有咸有甜

營業中

休息中

呢間可以話係樂富唯一一間既小食店，地點非常就腳方便，地鐵站🚉一出唔駛1分鐘就到了。出口一轉左，大大間有咸有甜就係面前，一定唔會見唔到👀👀但入面既坐位唔算多，只係得幾張枱。衛生方面：都係好一般，枱面上經常都會有好多污積同痴笠笠😖😖呢度主要係食車仔麵為主，亦都會有燒賣、蒸飯，碗仔翅等等既食物最近仲多左宵夜餐添😆😆😆今日我叫左4餸食，有牛柏葉、白蘿蔔、魚蛋同豬皮。牛柏葉好爽、白蘿蔔好腍，一d根都無魚蛋無魚咪，但豬皮好入味👍🏾呢碗野姐姐比既份量期實好隨心，今次比左好多豬皮我😱😱通常我都唔會堂食，因為呢度經常開大個門，就算有開冷氣都好熱😖😖同埋最唔欣賞既係，無論堂食定外賣，佢地都無用發保膠裝、即棄餐具，非常唔環保♻️

樂富地鐡站出口，有坐位可堂食街頭小食店，十分適合24小時都趕時間既香港人。地方尚算整潔，但冷氣稍不夠大。我點了一碗生菜魚肉，味道尚可，份量較大。但魚肉腍而沒鮮甜味，而且加麻油既姐姐太重手，有待改善。生菜魚肉（$18)

樂富可謂比大財團壟斷，想搵間唔係連鎖既餐廳都幾難而且仲可以話係宵夜沙漠，當開始夜深時好彩仲有間有咸有甜可以醫下肚十點幾返到樂富，除左麥當勞同便利店之外，就係呢間小食店店內環境普通，冷氣不足，堂食好熱但食物價錢非常相宜，腸粉$10/4條，雖然有啲蒸得太爛燒賣$8/6粒，正常味道，好抵食！最鐘意食一碗生菜魚肉翅三溝，感覺做宵夜都冇咩罪惡感魚肉都幾足料，翅得味道都不錯，食碗仔翅最怕過多生粉一舊舊，呢度都恰到好處整體呢間店的食物不是頂級好食，但真係難得的小店，除左食物之外仲有人情味，老闆間中會同人傾下計，樂富真係買少見少了

第一次幫襯，d（貌似）新移民亞姐唔係好理人，係度傾計，等咗一陣佢先幫你落單。感覺上好似我呢個香港人唔係當地人咁，完全融入唔到佢哋嘅圈子。我話嘢食，佢又好似冇乜離我咁。結果我戇居居企左陣佢先幫我落order。我叫燒賣腸粉，味道係一般。食野時，職員大聲談天。大姐呀，我唔想八掛你地d野呀。第二次去，鋪頭得兩個客，迎面行去收銀度，我想order時，佢理都冇理我，調頭行開。D職員完全唔憂做咁，食物又唔係特別好食，所以我決定永不再食！

約人在樂富地鉄站附近時間尚早肚餓見到這間小店索性入去試試半自助式，一入去就排隊揀麵底後選餸，最後隨個人喜好加腩汁及辣醬。個人喜歡油麵，質地容易吸入湯味及腩汁味而且口感硬身。自己取完麵再找坐位而餸菜方面、豬紅、豬皮魚蛋同蘿蔔。豬紅用腩汁煮到十分入味。蘿蔔甘甜稔身，一食便知經過足夠時間的烹調。魚蛋帶有腥味，個人來說不太喜歡。店確實很清潔整齊，枱上的筷子好像也特別乾淨的而枱上的調味料一應俱全，有辣椒醬、辣椒油、豉油、甜醬、醋。食時見到店員手腳很快，客人一離開，她們就很快出來收碗抹枱，其實這也不怪的，車仔麵廉價食品而靠做多幾轉來賺錢的。

住附近放工成日經過,食小食車仔麵有時都唔係求好味而係頂下肚或者諗唔到食乜是但食，但係唔該你打開門囗做生意,完全可以無視d客嘅,收銀嗰位態度惡劣,見煮食物d阿姐手忙腳亂又有客排隊等野食都唔識去幫下手,又立亂指揮d客拎食物導致有人打尖,煮食物d阿姐慢手慢腳不特止仲眼尾都唔望下你,黎買個小食都一肚氣,以上情況唔止發生過一次,真係改善下啦唔該!唔該個老細正視下個問題啦,我決定會罷買！近地鐵站唔憂做唔係大哂架!

