暖心芝作

營業中

休息中

前日（15-2-2025 Sat）晏晝，同老公食完晏同甜品後，行到過嚟呢邊，見天氣熱熱地，就索性行埋嚟之前老公想食嘅呢間買芝麻雪糕食，嚟到時見到有人龍，但都照排隊啦，見到唔止有年輕人排，重有中年，甚至老人，竟然咁吸引。喺等嘅時候，睇吓menu有咩買同價錢係點先，排到舖面，見到有個電動石磨，磨𡁵芝麻漿出嚟。到我哋喇，我就買咗三樣嘢，$18.00嘅黑芝麻豆漿，$28.00嘅黑芝麻軟雪糕同$25.00嘅流心黑芝麻布甸，原本都想買埋杯庄硬雪糕返屋企，但我哋冇冰袋喺身，怕會溶，所以唔買啦。買完食得，黑芝麻軟雪糕面上淋咗啲黑芝漿，食落，黑芝麻味道夠濃又唔太甜，口感係軟滑，感覺輕盈唔太heavy。5分返到屋企，即刻雪住唔兩樣，到食完晚飯，就攞流心黑芝麻布甸食，呢個味道都濃唔太甜，但唔算好滑，可能始終會有小粒，而流心餡杰到好耐至滴到一滴（Openrice取消咗上載影片功能，令我唔可以上載芝麻流心慢慢滴落嚟嘅片），流心份量唔算多。4.5分最後黑芝麻豆漿，到夜啲至攞出嚟放暖少少飲，買嘅時候，店員有問要無糖定低糖，我揀低糖，倒出嚟時唔杰，飲落，芝麻味唔太濃，豆味，好似冇乜，成個飲落口，似水還水，芝麻還芝麻，

上周五喺素食展食過佢的杯裝黑芝麻雪糕，第二日（星期六）下午茶時段即刻去荃灣分店，食埋黑芝麻軟雪糕。狗狗爸爸知道店鋪大概位置，去到附近，佢話：「人龍長就係架喇」。果然，小店外就係人龍，但唔算好長，十零人左右，大部分人都係買軟雪糕，亦有食客話要外賣菲林卷，讚好食。黑芝麻軟雪糕：同杯裝雪糕一樣賣$28。有評價寫話5圈半，我冇數，但食到脆筒底部依然有雪糕；軟雪糕的黑芝麻味突出，不過同杯裝雪糕比，佢的香味少啲，味道冇咁濃郁，而店員落喺雪糕面的黑芝麻醬亦冇咁多；不過，狗狗爸爸鍾意軟雪糕多啲，喜歡佢軟滑的質感，而且上手即刻食得；黑色脆筒幾靚，令成個雪糕都係all black，特別啲；黑色脆筒同一般雪糕筒冇分別，夠脆但冇芝麻味；論雪糕的份量，軟雪糕應該比杯裝雪糕多，但我偏好後者買完雪糕，人龍長咗，去到20+人。雖然店員近乎一腳踢，但效率高，買雪糕唔使等好耐。整體嚟講，佢的黑芝麻雪糕（無論軟定硬、筒定杯）都好好食，令人回味！會回購！

呢間小店啲黑芝麻產品好出名，我就係嚟食黑芝麻軟雪糕。去到門口，見到條約十多人嘅人龍，原來係排隊買芝麻卷（每日12點至19點，每小時得25盒，每人限購一盒）。睇吓時間，差幾分鐘就18點，數數條隊嘅人頭，唔夠廿個，即刻排隊。黑芝麻軟雪糕（$28）第一啖咬落去，嘩，不得了，有驚喜。黑芝麻味超濃，好似食緊一碗勁香勁濃味嘅芝麻糊。因為軟雪糕上唧咗一圈嘅黑芝麻醬，所以將濃度再提升。軟雪糕又濃又香又滑，配埋脆口嘅雪糕筒，好耐未食過咁高質素嘅軟雪糕。十級推薦。黑芝麻菲林卷（$25）一盒六小條，表面洒上少許白芝麻。入口時仍然微溫，咬落好有彈性，口感軟滑，芝麻味濃，甜度適中，味道不錯。

