飲吾錯 今次食埋嘢😋紅燒牛肉麵(半筋半肉) $82好少食牛肉麵 怕好韌同鞋 呢碗有驚喜啵！牛肉好厚 基本上咬落去已經散開好淋 索曬湯好入味 仲真係做到半筋半肉 不過麵底就少左啲黃金香酥雞 $48酥炸雞細細粒 好嫰咬落仲有汁 味粉仲吾會好咸珍珠茉香奶茶 $34 用細珍珠 好煙韌 叫左少甜都覺得甜 下次可以叫微糖/走甜👌🏻 飲得過😍

因為天氣凍叫咗個珍珠鐵觀音雪糕吐司同一個熱嘅珍珠奶茶，怕太甜已經叫咗少甜嘅珍珠奶茶，黎到嘅時候甜到漏，珍珠又好細粒，好難咬，奶茶茶底得個甜字。實在唔值$32 ，不如出去飲杯天仁茗茶好過。另外叫咗個珍珠鐵觀音雪糕吐司，餐牌寫明要20分鐘。點知2分鐘都冇就嚟咗，啲cream多到阿媽都唔認得，鐵觀音雪糕係幾好味嘅，但係個吐司就真係唔多掂囉。好明顯係擺咗好耐整定左嘅嘢食。咁都值$99我真係寧願返屋企自己整好過。

連續食左兩日 啲野食係真係好味既 但啲態度真係超級差。第一次食 帶位果個叫我地坐係果到 一坐低冇啦啦有個女員工行埋黎話依到唔坐得架喎 我話係你同事叫 佢先話咁冇野啦。（心諗 喎好意思都冇句）第2次食又係一坐低就要我地轉位 原因係我地兩個人 後面有3個人 話要比張枱後面果班人 （心諗 又冇禮貌叫我地走，又連續兩日都係咁 其實帶位果個係咪真係處理得唔好呢？）最後再叫左兩杯野飲 一杯珍珠奶茶 一杯珍珠茉香 兩杯隻色一樣 又唔講邊杯打邊杯🤔🤔

春水堂銅鑼灣軒尼斯道500號希慎廣場3樓317-319號舖春水堂----係台灣已經食過好幾次，知道早幾年進駐香港，成日黎開銅鑼灣行希慎廣場見到排晒長龍，所以一直未有機會幫襯。。呢排可能全城抗炎，大家都盡量少出街，所以出奇地見到餐廳唔使排隊，即刻唔使唸就入黎開餐啦幾鐘意呢到既開放式設計，感覺好開揚，空間感大好多，風格上同台灣既春水堂分店好接近好精美既餐牌，今日我地都係唸住食麵牛肉好吸引，食落好淋身好入味肥瘦均勻，而個湯底係個精華所在，少少微辣加埋葱花，食完碗麵都忍唔住要飲返幾啖另外呢款就比較清淡D既，都值得推介限定特飲，好香濃既朱古力味，而且底部仲有好多香蕉蓉，健康又好味

過江龍嘅台灣菜春水堂，之前一直見大排長龍未有機會試到。尋日晏就食飯時段經過未見人龍，終於可以一試。.紅燒牛肉麵 (半筋半肉).HK $82.紅燒湯底有輕微辣，但五會太油膩。牛肉同牛筋各有兩件。牛肉雖然厚身同食落淋，但有少許鞋口。而麵底幼麵，質感過淋，冇平時食開台灣麵個種彈牙、煙韌嘅感覺。.珍珠奶茶(冷/熱).HK $32.奶味濃郁，但茶味較為淡。珍珠比較細粒，而且冇乜口感。味道不過不失，冇乜特別。.整體有少許失望，冇想像中同其他人講咁好食，有啲失望而回。

今日同朋友去銅鑼灣希慎，睇新春市集檔。行到攰攰哋朋友話要飲杯嘢，我哋就揀咗樓上衣間春水堂啦…點解揀佢，因為我哋兩個都未飲過呢間囉🤣見過環境都唔錯喎，排隊嘅時候職員好細心講解，堂食同外賣係兩個價錢嚟嘅。我哋見堂食同外賣價錢差唔多我哋就坐低咗慢慢歎啦。 原本諗住一人阿一杯茶飲下嘅 朋友見到有我鍾意食嘅toast 品鍋😍 咁我哋就嗌咗限定推介toast甜品啦， 朋友叫咗杯胚芽奶茶，朋友話幾好飲喎好有茶味。我就叫咗杯茶latte ，唔錯呀超濃濃嘅茶味好好飲呀又唔太甜 。講返個甜品先，多士厚厚地但係呢入面好鬆軟嘅 ，個雪糕有超濃茶味😍 加咗啲cream同凍嘅珍珠非常夾，食到我哋好飽 。平均每人夾六十幾蚊 ，價錢都ok又合理坐得又舒服。#下次會再嚟

