月見日本料理

營業中

休息中

因身體原因已經一年無去月見食嘢。今日晏晝去食lunch水準仍然𣎴變，好好昧👍🏻👍🏻👍🏻😋😋😋！照燒牛扒好多汁，麵豉湯咸度適中，仔仔食咗煙鴨胸餐，有三文魚手卷，另外仲可選擇食烏冬、拉麵或者蕎麥麵，而且價錢合理👏🏻

連埋小孩共6人，叫了6個餐另外外賣一個餐， 因之前來食過鰻魚飯覺得好味所以再來。埋單後發現外賣嗰個餐計咗10% service charge。 問返店員佢話如果冇講就會一齊計埋落同一張單。 原來一個外賣餐要收$6盒錢，外賣吞拿魚腩飯$108 結果退返$5。覺得$6盒錢好貴而且我哋講明唔要餐具。我都冇再問佢係咪餐牌寫咗每個外賣餐收$6盒錢，但係有少少覺得不合理。

因為想去的店滿座，所以就試下這間日本料理的午餐。叫了碎吞拿魚腩餐。碎吞拿魚腩飯： 飯是日本米，煮得軟糯，粒粒晶凝剔透，碎吞拿魚腩同平時的不同，應該自家製，很甘香，還有三塊紫菜供自製小手卷用。麵豉湯： 正常、可以。最後還有一小球雪糕奉上。

月見逢星期一休息，今次去食咗佢哋嘅月見便當。非常豐富。壽司會有炸魚殼蟹同埋炸豬扒，另外仲會有湯蜆，鰻魚飯，仲有魚生，非常之滿足。當然仲會配埋麵豉湯。食完嘢之後店員就問我哋要咩味雪糕，今次有豆腐同埋紅豆味㗎。我揀咗豆腐味，因為比較特別。豆腐雪糕香味濃郁，下次應該都會繼續揀豆腐味。

和富道有間水準唔錯嘅日本餐廳，星期六中午都有午市定食，選擇非常多，食物有質素，服務都唔錯，飯後仲有雪糕送，芝麻同紅豆味都好好味架。🥢日替定食D $185 ⭐️⭐️⭐️⭐️(碎三文魚海膽帶子甜蝦飯+麵豉湯)🥢日替定食B $115 ⭐️⭐️⭐️⭐️(季節刺身+煙鴨胸沙律+豬軟骨飯+麵豉湯)牡丹蝦、吞拿魚、三文魚、油甘魚刺身全部都好正好新鮮，沙律好食份量都唔少，豬軟骨夠軟腍入味，如果可以飯轉烏冬就仲正。🥢G4 燒鯖魚飯 $175 ⭐️⭐️⭐️⭐️(季節刺身+熟蝦沙律+煮蜆+麵豉湯)呢個價錢真係一啲都唔平，但鯖魚真係燒得好完美，魚皮夠香脆但唔會乾噌噌，魚肉夠香滑juicy，配白飯一流。🥢G5 照燒牛扒飯 $208 ⭐️⭐️⭐️⭐️(季節刺身+熟蝦沙律+煮蜆+麵豉湯)牛扒雖然薄但幾大塊，照燒汁甜甜地幾好味，牛扒軟熟多汁好有牛味，一個餐份量都幾多，要同人share先食得晒。四人共消費：$752

琴晚一行4人去北角和富月見食晚餐，第一次來呢間日本餐廳食晚餐，一入去店長已好有禮貌招呼我地安坐同選擇食物，師傅Joe哥哥細心解釋同介紹食材，帶黑框眼鏡的靚仔店員熱情落力招呼我地加茶，換碟同傳菜，期間有問我地對食物味道的意見，魚生新鮮，芝麻雞翼外表香脆內裡有肉汁，壽司飯醋味適中，好食。最後上甜品時有4款雪糕給予我們選擇，有荔枝，朱古力，紅豆同咖啡味道，最後在本人要求下加送了一球咖啡味雪糕給我試食。總括食物質素好，環境佈置舒適，店長師傅店員招呼週到，下次有機會一定再來食。

呢間日式居酒屋啲食物幾正🤩🤩裝修又幾骨子！服務員都幾 親切😅😅刺身新鮮，重點係個牛舌，好「貴」，但好好食😋😋😋好「爽」口，加埋檸檬汁，「正」到暈丫🤩🤩🤩加杯黑啤，爽呀！

高質刺身丼最緊要就係刺身要新鮮依個碎吞拿魚腩海膽飯完全做到！唔好睇佢好似好細份 爆料刺身分量❤️‍🔥🐟有海膽 帶子 甜蝦 吞拿魚腩蓉可以每一啖飯都配到刺身食 唔會去到最後淨係食白飯🍚Lunch set $188 有湯 有雪糕🍨👯‍♀️女仔既食量係岩岩好所有刺身都好新鮮🌊出去食海膽都會擔心 因為唔新鮮就會有腥味😖依度既海膽完全冇腥味 仲好creamy 正呀🤩可能主要都做街坊生意 員工都好nice 人情味滿滿💓

