普光齋

營業中

休息中

同親戚食一圍八個送，首先一黎係「乳豬」，真係好似，而且好好味，「梅菜扣肉」勁似，d扣肉做到一舊舊肥豬肉咁，「炸子雞」都好似，全部都幾好味。甜品係西米布甸，熱辣辣好味。估唔到齋菜都可以咁得意咁好味

點了一個羅漢齋粥及一碟齋燒賣. 羅漢齋粥(HK$18-) 還算ok, 用料及份量夠足, 沒有「勁放」味精.齋燒賣(HK$7-) 就完全不行; 一「夾」起就立即「四分五裂」. 燒賣外皮(黃色部份)有咖喱汁成分(對不起, 我討厭辣的). 由於燒賣是在四分五裂的狀態下, 很容易便看到燒賣超油, 看見已經「飽」了八分. 坦白說, 東方小祗園的齋菜雖然不是最出色, 但在點心方面較普光齋弄得好得多了(起碼沒有那麼油和較清淡)環境方面還算是坐得舒適(可能因為我是在中午十二時之前光顧), 招呼和乾淨程序也做得不差.

岩岩黎到個陣，本來覺得價錢平同d野幾好食，但係食店座位之間的距離窄得可憐，我肯定頂多得5cm......坐我身後的阿太顧客最可笑，出出入入夾野食撞人唔駛本，"唔該借借"都無就一野推我張凳，仲試過無啦啦成件外套掃落我個頭度!我話佢佢居然仲可以厚面皮咁話番我，仲同佢d阿太一齊一路食野一路單單打打，說話難聽程度簡直係野蠻人都不如，我都無謂post出黎。佢地之後一經過我個位仲專登一野踢落我個位度，野蠻程度可想而知。我都覺得我真係黑仔，居然會遇上咁既顧客，自問不嬲都唔鍾意出聲d態度又唔係惡劣，我都係忍無可忍先同佢地嘈，唉!但係我覺得最大問題既係座位既問題，如果d位闊d咪無d咁既事發生lor，仲有d侍應既態度(尤其是女的)都惡劣得很，經常撞到我的座位不特止仲一句sorry都無，仲當無事發生，睇黎今晚係我出街食野咁多年黎最黑仔的一日，仲係我同阿媽出黎食(我好少可同佢食飯啦，估唔到一出黎就唔順氣成咁......)。呢度d野雖然多花款又幾好食又唔算太油，但如果?地再唔改善座位同服務態度既情況，你想我再幫襯都難，我係黎食野，唔係黎受氣，個幾位阿太只是個別情形，但連d侍應都係咁就真係......p.s.企門

好抵呀！78蚊buffet而且係自助唔係任點個隻，仲有任食火鍋送，d野唔算油，幾好味，仲唔收加一添。

我本身唔係咁喜歡食齋，覺得唔健康，係真的，因為覺得地太多油同味精。呢度地方唔錯招呼都幾好，只係D 齋菜落太多油，不過一般都係咁，價錢都幾平。

環境乾淨衛生, 午市自助餐只係$40, 都幾抵食, 食物refrill得幾快, 主打多種點心素食, 我覺超正o既係西米燉旦, 真係好滑, 不太甜, 手慢d都搶唔到, 另外燒賣, 紅豆糕, 餃子都唔錯, 另有多款熱葷選擇, 侍應收碟好快手, 態度有禮, 不過企係門口的女部長口黑面黑, 無咩笑容, 雖然係咁, 呢度都算係可以推介俾素食者o既地方

呢度同以前既菩提素食格局差唔多, 水準都有人地全盛時期咁上下, 所以, 都有D珠光寶氣阿太幫襯, 如果鍾意玩股票, 坐佢地隔離大把野聽……呢度D位好貼架!齋滷味呢度過得去, 大路羅漢齋, 炸雙脆, 芋頭魚都幾好, 我鍾意佢既麻辣(鮮冬菇)粉皮, 食份量唔算多, 一人幾箸好過炒粉麵, 加埋個粟米粥, 唔唔, 好正! 價錢詳細就唔記得, 但散叫預百零蚊一位差唔多, 佢D自助餐就抵食D, 有機會都要試下!不過, 如果撞正齋期, 真係好襟等下, 就算你訂左位都要等架…..

以前幫趁過,味道唔錯,但略嫌油份太多,唔夠健康,價錢方面亦高D

$98, so far so good la~ 食物refill得幾快, 食物種類不斷轉~ 另有任叫小菜, 不過好一般~ 係個<<涼伴粉皮>>同<<酥炸鮮奶>>最好味~ Remember to reserve tables~