影片
港鐵朗屏站 E 出口, 步行約4分鐘
繼續閱讀
電話號碼
27150833
27150238
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
琴晚食唔到素, 今日過來食😄望下餐牌好多選擇😋但一個人食唔到d乜嘢😀佢又無例湯, 想飲d水, 叫左個竹笙素翅一位再加個茄子鮮竹湯麵, 但本人唔食生麵, 怕有鹼水味, 佢話有河粉我亦唔想食, 只好加$轉伊麵💕 等左一陣翅送到, 用羹看看有乜嘢料, 都幾多款食材幾足料, 面都鋪滿竹笙😚但完全無乜味, 勁淡😅再來湯伊麵, 又係我最怕的, 面有個結汁😆賣相都係麻麻地😅都有少少味, 但可能天氣太熱, 食少少伊麵都唔係好想食, 又煮得真係麻麻地, 但為左唔太浪費, 最後都係夾多少少伊麵同食埋面頭d餸就算😅鮮竹也是我喜歡食, 但味道不太喜歡🙄我知會有加一🤔但埋單見收15蚊位茶🤣好似貴左d, 我都係飲好普通的水仙渣🥲茶葉又唔係特別出色🤣真係有d失望, 裝修環境敢好, 但以我食素食來計, 可以叫又貴又唔好吃🫣
繼續閱讀
平時都冇食開齋，今日難得入元朗約左個食素嘅舊同事，就跟佢來食啦。點左個二人餐，有湯，兩個餸，同埋糖水。兩個餸都好好食! 賣相都好靚! 比想像中有驚喜我地兩個女仔都食唔哂，好滿足
繼續閱讀
呢間餐廳入面都坐得幾舒服嘅。酸齋鴨腎都幾好食嘅問心。但係呢鍋菜就真係難頂。西蘭花仲係生嘅，收人咁嘅價錢俾啲咁嘅嘢人哋食，過唔過而得去啊？叫佢落埋南乳都冇味。咩啊？一鍋水咁樣嘅菜，真係好難食
繼續閱讀
年初一無咩食肆開，咁啱又初一，就去食下齋。要個半鐘交枱，但過左一個鐘都仲有一半野食未上。💟酸齋一嚟就上錯齋鹵味，得勁少酸齋，即換；酸味重，重油，但調味不錯。💟素鵝調味重，味道正常💟菠蘿咕嚕肉第一口口感超像真正的咕嚕肉，實際是猴頭菇，食到中間有一陣菇水味，甜酸醬汁味道調教得唔錯。💟碧綠法輪卷腐皮卷金菇+生菜，淋上素蠔油。💟木耳百合淮山炒勝瓜非常油的油菜💟松子炒飯炒飯大份有鑊氣，炒得夠乾身。
繼續閱讀
呢間齋舖因為喺我哋屋企附近，之前幫襯過，味道都幾好。 所以買齋都會諗起佢。不過近呢幾個月幫襯買外賣，店員態度真的十分差，同樣事情發生至今，已經第三次，所以我真是想在此分享一下。 我請他們分開袋裝食物，他們就會用一個非常凌厲不友善眼神望你 （其中一次就好差語氣同我講：我哋唔可以咁㗎喎），所以我話可以俾錢要幾多一個袋，因為係比老人家喺醫院食，分開袋衛生啲，會方便他食用。其實都是就老人家，點解唔可以寬容啲，給人一個方便？而是用一個非常差劣的眼神給客人？簡單一個回覆，例如：分開袋要收袋錢。 是否很難說出口？ 普蓮素食係一個齋舖，雖然員工吾一定係佛教徒，未必個個都行善心善，但起碼都要有基本服務員的禮貌及態度。 其實正正因為你係一個齋舖，我更加想分享出嚟，他們這樣的惡形惡相根本是趕客，我真的感到有點驚訝，顧客光顧不是想受氣的，真的不想動怒，花這麼多時間時間認真寫食評出來，誠心希望店主可以認真跟進一下。 食素都是希望積福，希望普蓮素食店主可以繼續推廣呢種食素文化。改善服務員質素。好希望繼續可以吃到你的素食。謝謝🙏🏻
繼續閱讀