春香湖

營業中

休息中

無視訂位，老闆毫無歉意，吾會再去！！感覺到老闆一家吾愁(休）做，無視顧客訂位，完全沒有歉意。早在兩天前已致電訂位，我哋準時到達餐廳後，已有另一班十多人的顧客在餐廳裡，跟本不能再容納我哋。最後我哋一行十五人帶住兩歲和八個月大的小朋友在炎熱天氣下另找餐廳。老闆當場是沒有道歉的，睇得出完全沒有歉意，也沒有作出任何補償和解釋。之後在網上也看到有其他食評表示佢哋一家吾休做。這樣的態度真係希望佢哋生意興隆！！

原定上星期訂了14位食晚飯幫屋企人餞行，因為打風取消了改期今晚食，誰不知去到，不知所謂嘅老細話冇一回事，之後老細全家鬼拍後尾枕話唔記得咗，有人訂咗枱又係14位，真係吹脹，連對唔住一聲都冇，唔會再去，已經公布天下給親戚朋友，祝佢哋生意好呀。

在公司附近，店舖小小，坐位唔多，唔算舒適，但都生意唔錯，我通常光顧越南菜館都是吃最傳統嘅生牛肉河粉，味道唔錯，份量算大，河粉滑，湯底也好味，可惜湯唔夠熱，未能把牛肉熨至最佳狀態。

有幾日心思思突然想食越南法包行過見到呢間鋪有得食而且好多人排隊應該幾好食所以入左去試叫左洋蔥豬扒法包個包烤得好脆但略硬洋蔥豬扒幾juicy但上面既青瓜同香菜都冇咩調味若果加返d酸味可能會更好食所以我最後加左d汁上去食加完好左d

午飯時間都滿座，等左一陣位先入座。叫左生牛肉河，免費送熱飲。🔸生牛肉河粉 $65牛肉份量多，湯底都濃郁，另外自己再加左啲辣椒粒同青檸落去，好食。價錢係呢區黎講算合理。

返工想食越南野 附近就有間Lunch time 去都多人要等下位 同事們一行四人都叫左佢招牌既越南生牛肉湯河河粉幼滑 湯係熱辣辣夠牛骨味生牛肉份量都多 薄切夠嫩仲可以要求青另上 我地全部都食得好飽好滿足

餐廳好迫，唔好坐，食物太重口味不特止，職員態度先係極品，簡直貼錢買難受撈檬味精多到中午食完，到臨訓前都仲喉嚨好乾要狂飲水！！！法包硬到乾到咬到牙鉸軟，我食過其他越南餐廳嘅都唔會咁！湯粉普通不過不失只因附近冇其他越南餐廳選擇，同事有時口痕想食越南菜都會嚟幫襯，最多我番去又狂飲水囉！點知今次食到成肚火！真係打死我都唔會再幫襯！個收銀入錯單，收錯錢，仲理直氣壯，一句唔好意思都冇，仲句句有骨！幾鬼串！明趕客！永不幫襯！！

這越南小店有點不好找，距離地鐵站又遠，幸好食物不錯，不然浪費腳力。下午茶時段有85折優惠，小食除外。手打墨魚餅撈檬附有大量新鮮爽口青瓜絲及生菜絲，花生碎香脆，墨魚餅也爽彈，實屬最佳之選。招牌生牛肉河粉，湯鮮味美。香茅雞翼（$20加配），調味不錯，即叫即炸，皮脆有肉汁。越式春卷（$25加配），也是即叫即制，米紙炸得鬆脆，十分香口。白灼芽菜（$10加配），也可以選擇生菜，味道正常。柚子蜜及檸茶，免費。

餐廳位置都幾隔涉，小店一間。幫襯過幾次 quality都幾好，最推薦香茅牛肉撈檬同越式雞油飯。不過以呢個地段及餐廳環境黎講，食物定價有啲貴，早排仲加完價tim。係附近想食越南野的話，佢係唔錯嘅選擇。

