暌記潮州飯店 (已結業)

12 號果晚同d fd 黎左le 到食, 覺得好差, 之後上黎唸住寫下食評, 點知一睇就明白why 有咁多笑面, d 笑面差不多都係寫d 所謂招牌菜, 果d 菜就係響間鋪內貼滿既雜誌廣告/所謂食評所講既, 真係十分之鱔稿!總結情況同之前d 喊面評語一樣1)無能力招呼咁多客人, 等左半個鐘先有第一碟既打冷上檯2)打冷都無乜特別, d 汁無老水味得d 熟油味3)食完成口油. 另外蠔餅凍既, 蠔少& 細, 粉多過蠔, 叫極都5 比辣椒杖比你點; 腐魚通菜5 辣無味+ 一pet pet; 得生力啤飲; 個雙冬肉丸煲, 完全係預先整好, 之後只係放落個煲到, 再加d (顯)汁咁.無下次!!!! 去深水步, 葵芳食好過

這間打冷店最近先發現,食左兩次!蠔餅有水準,門口有個大獲煎,所以入門口前已經俾d香味吸引住!鹵水鵝,好入味,不過d肉唔夠滑,而且斬出嚟d肉散修修,但係味道算不錯!沙茶牛河,味道只係一般,因為好似係港式做法,無潮州味,特別係d青椒粒同紅椒粒,有點大煞風景...蠔仔粥,好好味,好多蠔仔,肉碎都多,粥底係正宗潮州味,大地魚味十足,好奇怪,點解呢個咁有潮州味而個沙茶牛河做成咁??結合埋價錢,都係一間食得過既舖,而且都有d菜色係好食!

2個人去打冷很難叫食物吃3寶(糯米腸、芋卷、粿肉)$50一份都是炸的吃多了會熱氣可是好鬼好吃~蠔仔粥$35一窩大大份好多蠔仔粥很鮮美必點!花生豬尾$30花生入味豬尾軟熟又Q梅菜蒸九肚魚$35魚肉鮮滑湯汁甜美送粥一流~還有好多美味菜色可惜2個人的肚皮有限只好下次再來試過...

又嚟跟老友們聚舊。選擇呢亭地痞小店就至啱我...今次唔坐出面(因實在係太熱嘞)，坐响冷氣房入面食，硬係唔知點咁...食物水準依舊不俗。久未嘗韭菜豬紅，老友食家指明要叫，當然恭敬不如從命。味道還可以...拼盤由芋頭卷、墨魚卷及糯米豬腸拼成。各有特色，各有滋味。芋頭及墨魚份量足，炸得香脆，醮上甜酸醬，送粥送飯皆極品；糯米及豬腸味道配合得天衣無縫，百食不厭...再嚟鹵水拼盤，味味水準平均，反而有D失色...欖菜肉碎四季豆，偏鹹，用嚟送粥至啱...正式平靚正....

到此一遊,約左朋友打冷飲啤酒!以下係食物之評語:煎蚝餅:好多蚝,好多油,好大舊,好蚝,好豪!春菜:勁多油,但係好野味!魚片粥/蚝仔粥:勁好味,勁正宗,大地魚落得足,i likeｉｔ！暌記秘制骨：用泰式士拉差辣椒醬炒,野味，不過唔係潮州菜：ｐ鹵水鵝片：幾入味，送啤酒必食！沙爹炒牛肉芥蘭：個沙爹汁唔得，因為唔夠正宗潮州風味！總括：”席”得過！

母親節當天，老婆話想吃潮州打冷，看看雜誌的介紹，於是決定到新蒲崗的暌記！到門口就發現他們的霸了整條街，生意非常好！心想一定會很好吃的！可是坐低後發現他們根本沒有招待這多客人的能力！每張的客人都很不滿意的投訴沒有東西吃！有些客人更加自己到櫃檯拿打冷，因爲等得太耐喇！很多人都沒有吃完整餐飯就埋單，怨氣很重，很多人都說：“等了一個鐘頭喇！”我們的蠔仔粥最後也要改成白粥，因他們連蠔仔粥煮不切！最慘就係佢地做唔切仲同的客話：“唔係唔比你呀！係太多人做唔切呀！”其實如果應付不來的話就不要開那多啦，擒晚真係得失0左好多客人，我是新客，但我以後也不會在去了！