上次分享荃灣路德圍四間小食合輯，其實個到好多間野食值得試架，一日十餐都搞唔掂🤣。以芝麻為主的一間健康食療店，主打黑芝麻的甜品和養生食品。人流不斷，好多街坊特登過來外賣🥡，門口石磨自動磨緊黑芝麻醬，聞到陣陣香味，真材實料😍。▼黑芝麻軟雪糕 $28黑芝麻菲林卷 $25▼目測人手一個雪糕🍦，香濃軟滑黑芝麻雪糕，加埋淋上去黑芝麻醬，更加濃郁，軟滑之餘，感受到雪糕內有磨碎芝麻，份量好足，脆筒入面仲有雪糕。個人覺得有驚喜，性價比高，必試！特別搶手係黑芝麻菲林卷 ，門外有個牌寫住由12點供應到19點，一個鐘限量25份，而且每人限購一盒，一盒6卷，好好彩去到仲有啊，轉個身呢一輪已經賣晒！果然好食，味道微甜，黑芝麻濃郁程度適中，越食越香濃，口感爽口微煙韌，正阿！買比屋企人推薦大家試埋芝麻糊～

同事介紹好香好滑芝麻食品星期日去開荃灣試下勁多人排隊已經多職員＆全機器排咗20分鐘去到無布甸無芝麻卷無芝麻糊原來芝麻卷每小時只有25盒職員話想要再等吓買咗黑芝麻豆漿又真係又香又滑不過唔太值得要等咁耐電視一直介紹用四匙羹芝麻醬可以煮出三碗芝麻糊反而對於呢一個非常有興趣

平時搭車經過經常見到排長龍今日見人少少，就試一試想買芝麻卷，賣光了就買了芝麻雪糕價錢28元一支（還以為自己聽錯了）❤️芝麻雪糕雪糕上淋了芝麻醬好香，好濃！個人認為比雪糕更吸引雪糕🍦筒內裏實心對得起價錢可以食一食

到訪了最近的人氣熱店，幸好只排了15分鐘左右🤞🏻🖤黑芝麻雪糕 $28 好像每個客人都會買他們的招牌雪糕來吃。因為這個黑芝麻雪糕確實濃郁細滑，還有些芝麻醬在上面畫龍點睛，雪糕筒也十分香脆，這個價錢而言非常高性價比😍🖤流心黑芝麻布甸 $25 看上去有點似石膏，上層是深灰色，下層是淺灰色。雖然賣相普通，但個人認為它比雪糕的黑芝麻味更為香濃，而且內裏真的有黑芝麻流心醬，不過好像不算多人吃它🤣🖤黑芝麻菲林卷 $25/盒每小時限量發售25盒，每人限購一盒。基本上每個排隊的客人都會買一盒，所以我們也湊熱鬧。一盒有六條，黑芝麻卷上面還有些白芝麻，賣相美觀，味道亦同樣濃郁可口，完全感覺到門口石磨磨出來的黑芝麻醬的那種真材實料🥰

食完濃味嘅沙爹麵，好想食返啲甜品黎平衡返。暖心芝作岀名即磨黑芝麻，之前只有喺太子有舖頭，而家喺荃灣都有分店啦。當同朋友試過一次之後，我哋每次喺荃灣食完飯都會忍唔住去食返個即磨黑芝麻軟雪糕。即磨黑芝麻味真係非一般地香濃，每一啖都好似食緊黑芝麻醬咁，軟雪糕亦唔會太甜，最啱我呢啲想食甜品又唔想食太甜嘅矛盾人。

暖心芝作—黑芝麻甜品中午經過路德圍既時候見到有人排隊，所以好奇去睇下，發現原來係為左買黑芝麻菲林卷，由12:00開始一個鐘一次限量供應25盒，每盒$25，即刻排隊買返盒黎試試先。一盒$25 有6條，到手時仲暖暖地，黑芝麻味都夠香但唔算濃，質地唔算滑溜，不過唔會過甜，清清地都幾好食既，自己食哂6條

