時來食坊

營業中

休息中

食完個沙嗲牛肉通粉，嚟到最尾一站, 睇咗兩檔烤魷魚，見到近碼頭嗰間佢冇戴口罩燒魷魚，所以我哋決定咗去入少少呢間食， 加上佢嘅價錢好抵食，所以我哋就揀咗呢間，不過價錢就唔記 ，好似大概六十蚊有六七隻細啦，咁佢都有其他嘢食嘅就係有啲烤魚春呀、蝦乾呀咁， 咁我哋嗌咗最平嗰隻烤魷魚可能因為後面有人等，所以我哋嘅烤魷魚烤嘅時間呢就會比較短少少，咁短少少嘅時候炭香嘅味道就自然少咗，同埋通常烤魷魚都會食辣嘅比較惹味啲，不過佢嘅辣就食完覺得唔係好出，不過勝左價錢抵食，味道又唔差(其實好難差), 味道正常可以一試。

趁秋意涼涼地，同男友長洲出走一下，疫情港人未能外遊，果然迫到離島人山人海。長洲出名大大粒魚蛋，見呢間人龍唔少，個個企響店附近人人一串，吸引左我地買了兩串食下，分別買了麻辣味和咖哩味各一，每串$10。店主好客氣俾埋隻碟我放兩串魚蛋，仲叫我地坐低慢慢食，服務唔差，唔洗立食即刻開心左。每串有兩大粒，先試麻辣味，一咬都食到果種麻味，過兩秒仲開始痺脷，都辣得幾過癮。另外咖哩味好香濃，魚蛋又好彈牙，下次可以試埋其他味道。

遠遠已經望見大魚蛋☺️下午4點幾，店舖唔多人，行到埋去就俾餐牌吸引住，魚蛋😋大大粒🍢幾乎每次去親都會食🤤而呢一間口味特別多😍因為冇買水嘅關係揀咗沙嗲魚蛋；細心嘅店家見我哋兩個女仔，就借咗小小位俾我哋慢慢食完先走😊沙嗲惹味唔辣，魚蛋口感彈牙😍好正‼️每一啖都慢慢品嘗，好想因為個醬汁而再食多串😋大粒夾抵食，個沙嗲汁超惹味🤤如果唔係要食其他嘢🤣我一定會食多串🤤🍢其實沿途都有好多間魚蛋店，但真係會令我回頭既就係呢一間👍🏻☺️💕

離開市區繁華環境，放假黎到長洲玩一日會令成個人放鬆，長洲是香港著名旅遊景點之一，有不少觀光名勝，還有海鮮、特色小食，其中必吃就是最出名大大粒魚旦，好多各大傳媒報道過，好多人都來吃，最熱鬧的情況就見到好長隊。彈牙大魚蛋有好多種味，有沙嗲、咖喱、麻辣、冬蔭功、原味、椒鹽、燒汁、即炸，我就揀原味，大大粒一個魚蛋，咬落去彈牙，不會好粉漿感覺，好好味，下次去食可以試其他口味。

入長洲行⛰️山，當然必食大魚蛋，想去上次食果間，但搵吳反，甘行下行下又見到TVB介紹過果間，又見到隨左大🐟蛋之外，原來呢間仲有好多好吸引既嘢食😜😜————————————————————大魚蛋——爽口彈牙，但味道相比之下，吳夠我想去果間好味，可能係個汁整得吳夠果間好食🤔🤔燒菠蘿——-wow，正到暈，又甜又多汁👍🔥魷魚——香噴噴，又脆又好味😋😋————————————————————見到仲有好多食物，隨左有一大塊冰西瓜，仲有冰菠蘿😁😁，仲有好多小食，食小食都食包😬

黎到長洲點可以唔食大大粒魚旦呢行行下，行到黎依邊，比佢既長洲大粒魚旦吸引佢有好多口味選擇，有咖喱、原味、冬蔭公等等。如果你食椒鹽仲可以選擇炸或唔炸都可以。我選擇左咖喱口味，咖喱汁好香濃，入口好野味。而魚旦唔止彈牙爽口，而且都有少少魚味。讚👍🏻$10/2粒 我覺得價錢都算合理

今日難得放假，仲要係平日，諗住唔會好多人，一於約埋好朋友同契女入長洲食食食😎但估唔到原來平日嘅長洲都勁多人，好似假期咁😂😂食完糯米糕，我地嘅第2站本身係想食另外一間魚蛋嘅，但我地去到已經太晏，人地已經收緊舗😂😂😂無得食細細粒魚蛋，見呢間時來食坊幾多人食，就黎拮番串大大粒嘅咖喱魚蛋啦。大大粒咖喱魚蛋($10串/2粒)影出黎好似好細粒，但其實係好大粒，咖喱好香，魚蛋好彈牙，1人食1粒啱啱好。食完出發去下一站😎