祝早日結業,垃圾食物😡😡😡咁岩經過牛頭角見到，見人唔多諗住入去試下啦，點知D野食垃圾到不得了，伏伏伏🤬🤬🤬，個短髮女人仲話冇味精全部人手做，食完飲左好多杯水解渴，又貴一D都唔好食，人唔多等野食時間超過半個鍾，嗌左杯三色冰甜到飛起，另外豬扒撈檬，塊豬扒燶到不得了，叫佢換過塊就話係醃料顏色，唔係燶，比佢吹脹，雞扒法包D包又硬一D都唔脆，仲話正宗越南菜，笑死人咩，絕對唔會再有下次，早日結業啦，影響越南菜個名！ps,呢間咁嘅春香湖呢個價錢一D都唔值👎👎👎如果大家想食正宗越南菜去銅鑼灣1957集團安南食，個到真係無得頂，高質，上菜快，有Set餐，性價比非常高，

見到評價話唔錯 諗住經過就試下喇點知就伏左價錢存有誤導性 搵人笨有種被欺騙既感覺而且成間鋪一個客人都無叫一樣唔使煮既嘢都等超過15分鐘難以接受重點無味兼難食 絕無下次 一肚火

早排同男朋友瞓醒之後諗唔到食咩，就去咗OpenRice度望吓附近有啲咩食。見到有間越南野未食過，就去咗買外賣嚟食下。🥸🥸------------------------------我自己嗌咗香茅豬扒河。佢哋嘅香茅豬扒勁大塊，冇諗過會咁大塊。而且佢仲好好咁俾咗青檸辣椒我哋。🥰🥰而佢哋嘅湯底幾好飲，飲完唔會有種口乾嘅感覺，唔錯。😌😌我哋仲有嗌啲小食食下。佢哋嘅絲網蝦春卷好好食，脆卜卜咁😍下次再嚟食嘅話，我一定會再嗌！😆😆------------------------------以後可以嚟呢一間食越南野，唔使成日食越棧啦。🔥🔥

見到小店好奇想試~今日LUNCH終於~去左食~又幾好食WO~ 熱la la 春卷 好好味~有DD胡椒香~ 撈朦同D 魚露唔錯, 都幾好食!!!!!  同事食湯粉湯底都唔錯~ 咖哩牛腩都好食!會再去! 

早兩日 #小秘書 又跟咗 #首領 去試新嘢🤤 呢排天氣不穩 🌨，為咗唔使變 #落湯雞，我已經一早準備定把 #縮骨遮 喺 #手袋 裡面😅就算冇雨落，都可以遮吓 #太陽 ☀️ 吖嘛😆再穿右插，我哋終於嚟到 春香湖越式美食… 一間我之前從來冇留意過嘅 #越式餐廳。開放式嘅廚房開正喺餐廳嘅一角，附近就只有兩張摺檯，不過原來行多兩步，就會見到另一個天地，整體感覺都幾乾淨。話哂第一次嚟幫襯，梗係要試吓佢哋啲 #越南湯粉 啦🤤大大件嘅 #香茅豬扒 ，配埋啲 #洋蔥、#蔥花、#芫荽 外貌睇嚟都唔錯🤩 #湯底 富有 #傳統 #越南風味🤤 #河粉 吸收晒啲 #香料、#湯底 嘅味道，好配合🤤 #豬扒 醃得好入味，食落去又唔會太乾身🤤 加埋杯 #凍檸茶 同 #老闆娘 #自家製 嘅 #炸蝦片，實在係完美嘅組合👍🏻👍🏻 臨走嘅時候本來想買包蝦片返去屋企人分享，點知本來 #晴朗的天空 突然變得 #風雨交加… 仲要坐足廿分鐘都落唔停！唉😮‍💨 我真係好後悔自己點解唔拎把 #沙灘遮🏖️ 過嚟囉😅

話說楂車經開官塘道近牛頭角下村，見到新開呢間 春香湖鋪仔細細，好地道，就去試下啦⋯⋯身為 #牛肉粉控 梗係試 #招牌生牛肉粉湯底清甜，牛肉都新鮮，多牙菜👍🏻可惜 #金邊粉 就失準，太淋太碎，有好大進步空間。反而 #香茅豬扒撈檬 有驚喜！豬排骨肉比例好，醃到入味，好香香茅，檬粉爽口，多生菜同青瓜，好啱夏天食。加$25試埋春卷小食，即叫即包即炸，誠意滿分，但味道偏淡，得5分，略為遜色⋯⋯