暖心芝作荃灣路德圍運通街6號地舖。今日從荃灣地鐵站A1出口行到路德圍，經過暖心芝作，想起朋友推介其黑芝麻甜品，便買左1支無糖黑芝麻豆漿 $15，2杯流心黑芝麻布甸（$25/杯）$50。無糖黑芝麻豆漿飲起來都可以接受的，有芝麻味又有豆漿味，原味係健康👍；流心黑芝麻布甸好有特色，布甸滑溜，中間有黑芝麻漿流出來，個杯比較細，唔夠喉！

終於開左入黎荃灣喇，身為半個荃灣人嘅我，一開張即刻要去幫襯，試左黑芝麻軟雪糕、芝麻糊、菲林卷、無糖黑芝麻豆漿。黑芝麻軟雪糕：黑芝麻醬點綴左黑芝麻雪糕，令到芝麻味更加有層次，但$28有啲少貴芝麻糊：買個時佢岩岩入盒，返到屋企食仲係暖暖的，勁濃芝麻味，真材實料，唔係出面啲芝麻糊咁水流流，$30 okay菲林卷：每個鐘頭限量，因為人手即時整，不過個人唔鍾意個口感，唔爽口，太淋，$25試一次無妨無糖黑芝麻豆漿：因為個人飲野全部走甜，所以無試少甜，呢個豆漿正常無乜特別， $15可以接受

叫左黑芝麻雪糕（$28）實在物超所值太有驚喜！軟雪糕質感軟滑，黑芝麻味超濃，加埋面頭濃郁既黑芝麻醬，黑芝麻味滿分！食到個筒都有黑芝麻味，成件事真係好滿足！以前我最愛係CWB嗰間好出名既黑芝麻雪糕，呢間味道同價錢都完勝！當日係平日5點半到，冇人龍但都一直有人幫襯，希望以後唔好排哂長龍！必定會再黎試埋佢既黑芝麻豆漿同黑芝麻布丁

😍芝麻雪糕呢款芝麻雪糕口感唔算軟，芝麻味亦都唔算太濃。但加埋少少芝麻醬，味道即刻提升，芝麻嘅香氣變得更加濃郁。😍流心芝麻布甸呢款布甸真係好滑！中間嘅流心芝麻醬令整體芝麻味更加濃厚，咬落去唔單止有布甸嘅滑順，仲有芝麻嘅香氣。可以話係我今次買嘅產品裡面最好味嘅一款！🙁芝麻卷呢款芝麻卷就有啲失望。見有限購，網上仲有好多好評，我一直想試下，結果食落去芝麻味淡，口感夠柔軟，好彩唔係太甜。😕芝麻糊最後試咗芝麻糊，呢個糊係濃稠唔水，芝麻味一般，唔算特別出色。而且感覺上有啲油膩。總括而言，流心芝麻布甸同芝麻雪糕真係最好味，芝麻味最濃，值得一試！

收工經過行過去都四五個人排隊行過都聞到一浸好香嘅芝麻味雪糕本身食落個芝麻味好重個芝麻醬仲濃啲好似食緊一個可以搵手拎住一路行一路食嘅凍芝麻糊咁$28 可以一試 但要排隊再買就未必

荃灣 │ 人氣黑芝麻雪糕試真啲🩶✽ 黑芝麻雪糕 $27✽ 黑芝麻布丁 $25太子黑芝麻專賣店進駐荃灣😈 雪糕絕對可以一試👐🏻 口感比較特別，帶有細微的粉粒感，並非傳統的順滑口感、充滿著芝麻的醇厚滋味🩶喜不喜歡就見仁見智、我就覺得不錯的🙂‍↕️濃厚芝麻醬才是令芝麻味更出眾！黑色威化筒薄脆、味道正常黑芝麻布丁的口感滑嫩，狀態偏水，充滿著濃郁的芝麻香氣，但甜度太重、個人覺得一般。比起布丁更加像凝固版的芝麻糊😿😿想幫屋企人買黑芝麻菲林糕😤 但原來一點至六點才有、每小時20個。有機會再補過食評🤣食過雪糕後對菲林糕有點期望的🫡🫡食物味道: 7/10性價比: 7/10打卡指數: 7/10價格：約$25-50