外賣三餸麵：牛腩、蘿蔔、魯水蛋米粉一拎到返屋企碗麵已經吸哂水本身佢都唔係俾得夠湯落去排隊已經耐 我都已經廢事同佢講重點一揭開發現俾得一嚿牛腩已經唔係咁高興仲要食落去硬到你咬唔到真係超嬲從未食過咁難食/咬唔到嘅牛腩仲要搭啲食唔到嘅筋、肥膏俾我真心超級嬲，我都未試過嬲到要寫post去發表買三餸而家等如兩餸無分別仲要個魯水蛋超細粒Feel到佢係魯左好耐 魯到就嚟要變硬 變鐵蛋咁嘅款30蚊咁嘅三餸麵 O哂咀 唔會再幫襯

去樂富附近補習，因為個時間都幾晏下，有啲肚餓，原本想去食M記，望到有間咁既舖頭咪入去睇睇！個價錢平到我有啲驚訝，居然仲有個位數既車仔麵！咁我就決定試下係咪真係有咁著數！於是乎選左最鍾意食既豬腸車仔麵，我個人就鍾意幼麵既！食落第一啖，ok la，因為啲麵唔算彈牙，甚至淋得過份，而豬腸還算可以。當然，以十蚊雞黎講，食到個麵之餘又有豬湯，我又無咩特別既怨言，因為今時今日仲邊有咁平。所以呢，性價比黎講，唔錯！算得上，有啲肚餓，平平地又一餐之選！

自從發現樂富廣場這個地方，便發覺東南西北都有食店，不論是集團、連鎖還是小店。偏偏「有咸有甜」這一家，最近地鐵站，亦最不起眼……或許因為對車仔麵甚麼的都不感興趣吧，所以2年多來都未曾踏足過。昨日看了一張Facebook朋友上傳的照片，見到一碗車仔麵有豬血甚麼的，心血來潮好想食車仔麵，於是便想到這家。不過，甫進店，收銀的態度極差，我好心提她是「精選車仔麵」，多說一句罷，反而擺出一副不耐煩的口臉…… 其實，今日心情還不錯的，而難得肯來到也想吃好點甚麼的，與其選擇「自選車仔麵」，亦即「三、四、五餸麵」，不如試試「精選車仔麵」，還標明「精選車仔麵，份量較多」！首先點了$8的粗麵、還有$8魚蛋、$11牛腩、當然少不了$7的豬血，再加一客$8的3條蒸腸粉。水吧煮麵的態度較好，會問我要甚麼醬，以及要不要辣。不過，看到一碗$34，標明「份量較多」的車仔麵，居然少得跟普通$28三餸麵差不多，好失望……至少，單賣一串8粒的魚蛋也是$8，而公仔麵的$8魚蛋竟只有4粒？$11的牛腩也只有3塊，惟獨是麵較多罷了。至於味道，腸粉其實很一般，不算得上滑，不過給花生醬也太吝嗇了吧，基本上吃不出有濃濃的花生醬香，豉油也

-魚肉碗仔翅OK-個姐姐見到有條魚肉跌左出黎小小就係甘用手撥反返入碗碗仔翅到,有點噁心-成個過程完全5想做生意甘,一路同其他人傾計之後連調味都5加比我,問都5問,直接蓋上膠蓋,叫佢加返就一臉5耐煩黑哂面-一碗碗仔翅5預期要好服務態度,但個價錢無包我食埋您GE黑面

又係見車就上系列，去咗樂富，行去地鐵站期間見到有咸有甜無乜人，衝入去買窮鬼主食，腸粉($8)及燒賣($8)，混醬放埋一齊，喜歡多芝麻醬，腸粉算滑、幾好咬口，配芝麻醬不錯；燒賣，是魚肉的，少少彈牙，無乜味，芝麻醬又發揮了其功效！

Stopped by randomly because I had a craving for MSG so mock sharks fin soup was the thing for me!!!!The staff were rather rude and snappy.Anyway, the soup was ok, full of MSG and I just liked the mix of sesame oil, red vinegar and white pepper mixed in the thick viscous soup which made it addictive. However the soup went watery after a few stirs.

中午時份見肚餓但又未想食lunch,諗住黎食少少野，點知就出事。買左個九蚊四件煎釀三寶，俾十蚊收銀，個女人指指下個收銀機，又唔出聲，完全唔知咩事，我話:"吓?"，竟然換黎一句，"下次講埋係咪係咪係度食，我喉嚨痛，出唔到聲!" 咁你而家又講到成句野!? 未食就要受你氣病就唔好返工啦！再講埋啲野食，凍冰冰已經扣哂分，魚肉好少，溝左好多粉，有蕃薯可以揀，但係冇魚肉係上面，你俾兩件我都冇用啦，難食到咁!一路食我一路諗點解唔去對面OK食燒賣，或者去m記食魚柳包冇咁嬲! 如果佢唔係位置好，執左好耐啦！當然，我真心希望會有啲有良心又好食既小食店取而代之，我個人係唔會再幫襯的

車仔面d沙爹汁好正雖然加左幾次價 15+到17再+到依家19今日都忍唔住買黎食個menu寫住 2餸面$ 19 *份量較多但係打開見d料重少過以前以前是滿滿的一碗完全唔值$19

想吃魚肉燒買...本想專賣小食的一定比便利店的好味，而他們5，6個電視牌都不停播放「燒買6元5粒」既畫面，就去cashier 畀錢，點知佢收我 8蚊，見到張單先知得6粒!!! 一問之下，收銀話:「個價錢改左好耐啦!」....以為8蚊得6粒既超貴魚肉燒買可能係會好好味，點知係冇味既粉團.....一次就夠!!!