每次去長洲都必食長洲大魚蛋，其實好多檔都有賣，但自己比較鐘情呢檔，唔同以前，而家大魚蛋都多左好多口味，記得細個食好似5蚊兩粒，而家已經10蚊兩粒啦！呢檔好易認，係落船直行入去就會到，檔口好多明星相，同朋友睇左陣發現特別多麥包既相，好搞笑。我因為中意食辣，所以叫左麻辣味，朋友叫左原味加椒鹽，如果唔食得辣既朋友要留意下，我有朋友唔食得辣，一試俾佢辣到好辛苦，所以唔食得辣要量力而為，我因為食得辣，就食得好過癮。

都有2、3年無黎長洲，趁今日天氣好，又唔係乜大時大節，就帶埋小狗黎行個圈，食下野落左船後好鬼肚餓，決定掃街先。黎得長洲緊係要整返串大魚旦，除左甘永泰，其實時來食坊呢一間更有地道風味。掃得街，就預左姐姐說話豪邁，佢地手腳快效率高，好快買到串大魚旦，講機關槍咁介紹完咖哩、沙嗲、麻辣、原味、燒汁、冬薩功、椒鹽⋯ 無乜太大考慮就秒揀左沙嗲和咖哩，實情都無時間俾你考慮咁多🤣😂粒粒大魚旦都大過乒乓波，咬落彈牙，味道惹味得黎又唔會太咸，而且內裡肉質比想像中仲多汁；因為沙嗲汁只是淋上面，所沒有太搶過魚旦味，個人都係鍾意沙嗲汁多d。又因為大大粒，一啖好難食得晒（有練過另計），食時要戰戰兢兢，怕咬咬下跌落地。總結：大家黎長洲又多一間大魚旦可以食，唔駛再揀右揀，why not both?!

沙嗲大魚蛋😆（$10@2粒）燒汁大魚蛋🍢（$10@2粒）麻辣大魚蛋😀（$10@2粒）-除左「甘永泰」之外，每次都會食依間嘅不同醬汁嘅大魚蛋，依間有好多款不同醬汁嘅大魚蛋，包括有沙嗲💕，咖哩💛，麻辣🌶，冬蔭功🖤，原味💛，椒鹽💜，燒汁💙，即炸💚-依間嘅魚口感都彈牙🙈🤷🏻‍♀️沙嗲，燒汁和麻辣都係幾好味嘅醬汁，十分惹味，食唔停😋，下次就試下其他醬汁嘅大魚蛋😎，果然，每次去長洲都起碼食一串大魚蛋先得❤️-Name🏠: 時來食坊 （Welcome Food Court）Location📌: 長洲新興後街150號地下價錢💰:每串大魚蛋($10@2粒)

👁‍🗨 沙嗲 椒鹽 大魚蛋 💲10 + 10咁多間長洲魚蛋入面通常都係聽人介紹兩間，一間係甘永泰，但係之前食過佢既細魚蛋覺得個感覺太粉口感一般，相反個人比較鍾意時來食坊即係百佳對面既大魚蛋，口感彈牙啲🙈不過其實無論細魚蛋定大魚蛋係坊間都有得買，所以主要都係睇個醬汁掂唔掂🤷🏻‍♀️我一向都係食呢間既沙嗲味，因為覺得唔辣得黎又幾惹味，而今次試埋椒鹽味個皮，就覺得比較乾身得黎帶點鹹😯所以結論係我好專一，始終鍾情於沙嗲👅🔛 整體評分（7/10）

每次黎到長洲都食既必食之選！以真炭爐燒既串燒好好食，加埋沙嗲汁真係冇得輸。今次食左牛舌同魷魚鬚 牛舌好腍好香，魷魚鬚都好惹味呢。而且姨姨們好親切，超級好人，態度好好呢。

大魚旦呀！長洲d大魚旦堅彈牙！到底點先可以做到架呢？我平時入黎都會自己食4粒！不過今日有少少飽，所以只係叫左一串沙嗲。朋友發現佢連青咖喱味都有，真係好多元化。魚旦一直係熱住，到我地話要沙嗲醬先浸左d沙嗲醬。個人覺得香味有，沙嗲味都有，但如果可以多返d花生味就更好啦！

入得黎長洲緊係要掃街！次次都係食呢間既大魚蛋，亦都繼續揀沙嗲汁！好正！魚蛋大大粒，好彈牙無雪味， 沙嗲汁夠濃同杰身，價錢無變繼續係$10(食完先發現多左青咖喱味，不過要留肚食其他，下次先試！)

大魚蛋係長洲必食既食物之一，每次嚟長洲我都必會嚟呢間食。舖頭又近碼頭行前5分鐘就到海灘。大粒大蛋旦呢度有好多味道可以選擇，我就最鐘意椒鹽味其次係沙嗲味，味道適中唔太濃。最重要係蛋旦係即叫即炸，口感夠彈牙爽口，食唔到有雪藏味道。大大粒，10蚊有兩粒天然飲料食完香口野當然飲下冰凍天然野中和一下，仲有4種口味。老闆仲話係自家製無防腐劑，健康非常不妨一試