有口福車仔麵 (已結業)

繼續有得0係九龍城食lunch... 今日想食車仔麵, 蕩0下蕩0下見到呢度, 又入0黎試試. 簡單劃了五香牛肚($6) + 蘿白($4) 公仔麵($5) 東坡汁, 加碟鮮炸魷魚鬚($7).公仔麵份量唔算大, 不過d (食送) 就幾多0下, 仲送上一小羹乾身又脆口0既蒜蓉. 先食蘿白, 完全無渣, 而且係非常清甜, 幾乎拍得住車品品的無敵蘿白(當然, 車品品的比呢度更甜)! 牛肚夠腍, 不過一般入味; 「東坡汁」係乜0野我就到而家都唔知, 因為唔多覺眼有d 咩汁落0左落去, 個湯又同一般出面食到的車仔麵清湯差不多; 公仔麵幾爽口, 唔錯.鮮炸魷魚鬚果然係新鮮炸起熱辣辣, 又熱又油又脆又有幾勁的「椒鹽」味, 魷魚肉彈牙又帶點juicy, 好食! 粉漿係幾厚, 食到亦會口渴, 不過叫得0黎食就預0左0架啦, 而且只賣$7 一碟又夠晒街頭風味, 仲挑剔乜0野?環境感覺少少up dup, 不過算幾乾淨企理, ok 啦; 招呼都ok, 老闆娘(?) 雖然個樣好似好惡, 但係幾好人又幾有禮貌的.埋單$22, 抵食. 又多個食車仔麵0既選擇, 以後唔去獅子石道0個間愈0黎愈唔好食的車仔麵店

今日我都專登到呢間車仔麵舖食吓 佢地個腐皮卷,因為我都好鍾意食呢樣野!我就叫左一碗車仔麵,餸有回窩肉,菜心,豬腸,當然有腐皮卷!佢個腐皮卷都炸到卜卜脆,不過稍覺無咩餡,味道就幾好咁!其他野味道一般,不過豬腸幾好味,加多五蚊有枝可樂,舖頭仔細細間都食得過!

估唔到係,我係第一個寫呢間車仔既人...點解?因為佢喺九龍城,咁多人喺九龍城搵食,點解無人品評過,而且又唔係新開,最緊要係,味道唔太差!今次想同大家分享既係佢地個腐皮卷,炸得好好食,你唔駛一定要食車仔先可以嗌,可以只係嗌腐皮卷都得!當然,佢地個車仔麵都幾好食,可以一試,特別係半夜兩三點,更加覺得佢好,因為好多地方收哂