好有水準既日本餐廳～食左3次好味～～～🤩叫左一個帶子三文魚飯，刺身好鮮～配埋熱度剛好既壽司飯～一流另外叫左一個牛肉定食～肉味濃～前菜配有刺身、沙律同蜆湯⋯小食叫左厚牛舌，依個牛舌一定要叫兩份好嫰🍥🍥🍥炸雞當然要配啤酒🍺🍺依個兩溝啤酒～飲到淡淡清爽麥味～大口大口咁飲爽～～～除左野好食～四眼哥哥既服務態度一流～細心之如，又會講笑個幾鐘既感覺比我食得開心又舒適～最後仲有送雪糕食🍧好開心既一餐

我之前已經光顧過月見日本料理多次，而這次再次來到這裡，我仍然感到非常驚喜和滿意。這家餐廳的裝潢和氛圍依然優美舒適，而且他們的食物品質也依然保持著高水平。本季的白蝦和右口魚是我這次的特別推薦，它們非常鮮甜，味道美妙。此外，我再次品嘗了他們的芝麻雞翅，這道菜依然是我最愛之一，口感極佳。除了食物，這家餐廳的服務也是一流的。員工熱情友好，總是能夠迅速解答我所有的問題，而且他們始終非常注意我們的需求。我特別欣賞他們對細節的關注，從食物到裝飾，每個細節都被妥善照顧。這裡的氛圍也非常舒適，讓我在用餐過程中感到非常放鬆和愉快。總之，月見日本料理是我最喜歡的日本料理餐廳之一，我會強烈推薦給那些尋求高品質、美味和愉快用餐體驗的人。這裡的食物、服務和氛圍都非常出色，絕對是浪漫之夜、特殊場合或與朋友家人一同用餐的完美場所。

位於北角的月見 食物味道還可以但是性價比不高 鯛魚湯野菜過裡面只有菜和豆腐沒有魚肉 不是非常得推薦 -滑蛋吉列黑豚飯 🐷 $138鯛魚湯野菜鍋 🐟 $158推薦指數 ⭐️ 2/5地雷指數⚡️ 4.5/5 月見日本料理 (北角)北角和富道68-72號新和富大廈地下B及C號舖#北角美食 #香港美食

‘’月見‘’是甚麼意思，是看見月亮，或是每月都見，餐廳名叫月見，真好，每月都有好東西吃。好友請吃飯慶生，選了日本料理，第一次來這裡午餐，發覺有好多選擇，眼花撩亂，幸好都是隨和的人，大家可以分享食物，又可以試不同的餐類。我們每人點了一份套餐，非常豐盛，一生難忘。雜錦魚生飯套餐有多種新鮮七彩魚生，象徵我們主內豐盛的人生。天婦羅拉面套餐生日當然少不了壽麵，天婦羅葷素搭配，感謝主為我們準備豐足的美食。碎三文魚飯手卷套餐碎三文魚伴有洋蔥碎，平衡了油膩，增加了美味層次感。還有一個大三文魚手卷，更是錦上添花。餐後還有日本雪糕，圓滿了一個美好的聚會。謝謝兩位好友。

lunch 諗住同同事食好d，揀咗區內一間高檔嘅日本料理，lunch 時間比較人多，好彩我地訂枱，唔使等，午餐主要係食定食，刺身/壽司/魚生飯定食，烏冬咁，我揀咗滑蛋吉列黑豚定食，午餐包主食，麵豉湯同沙律先講麵豉湯，平時係出面食迴轉壽司果d麵豉湯普遍偏鹹，佢呢個湯足料兼唔鹹，沙律有芝麻醬，細細份，清新開胃主食嘅吉列黑豚夠厚身，雖然炸得唔脆，但肉身淋，唔un，加埋有滑蛋，食落唔差，唯一係滑蛋唔夠多最後有芝麻雪糕，芝麻味重，完全係賣飛佛埋單要$95兼加一，年中食一次就夠

首先，一入到店舖已經等咗一會兒才有人過來、安排了坐位、點了2個刺身飯套餐、有麵豉湯和甜品、價格有啲偏貴、但食物質素還算不錯。食到一半頭上盞燈不停係咁閃、閃到有如慢動作拍攝模式一樣，連旁邊兩位客人都覺得不舒服、而服務員的回應是係咁嫁啦、盞燈太高我都幫唔到啲乜。。。飯食完麵豉湯都未到、等到甜品都上左先至送來、上菜次序亂七八糟。。最後我係一個咁閃爍嘅環境下用20分鐘食完餐飯就走、即是食物不錯但以後不會再幫！

佢嘅午餐都幾多選擇嘅，咁樣都幾個定食啦。咁我就嗌咗個拉麵照燒汁鰻魚。個鰻魚都食得夠淋嘅，感覺像汁都幾好味嘅。但就鹹咗少少，同埋今晚唔少得太燶，過彼係完全唔食得。咁但個拉麵底就好似係個個拉麵都一樣咁樣啦。即係類似車仔麵咁嘅，淨係啲餸唔同咁樣囉。咁就都要成百蚊呀，性價比唔高。咁就如果係午餐嘅選擇嘅話就唔推薦大家食啦。