珍珠鐵觀音奶茶($31)茶味好濃郁👍🏻味道唔錯 不過不失💁🏻‍♀️今次我叫左少冰不過唔知點解都超凍❄️❄️佢地係用超細珍珠🍡應該係我飲過最細粒珍珠既一間好煙韌 但我個人比較鍾意大粒既珍珠(波霸)比較有咬口😎起碼可以飲得耐啲呀嗎🙈😂不過份量真係有啲少而且又唔係特別平個人就覺得唔係好值得🙈呢個價錢係其他珍珠奶茶店已經可以買到大杯裝...如果要飲 堂食會抵好多 起碼佢哋係用番正常台式飲品既高杯🍹

餐廳環境 (3.5/5)Hysan廣場內，半開放式，枱與枱距離少餐廳服務 (3.5/5)截單時間入座，店員比較趕食物質素 (4/5)珍珠係細粒有咬口，重茶味餐廳類型堂食，外賣。非談心類餐廳，因半開放式環境較嘈，亦清楚聽到隔離枱講乜朋友係台灣舖嘅粉絲，每次去台灣都會飲。今晚食飽飽都特登帶我去飲，好耐無坐低飲珍珠奶茶喇，鍾意佢隻杯平時飲慣天仁茗茶，黎到春水堂飲第一啖嘅反係:嘩，啲珍珠咁細粒嘅，啜一啖已經成口都係又幾好咬喎衰鬼！揀左鐵觀音，甘苦味比普通奶茶重，中和左普通珍珠奶茶嘅甜味，所以通常有得揀我都會揀鐵觀音。望到隔離枱有人食緊珍珠鬆餅啲frd，下次有機會都試下先

作為一個專業珍珠奶茶控當然要試吓珍珠奶茶始祖🧐春水堂有五間分店今次就去銅鑼灣試吓！.御品三寶牛肉麵($98)湯底濃郁 唔係味精湯湯底嘅牛肉味好重牛腩好淋 牛筋更加淋🤩麵質適中 唔會太軟唔會太硬.魯肉飯(小) ($28)男士如果食牛肉麵唔夠飽嘅話加多碗細魯肉飯就一流！.鹽酥雞翼魯肉便當($92)冇影到相 因為覺得冇乜特別🤣鹽酥雞翼做得唔錯但成個便當生菜佔咗一半雞翼下面有一堆生菜擺滷水蛋嗰格亦裝滿生菜另外亦有一格淨係擺冬菇同生菜菜多個肉嘅比例令我有少少失望😓.不得不提及佢哋嘅香港限定甜品！💕今次試咗珍珠熔岩蛋糕($58)海棉蛋糕上鋪左一層忌廉同珍珠蛋糕內亦有一層忌廉好彩份量唔大如果唔係應該會幾膩🤨.飲品方面 今次試咗珍珠茉香奶茶($34)茶味略嫌淡 珍珠味道亦不過不失可能係始祖嘅緣故奶茶嘅味道都較自然 .整體來講唔錯 有機會會去其他分店試吓😛📍 春水堂 (銅鑼灣)銅鑼灣軒尼斯道500號希慎廣場3樓317-319號舖

位於銅鑼灣的春水堂，是一間台灣過江龍。春水堂被譽為台灣珍珠奶茶始祖! 相信喜歡台灣的朋友，對春水堂並不陌生，在台灣有46間分店，在日本有10多間分店，我去日本觀光時也常常看到它的蹤影哦。品牌早已進軍香港，在觀塘APM開店，如今又有一新分店設在銅鑼灣，想吃就更方便啦。春水堂經常大排長龍，大家要有心理準備哦。餐廳走開放式設計，以中國風為裝修主題，感覺開揚，自在舒適，而且走餐廳模式經營，有服務員服務，並非自助式的哦。餐廳提供多種特色台灣美食，包括: 飲品丶飯丶麵丶小食丶炸物丶麻辣丶滷水丶甜品，每一種都想試一試阿。最後柯打了滿桌的菜，自已一個吃得很飽足呀!滷香雞蛋 $12珍珠鐵觀音奶茶 $34滷肉飯 $28滷肉飯呈上時，傳來香濃引人的油脂甘香，單聞香氣，已令人胃口大開啦! 滷肉粒粒大小相約，脂肪和瘦肉比例六比四，飯粒圓潤，醬汁惹味，真想吃多一碗呀!手工麻香麵線 $48超級推薦這道手工麻香麵線呀! 麵條幼細軟腍，容易入口，是我喜愛的質感。拌勻後，麻油香丶蒜蓉香丶蔥香三者夾撃，整道主食都包涵我最愛的調味料，非常非常好吃呢!鹽酥雞翼 $38鹽酥雞翼也超好吃呀! 雞翼裏上麵糊，炸成香脆酥脆的厚皮，調味