同朋友去食,無咩驚喜,咪係好普通潮州打冷,d汁又唔係特別好食,又冇咩特別野,潮州打冷食到一樣,最特別就係坐響收銀個(可能係店主掛),隻眼生響天花板,勁傳統潮州大男人阿伯囉(見佢勁睇唔起d女人,唯一見同佢有交流就係佢個孫囉...)可能我地冇做水魚食佢d時價野掛(因為我地一去到就叫我地食凍蟹,大眼雞,根住見到有人出去睇下叫咩食,佢又叫人食大眼雞$70,佢見人地唔落搭,就話平比佢$60,嘩...咁都得),一定冇下次,請我都唔會再去呀...

SPK長龍店之一，次次食親都好多人等位。近排仲有好多magazine訪問，當然有信心保証啦！反沙芋正！不太甜又不失香味，令人吃完一塊又一塊！其他打冷菜都很入味，大大碗，夠抵。蠔餅好香口又夠鬆化。

呢間既食的確幾好食，好似鵝片、墨魚紅腸、九菜豬紅…全部都幾好食…不過好多油…食完好似成個口都係油咁…如果食完即刻坐車走…包你有少少想嘔既感覺！！！

突然想食大眼雞魚,就同男友上星期日去食打冷,一向少食潮式食物,沒有心水店.由鑽石山行到新蒲崗,見這店好旺,應不會太差,就這間啦!舖外已開滿檯又坐滿人.等了一會才有位,要搭檯,但沒所謂,起碼在舖內有冷氣,不需捱熱.二個人吃不了太多,只叫了:-大眼雞魚($50)---可能太耐沒有食過.幾好,肉質幾鮮,不太乾.都幾大條,食完都飽飽地.另外,找數才知原來有分大細.下次叫細就夠了,可試別的食物.豉椒炒蟶子($35)---很惹味,份量都幾多,蟶子有小小沙,但以這價,過得去了.豆腐茄子煲($35)---不俗,不會太鹹.茄子夠淋.總括:小菜的價錢平,味道不差.開始對打冷有點興趣,下次要試多些打冷的食物.

今晚同朋友仔黎食晚飯叫左鹵水併盤($40),蠔餅($30)同肉碎牛肉粥($28)鹵水併盤～有雞腸,鵝腸,豬腸,生腸,紅腸同魷片等等,鹵水都幾入味但好油,食完碟底有豆芽同成一厘米既油蠔餅～蠔餅新鮮炸起,隔油做得唔錯,蠔仔又大大隻,餅底做得脆口又有蛋香,呢味真係做得好好肉碎滑牛粥～肉碎用左半肥瘦,牛肉淋但有d韌,粥底係潮州粥,味道都幾鮮,食完亦唔見口渴阿姐服務好好問左問右後亦好有禮貌咁解答

我覺得幾好食~尤其是蠔仔粥....每次都會食~除左蠔仔粥...上次食到的椒鹽鮮魷都是非常非常..好食~真係好好食~(不過食好野要付出代價，好熱氣)今次食到的煎藕餅都係好味...本來諗住唔食，因為我唔鐘意食年藕...無咩好感~不過最後揀左塊細o既呢食....一食之下，真不錯....好爽口~(不過食好野同樣要付出代價，好熱氣)仲有一樣，潮洲粥~正!我好鐘意食這種粥..細過成日都跟爸媽去打冷...宴客又是打冷~潮洲人喜歡潮洲野食掛~haha又是情意結..

朋友介紹了很久，專登撘隧巴過來，很容易搵到。點了鵝片- 鹵水汁夠味道，鵝片可口。蠔仔肉碎粥- 湯底好，個粥點會差。烏頭魚- 點面豉醬又係一絕。涼瓜排骨夠地道。

新蒲崗真係多食店呢間好過其他「新派」潮州菜,仲保留住潮州菜神髓.其中鵝掌翼確係一流,另外煎炸類全部香口非常.四四大啤,不過百幾蚊.