一早黎到，人唔多都算坐得舒服紅燒牛肉麵份量太少，麵質普通，牛肉同牛筋都煮得好淋，但無肉味茉香珍珠奶茶無茶味，好在珍珠份量算多服務態度麻麻，無笑容講野無尾音，飲杯上枱後係掉技飲管上枱，咩料？仲要收加一咁價錢真係唔會再幫襯

身為台灣人，很想以自己台灣的品牌為傲不過試了大部分到香港的台灣餐廳，真的試過一次就夠了能理解到香港之後必須要以當地的物價計算不過食物質素的降低，就很不能讓人接受了特別是春水堂在台灣也算有一點歷史跟名氣我會說 這是一間台灣風味的餐廳 但絕對不會是一間台灣餐廳從食物到服務，絕對是港式的....如果想試台灣餐廳的...考慮一下吧...淡而無味的奶茶....煮失敗的珍珠....詭異的滷汁...嗯...也許是香港春水堂特制口味吧...

今天的午餐依舊在希慎廣場吃的～春水堂開張不久，一直很期待，因為之前在台灣喝過他們家的珍奶，茶底的確不錯。今天拉上幾位同事一起試食，期望很大！一早有心理準備，大概需要等一段時間，最後等了25分鐘，尚算可以接受。店裡位置不算多，但環境挺舒服點餐時大家都不約而同選了紅燒牛肉麵（餐牌上的推薦，82元）本身想把細麵轉成番茄牛麵的那種刀削麵，可惜不能。湯底偏鹹但味道不錯，麵的質地太腍，沒有台灣麵的嚼勁...牛腩牛筋很軟，但吃久了有點太渴。珍奶點了熱的，忘了少糖，味道太甜，喝不出茶味，完全只有甜和奶味，可惜了軟糯的珍珠！32元一杯的珍奶，實在偏貴了點...總括，餐點味道正常，未算抵食，偶爾或會encore

上次去咗另外一間春水堂去試佢嘅鐵觀音珍珠奶茶，覺得係幾好飲嘅幾出眾嘅，不過主要都係因為啲茶好飲，所以今次專登過嚟再飲一次順再試吓佢既牛肉麵其實佢既牛肉麵冇話特別好食，啲面係幾好咬，都算彈牙， 牛肉也還可以唔會太硬，但感覺湯底可以再進步

朋友介紹話呢一間係台式珍珠奶茶嘅始祖！我本人好鍾意番茄湯，所以嗌咗呢個蕃茄牛筋牛腩面。牛筋同牛腩都蚊到非常淋、好入味！湯底酸酸美味但又不失牛肉嘅香濃味道！我自己係好鍾意！蕃茄係好鮮甜、白菜仔亦都新鮮好味。差唔多要飲晒啲湯！朋友order咗呢個台式便當。賣相都非常之靚仔！第二日有嘢做，又來到銅鑼灣。心思思結果又走去食喎。今次叫咗呢個三寶牛肉麵。呢個牛肉麵真係好足料。裏面相信有牛展、金錢肚等等。都係果句肉質好新鮮、好入味、蚊得好淋。不過湯底冇蕃茄湯咁濃。面底都唔錯。不過我都係鍾意番茄湯個湯底同埋面底囉。由於我係一個不折不扣嘅青瓜怪。雖然價錢唔平，記得好似大約$38嘅一個醃青瓜。我都照叫咗啦。不過係冇後悔㗎😆佢嘅辣係香嘅，酸味剛剛好、好輕微，青瓜非常之新鮮爽脆。I enjoyed it a lot! 食到呢度其實已經飽到入心入肺㗎啦。但你都去珍珠奶茶嘅始祖，點可以唔飲珍珠奶茶呢？結果叫咗呢個鐵觀音珍珠奶茶！$34絕對值回票價！鐵觀音味香濃！奶味亦不會過搶。非常之完美嘅平衡。不過本人經常要睇住飲食，所以走甜！健康啲！最後嘅評論係：可以一食再食，甚至會有啲掛住佢嘅一間台式餐廳。最後都讚下佢哋嘅員